泰屋

營業中

休息中

天氣凍凍地，好想食下泰國既辣野，飲碗冬陰公湯添。就係附近搵下有無泰國菜食先。記得呢棟大厦好多野食，真係有間食泰國菜喎！🇹🇭就一於揀呢間啦！上到去環境都唔錯喎，夠哂大間又闊落，坐得夠舒服。野食都好多選擇，價錢又唔會話好貴喎！呢度既冬陰公可以叫二人份量😋😋太好喇！份量剛好，可以留肚食其他野。個湯好多料，有大大隻蝦，仲有好多膏添！令到個湯好夠鮮味，又辣辣地好開胃暖身。炭燒豬頸肉🐖燒到夠哂香，唔會話好乾身，肉質juicy.沾少少燒汁醬更加好味。都幾大份。泰式酸辣無骨鳳爪辣度剛好，而且夠哂入味呀。食落好開胃惹味。馬拉盞炒芥蘭🌶碟菜炒到好香，又帶點辣辣地。芥蘭夠新鮮爽脆，食落好解膩。幾鐘意食！牛肉湯河粉個size都幾大，建議兩人share食個湯好濃味，用左香葉洋蔥牛肉汁等調味，令到河粉夠哂味道香濃。牛肉食落都幾重牛味煙韌，唔錯喎！

放工去左太子剪頭髮，想起食泰國菜的泰屋就在附近，之前食過佢地D串燒好好味，剪完髮就叫埋老公一齊再去回味一下。原個椰盅海鮮焗飯：份量不少，奶白色的椰漿充滿椰香又甜美，海鮮材料有大大隻青口、蝦仁、魷魚，都是爽口彈牙，飯是加入三色豆炒過，比較香口，伴均勻椰漿一齊食，香甜美味！海南雞半隻：雞已去骨啖啖肉，雞皮爽口，肉質嫩滑，配有海南雞醬汁，味道辣辣地，可以提升雞味，如果不食辣，可以點薑蓉，咸咸地有薑的香味。油飯：食海南雞配返碗油飯才完美，飯粒粒分明，軟硬適中，又香又夠味！泰式沙嗲(豬、雞)：大大串好抵食，火喉控制得佷好，燒得夠香又入味，肉質鮮嫩，沙嗲醬汁是自家調製，特別好味，令串燒味道提升不少。

太久沒去泰國，想起泰菜有點嘴饞，朋友介紹泰屋，說價錢親民，出品唔錯，這樣當然要試試啦。青木瓜沙律木瓜絲爽脆，混合了花生碎，辣椒絲，洋蔥絲，芽菜，長豆角，青檸汁，糖，魚露等調味醬，開胃又好吃，但朋友就覺得有點辣。醃肉碎生菜包豬肉碎用上青檸汁，紅蔥頭，九層塔和少許辣椒絲一起炒熟。吃的時候用新鮮的生菜包裹著吃，健康又美味。乾咖哩軟殼蟹餐廳推介， 數隻軟殼蟹用上脆漿炸後，在與黃咖哩一同翻炒。軟殼蟹雖然沒有肉蟹那麼鮮甜，但勝在食用時方便，完全不用玷污雙手。

今晚同幾個朋友試左呢間喺旺角彌敦道嘅泰屋💁🏻‍♀️📍位置非常方便, 餐廳裝修幾有泰國風味, 而且格局闊落, 枱同枱之間唔會太近, 好啱一班朋友傾計食飯~~-頭盤▫️冬陰功鮮蝦湯🍲唔會太辣, 啲蝦好新鮮🦐-主菜▫️紅咖喱雞配法式蒜蓉包🥖個蒜蓉包整超級脆都好香, 點埋紅咖喱, 好味到encore多客蒜蓉包😂-另外試左個辣椒膏炒花甲, 啲花甲好肥美😌仲叫左個鐵板蠔仔煎蛋, 因為用鐵板上, 所以黎到枱面仲係熱辣辣出緊煙, 好夠鑊氣又香口❗️炒埋碟馬拉盞椰菜苗已經好飽🐷因為佢哋啲餸碟頭都幾大~~-雖然好飽, 但我地都係唔放過要試埋甜品🙉叫左一客芒果糯米飯share, 值得一讃佢地用左紫色同白色2️⃣隻糯米mixe埋整, 所以有2種唔同口感, 同埋係熱上嘅, 食完暖立立好滿足☺️-依度坐得舒服, 價錢抵食, 下次都會再嚟食😋

