泰屋

營業中

休息中

泰屋坐落於旺角的旺區，今日放假來到旺角，心思思想食泰菜。上到2樓，見到非常多人等位，餐廳門口經已感覺到泰國的特色風情，裏面經已滿座。menu非常多款式。冬陰功明爐烏頭$178冬陰功明爐魚烏頭，面上有大量的配料遮蓋了烏頭，配料有香茅、紅蘿蔔、草菇、檸檬及秀珍菇，當然有南薑、芫茜、蔥、檸檬葉等，冬陰功味味道頗入味，帶少少酸辣，頗惹味。烏頭一邊滾一邊食，夾點配菜一齊食，是非常有特色的泰菜。馬拉盞炒西蘭花$72西蘭花有紅蘿蔔、粟米仔及粟米芯，原來馬拉盞配炒西蘭花也都很入味，又夠爽口，炒得很美味。醃酸辣鳳爪$78泰式鳳爪，鳳爪非常爽口及有口感，醃得很入味，有洋蔥、芹菜、芫茜蔥及車厘茄，酸酸辣辣，惹味非常。凍檸樂$28冰冰涼涼的凍檸樂，為美味泰菜更添美味。

平日都甘鐘意食嘢既我，假期就更加要食啦，我之前係呢條街經過見到排傳單，原來呢幢大廈好多食肆，泰國菜係其中一間，好耐無食又食下泰國菜。地方大，環境舒適，坐位寛闊，仲有大玻璃窗睇街景，真係唔錯👍👍👍👍😬望見餐牌，樣樣都想食食泰菜，明爐烏頭必食，大大條烏頭魚，配上菇，紹菜，芹菜，粉絲.一一一等等，滋味😋加埋個點魚既醬仲好味黃咖哩羊腩，泰式煮法，黃咖哩夠香夠味，羊腩炇得又夠腍又入味😋原個菠蘿海鮮炒飯，飯炒得香，啖啖菠蘿肉，海鮮又足料，大大隻🦐，鮮尤同青口，奭口又好食✌️😋食完留反張單下次去食仲有九折，認真抵食，直得再去😊

同個朋友2個人平日去都要打電話訂位先唔使等咁耐。book咗8點，7點11左右上到去等咗10分鐘左右就有張2人枱。嗌咗生蝦，串燒，農夫包仲有一樣但唔記得咗再嗌咗2杯野飲。2個人食係有啲多，但同朋友都只係食淨幾舊包。啲野食味道都ok，但上菜有啲慢。喺旺角嚟計都ok

雖然已經食過泰屋幾次（lunch & dinner) ，今次都係第一次留食評 🥴 餐廳係旺角726（成棟大廈有好多餐廳），位置方便，而且水準穩定，價錢又相宜，而且坐得舒服，係我泰國餐廳list頭幾名！之前黎食過泰式炒金邊粉、青木瓜沙律、炭燒豬頸肉等，是日就換下口味 🤪1. 泰國椰青、泰國象啤💭椰青水好清甜，而且果肉好嫩好易挖！💭Chang口感比較重，同時帶少少甜，幾夾食酸辣味食物2. 飛天炒通菜💭食泰菜邊點😂 💭份量好大好抵，雖然有辣椒絲，但唔算辣💭通菜青嫩爽口3. 蜜糖雞中翼💭雞翼表層塗滿蜜糖，加埋泰式甜酸醬好正！4. 醃酸辣鳳爪💭鳳爪同沙律（蔥/洋蔥/蕃茄仔等）比例一半半，微辣，岩哂鍾意食洋蔥沙律嘅朋友5. 海南雞飯💭雞肉肉質偏實，有走地雞果種咬口💭雞肉下層係蔬菜：西蘭花、椰菜花、青豆、紅蘿蔔💭油飯帶有薑味，偏乾身不油膩雖然是日冇叫甜品，但泰屋嘅芒果糯米飯真係要試！

三個女仔book左18:00pm食晚飯（Sunday）所以坐低無耐都開始爆場！生蝦Ok！野飲都ok！豬頸肉係燒得唔夠香ja，但都ok！唔食果隻霉嘅蝦其實ok的！炒椰菜苗.........我相信佢唔係苗係老年椰菜蒜蓉包～咸！嗌左個咖哩大頭蝦.....um......我唔會再食，D蝦唔新鮮，個咖哩都無咖哩味，E個價值唔值食E D野。我本人對芒果糯米飯就比較執著，但E個係我近日食過最好食嘅一個，因為間間泰國野質素都好唔同。

