泰屋

營業中

休息中

泰屋好泰國風味環境好舒適泰式生蝦刺身一上來便被它的擺盤吸引，各玻璃杯都都放上鮮蝦、香葉、辣椒及蒜頭，下面有冰塊，附上泰式酸辣醬汁，中蝦厚身，肉質爽口彈牙。泰式炸魚餅魚餅厚厚的，炸的剛剛好，一口咬下來，有香葉在裡面，泰式風味滿滿，附有泰式雞醬，沾一點更好吃。馬拉盞海鮮炒金邊粉必選炒粉麵之一，炒得很有火喉，金邊粉炒得乾爽分明，麵條彈牙有香味，海鮮配料多多，串燒沙爹 牛 豬有豬與牛兩款串燒，燒烤手法不錯，不會燒得太久變硬，在旁邊的沙嗲醬調得很好，不咸但有香料味道，能突出串燒的燒肉味道。📍泰屋 Sawadee Thai旺角彌敦道726號2樓

星期日想食好少少，慰勞努力工作一週的自己，選擇了位於旺角的泰屋，交通方便，一出地鐵就見到。呢度環境舒適，佈置以綠色為主題，有些植物裝飾，十分清新。先來個金柚鮮蝦沙律，味道清新，十分開胃。炒金邊粉幾有鑊氣，有很多隻大蝦好足料。最中意燒鱔串，一客三串，每串都好有份量，鱔肉大大舊，好有口感。沙爹串燒都好好味，燒得剛剛好，唔會太乾，保留應有肉汁，夠juicy!食完肉又食下菜，青咖哩雜菜好惹味，咖哩汁撈飯食埋。肉鬆茄子好香口惹味，很快就清曬。甜品選擇了鮮雜果黑珍珠涼粉，冰冰涼涼，又唔會太heavy，食完好滿足。呢度幾岩家庭聚餐，下次可以再黎!

【泰菜之夜】今晚約埋屋企人去旺角的泰屋開餐，呢度位置方便，又坐得舒服。大家都肚子餓了，叫了很多菜式分享，好豐富。♥️串燒白鱔 $148燒得香脆，點些酸辣汁食非常美味，鱔夠厚身又爽。♥️青咖哩雜菜 $72青咖哩少少辣，西蘭花、四季豆及紅蘿蔔入味。♥️串燒沙爹 $85半打選了牛及豬，好大串，啖啖肉，沙爹醬甜甜辣辣惹味。♥️乾炒泰式蛋包金邊粉 $88賣相好令，份量都幾多，有很多蝦，爽口。♥️泰國金柚鮮蝦沙律 $98每次食泰國菜必點，味道清新，金柚夠清甜，好開胃。♥️香葉肉碎炒茄子 $78非常香口，好送飯的菜式。♥️泰式鹹青檸七喜 $33解渴解辣一流，好fresh♥️蜜糖雞中翼 $62為女女而點，她話好好味，一個人食左5隻。♥️鮮雜果黑珍珠涼粉 $30小朋友最愛七彩繽紛的甜品，女女大愛。

6:30 去到無乜吾洗排隊，7點開始人多，坐滿哂人。張枱比較細，擺吾到幾多野食。 【迷你小食拼盤】（蝦餅/魚餅/素春卷，任選兩款）$82揀左魚餅同蝦餅，魚餅好juicy，炸到熱辣辣又香脆。【泰國金柚鮮蝦沙律】$98帶點甘澀且滑甜既柚子肉，結合埋甜甜濃縮嘅椰漿sauce，成個味道好balance，【冬蔭功海鮮湯粉】$78呢個辣到酸度剛剛好，吾係好食辣既人，味道夠哂濃厚好正，不過就好多渣。【馬拉盞海鮮炒河】$88有魷魚、青口、蝦，再加埋加左醬油炒到勁香既蛋，河粉又煙韌，成碟野勁有鍋氣。

朋友想食泰國菜，我地就前一日book左呢間餐廳，我地大概7點半左右到達，好彩有book定枱，一開𨋢門已經坐無虛席。我地一共點左4個餸，首先系小食珍寶拼盤+生菜包雞翼(芝麻好香)、炸蝦餅(蝦好彈牙 可口)、素春卷(春卷餡好豐富 鬆脆)、炸魚餅(有芫茜 但唔難入口 本人十分抗拒芫茜都可以食到)。沙嗲串燒，揀左豬+雞(肉質好滑、好入味、燒得岩岩好，而且肉唔會痴住竹籤）泰式炒金邊粉一睇賣相好吸引，通常其他泰國餐廳出品嘅炒金邊粉都系一pat pat，但呢間餐廳完全無呢個問題，加上佢用蛋包住，食落有蛋香，而且蛋炒得唔老，金邊粉唔會好淋，蝦好彈牙 新鮮。總括而言，呢間餐廳食物好味，價錢又唔算貴，值得一試。

