泰屋

營業中

休息中

限聚令之下，想同幾個朋友出街食飯已經變成係不可能既事。取而代之，我地就決定買外賣返屋企食，既可以一齊食飯，而且計落仲抵啲添！我地去旺角既泰屋買左幾個外賣，再返屋企煮飯，計返每人一百蚊都唔駛。泰式豬手我地自備餐盒，餐廳都好樂意配合，非常好。叫左泰式豬手，裝滿一整盒，而且仲有埋滷水蛋。豬手皮極厚，超正，每一啖都感覺食緊骨膠原咁，而且肥而不膩、口感一流。青咖喱雞咖喱可以選配豬、牛、雞、鴨，而我地就揀返傳統既雞肉。青咖哩既香味都幾濃郁，椰香令口感更順，而且青咖喱比黃、紅咖喱無咁辣，比較易入口。鹽燒鱸魚由於帶唔夠盒，所以都用左兩個外賣盒。燒魚即叫即燒，所以我哋都等咗成40分鐘先有得拎，但係都值得嘅。燒魚充滿香料嘅味道，感覺好似去咗泰國咁，而且燒得啱啱好，食落啲魚肉仲係好滑。芒果糯米飯芒果用咗傳統嘅泰式糯米飯會用嘅芒果，口感比較爽啲，但都好甜。糯米飯就用咗黑白糯米兩款，一次過可以試晒兩種口味。

作為一個打工仔,同自己男朋友想食泰國嘢又唔想去九龍城咁遠,嗰日乖乖地同佢拍拖去旺角搵泰國一樓嘅餐廳。餐廳裝修比較端正,冷氣充足衛生唔錯,我哋最愛嘅就係青咖喱雞。這款青curry好特別,易入口,最緊要唔辣啱曬我哋。入口甘香淡淡椰汁,遠非一般平價茶餐廳可以做得到。真係唔使坐飛機去泰國就可以食到正宗嘅泰國菜。祇有這一家可做到。第二道菜係泰式金邊粉,第一有鑊氣,第二唔算油膩 啱曬我哋女仔視減肥為終身事業。無論服務位置採光,餐廳都係一流嘅享受。😊

之前嚟過726呢度食嘢，知道呢座大廈有好多餐廳，今日咁啱同個同事過開嚟旺角做嘢，就諗住嚟呢度食個lunch，一到樓下有個阿姐，好落力咁派緊傳單，見到佢咁落力為你好，都希望佢得到分數，所以就誤打誤撞嚟到2樓嘅泰屋。呢度嘅lunch set確係平，四人套餐埋單每人都唔使$100。一人餐仲更加抵，仲要免收加一服務費。落單後，店員會先奉上每人一碗冬陰功湯，佢嘅冬陰功湯完全唔辣，酸酸地好開胃。我哋叫咗一個金邊粉，金邊粉有蝦、青口、魷魚各一件，雖然配菜唔太多，但份量都足夠，味道亦唔錯，所以絕對對得住個價錢。咖喱最好就係配法包，我哋揀咗最唔辣嘅黃咖喱，真係完全唔辣，只有香甜嘅味道，蒜蓉法包有三件，烘得非常脆口，真係非常好嘅配搭！咖喱我哋選配咗牛肉，除咗牛肉之外，仲有大量蔬菜，所以都算係一個健康之選！另外叫咗一份泰式豬頸肉，佢嘅肉汁都係帶點酸味，都幾特別。我同同事分別叫咗青檸梳打同埋珍多冰，雖然要加少少錢，但係都抵飲嘅！以今時今日嘅物價嚟講，呢度嘅食物CP值係極高，有機會路過要食個quick lunch嘅話，呢度真係一個非常好嘅選擇！

今日去左試呢間泰國菜可能因為星期日lunchtime所以比較多人門面得2個staff 所以做嘢比較慢啲不過態度先係問題🙀啲員工好冇禮貌野食等左30分鐘以上先到上菜個時都冇講聲唔好意思仲要pak落去咁🙈之後差唔多食完嘅時候先上個餐湯🥴有啲奇怪今日係冬陰功湯 但係好搞笑地 有一舊秀珍菇😯H 海南雞白飯 $68好似好多雞 其實唔係😂因為雞下面有3舊西蘭花所以視覺上 好似好多雞啲雞就不過不失 普普通通咁啦有小小鞋🙈

