泰好餸 (已結業)

平時我地食過港式兩餸飯,但泰式真心少食, 見到係大角咀D間泰好餸有泰式三餸飯於是決定試下泰式三餸飯-$50我地叫左咖哩, 雞翼同蝦餅, 泰式三餸飯就係有泰式咖哩, 送飯堅係一流的! 而雞翼同蝦餅都幾有泰式風味, 而且蝦餅唔係好多粉果D黎, 而係真材實料, D個泰式三餸飯係不錯之選泰式炒金邊粉-$88係諗緊堂食定外賣之間, 個職員姨姨同人吹水話佢地之前做OFFICE餐既時候好多人鐘意食佢地既炒金邊粉, 偷聽完好想試下, 所以決定堂食, 食落真係幾好味, 有D茄味令我地越食越開胃, 而且炒得好有鑊氣, 又多蝦, 唔怪得咁多人鐘意食馬拉盞炒通菜-$78另外我地叫多個菜, 又係好有鑊氣, 馬拉盞好香, 但又唔會死咸死辣, D度既泰菜真心唔錯西米露-加$2我冇打錯字! 跟三餸飯西米露真係$2, 質素都唔錯, 仲有少少咸味黎吊起個甜味, 不錯的甜品龍眼冰-$25, 咸檸七-加$2職員姨姨推薦我地飲龍眼冰, 話係岩岩煮起, 好好飲, 飲落的確係好重龍眼味,又有龍眼乾肉食；而咸檸七跟三餸飯只係加$2, 抵食呀!總結泰菜好味之餘, 又重人情味, 抵得一試既餐廳

重開晚市堂食之後，四周出沒去搵好嘢食，今次經過一間新開嘅餐廳，門面見到好似兩餸飯咁，但原來係食泰國嘢，見有幾得意，所以坐低咗晚飯，原來呢間餐廳之前係喺旺角，跟住因為疫情關係，閂咗門，老闆娘都返咗泰國，跟住喺熟客嘅要求下，先再重開，第一次食，我叫咗我最鍾意嘅香葉肉碎飯，出名嘅燒豬頸肉，同埋馬拉盞炒通菜，唔使我多講，見相都知好好食，佢係我食過最好食嘅泰國菜，難得嘅係嘢飲同甜品都好出色，而且價錢大眾化，必定再去幫襯！(順帶一提，佢嘅醬汁全部自己整，所以再熱返食，一樣咁好味，而且老闆娘Bonnie，好好人！係咁良心小店😊👍🏻）