泰廚房子 (德福廣場1期)

營業中

休息中

Went here for a catch up sesh with a friend. Servers were friendly. Food was not the most authentic but the ambiance is great and the company too! We had Tom Yum Koong (would recommend), Pad Thai (also would recommend). We ordered mixed greens but it's a bit too salty imo. For dessert, we had mango sticky rice, obviously, which is also very good but a bit expensive for the price and portion. Will I come back? Probably not. Still on the hunt for good Thai food. But it was reliable, quick and agai

下午茶揾咗間泰式嘅，因為有啲餓所以揀這間，佢哋啲下午茶餐比較飽肚，我叫咗青咖哩豬扒飯，及扎肉炒金邊粉，兩個食過都好好食，我飲泰式凍啡，但我得太過甜，唔多好飲，唔多似咖啡的。整體而言好食抵食的。

琴晚本來想試下新既餐廳抱住滿心期待咁入左去。然後嗌左個青咖哩雞,蝦餅,蒜蓉雞翼，點知個青咖哩雞黎到食兩啖發現啲肉未熟，即時好失望，而且其他嘢食都好難食！真係試一次就夠了

結論：大廚唔係泰國人德福廣場而家應該得呢間泰國菜，頭幾個月幾次於晚市路過，門口等位的都不少。今晚路過見到無咩人等，唔洗十分鐘入得，侍應親切有禮價錢與市面相約，但泰式風味欠奉，我會選擇去第二度食瑪莎曼咖哩牛肉偏甜，辣度低，入口有椰香，牛肉唔錯煮得淋，薯仔都粉，個汁勾左個重手生粉芡，碟菜上枱時見到佢有啫喱既動態泰式豬手飯配冬瓜湯中式滷水豬手vs泰式滷水豬手於口味上其中一個分別係---中式油膩感較重；泰式不會有咁多汁在碟上。底部有菜芯，成個感覺係中式。份量很足，但偏油膩，唔建議獨食。冬瓜湯有兩大件冬瓜，清清地，都係中湯感覺。沙嗲串燒（牛、雞）厚肉，乾得有啲嚡⋯⋯沙嗲醬還好，但都補救唔到啲肉質。冬蔭功哇，上枱睇到好似好正咁，用gas爐一路煲住⋯⋯當我飲落口，酸開盲既都開眼，我原本個碗裝左唔夠一半，我加左一半熱水先叫好啲，但都係酸。冬蔭功係泰國菜既必有菜式，一間泰國餐廳連基本野都失敗⋯⋯可以唔洗返轉頭試其他食物，或者你當中菜咁食都ok既⋯⋯

德福廣場食肆眾多，走到平台， 看到泰廚房子 裝修特別， 有一幅美麗的牆畫，樣子吸引～ 繁忙時間 ，唔使等位， 點知～ 😂跟閨蜜每人點一個餐，沙律小食點了 海帶沙律，炸春捲。 海帶沙律酸酸辣辣的很開胃 👌🏿 。 春捲一條， 赤裸裸的放在小碟內， 賣相很孤獨 😆海南雞飯配冬瓜湯 $85～ 閨蜜點的，樣子不錯 😊 油飯的份量頗大 食唔曬～紅咖哩雞肉撈米線 $68～ 米線淋淋的，紅咖哩偏椰汁味，欠咖哩香 😆 其實唔難食，不過唔會想再食 🤣🤣包飲品及一件小小的椰汁大菜糕，大菜不是我杯茶😂 。埋單有加一服務費， 這價錢有很多好選擇， 怪不得這麼靜了👋👋～飢 point : 3 / 10#hungermarch #飢詩 #非飢詩

琴晚打算等埋朋友食晚飯，咁係彩虹接佢諗唔到食咩，就醒起德福依個美食匯聚中心。其實都成9點幾架啦，睇住個水牌見到有泰國野就立刻衝去試。點知鑒於兩個人都係路痴，我地化左好多時間搵間鋪。注意間鋪係好多銀行個個平台到，係phase 1 mcdonald個層右邊有個岀口仔一落就見到架啦好開心去到啲人都食完，剩返啲傾計嘅人，好寧靜仲有依個壁畫，雖然收加一服務費，但價錢只係比九龍城個啲高少少就可以坐得舒服啲。依個泰式炒鮮蝦金邊粉 ($78) 好大份，建議唔好落曬啲辣粉，因為原本都好入味好香冬蔭公湯(小) $85小其實都夠2～3人食，加$18有一碗白飯，不過我地就冇叫到，都夠曬飽芒果糯米飯 $45其實其中一個食泰菜嘅目的係佢，不過就比預期細左啲，都係留返去九龍城食好～埋數每人120，都算可接受。下次經過諗唔到想食咩都會再食依間！不過多人食應該會平啲！