**泰屋是連鎖的泰國餐廳，在香港九龍都有各有分店，太久沒吃過泰菜，想找些便宜又坐得舒服的泰菜，就選了最方便的旺角分店。泰式生蝦刺身($108)肥厚的，還算新鮮。泰式蠔仔蛋($88)料超級多，蠔仔多得吃不完，好飽。最喜歡是他們的泰式濕炒河($78)，價廉物美，醬汁調得不錯。總體味道不錯，環境也大和舒適，如果想試平價的泰菜也可一試，推介大家點他們的泰式濕炒河，旁邊看到人家的菠蘿炒飯賣相也不錯，大家也可以試試。

想食泰國野又唔想出九龍城，睇食評就去左就腳d旺角呢間分店。食個串燒先，串燒沙爹牛、雞，每樣3支，即燒香噴噴，沾上沙嗲醬贏哂！🥬泰式野當中我特別喜愛椰菜苗，因為泰式煮法能夠輕易去走青味，而且吸汁能力超高。呢個泰式炒椰菜苗一如所料，無失望，好好伴飯～🐥食泰式香茅燒雞，無論叫半隻定一隻，都要有耐性，因為係即燒架！半隻份量足，而且雞皮至雞肉都充滿香茅味，連皮食好香，沾一沾泰式辣醬，入口甜、香、辣，幾好味呀～由芒果糯米飯結束呢餐晚飯就最岩feel～係黑白糯米飯黎架，顏色好靚。香甜嘅椰漿、煙韌糯米飯、鮮甜芒果，好滿足呀！我6點到個陣人唔算多，但係未夠7點就坐滿左。即係要幫襯最好早食或者訂位，唔係就要排隊lu～門口有個像好得意架

吃貨日常❤️係旺角，除左係大型商場食野其實都有好多商廈有好野食呢間可以平平地食個set lunch多款式選擇仲要免加一嘅泰國餐廳🇹🇭我同朋友獨肚餓order左2個lunch set+1個tea set🤪🤪💖午餐：乾炒泰國金邊粉$50+龍眼冰$10好大碟，有唔同類嘅海鮮酸甜度適中，幾開胃👍💖午餐：泰式香葉肉碎煎蛋飯$55 +龍眼冰$10肉碎微辣岩岩好🌶 上菜速度快🤩💖 下午茶餐：春卷拼蝦餅 $45+熱華田（無限添飲）春卷同蝦餅各有4件春卷好足料👍👍蝦餅夠大件，即炸好新鮮😋

好耐冇見過好姊妹，今日難得大家得閒就相約一齊食飯。原本好姊妹呢個時間應該去左泰國，既然去唔到就同佢食泰菜補數啦！ 店內環境乾淨衛生，疫情期間以隔板分隔每一台，做足預防措施，令食客食得安心。 🦐🌶冬陰功鮮蝦湯🍲（$88/細） 冬陰公湯有小和大的份量選擇，我們2個人，選了一個細的，一人可分到2碗。 冬陰公湯味道不會太辣，而且非常濃郁，香茅和椰汁的味道尤為得出，入面仲有兩隻大蝦，又可以一人一隻。🦑椒鹽鮮魷（$82） 椒鹽鮮魷賣相非常吸睛，鋪滿了炸蒜粒和青紅椒粒，吸引又惹味。 鮮魷輕輕炸過，細心地切上條紋，香口又好吃！🍝泰式豬肉炒粉絲（$75） 炒粉絲用上豬肉、椰菜、椰菜花、白菜、雜菇、紅蘿蔔、雞蛋絲等配料炒成，極為豐富，配上泰式風味，不錯！和朋友一人點了一杯飲品，都是點上清新系列，冰涼又解渴❄️ 🍸青檸梳打（$33）🍹龍鳳果梳打（$36）以荔枝和菠蘿粒製成的龍鳳果梳打味道香甜，清新解渴。🥭🥥芒果糯米飯（$48） 芒果糯米飯以白糯米和紫糯米一起製成，賣相非常吸引，放上芒果及淋上暖暖的椰汁，為晚餐畫上完美句號。甜品選擇除了芒果糯米飯外，還有一些泰國糕點選擇呢！

