泰屋

營業中

休息中

今次嚟到旺角食泰國菜🇹🇭😋好豐富呀🤤🤤·✨原隻燒魷魚筒🦑 $158未擺落檯已經聞到陣陣魷魚香啦🤤成條咁燒，份量好夠燒魷魚新鮮爽口彈牙，好滑一啲都唔韌，仲有陣燒過嘅香味😝點泰式酸辣醬仲正👍🏻·✨半隻海南雞 $138一大碟海南雞，跟薑蓉同海南雞醬，仲有西蘭花、椰菜花等菜係雞嘅下面🤣無骨海南雞，雞髀位好嫩滑，雞胸都唔算好鞋我仲食埋隻雞翼🤤·✨泰式馬拉盞炒椰菜苗 $85椰菜苗炒得啱啱好，唔會老，又夠惹味，辣辣地好正，同行朋友唔食得辣嘅都食到呀👏🏻·✨青木瓜沙律 $78木瓜沙律酸甜開胃，仲有花生碎係入面，豐富口感🤤·✨凍泰式奶茶 $30好香泰茶味，連帶一慣嘅甜味😂·✨薄荷青檸梳打 $36次次食泰菜都會叫青檸梳打🤤爽哂😚·🌟呢間泰菜味道唔錯，環境都可以，係價錢偏貴咗少少

彌敦道 726 一向都係匯集唔同餐廳，前晚就同朋友去咗泰屋 試下🧐.冬蔭公鮮蝦炒飯🍚食到好重嘅香料味🌿味道酸辣🌶配埋爽口彈牙嘅鮮蝦🦐飯粒炒到乾身👍🏻.泰式沙嗲(豬+雞)🔥2 款串燒都無燒到過火☺️但肉質唔算好嫩🥺不過都醃得幾好😬而沙嗲汁食落偏甜帶花生香味🥜最佳組合.醃酸辣鳳爪🐓去骨鳳爪，唔會太酸或者太辣😉配上洋蔥絲🧅蕃茄仔🍅紅蘿蔔絲等，🥕更加清新🤤.炒芥蘭(馬拉盞)🥬芥蘭炒到翠綠，食落好惹味😋.菠蘿沙冰🍍菠蘿味比較天然😌唔係死甜嗰種.椰汁沙冰🥥呢杯沙冰相對遜色，味道過甜咗少少😔最好等少少沙冰溶咗先飲

行旺角咁mk 我就係中意ah~""同朋友好似想當年咁行下旺中先發現一山還有一山高 一層還比一層平行得耐 就同朋友搵間可以坐得舒舒服服既泰菜食下唔洗去九龍城都食到 Thai-冬陰功 (2人份量)比較貼緊香港口味唔會過酸又唔會過辣大頭蝦都好大隻仲有勁多我地好鐘意ge菇菇-酸辣鳳爪越食就越開胃食開小辣ge朋友都岩食因為佢唔會做到辣到飛起咁另外配埋d沙律配菜不得了-咸魚炒芥蘭熱辣辣送上黎2個真係狂食 好嫩好香咸香味好突出 -農夫包咖哩焗海鮮上到碟真係哇左一聲心唸咁大碟海鮮有蝦/魷魚/青口以天掃羅咁既方式整過咖哩好creamy 2個人真係食唔哂要抱住個肚走-泰屋 Sawadee Thai旺角彌敦道726號2樓

不是第一次到來這裡LUNCH 了, 實在太/ 泰低食,  而且炒粉很有正宗的泰國風味, 河粉是一片片不規則的薄身粉,  很滑的口感, 好入味, 濕炒的醬汁完全和河粉完美結合,  不油不膩, 而且不太大碟, (有時比太大碟我, 我又覺得唔矜貴了 ! ) 份量很合適。我囡囡叫的菠蘿炒飯也同樣份量剛剛好,  都夠晒熱上枱。 跟餐的餐飲只提供有限選擇,  不能加錢轉果汁類飲品,  不夠靈活的做法,  其實都是賺錢姐 ! ? Anyway, 午餐是超值又好味的, 而且坐得好舒服。