今日又係九龍灣開會,散會後經過徳福,我上次已經食過呢間見佢咁抵食,咁就黎多次啦 咁今次又係十一點左右入到去。不過今次冇叫西式早餐，叫左一個有粉麵既早餐。 。咁入面有煎蛋豬扒同多士。唯一唔同既係。今次有金邊粉(搞到我覺得上次叫西式早餐好似蝕左咁) 咁啲豬扒就正正常常啦😂，不過最估唔到個金邊粉咁大個(可能脹左)。。我一路食。。食左差唔多10-15分鐘都食唔唔晒食完。搞到我果日飽到4,5點😂最後飲埋佢杯香茅茶。就係一個完美既早餐😂

很久沒有寫食評了， 夜晚八點鐘不用排隊就選擇了這家，第一位招呼的職員感覺十分醒目。解釋第二輪客人都已訂台，只淨一張台便安排我們坐最近門口，經我們席間無聊研究過， 餐廳燈光雖然比較黑，呢張枱應該係全場最暗唔夠燈光，天耶睇餐牌點嘢食都有啲困難（年紀大了，眼唔好架喇）， 食物上枱手機先食，自動閃光燈一出，坐在臺最邊邊的睇到碟餸先至係最靚。 唔知係咪燈光嘅影響我覺得食味都好似爭啲 。大家睇相唔好見怪，因為燈光實在太黑。金邊粉，賣相頂瓜瓜，蛋網點綴得很美， 金邊粉無乜味道唔辣又唔甜，唯有用青檸汁撈辣汁搭夠。致命傷啲粉一餅餅一舊舊，"楊"唔散又篤唔散很矇矓，看得出是豬手嗎？ 呢個餸只可評價為有啲味道， 個人感覺分量比較少，豬手打橫瞓喺度砌開，感覺上好似好多，實質上係少件數。炸蝦餅質地很彈牙略嫌唔夠味道，仍是醬汁搭夠其他人推薦的串燒， 應該有的串燒味道，沒有其他特別。完全唔夠飽後加蒜蓉包 和炒飯。 由於炒飯漏單我哋趕住走炒飯冇影相了，黑蚊蚊都無心情影。蒜蓉包最平竟然有驚喜，脆卜卜軟林林好有蒜蓉味和芝麻香，熱辣辣乜都好食架喎。總結所有菜式都很淡口，泰國菜應該是重口味的嘛。

晚上6點去到叫左嘢食，叫左4個款食物、木瓜沙律、細冬陰公、鹽燒烏頭、炒通菜、同炒飯，沙律好快到可能前菜易整，之後果4樣吹左幾次都好似唔願黎咁。遲過我們入坐食客上菜超快同個類似經理既物體講，我坐左成個幾鐘食物都未到齊！個經理咪我話同你追，感覺態度愛理不理咁！其實冬陰公飲完之黎好口渴同好多渣。最後等到發火直頭同佢講埋單走。個經理即話好！我幫你取消啲單！我諗根我叫既菜係一路都冇整過，只係你等得就等心態。同埋叫2人餐既上菜係好快，散叫就彩你都傻！呢間餐廳係唔會再有下次！

首先條烏頭細條到可憐，仲要有陣雪腥味！加上個湯底淡到似溝左水既冬陰公味少少橙橙地色但無味既，裡面只有三片青檸，兩片苦瓜，幾片椰菜！其實第一次見人落苦瓜！連香茅都無支！莫講話肉碎⋯⋯最恐佈係同個伙計講下條魚好差都唔係諗住退因為都埋緊單啦，但佢居然仲話：唔係吖，你睇下好多人食喎！無人話有問題呀！加上一個不接受意見的模樣⋯⋯算了吧！算我倒楣！仲要等咗30分鐘，去完咁遠既洗手間返去都未有一個菜上，真心覺得$168蚊比個咁既明爐小腥魚真係太過份了