今日突然想食泰國菜，上網睇到呢間咁多讚，一於嚟試下，唔嚟到都唔知原來呢度成棟大廈都係食肆，真係發現新大陸。上到嚟環境都幾舒服，順帶一提佢連廁所都花過心思，係泰式裝修。今晚我最欣賞嘅係佢個冬陰公湯，佢因應香港人口味調左個辣度，但係酸度甜度都做得好好，而且冇咁辣令個湯更易入口，香料都好足，好好飲。而佢隻大蝦仲環係有膏嘅，好甜👍🏼🤤然後就係佢個馬拉盞椰菜苗，椰菜苗唔係度度有，要真係椰菜苗咁嫩更加唔係次次中，但佢啲菜苗夠嫩，好食。跟住佢個生菜包都唔錯，份量好多，只係比較偏重左個辣味而唔夠香，比較淡，如果可以咸多小小會仲正。最後仲有個鹽燒鱸魚，可能因為地方所限，佢似乎唔係生燒，而係蒸熟左先燒，所以肉質唔夠滑，但係香料都好足，夠香。而我覺得食泰式燒魚嘅精髓係個泰式辣汁，佢呢個差左個青檸，如果加埋會更加fresh更加好味。飲品嗌左杯椰汁冰，好重椰奶味，好香，甜度岩岩好。👍🏼

星期六出黎旺角食中午，去TOP行街之餘就黎左726呢棟食肆既大廈搵食。今日就揀去2樓既泰屋，貪佢啲lunch set 平平地😂上到去地方都還好，雖然唔係好大但座位都闊落，大窗邊所以好光猛，令人感覺精神啲。難得佢星期六都有set lunch🍱仲要唔駛加一，普遍既餐都係50-60蚊，好抵呀揀左炒金邊粉同炒公仔麵，落左單好快就先上例湯🍲估唔到唔駛加一既套餐仲有埋湯！奶白色既椰汁🥥雞湯，飲落又幾重酸甜味，又有香茅味，雞味就唔係好重，你可以幻想係唔辣既冬蔭功，仲有啲菇同香茅，夏天飲好適宜，又開胃醒胃！餐飲叫左凍檸茶，加3蚊好合理。炒金邊粉好多海鮮🦐🦑🐟，而且份量都好夠，有埋基本配料好似香茅同花生🥜碎咁，食落有鑊氣又唔太油，大大碟又好食，唔怪得我地見每一枱都叫😂炒公仔麵同樣份量巨大，配菜十足，有粟米仔、椰菜蘿蔔等🥕🌽🥬我揀左豬扒🐷，幾碗好煎好既豬扒一齊炒好惹味！不過由於佢落左辣椒🌶️，所以個公仔麵都有啲辣😚🤪怕辣既就要小心由於咁抵食，所以加多個馬拉盞炒通菜，足料又好味，賣單都係160兩個人，抵食又舒適😋性價比高👍🏼

今次我地揀左去旺角食泰國菜，726彌敦道成幢大廈都好多食肆，又近地鐵站，好易搵一開𨋢已經係餐廳，地方都幾寬敞，樓底都高，餐廳內亦都有不少既泰式擺設同佈置一黎就叫個生蝦刺身試下先，蝦爽口彈牙，生蝦刺身夠新鮮就無敵，配埋個生蝦辣汁，絕配青木瓜沙律，青木瓜好爽口，成碟個味辣辣地好清新既感覺泰國金柚鮮蝦沙律，金柚好清甜，加埋個泰式沙律汁同炸蒜，甜甜辣辣，作為前菜好醒胃泰式珍寶拼盆有蝦餅，魚餅，素春卷同雞中翼，蝦餅外皮脆脆的，魚餅有陣好香既檸檬葉味，點埋泰色辣醬，好惹味炭燒豬頸肉醃得好入味，肉質燒得岩岩好，好嫩又好食菠蘿什菜炒飯，塞到滿滿的，材料十足，好夠飽馬拉盞海鮮炒河，雖然個賣相一般，但味道係不錯的，馬拉盞既配搭好少會失手食泰國野點少得叫芒果糯米飯，芒果清甜但偏細同略嫌椰漿太多，都算不錯既旺角黎講呢間泰國菜都算不錯，不過都幾多人，記住訂定位食就唔洗等位啦

餐廳位置相當方便，旺角站一行2分鐘就到👍.咁我叫左三樣野食，包括生蝦同咖喱炒飯蜆，而佢有一味餸係相當驚喜，好推介比大家，佢叫🦐椰汁海鮮湯，相信好多人去泰國餐廳都必點冬陰功湯，但呢間大家可以叫椰汁海鮮湯，佢味道都好似冬陰功湯，酸酸辣辣，香矛味淡好多，椰汁味都好淡，我諗佢個椰汁係釣左其他味道更出，令成碗湯甜啲，加上佢用嘅海鮮唔係雪藏包，裡面嘅蝦同魷魚都有味，唔似其他咁成陣雪味同雪到咩味都冇，相信大家食完都會好中意🙂