彌敦道726原來成楝都係餐廳，又一個揾食新熱點，一層一間餐廳。突然好想食泰國菜，見到2樓嘅《泰屋》～試吓先～四四方方嘅格局，有大玻璃窗望到彌敦道。叫咗青木瓜沙律🥗 醒神開胃；春卷🌯拼蝦餅，🍤蝦餅好多蝦肉好彈牙，春卷多料，點酸辣醬真係絕配；🍲冬陰功鮮蝦湯，用香茅南薑等香料配鮮蝦雜菌，酸辣開胃，兩個人飲啱啱好；叫多個馬拉盞炒雜菜加珍多冰&三色冰，濃味之後飲返甜嘢中和返，泰滿足 🇹🇭 #泰屋 @sawadeethai_mk 📍旺角彌敦道726號2樓

泰式沙嗲串燒雞/牛/豬 任選2款，共6串，每串都大大串，份量足!雞肉嫩但牛就略嫌烤耐左少少沙嗲汁，唔食得辣既朋友一定食到!馬拉盞通菜好夠味，惹味!如果無咁油膩就好(不過泰國菜應該係咁)乾炒金邊粉有蝦、青口、魷魚，仲有好多配料!金邊粉炒得都入味，但略嫌過濕芒果糯米飯紫米+糯米，煙軔熱辣辣，配上椰汁又唔會太甜芒果配食，夾丫芒果沙冰正正常常夠大杯椰青正正常常

今日嚟到旺角彌敦道嘅樓上餐廳呢幢大廈成幢都係食肆見到呢間泰國嘢午餐好抵食 一於試試佢叫咗個泰國經典前菜青木瓜沙律泰式炒金邊粉 仲有個魚香茄子飯加埋一杯凍檸茶同埋青檸梳打兩個人埋單都唔使$150 價錢超值主菜好大碟有海鮮又足料喺旺角鬧市遠離繁囂嘅好選擇無論係食個快嘅午餐定係想慢慢嘆都冇問題呢度地理位置好方便一定會再訪下次晚餐嚟試吓睇吓係咪都係咁抵食先！順帶一提每人都有送一碗冬陰功湯酸辣平衡剛好 完美結束monday blue

✨今日小B去咗爺爺嫲嫲屋企，我就同大B同爸爸一齊去食泰國菜😄。呢間泰國野好耐之前同啊妹同爸媽去過，記得佢幾抵食，味道又唔錯，d野有辣有唔辣，幾啱小朋友食，所以就帶嚟呢度食晚餐。餐廳裝修一如既往地簡潔舒服，黃黃地嘅燈光感覺好柔和溫馨，好多人一家大細黎食。大B話想食香蟹肉炒飯 和 原個菠蘿咕嚕肉，老公話要原隻燒魷魚筒及蒜蓉炒鮮雜菌，而我就要芒果糯米飯，一家人各自表達意見，好快就諗好食乜好😄。原個菠蘿咕嚕肉個貌相好靚，肉嘅份量好多，食肉獸老公食得非常滿足。原隻燒魷魚筒則非常新鮮，無論就咁食，定係點佢哋嘅秘製醬汁食都咁好食。香蟹肉炒飯大大碟，蟹肉同香芒嘅份量都好多，但係由於炒得好好食，所以我哋都食得晒。尤其係大B，自己叫嘅野食好食，佢特別開心，所以今晚完全我勞氣嘅情況底下，都自動自覺食咗好多，非常乖。而蒜蓉炒鮮雜菌亦非常美味，蒜蓉令蔬菜變得好香，我地三個都食到停唔到口。最後，用軟糯又熱辣辣嘅芒果糯米飯作為晚餐收結，份量啱啱好三個人分，成餐飯都食得滿足又開心。