這間泰屋的門口放滿很多泰國特式的擺設，裝修得簡單整潔，午市餐牌選擇多，價錢實惠，份量足，仲要免加一服務費。我選了海南雞，可選白飯或油飯，我當然選了油飯，雖然油香味不太突出，但飯粒分明，海南雞嫩滑，色澤油潤，配上薑蓉和辣醬，更惹味。另外點了泰式咸魚肉碎茄子飯，賣相很有屋企煮的感覺，這是一個很好送飯的，本身有金不換，有魚露已經很惹味，現在還加了咸魚粒，更多了一份咸香味，整得不太油膩。每個午餐更奉送餐湯及餐飲，我好欣賞他們的奶茶，又滑又好香茶味

旺角多野食不過就竟然唔知尼棟大廈有咁多餐廳查一查先知於是黎試下尼個泰國餐廳先約左朋友630尚早得兩張枱環境靚又舒服叫左炒雜菜豬肉炒粉份量好夠兩個女仔都食唔哂味道又好又叫左冬蔭公湯味道正宗👍🏻👍🏻好食我仲叫左椰汁冰好味正宗真係好滿足

我一向對泰國菜都情有獨鍾，今天和朋友來到旺角的「泰屋」，雖然是樓上鋪，但人流卻是絡繹不絕，臨走時，還見到一大班人在等位，可見口碑實在不錯。《原個菠蘿海鮮炒飯》$98很久以前，上世紀九十年代，人們食泰國菜總會叫泰式菠蘿炒飯，因為一個菠蘿放在面前，感覺實在有趣。而我也不例外，食泰國菜必叫菠蘿炒飯。很喜歡菠蘿肉混合提子粒，肉鬆，腰果和飯一齊食，又酸又甜又香口的感覺，還有鮮蝦、魷魚、雞肉，滿滿的一大盆，見到已讓人垂涎欲滴。《泰式蛋包金邊粉伴蝦》$88賣相很靚，蛋絲好像一個籃子，把金邊粉包住，金邊粉幼滑，裡面藏著幾隻大蝦，甜甜的很好吃。《泰國甘油鮮蝦沙律》$98 柚子沙律清新醒胃《迷你小食雙拼魚餅/素春卷》$82春卷香脆不油膩，魚餅彈牙，兩款都令人欲罷不能《蒜蓉包》4件 $36 牛油香味十足，蒜蓉惹味這頓飯很回味呀！怪不得餐廳坐無虛席，食完要努力運動，為下一次的美食做足準備。

今日去咗太子呢一間樓上嘅泰國菜食午餐，我哋係比樓下免費添飲嘅字眼吸引左上嚟嘅，諗住可以坐低飲吓嘢，慢慢食。呢度嘅下午茶寫住係無限添飲，所以我哋就叫咗一個炒貴刁，餐飲就飲凍檸茶。呢度嘅食物質素其實都唔錯，炒貴刁味道都幾惹，而且材料都幾多，如果真係計食物質素，呢度都值得一食。不過，原來呢度嘅免費添飲係只限熱飲，如果係好似我咁飲凍檸茶，要添飲嘅話就會杯要加$3 ，感覺上有少少俾人誤導左咁，樓下見到既免費原來係要加$3。另外，呢度嘅服務態度都有待改善，店員喺店內會大聲講粗口，而且對顧客嘅服務態度都非常之一般。

就嚟放大假，心情特別興奮。 相約友人去旺角食泰國菜。地點甚方便，旺角地鐵站B3出口3分鐘到。6:30到了餐廳，安排坐靠窗圓枱 ，夠舒適寬敞。望望餐牌先🔸️泰國金柚鮮蝦沙律$98柚子新鮮，肉嫩多汁，夠fresh,個人特別喜歡唔會辣，蝦肉鮮嫩。🔸️炭燒 豬頸肉$45燒得外皮略帶焦香脆脆的，有些香茅味，入面肉質保持嫩滑，配點酸辣sauce好好味，有驚喜，高CP值🔸️馬拉盞 炒通菜$72有鑊氣嘅小炒，馬拉盞嘅咸鮮香氣好惹味，通菜依然保持綠，要炒出咁水準要火候夠和炒得快，油要夠。🔸️印度油酥餅$36唔油帶牛油味🔸️鮮芒糯米飯$48最後上甜品，泰國最出名當然係芒果糯米飯，見到盤上的熱氣徐徐上升，椰子油香撲鼻而來。有黑白米各一半，好好味，芒果夠甜~