好耐冇見過個fd，約咗星期五夜晚見面食飯，揀咗個好方便嘅地點 — 旺角，佢又話想食泰國菜喎，最後就揀咗呢間餐廳啦😬 係星期五中午餐廳開市個時打去book定夜晚，好彩有book炸，因為夜晚7點到都好似full full地🤣 一坐低就即刻叫野食，好肚餓🤓頭盤叫咗生蝦，我覺得都正正常常冇乜特別，都可以叫黎食😄我地仲叫咗好多肉😍 馬拉盞炒芥蘭：正常，可以叫雞翼：都幾大隻，啖啖肉，記得點醬食好食啲炭燒豬頸肉：好好味！唔會好似其他餐廳咁有啲硬，佢係比較爽口，唔肥唔膩😋👍🏻串燒(揀晒牛): 比較老，覺得唔好食😐整體黎講都ok, 不過不失啦😬

食完好飽既小食之後，同男朋友九點先正式食晚飯，我地揀左食泰國菜。我地叫左四樣野：泰式生蝦刺身、醃肉碎生菜包、泰式粉絲雜菜煲同冬蔭公鮮蝦湯，全部都唔係主食，哈哈。泰式生蝦刺身有六隻，用杯裝住啲生蝦，好得意。生蝦鮮甜，爽口彈牙。醃肉碎生菜包得到盛讚，豬肉好香，充滿豬油香，洋蔥同豬肉溶為一體。生菜好難得俾好多片你包住食，值得一讚。泰式粉絲雜菜煲有唔同蔬菜補充纖維，又有粉絲做主食，唔錯。冬蔭公鮮蝦湯(細) 幾好飲，酸酸辣辣。湯入面唔會有勁多香料要你一路飲一路𦧲返出黎，正。

好食泰國菜今日好掛住泰國菜，但因為已經無車既關係，去九龍城又比較辛苦既原因，今日同男朋友經朋友介紹黎到旺角呢棟大廈２樓食下泰國野。一出電梯就已經見到有泰國菜既香味，見到個埸都爆爆地，但係好好釆咁岩有位，由於太餓啦我地，所以其實見到個餐牌咩都想食。冬陰功食泰國菜一定要飲啦吾洗問，我覺得好幾好飲，蝦都鮮，又吾係太辣，又吾搶味。好香既泰式香料味道不錯，加上個冬陰功湯酸酸辣辣咁好開胃。青木瓜沙律作為前菜，豆角啊花生碎等等唔同嘅配料一齊加啲酸酸辣辣醬汁撈埋都好味，岩晒以家夏天想食Ｄ清新同凍野！豬肉生菜包我最期待既畫面出現啦！呢度既豬肉碎係偏瘦, 唔會好多肥膏, 所以食落都唔覺得油膩,因為有青檸嘅清新同酸味, 值得推介! 最重要夠熱。加埋生菜包住一齊食就真係一流啦！泰屋鴛鴦農夫包男朋友識簡呀，簡個佢自己一個人就可以食晒既野。麵包好鬆軟,吾同出面硬到爆炸～大大個好抵食。中間的材料則有蟹肉粒鳳尾蝦。將麵包沾上蛋香味濃郁的咖哩醬。連同蟹肉蝦肉一齊食,真係好味。