最近去咗喺旺角嘅泰屋食飯，顧名思義佢梗係食泰國嘢㗎啦，佢哋嘅價錢幾實惠，份量都唔細，幾抵食我哋就叫咗冬陰公鮮蝦湯，佢有分大同埋細兩個size，我哋就叫咗細，分出嚟都有三至四碗另外叫咗個泰國馬拉盞炒椰菜苖，個菜炒得好香好夠鑊氣，馬拉盞嘅鹹香真係好好食另外叫咗個辣椒膏炒花甲，啲花甲真係好大隻呀，個辣椒膏醬汁仲好好味添食泰國嘢有點少得咖喱呢，我哋就叫咗個紅咖喱雞配蒜蓉法包，法包上邊嘅蒜蓉又多又香，點啊紅咖喱汁好正啊另外仲叫咗個清邁鐵板蠔仔蛋，啲蠔仔都幾大隻仲要好多，好似唔駛錢咁最後甜品就叫咗個先芒果糯米飯，佢哋嘅糯米飯用咗白糯米同埋紫糯米，一次過食到兩種味道同埋口感，大滿足

去到旺角想食泰國嘢就上網搜尋吓有咩好食，見到呢間評語都唔錯就去試吓！七點左右去到雖然無訂位但都好快俾人帶入座位，環境睇落都整潔，而且好快就有菜單睇因為我地都好肚餓所以打算叫兩個主菜，首先叫左個泰式豬頸肉炒飯同軟殼蟹咖喱農夫包！因為我同行既朋友唔太食得辣，所以就無叫到冬陰公湯，首先上菜嘅係豬頸肉炒飯，首先上菜速度都好快，5分鐘左右就已經有得食，而且肉嘅份量都好多，上菜嘅時候都熱辣辣證明佢係即叫即炒但問題就係之後個咖喱爆好耐都冇上菜，追問之下先發現原來佢哋落錯單，最後等左半個鐘先有得食其實佢份量都好大，呢一點係值得讚嘅但係我嫌個包烤得唔夠脆，而且咖喱都偏鹹，頭三四啖都幾好食，但食得越多就越覺得鹹，要飲多啲水其實佢軟殼蟹都好足料，炸得都好脆，但叻喱方面同等待嘅時候太長就真係扣左分～ 不過呢餐都唔算太貴既，服務質數都唔錯

好耐冇食泰國嘢，呢間泰國餐廳價錢經濟實惠，份量適中，係平價lunch之選🤩🤩🎀乾炒泰國金邊粉好多枱都有叫呢個金邊粉，似係餐廳嘅招牌菜🤨🤨味道甜甜酸酸，又有好多海鮮，加上香茅、花生碎等配料，色味俱佳，令人非常開胃🤪🤪🎀春卷拼蝦餅春卷有好多材料，例如粉絲、木耳、芋頭等，食落甘脆爽口，不過感覺似係中式春卷多啲🤣🤣蝦餅炸得彈牙可口，配上甜辣醬，更添滋味😝😝🎀珍多冰珍多口感煙韌，加上濃濃嘅椰漿，味道清甜可口😙😙🎀鮮芒果糯米飯有齊熱辣辣嘅黑白糯米，芒果都算甜，配埋香濃嘅椰汁，口感層次豐富☺️☺️

同姊妹們一行五人聚餐當然食大家最愛既泰國菜啦📍旺角- 泰屋餐廳座位寬闊，裝修偏向大自然色調，坐得又舒服，重點有窗邊卡位坐。🍴泰式生蝦刺身 $108必食生蝦🤤超級爽口又夠大隻，回味無窮，食到唔想停！🍴醃酸辣鳳爪 $78開胃之選😋 酸酸味味之餘有少少辣(個人認為可能更辣)爽口，份量算足！🍴冬蔭公鮮蝦湯 $108 (大size)個人唔太好太椰奶味既冬蔭公湯但呢間泰國餐廳既冬蔭公湯完全合我口味偏酸又惹味👍🏻而且d料又好足又多！重點係d鮮蝦好大隻！新鮮！🍴馬拉盞炒通菜 $70通菜色水有光澤，鮮綠色，夾埋d汁料食一流🤤🍴泰式炸蝦餅 $78皮炸得好薄好脆，餡又大又夠味，配搭泰式甜酸醬食勁正🍴泰式明爐烏頭 $178魚身上面鋪滿配菜，滿到就瀉，豐富到爆🤣魚又夠大條，魚肉算滑身，汁好清甜，不過點酸辣汁食very good👍🏻🍴鮮芒果糯米飯 $48呢個就一上台就秒被k.o個個都話好正想追多碟，事關芒果好鮮香，糯米又清甜，十個正！