岩岩去完 泰國翻黎姐 又掛住泰國菜啦 🤣🤣 真系愛上左囉 約朋友一齊去囉 ！！嘻嘻嘻 。 🦀🦀泰式炒蟹🦀🦀 ( 香茅蒜蓉爆炒 ) $348 一上到黎賣相幾霸氣 好大碟 滿到跌晒咁滯😋😋 有大量既炸香茅 蒜蓉 香味十足 仲有腰果添喎 呢隻系大蟹黎架 食落啖啖都系肉肉呀 特別係個蟹鉗 夠大隻整開超多肉啊 又鮮甜 又香 炒得夠鑊氣食五停口！！飛天炒通菜 $72 🥬🥬 食泰國菜必點 通菜好嫩身 炒得岩岩好 帶少少辣 好正 椰汁冰🥥 滿滿濃郁嘅椰子香 同 椰子味 睇落普普通通其實幾好飲 ！！

一直鍾意食泰國野既我~~今日勁想食菠蘿炒飯收工之後一於約同事一齊去食啦！！為菠蘿炒飯而約 GoGoGo ~~~- 泰式牛腩湯河 🍴真係估唔到會咁大碗架！ ！ 牛腩件件都大大舊👅👅 軟而不爛 連埋d牛汁一齊 真心正唷朋友今日有少少感冒清清地食而個係個唔錯既選擇喔！-菠蘿炒飯 💕終於食到啦極級正啊！ ！ 一上枱就已經流囇口水了蝦超級大隻~~~飯炒到粒粒分明再連埋d腰果同肉松一齊食yummy yummy ~ ~ - 飛天通菜 👅為左健康點都要食個菜既 泰國必食架！ 辣辣地 又幾唔錯~

旺角呢間泰屋真係不得了, 次次經過都非常多人, 今日終於有機會同男朋友試試看旺角 Sawadee泰!現場環境一如以往嘅多人, 好彩只係等咗十分鐘, gogogo.雖然餐廳比較現代的裝修, 但竟然有一個像酒吧的水吧物體, 特別時尚同男朋友兩個窮光蛋未有叫佢哋主打嘅泰式菜式, 特登來試試其他款式,超好味冬陰功湯, 真係唔錯唔錯, 味道鮮甜餸菜多, 食到叫聲一籮籮小梅子愛的橙味軟殼蟹, 味道刺激第一次擁有, 創新鮮甜美味, 令你一試永不放棄 (押韻自己也笑了)可是味道有點甜, 建議可以叫佢小甜囉, 值得一試再來的就是海鮮雜錦, 很有鑊氣, 不錯不錯整體而言, 個人覺得價錢非常合理, 一家大細親戚朋友坐低傾計食飯非常值得, 帶鮮橙味的軟殼蟹新鮮美味但係有點甜, 蟹料理也是秋季最應景的!  環境非常舒適, 下次會再來, 推介

前兩日同屋企人去行旺角，見到旺角度嗰邊有間商業大廈樓下咁多人排隊嘅⋯原來呢幢商業大廈有好多唔同嘅餐廳，啲人係排隊搭𨋢上去。見咁多人排，應該唔會有伏，一於搵間試吓先。最後試咗2樓依間「泰屋」，估唔到上到去地方又幾大幾靚個喎，應該都容納到6，70人。睇睇餐牌，都有幾多選擇，價錢又唔算貴，最後我哋三個人，分別點左一碟炸蝦餅，星州咖喱牛筋腩，馬拉盞通菜，同原個菠蘿炒飯。炸蝦餅- 開咗邊後，一碟其實有八舊，新鮮炸起熱辣辣，蝦肉入口好彈牙，係必叫嘅小食之一馬拉盞炒通菜 - 炒得夠晒鑊氣，通菜食落索聲，正！星洲咖喱牛筋腩 - 估唔到$98 ，碟頭會咁大碟！我哋三個人一齊食都食唔晒，比較特別嘅係佢牛腩牛筋嘅整法，佢會用生粉包住炸左先，所以食落口除咗濃濃嘅咖喱味外，同時仲食到牛腩嘅鮮味！好有新意！最後，食泰國嘢梗係唔少得菠蘿炒飯啦！叫多兩杯沙冰一齊飲，爽呀！

朋友生日 想食泰菜 地點選擇大家都方便既旺角-泰屋正值晚市 搭lift 條隊好長龍上左去既朋友建議行樓梯多人自然可以嗌多d 款式野食頭盤 先叫個 金柚鮮蝦沙律 酸酸 Mei Mei醒神開胃 飯就叫原個椰盎海鮮焗飯 呢個真係第一次食 幾特別魚係我既至愛農夫包咖哩軟殼蟹 麪包好鬆軟 咖哩都好香飽肚之選炭燒豬頸肉多汁芒果飯就泰國好味d 🤪