突然邀請朋友食飯 最後揀咗好耐就嚟咗泰屋， 去到時候第一個印象地方比較細， 但最喜出望外的是食物非常好味 我哋叫咗個 咖哩蝦，蝦都是其次，重點是個泰國咖哩汁 非常之好食，辣度剛剛好， 非常適合香港人口味。 之後就叫我最喜歡的馬拉盞通菜， 同其他舖頭的通菜不一樣， 油利情況同辣度都控制得好好， 不會太油， 最後就是叫了一個椰汁雞湯， 又酸又辣， 非常之開胃。

呢排收工行旺角條路無以前咁迫多左黎旺角食飯，今次嚟咗旺角食泰國菜幾出名嘅泰屋。點咗以下:馬拉盞炒通菜 通菜幾大碟，啲葉又青又綠，雖然唔算好嫩，不過馬拉盞好惹味最後都係成碟清晒。原個菠蘿海鮮炒飯 係好大個既原個菠蘿上。有好多餸，有大蝦2隻，好爽。青口仔2隻，魷魚2塊，好腍。飯底都好香咖哩味，炒得好香噴噴。特色軟殼蟹 好大碟。軟殼蟹外層嘅炸粉漿好香好脆。食得出係即炸嘅我呢碟。泰國椰青 Size好大個，夠凍好清甜。椰汁西米糕意料之外幾好食，椰汁味好濃，甜蜜蜜。

約了朋友去旺角食晚飯，就揀了這間泰國菜。有幾款套餐，但兩個人都是散叫化算。本來叫了半打泰式沙嗲牛及豬，但最後就比了豬及雞，都無所謂啦，一樣照食，串燒即叫即燒，表面帶焦香，雞肉比豬肉最出色，既香又嫩滑，沙嗲醬又惹味。之後要了條魚，想要烏頭但缺貨，所以就要了鹽燒鱸魚，原條即燒鱸魚，足足等到最後才上，鱸魚差不多有我手臂長，燒至皮肉分離，裏面夾著些香茅等泰式香料，去掉魚腥味，所以魚肉有淡淡香料清香，而且保留了肉汁，魚肉不乾又嫩滑。另外要了泰式濕炒河，河粉表面舖滿了雜菜及牛肉，幾乎配料還多過河粉，河粉是用了粗身，爽口不腍。最後食埋個四式甜品，有千層糕、芋頭糕、大菜糕及椰汁糕，本身我唔食芋頭，但這個芋頭糕絕對有驚喜，既香又不會太甜，而且熱辣辣蒸起，絕對要試。

突然想食泰國野，但係自己一個又唔食太多，不過又想食下泰國野～所以我去了泰屋，因為之前已來過，覺得不錯，想再一再回味～點了店員向我推的泰屋三星炒飯 $88哎喲超大份的，一人吃不完但真的很好吃，看似簡單的炒飯，包含了多款材料，然後飯又QQ的，推薦大家來吃可以點。印度油酥餅 $35油酥餅不會太乾，是有一點點油油的，如果有點咖哩可以蘸點一起吃。三色冰 $33椰奶加上不同甜甜顆粒帶給你幸福感覺如果下次再來的話，會帶更多朋友來，一起分享美食～

之前係Openrice見到呢間泰菜就已經好想試😆今日終於約左朋友一齊食😋7點領8點去到，唔使等就可以直接入座一打開餐牌，朋友就話要試個椰盅飯個飯椰漿味都幾濃，幾好食叫左個細既拼盤（有雞翼、蝦餅、魚餅同春卷）每款有4件，我地就岩岩好一人一件唔使爭😝我地仲叫左半打串燒、馬拉盞炒通菜、冬蔭公湯同豬肉炒粉絲🍴🍴個菜炒得好入味，正再加埋一人一杯凍飲🥤埋單每人都係百領蚊，下次黎可以試埋其他野食

放工後難得約到朋友聚一聚，想食d東南亞野，係旺角搵左泰屋食飯。地方光猛，坐得唔錯，一開始6:30有幾枱客去到8點幾走個陣逼爆要排隊等位 就知呢度幾受歡迎。前菜小食叫左泰式炸魚餅（$72），金黃炸脆表面入面啖啖蝦肉，配酸甜醬，好好食好開胃。菜方面要左馬拉盞炒通菜（$72），份量好大，兩個女仔食極都仲有。熱辣辣足炒氣，通菜都好新鮮，跟馬拉盞咸咸地，令我呢位食肉獸都欲罷不能！肉方面叫左黃咖哩羊腩（$88）。羊腩味微輕，一開始以為係牛腩，不過勝左份量好大，羊腩肉身諗，非常惹味。飯叫左泰屋三星炒飯（$88），份量真係大到食到頂唔順，足料海鮮加酸酸地既菠蘿粒，大滿足呀！不過可能太濃味，蓋過左本身飯既味道，感覺有d淡。最尾甜品叫左四式甜品碟（$40），有四款泰式糕點，分別係：椰汁西米糕、千層糕、芋頭糕同蛋菜糕。椰汁糕香味濃郁，下面粒粒西米口感一流。啲糕點除左椰汁糕之外都係有兩件，方便share，而且超飽肚。咁多野食，埋單都係400蚊有找，抵食呀！唔怪得知全場滿座！