今日同朋友去左試依間樓上舖泰國菜！一出Lie見到地方都寬敞 枱與枱之間吾會逼啲裝修都幾有泰國Feel我地今次五個女仔食， 但好多野都想食！所以叫叫下叫左好多餸泰式生蝦刺身蝦身吾稱得上大隻 但好新鮮 肉質好彈牙泰式酸辣鳳爪好夠酸夠味 如果再辣小小會更惹味！炸蝦餅本身對蝦餅冇乜興趣 不過見朋友話好不絕即管試下 真系相當吾錯！ 外皮好脆口又夠熱 入邊好彈牙！冬陰公海鮮湯 (大)好足料 啲蝦相當大隻 仲要有幾隻!夠酸夠辣 吾會太重椰味馬拉盞炒通菜夠味 吾會炒到老哂！同平時食既差吾多 不過不失粉絲什菜煲依個好吾錯 啲粉絲好正 索哂啲汁除左有幾款菜之外 仲有紅蘿蔔 粟米仔個d明爐烏頭我系故意整走哂啲配菜先影條魚因為條烏頭真系好肥好厚肉肉質結實但又吾老 點生蝦汁食系絕配菠蘿炒飯啲飯粒粒分明 但吾會炒到好乾 菠蘿好甜芒果鴛鴦糯米飯就算幾飽都要食既甜品啲糯米飯熱辣辣勁好食！ 啲芒果超甜總結我一定會再黎食！ 樣樣餸水準都好吾錯

同阿媽出街食飯，佢成日都會揀食泰菜，今次我就做定research😆見openrice呢間泰屋評價幾好，就決定趁星期日帶阿媽黎試下！呢到啲Set Lunch勁多選擇，價錢仲好實惠。平均包埋野飲都係50蚊左右。青咖哩雞飯$55我叫左個青咖哩雞飯。由於食過唔少餐廳既青咖哩質素都幾参差，所以原本都唔係太大期望，但冇諗過呢碟認真好味喎！熱辣辣，味道濃郁之餘啲雞既份量都唔少。配白飯一流。乾炒泰國金邊粉$50見隔離幾枱都有叫金邊粉，阿媽就跟風叫左😂我都食左啲，感覺幾正宗。賣相亦十分吸引，有大大隻魷魚🦑、青口和蝦，配料十足，撈埋花生碎和辣椒粉更加入味。馬拉盞炒通菜$45我地仲叫多左碟菜一齊食，勁大碟。通菜爽口又青嫩，加左啲辣椒絲更加正。最後每人嘆左杯熱奶茶☕️ 飽到上心口😂 埋單都係得150，超抵食！

朋友話哩間泰國餐廳唔錯所以今日就去試吓，一入到餐廳無論裝飾同埋感覺都做到似泰國既，加埋泰文既歌真係幾relax💓💓餐廳地方都算大，加上我早上去，一入去就有位喇，食物方面都好全面，好多泰國名菜都有嗌咗半隻海南雞，雞都大隻既，雞味夠濃而且每個部位都好嫩滑呀💓💓另外，值得一推既係佢既醬，好正宗既泰式醬汁呀，個醬真係可以將海南雞既味道層次提高哂，好正呀😘😘清邁鐵板蠔仔蛋勁多蠔，每粒蠔都好重味，蠔愛好味真係唔好錯過😚加上煎到唔太燶蛋，兩樣野加埋仍然都係咁夾既，蠔仔蛋下面鋪左勁多呀芽菜，芽菜食落去好清新呀，一道菜兩種唔同既口感係特別既☺️☺️最後我叫左泰式烤羊架加青咖哩🥳🥳羊架係用咁鐵板咁上，上菜既時候鐵板仲係（辣）緊個羊架，咖哩汁係另上嘅，羊架嘅羊味我覺得岩岩好😋😋而且肉汁都鎖到喺羊肉果度，加上肥膏同肉嘅比例啱啱好，咖哩唔算好辣，中間加左椰汁，反而令到咖哩有陣香味喎，搞到我特登叫左碗白飯黎送咖哩，佢既咖哩係真心出色既☺️☺️總體黎講泰屋既野食的確唔錯既😜😜