夏天就嚟過 但係都冇得去泰國 還記得那一年 在芭提雅的海邊 吃著咖喱蟹 喝著椰青水 吹著海風 的日子 正正就是10月中 而今年 莫說泰國 近d嘅海南島都無可能可以去～～～憶泰成狂嘅我同大舊 今晚就去了旺角嘅呢間泰菜食晚餐 好彩黎得早 唔需要排隊 仲比我地坐到風景好好嘅卡位～～～看完餐牌之後 我們就叫了黃金咖喱軟殼蟹 香蔥蒜蓉飽同埋泰式兩麵王 三樣野 全部都飽肚嘅 兩個人食 份量完全足夠～～～黃金咖喱軟殼蟹：濃濃的咖喱汁令人瘋狂 酥脆又啖啖肉嘅軟殼蟹令人情不自禁 兩個美味的極致加起來 更是令人神魂顛倒 再加埋脆到阿媽都唔認得嘅香口蒜蓉飽 簡直係令人想大叫：「好好食啊！減肥？聽日先啦！」～～～泰式兩麵王：呢個麵可以叫豬/牛/雞 我地就交了豬 豬肉片的份量好多 除了豬肉之外還有大量雜菜 例如西蘭花 紅蘿蔔 椰菜花等等 非常豐富 麵條有經炸過 但完全不油膩 炸完之後再汁煮 非常美味又香 而且鑊氣十足 令人欲罷不能 非常美味 我和大舊都讚不絕口～～～推薦度：🔥🔥🔥🔥🔥🔥🔥🔥泰屋 (旺角)旺角彌敦道726號2樓

我一向都喜歡食泰國菜的， 最近到了這間位置旺角旺區的一間泰國餐廳， 名字叫《 泰屋 》， 我覺得絶對值得再來， 因為食物質素確是不錯的， 例如我點了其中有第一讚讚的泰式蝦餅配泰式春卷、炭燒豬頸肉、泰式炒金邊粉和泰式炒通菜，再配以特式飲品龍眼冰，樣樣食到滋味！新鮮食材加泰式煮法， 同時店員十分有禮，也會問客人食辡的程度如何，細心加分， 下次都一定要和朋友再來旺角的泰屋品嚐泰式的各樣美食呢！ 泰屋旺角彌敦道726號二樓全層

係旺角搵泰國餐廳食下午茶餐，呢間豐富又抵食大件😋唔收加一😱😱仲免費添飲！完全唔洗考慮夠唔夠飽呢個問題😂印尼海鮮炒貴刁，好味道😋有蝦魷魚青口都只係$45❕真係幾好食架，似xo醬陳村粉味🤤回味無窮泰式豬手飯，正！唔係度度都有得食，配秘製醬汁，一定要試！豬手大隻，冇骨豬手，🐖皮晶瑩剔透，豬肉爛而不柴，岩晒鍾意骨膠原蛋白嘅愛好者😊春卷拼蝦配酸辣醬都唔錯。春卷多料，蝦餅多肉。跟餐加左椰汁紅豆冰😋椰汁香濃，大大粒紅豆滿意足💯同埋珍多冰啲珍好好咬😝味道清甜，好岩口味！

MK 旺角 • 泰屋 🇹🇭📍旺角彌敦道726號2樓➰泰式紅咖喱燒雞扒飯$55 🐓🍛豬頸肉炒貴刁 $50 🐖🍲馬拉盞炒通菜 $45 🥬 三色冰$10🍧珍多冰$10🧊➰好耐冇食泰國菜，朋友推介抵食泰菜，午市套餐奉送冬陰功湯，紅咖哩不辣偏甜，雞扒嫩滑，雞皮脆口😀 豬頸肉入味，炒貴刁份量大份🤰🏼醬汁炒通菜爽脆，馬拉盞調味惹味👍🏼飲品大杯，重椰奶味🌴 ————————————

