泰妹餐廳 (The Wave) (已結業)

喺觀塘嘅商貿區，餐廳都唔少，但要搵一間食泰國菜嘅，其實數落又唔多，喺呢個The Wave商場，一上扶手電梯，就見到呢間泰妹，平日晚間都好多人排隊椰汁雞湯兩個人飲呢個椰汁雞湯，份量絕對足夠。飲入口，感受到椰汁嗰種順滑的質感。一個湯，充滿香茅同椰漿兩大香料，味道絕對突出湯料豐富，有啖啖雞肉，吸收盡湯中嘅精華泰式蝦炒金邊粉賣相十足，以蛋花包着金邊粉，調味帶點酸酸甜甜的感覺大蝦爽口彈牙，肉質結實，蝦味濃郁泰式炒雜菜呢碟炒雜菜，真係適合選擇困難症嘅人，因為幾乎每樣蔬菜都會搵得到。最鍾意嘅係爽脆嘅炒蘆筍，以微辣嘅調味，充滿泰式風情，亦為清淡嘅蔬菜帶來一點刺激芒果糯米飯有綠色嘅糯米，亦有紫米嘅紫糯米。口感非常之不同，綠色的黏性比較重，紫色的比較有咬口，配上濃郁嘅椰醬，同埋甜如蜜的芒果，為完美嘅一餐畫上句號兩個人，都係食咗二百零蚊，大件夾抵食