又係泰國嘢，一個月食左四次泰國菜🤭呢間人氣幾旺，接近9點去到都係滿座要等👯‍♂️◆Summary◇坐得稍逼，加埋綠色的裝修，影相真係好高難度😅食物選擇好多，諗住減下肥就冇嗌太多嘢，點知都係飽到上心口🐷最推介🥢農夫包咖喱焗海鮮 同🥢冬陰功，整體質素好唔錯，份量又大，性價比中高🆙————————————————————評分高至低👇🏻1️⃣◆農夫包咖喱焗海鮮◇ HKD168😍超澎湃🌊未切開咖喱已經即將洶湧而下蝦肉爽口彈牙🍤生蠔嫩口不過老魷魚炸魚即使唔再脆口都煮得入味咖喱甜甜的 只是BB辣👶🏻農夫包好鬆軟🍞大力吸收咖喱汁 超級滿足如果烤得再脆d 一定更加完美2️⃣◆泰式冬陰功◇ HKD88😍酸味好醒神🦐係質地偏稀、椰漿較少的流派辣度依然只是中等凸顯香料的風味🍁完全唔覺得滯，反而非常開胃3️⃣◆醃肉碎生菜包◇HKD85😋全晚CP值之冠🏆食完好飽差d食唔落咖喱生菜新鮮爽脆，肉碎鹹香惹味辣椒再多翻少少就更加香口4️⃣◆泰式生蝦刺身 ◇HKD108😋竟然係辣度🌶️最高的一款蝦肉非常新鮮彈牙泰式蘸汁酸酸辣辣二者很是相襯5️⃣◆泰屋特飲◇ HKD38🙂珍

冬陰公鮮蝦湯 88一碗湯，2人份量，夠酸，夠辣，夠熱，香茅味，一隻蝦， 大量秀珍菇， 味道正宗。特色軟殼蟹139用麵粉煎炸過， 重口味，味道夠，唔需要點醬。香茅茶 18 （ 售罄）知道香茅，效用多，能夠抗感染， 改善消化系統功能， 增進食慾， 減輕憂鬱不安， 可惜今日已經售罄。印度油酥餅 36印度油酥餅唔會過油，夠鬆化， 爽脆，多層，夠熱， 食落似酥皮餅乾，唔會太甜，好味。醃酸辣鳳爪 78朋友唔食得辣，店員建議可以分開上醬汁， 加左少量洋蔥，菜，番茄仔，好開胃兩個人2碟餸，1碟湯，餅，2個人夠飽肚。

泰屋是在旺角反工的朋友強烈推介我去試試，樓上餐廳，不是朋友介紹，真的不會可能發現這間好吃又抵食的泰國餐廳。農夫包咖哩軟殼蟹$208農夫包足足有小孩的頭一般大，包包烤得外層脆脆的，中間釀滿了咖喱軟殼蟹， 咖哩汁濃濃稠稠的， 咖哩汁裡面還用上青椒，洋蔥增加香味，令咖哩汁更惹味。軟殼蟹更是精彩，軟殼蟹炸得鬆脆，鮮甜甘香十足。農夫包吸收咖喱濃汁，夾著軟殼蟹一口咬下去，口感十足，香濃好味。鹽燒烏頭$178因為看見鄰座顧客那條熱辣辣的烤烏頭，忍不住也叫了一條。很大一條烤烏頭，魚皮下放了香菜，闢去烏頭魚的泥味。魚肚裏放滿了香茅南薑 和海鹽來增加香味和調味。 碟還配上一小碟邊還配上一小碟醬汁，看似簡單卻非常好吃。

印象中已經是第四次來到泰屋吃飯，今次約咗朋友在旺角晚餐，朋友也提議來泰屋，看來大家也頗喜歡呢！今次我們一行五人，下午打去電話訂座，原本定晚上八時，職員話來到可能要稍等一會等上一手買單，不過7:55便收到來電問我們是否正在前來，應該是準備好餐桌了！結果上到去便有枱，服務也不錯，至於食物方面，一如以往沒有失望！！有點想念他的生蝦，不過朋友們不吃辣，所以沒有叫。這次我們點了農夫包配咖喱玄學蟹、炒金邊粉、無骨鳳爪、炸蝦餅、豬頸肉⋯⋯⋯非常美味的泰國菜！每一樣也十分美味😭😭 是重口味人士之選 哈哈！仲有好多好多嘢食想試，我肯定我們會再來的！