夜晚去完旺角探親順便食埋晚飯先番屋企雖然過左中秋但係天氣都仲有啲悶熱搞到冇乜胃口所以揀左去食泰菜炭燒豬頸肉豬頸肉質緊緻同時油潤脂香而且邊位炭燒焦香配埋醬汁唔覺膩滯冬蔭公鮮蝦湯(細)冬蔭公湯選用香矛以及南薑多種香料以及鮮蝦菇菌熬煮酸辣醒胃而且細份冬蔭公湯都夠兩三個人分食幾抵黃咖喱羊腩限量供應嘅黃咖喱羊腩肉質柔韌羶香而且黃咖喱相較青紅咖喱溫和加埋椰漿濃香啱哂驚辣嘅人香蔥蒜茸飽(四件)叫得咖喱食緊係要配埋蒜蓉飽啦；蒜蓉色澤金黃而且酥脆鬆軟蘸埋剩番嗰啲黃咖喱食唔會浪費泰式青檸鮮魚爐(鱸魚)同樣價錢可以選擇烏頭或者鱸魚；鱸魚本身肉質白嫩細膩配搭高湯以及香茅青檸同埋辣椒芫茜經過明爐溫煮鮮甜清新原個菠蘿海鮮炒飯原個菠蘿香甜配搭海鮮以及肉鬆同提子乾炒飯夠哂正宗馬拉盞海鮮炒河大量海鮮配搭馬拉盞醬爆炒香辣惹味而且河粉透薄滑溜同時乾爽分明芒果沙冰芒果沙冰質感綿密飲落冰涼消暑椰汁紅豆冰椰汁奶香加上紅豆清甜解辣必點

🇹🇭Sawadeeka🇹🇭 Thai Worthy Lunch 🍽🍹..唔知你地有冇去旺角726號食過飯呢❓成幢building 都好多餐廳選擇，今次就想食泰國菜🇹🇭，知道有間勝價比好高既餐廳，一於捉埋朋友一齊食👻，午餐時段真係好抵食，數十元就有交易，仲免收加一，食物質素都唔差，份量亦足。.ll $50Pad Thai 泰國菜不能不吃，煙煙韌韌粉條，配上酸酸甜甜，醬汁調味都剛好，加上海鮮、豆乾、蛋絲，仲有花生碎🥜 更有風味呢。.ll $48Tom Yum Goong 亦係泰菜湯品中不能缺少，味道酸酸甜甜，很合我們心意。加上河粉🍜 夠滑，豬肉嫩嫩🐽，這個價錢很意外。.套餐仲可以加配各種小食，醃酸辣鳳爪 +$36，亦係開胃涼菜，過過口癮不錯喔。..最後仲可以配+$10 珍多冰，椰奶味重我喜歡；+$6 青檸梳打，清新又refreshing。成個午餐味道都酸酸甜甜，食完好有泰國風情🌴，希望早日通關去旅行。..×××ll××ש旺角彌敦道726號2樓..

一向都中意食泰國菜。今次同朋友黎泰屋食Lunch。之前夜晚有諗過食，但當日店員表示無Booking就要一個鐘內埋單，於是就無試到。Lunch時間一點黎，人都多，但有位，唔洗等。餐牌都叫多選擇，仲有小食，價錢亦唔貴。我叫左個青咖哩雞飯，朋友要炒貴刁。每個人送一小碗冬蔭公湯，入邊有菇同半只番茄仔，我覺得有D鹹個咖哩比較重椰奶味，我食得辣，所以覺得個咖哩一D都唔辣，有D失望。雞肉大概有六件，仲有少少西蘭花，同辣椒。朋友個貴刁味道一般，幾塊幾塊痴埋，唔夠乾身。比起平時食既Size，貴刁有D大塊。熱檸茶都好慳皮，得兩塊檸檬總結而言我覺得一般般。價錢唔貴，食物質素一般。