泰菜幾時都係咁吸引～我同朋友都好鍾意食泰國野 今次呢間樓上舖又真係唔錯，裝修都有心思！去既時間可能太早，走嗰陣就已經好多人啦！食咗一碟泰國椰菜苗炒馬拉盞，超級惹味而且唔會好辣，個味道真係會上癮！椰汁冰，香濃無得頂！非常香的椰子味道，我自己就好鍾意啦！<原個椰盅海鮮焗飯>椰奶香濃而且味道非常好同返好夾同埋有好多海鮮、蝦、魷魚、青口，焗飯呢樣必食👍🏻份量好多，真係差D食唔晒⋯⋯有心冇力朋友要咗一份泰式炒粉絲，份量真係好大同埋好香熱辣辣送上嚟！最鍾意乾身而且唔會泰勒嘅感覺～冬陰公鮮蝦湯(細)椰味足而且偏酸，唔會太啦！所以都好適合我～勁多料，裏面仲有大蝦，真係一啲都唔馬虎，好開胃🤤好味道！

我哋冇訂座，入座嘅時候店員講明係指定時間要交返個位因為朋友唔食辣，所以次次去親食泰國嘢 ，幾乎都係叫呢幾味第一碟係pad thai 外觀上同好多泰式舖頭一樣，炒好嘅金邊粉出面，包住一層薄薄又金黃色嘅蛋皮加上芫茜，插住香茅，旁邊有啲生嘅芽菜，花生碎同埋辣椒粉揭開蛋皮入面有三隻大大隻嘅蝦仁，金邊粉炒到好均勻，用料都好豐富食得出有好多碎嘅雞蛋絲，芽菜，蔥段，豆干，櫻花蝦，最後仲有啲菜甫添，口感好豐富 椒鹽鮮魷分量都幾多，每一條鮮魷都鎅咗靚靚嘅花，令到味道更加入味炸到香脆，配埋啲炸蒜一齊食，再熱氣都唔緊要 半打嘅串燒揀咗半雞半牛(各3串)，有好香嘅香茅味，上面淋咗啲咖哩汁，旁邊仲有好重花生味嘅沙爹汁點，好濃郁不過啲肉燒到有啲overcooked，所以食落會韌 第二個主菜揀咗豬頸肉炒飯，同樣地好足料，而且份量好大，夠三個人share食！入面嘅豬頸肉軟嫩，切粒更加方便食，加埋啲菜粒，食落又爽口又彈牙最特別嘅係個飯仲有少少美極豉油嘅香味 最後甜品我哋揀咗兩款糕點：一款係椰汁糕，一款係蛋菜糕(即係有蛋花嘅大菜糕)兩隻糕各有特色，椰汁糕係熱辣辣嘅，似係啱啱蒸好，千層嘅效果令到佢好煙韌，食落香甜蛋菜糕係凍

呢間店嘅泰國菜好多元化，唔係淨係生蝦、冬陰功同咖喱炒蟹，試下呢度有個越式牛尾煲，熱辣辣好鬼正，而且裏面又有七色椒，牛尾有好多膠原部份，要慢慢啜同啃，仲有啲洋蔥汁，好滋味。之後當然要睇吓呢度條青檸鮮鱸魚，成條魚大到擺唔晒啲，肉都算滑，而且唔太多骨，配埋個湯俾你慢慢加👍🏼👍🏼最後當然要加埋個甜品，新鮮芒果配黑糯米飯配😻😻真係必要因為加埋椰奶係冇得輸，啲飯係熱辣辣架，好正呀，每人幾啖，食完呢一餐飯真係感到非常滿足。

食泰國嘢唔一定要去九龍城，喺旺角地鐵站附近就有一間泰國菜，地理位置就腳交通夠晒方便。呢度樓底夠高感覺上坐得好舒適，一開始我同朋友急不及待叫咗個海南雞半隻，好彩叫得早，原來七點幾就賣晒啦！七點幾晚飯時間越來越多人，坐到爆曬。講返隻雞，半隻份量都夠晒多，雞下面仲有啲配菜，如果加埋油飯就一流啦。另外我仲叫咗條青檸蒸原隻魷魚，成條魷魚切開一片片原隻上，加埋啲青檸同埋酸汁醬，食落去彈牙有趙口，最鍾意食佢啲魷魚鬚，係開胃嘅好選擇。