泰妹餐廳 (The Wave) (已結業)

一入去時大約2:30，問侍應有無下午茶，佢唔太理人，慢吞吞咁答3:30先有喎，眼都唔望你今天大約第三次幫襯，服務差咗，食物質素都差咗。軟殼蟹飯個汁好靚，但個蟹嘅粉好厚，同埋有d靭，飯底ok嘅。個泰式彩虹粉勁唔得，個湯唔知咩味，個侍應話少少辣，一d都唔辣，好怪嘅湯底，丸感覺唔新鮮，粉又少，d所謂的海鮮感覺都唔新鮮，最後杯奶茶好cream, 但我想要泰式奶茶not一杯Cream...要再努力啦！觀塘食肆競爭大呀🙈

在官塘工作的朋友旅行回來，相約比手信我，佢帶我去興業街The Wave的泰妹食泰國菜。餐廳分室內和半開放式，地方整潔，燈光明亮。半隻海南雞，呢間好抵食，一隻只需百多元，我們只有2個人，所以只要半隻，份量都好多，雞已去骨，肉質嫩滑，配油飯最適合，油飯混合了炸乾蔥，除了增加香味，還多了口感。冬蔭海鮮湯金邊粉，冬蔭湯底夠濃郁，除了海鮮還有菇菌，好爽口，金邊粉吸收湯底，酸中有辣，十分惹味！泰式乾豬肉炒河，熱騰騰、香噴噴，夠曬穫氣，河粉濶身又滑溜，豬肉片有口感不鞋口。春卷，金黃色的皮炸得香脆，餡料好味爽口。

琴晚同媽媽去了觀塘睇戲，之後去了THE WAVE既泰妹食泰國菜，因為好耐冇食過泰菜，所以特別期待。東蔭海鮮湯金邊粉 $68：好開心有東蔭湯底既麵可以食到。東蔭海鮮湯辣味剛剛好，辣中帶酸，愈食愈開胃；當中有不少海鮮：蝦，青口，蟹柳和墨魚。金邊粉份量足夠，而且麵質很滑，但不易斷開。整體來說，東蔭海鮮湯金邊粉值得推介啊！海南雞飯 $62：飯顏色為鮮黃，當中夾有炸蒜令味道更香口，飯味道有香濃既雞香味。海南雞啖啖肉，肉質嫩滑，配以三款醬料一同食用，雞味更加突出。泰式海蝦粉絲煲 $148：粉絲煲包有兩隻開邊大蝦，鮮味十足；而煲中加入不少香料，令香味更為濃郁！粉絲份量如二人食用剛好，粉絲味道很入味，真的是個不錯選擇～

餐廳在The Wave 1樓，很好找。餐廳採用開放式設計，開揚寬敞，提供受香港人歡迎的菜色有蛋黃花咖喱軟殼蟹火山包、海南雞飯、酸辣去骨鳳爪沙律等菜色，晚市除了單點也可選擇套餐。泰式拼盤，有齊四款小食，一次過滿足四個願望，可以品嚐四款小食，最適合心大心細的食客！椰青海鮮炒飯，米飯用椰青水炒，加入蝦、魷魚、青口、椰子肉片等，再用白汁焗，椰香十足。泰式芒果糯米飯，比較失色的一道甜品，椰醬味不突出，糯米飯也很一般。

三個人叫左 去骨海雞飯 59加5蚊轉脾 完全係脾既樣 得塊皮 同經理講 佢話去骨係咁樣有厚有薄 公司既脾飯係咁 但啲肉仲薄過塊皮 一路食一路嬲 去骨去肉 食皮 要加5蚊 真係好嬲囉服務又差 貨不對版 睇番其他食評 真係有脾既 但今日食呢個飯 真係強差人意 垃圾 絕對唔再黎食

放工過觀塘食個飯去到The wave 揀食泰妹加上天氣凍 好想飲椰汁雞湯所以即去!上到The wave 1樓 地方好大岩哂一大班人有哂套餐揀 不過最後散叫 咩都想試見到生蝦 有半客 即點天氣凍 點杯熱飲先呢杯 香茅青檸薏米 好足料 唔甜 好飲椰汁雞湯 好creamy呀 好溫暖 有菇 有茄 有香料 飲完喉嚨好舒服而生蝦好大隻 半客有4隻 好彈牙!點左客海南雞隻 雞肉滑既 飯都有雞汁味呢個係馬拉盏芥蘭 都幾大碟好滿足呀 飲完個椰汁雞湯2個人食左300蚊度!