平時都唔寫食評，就係睇人寫果d食評，見呢間好評都算多就揀左呢間同家姐預祝生日，但結果完全唔係果回事，所以決定要寫我第一篇的食評。一家人訂左8點枱，去到點知佢岩岩俾左張枱另一家人，因為我地訂的時候講左會有bb車，點知walk in果家人咁岩又有bb車，d職員又無check booking同人數就以為係佢地book咗。好彩我地岩岩到就先轉番俾我地。服務態度方面:叫男經理幫我地成家影張相，俾完部電話佢之後，埋位未ready就已經影左，之後即刻俾番部電話我地就想走結果張相係濛哂的，無一個人的樣係睇到。麻煩佢影多一張，就一就影埋個bb (因為佢係bb車訓梗教) 點知又係一秒影完話「影唔到就唔到」就俾番電話我地態度非常差。食物質素方面:大部分食物都係麻麻地相都無點影。馬拉𥵃炒椰菜苗跟本唔係苗，係勁大塊菜葉泰式炒通菜炒得太咸咖哩炒蟹，蟹無問題，但咖哩好hea金邊粉，呢個無問題叫3個白飯，勁耐先黎問男經理有無漏單，又話無，但係見到我地追完單先即刻去拎俾我地。總結: 唔會再幫襯了，寧願俾貴d食其他餐廳的泰國野

為左同女朋友慶祝紀念日，咁就諗住食完晚餐去睇戲。咁事先買左metroplex戲飛，所以就去左呢間泰廚房子食晚餐。餐牌都幾多唔同選擇。最後我地就叫左沙嗲串燒、菠蘿蝦魷魚炒飯同埋泰式炒鮮蝦金邊粉。但等左半個鐘先有一碟野食，隔離台等到想走，個待應話原來廚房唔夠人手。泰式炒鮮蝦金邊粉味道唔錯，但略嫌d蝦細隻得制，但勝在味道搭救，不錯啦。沙嗲串燒有牛有雞，都燒得幾香口，d泰式幾好。個菠蘿炒飯就好一般，得d菠蘿好食。

從來未見過一間食肆衛生情況可以咁惡劣！！！真係仲衰過街邊檔！！！因為係家庭聚餐，所以叫服務生拿啲碟仔俾我哋share。第一次摞過嚟，大約5隻碟左右。結果全部碟上面都黏住啲乾左嘅類似扁意粉！已經嬲爆問有無搞錯。之後佢哋換左6/7隻新的碟俾我哋。結果啲碟上面都係黏住啲粉，有啲黏住啲飯！有啲仲有類似茄汁嘅跡！！真係火到嚟曬！！！之後佢地收左啲碟，換左啲碗俾我哋！結果部分碗上面依然黏住啲飯！！總共三次。啲服務業全程一句抱歉/唔好意思都無講過。仲眼見佢地將剛剛啲污糟的碟，拿紙巾擦走啲粉啊飯啊就咁放翻落個廚櫃。離曬譜噶咁污糟！太惡劣了！！！！！！

九龍灣隨著郵輪碼頭以及附近有多個新型屋村建成 人流同店舖都越來越多 需求都大了不少來到德福廣場 人流極之多 餐廳都遠比之前增加了尤其係平台位置 今日相約好友到德福食飯 發現左一間泰菜餐廳 見到有位就入左先講！！石屎外表 夠raw 幾鍾意 環境都幾適合食物傾計 個場唔會太光又唔會太暗感覺幾有空間感 樓底都相當之高 位同位之間又有頗大既空間 唔會迫迫夾夾點野食 都容易睇又簡潔湯飯 粉麵 炒飯 選擇都相當充足 可以配合到不同需要既食客好可惜 秋葵水賣晒 未能夠品嚐一下係咩味道有機會既話都要試一試 賣清都一定唔會太差啦！馬拉盞炒椰菜苗 $72出街其實好少會食菜 始終無咩特別又唔化算但我去到泰國餐廳就一定會點菜食因為佢實有馬拉盞炒菜 無論係咩菜都好 都會煥然一新 變成美食！！而家時間食椰菜苗就最穩陣 果然無失望 嫩口又爽脆 KK炒飯 $78精緻外表 亦見內涵用蛋整成網再用黎包裹住炒飯 心思細膩炒飯以茄汁配以蝦肉雞肉等用料炒成米飯粒粒分明 食落彈牙有鑊氣 有水準！！燒烏頭 $128泰式燒魚 惹味又出色 淨係睇個外觀都好吸引 炭火燒成 氣味寧舍吸引加上烏頭啖啖肉 黃油氣而滑 新鮮烏頭先有既特色泰辣汁

今日去九龍灣開會。平時一般都會開到12點啦。點知班上大人1030左右就放左人。咁肚仔餓。就係徳福四圍搵嘢食。咁見到有間泰國嘢仲有早餐賣(因為近11點)。就中左入去。 入到去。。待應都好禮貌咁送上餐牌。之後我見到有西式早餐。。就即刻叫黎試下。 送到面前。俾塊豬扒嚇親。好似面咁大塊😧佢仲配上多士同炒旦添。。味道正正常常啦。但塊豬扒真係幾大塊。同抵食。39蚊 食完都飽住走