終於等到放假的日子，難得約到朋友食飯，朋友揸車帶我來到觀塘THE WAVE 的一樓「泰妹餐廳」食泰國菜。餐廳位置都是鄰近港鐵，所以交通都好方便。用餐區分了兩邊，所以座位都不少。店中除了散點之外，都有二人或四人套餐，套餐中包括有頭盤、湯、主菜、菜類、飯類或麵類、甜品及飲品，都抵食。飲品我兩二人都點了一個泰國椰青$38(一個)，椰青都夠大個，水份都多，夠晒冰涼清甜。先來一份冬蔭海鮮湯(細)$128作開始，用了個火爐助熱，湯水都保持熱騰騰，當中有大蝦、魷魚、青口、香葉、蕃茄等......用料十足，酸辣度都適中，香辣酸香又鮮甜且可以暖胃。剛烘好的層層疊蒜茸包 $38賣相都夠晒吸引，每條的蒜茸包都非常香軟鬆化，蒜香牛油味十足，超有水準。再來的開胃菜來一份泰式生蝦刺身 $88，生蝦刺身夠冰凍，口感爽彈，再蘸上泰式酸辣汁、蒜片及辣椒，真是夠惹味。最後來一份泰式小食拼盤 $108，包括有炸蝦餅、 班蘭葉包雞、 春卷及魚餅。每款食物都即叫即炸，十分香脆，再蘸上泰式甜酸醬，真是非常美味。服務招呼都好熱誠有禮，整體食物水準都不錯有質素，環境方面店中會播放一些泰國歌曲，感覺氣氛良好。

最近好少出去食飯，難得下班有空便相約了朋友，在觀塘工廈區吃晚餐。我們來到The wave 的泰妹，這裡的Thai 菜便宜，份量又多，環境也不錯。我們點了菠蘿海鮮炒飯$98波蘿炒飯有提子乾，味道甜甜的，加上滿滿的海鮮，很吸引。Thai式乾炒河(豬)$68這個價錢絕對超值，沒想到份量這麼多，豬肉有調味，乾河加了足夠生抽，味道很好。炒雜菜$68雜菜少少辣，勝在什麼也有，不用煩惱點什麼，耶菜花，菜心，炒得香口。椰汁芒果糯米飯$58糯米飯好入味，口感煙韌，芒果很鮮甜。

喺觀塘嘅商貿區，餐廳都唔少，但要搵一間食泰國菜嘅，其實數落又唔多，喺呢個The Wave商場，一上扶手電梯，就見到呢間泰妹，平日晚間都好多人排隊椰汁雞湯兩個人飲呢個椰汁雞湯，份量絕對足夠。飲入口，感受到椰汁嗰種順滑的質感。一個湯，充滿香茅同椰漿兩大香料，味道絕對突出湯料豐富，有啖啖雞肉，吸收盡湯中嘅精華泰式蝦炒金邊粉賣相十足，以蛋花包着金邊粉，調味帶點酸酸甜甜的感覺大蝦爽口彈牙，肉質結實，蝦味濃郁泰式炒雜菜呢碟炒雜菜，真係適合選擇困難症嘅人，因為幾乎每樣蔬菜都會搵得到。最鍾意嘅係爽脆嘅炒蘆筍，以微辣嘅調味，充滿泰式風情，亦為清淡嘅蔬菜帶來一點刺激芒果糯米飯有綠色嘅糯米，亦有紫米嘅紫糯米。口感非常之不同，綠色的黏性比較重，紫色的比較有咬口，配上濃郁嘅椰醬，同埋甜如蜜的芒果，為完美嘅一餐畫上句號兩個人，都係食咗二百零蚊，大件夾抵食

星期日於觀塘午餐，想吃泰菜就選了這家。午市套餐有9款選擇，連飲品，可以加錢要小食。我們只想簡單食，所以就沒有加。蛋花黃咖哩軟殼蟹飯賣相極吸引，一整隻軟殼蟹躺在咖喱上，蟹身厚肉，香口甘香。蛋花滑滑的加上惹味咖哩很好餸飯。配菜有洋蔥、青紅黃椒、芹菜，爽口健康。泰式雙拼飯（海南雞拼泰式豬脾）分量足。海南雞皮爽肉嫰滑，沾醬汁很滋味。泰式豬脾滷得皮已經沒有多餘肥膏，口感彈牙，豬肉入味。黃薑飯雖然不太濃味，但伴入薑蓉汁亦美味。飲品方面，我們要了葉泰式檸茶和香茅青檸薏米水。泰式檸茶真的是用泰國茶底，而薏米水亦足料，如果香茅青檸味再濃些更好。

一人行去左食泰國菜。星期日放假，訓到12:00好鬼嘆。起身去左觀塘行街街啦！lunch time商場人流非常多，而且觀塘最出名反而係工廈餐廳，非一般主流連鎖店。我今日lunch去左泰妹食泰式午餐。價錢好抵食，環境好chill好舒服。我叫左豬髀飯。豬髀肉質好爽嫩，入口膠感重，肉嫩滑溜，完全唔會鞋口。貓醬汁咸香好岩送飯食！我叫左避風塘雞翼，雞翼即炸好香脆，加上酸辣醬汁。好滋味！好鐘意雞翼入裡肉嫩仲有肉汁架！

星期五放工約了朋友去觀塘the wave 的泰妹食晚飯，之前吃過黃埔分店，味道相當不錯，所以今次試一試觀塘分店。海南雞半隻，上次有吃過，印象非常深刻，今日再吃，味道依舊有驚喜。雞皮爽滑，雞肉鮮嫩，有雞味，再搭配三種不同的醬料，蛋花黃咖喱軟殼蟹， 咖哩醬汁非常濃郁，味道溫和不會太辣，搭配蒜蓉包食就最適合。有兩隻查趣的軟殼蟹，點上咖喱汁也非常美味 。冬陰功海鮮金邊粉，冬陰功湯底味道正宗，大有泰式辛辣感，材料種類繁多，有青口、蟹柳、蝦仁、以及多款菇類，款款都非常入味，而且份量大碗，足夠二人食用。泰式甜品拼盤，有椰汁椰果西米露以及三色糕點包班蘭千層糕、椰汁西米糕等，味道香甜，椰汁味香濃，為當晚畫上完美句號。

<海南雞好正>🐤今日去開觀塘做野 , 想醫下肚 就黎到呢間泰妹食個 lunch . 2 點時段唔多人 大慨7 成位 menu上有兩邊 一邊麵河 一邊飯。 兩邊都有得加錢加小食 或者沙律特飲 而我就點左我最愛之一 海南雞飯🐤🍴海南雞飯59 蚊轉脾 加5 蚊呢個脾絕對加得過 , 首先個皮勁滑 雞肉嫩滑雞味香 最正係冇骨 食落啖啖肉 口感好好😍黃飯好夠油香 帶 d魚絲增加口感 🍚 醬汁 有平時既酸辣汁 另有兩隻豉油 一隻淡 咸酸味多 d . 另一隻係質感高 d既甜豉油 帶 d黑糖味 十分特別 無論點雞 or飯都好正👍🏻🍴椰汁冰 跟餐加14 蚊 🥥椰汁冰 夠哂冰凍❄椰味香 甜味夠 唔錯🍴酸辣去骨鳳爪沙律 跟餐加28 蚊🐤生菜做底層 凍食既鳳爪 去哂骨 食落方便 口感彈牙爽口 盡吸酸辣汁 🌶 加埋辣椒 蘿蔔絲 車厘茄 蒜 更有口感 味道更出🍴魚餅跟餐加 18 蚊🐟18 蚊有4 件魚餅都幾抵食 魚餅熱辣辣 帶 d香茅香 魚肉咬落幾彈 點埋甜酸醬十分唔錯👍🏻Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻

觀塘區人流旺我諗人人都知，餐廳亦都妹多元化，正如我都經常同朋友講話晚上的觀塘其實都越來越旺，越來越多野食。 而地鐵站附近的The Wave，更係每一層都係食店，梗有一間岩食。 今次我同朋友就去左一間連鎖泰國菜餐廳-「泰妹」。食物方面當然唔少得泰式小食拼盤，貪佢咩都有，可以每樣都食到，而我鐘意既地方就係佢既蝦餅同斑蘭葉燒雞，兩樣都有獨特既香味，個人認為食泰菜當然就係要有呢陣獨有既香料味啦，令人好似置身在泰國一樣。仲有樣值得一提就係冬蔭雞翼，鐘意食冬蔭功晚朋友話想試試，食完讚不絕口，冬蔭功既酸酸辣辣完全溶入雞翼之中，道菜仲有到好就係連唔食得辣既人都接受到，係不錯的一道開胃菜。

終於嚟食泰國嘢啦，好掛住泰國嘅生蝦同芒果糯米飯呀～所以放工就嚟到觀塘嘅泰妹，搵返泰國嘅味道！呢度嘅位置都有空間感，啱哂三五知己嚟傾下計。我哋叫咗生蝦刺身、冬蔭海鮮湯同泰式蝦炒金邊粉。生蝦呀～好鍾意生蝦嘅口感同醬汁，新鮮爽口！而金邊粉炒得夠乾身，仲酸酸甜甜，好味呀~海鮮湯兩個人份量啱啱好，雖然唔喺好食得辣，但喺又鍾意冬蔭嘅味道最後點少得椰汁芒果糯米飯，糯米同芒果真喺絕配嚟架，仲有必叫嘅椰青同珍多冰，咁先叫完整嘅一餐呢！