1
1
0
港鐵堅尼地城站 C 出口, 步行約1分鐘
繼續閱讀
電話號碼
2817 5688
營業時間
星期一至日
11:00 - 23:00
以上資料只供參考, 請與餐廳確認詳情
食家推介
1543 瀏覽
KP老師帶同學生及好友們於士美菲路市政大廈街市熟食中心聚餐，五人享用中式小炒o既同時，老師更誠意推介中心內一間名叫「泰地道」o既泰國菜。「泰地道」門面貼滿食店所提供o既不同菜式，入面就係廚房，格局同其他店舖差不多，環境亦尚算簡潔企理。店內有三位姐姐仔忙碌地工作，其中一位尤其好客風韻，雖然佢都識講廣東話，但其口音聽起黎就似係泰國人；嘻嘻，泰國人煮泰國菜，果然夠哂地道，餐廳個名「泰地道」改得真係貼切！當晚我地於「泰地道」一共點選咗三款經濟菜式。泰式炒金邊粉（$58）：用鐡鑊上o既金邊粉新鮮熱辣鑊氣足，而且炒得好乾身，配料中o既芽菜又夠爽脆多汁，整體香辣惹味，老師真係冇介紹錯！柚子沙律（$58）：沙律入口爽脆，柚子份量足，集酸甜香辣於一身，醒神又醒胃，清新美味！芒果黑糯米（$30）：甜品黑糯米即叫即煮，雖然要等一陣，但上枱時保證熱辣辣，香甜軟熟，絕對值得推介！
繼續閱讀
呢間泰地道開業兩星期始被發現，原因就正因為士美菲路熟食市場出名平，但絕對適合無要求既人去食，所以係附近返工近兩年只食過不足5次，仲要多數早上食碗粥，近日聽同事講，有好多鋪已轉手，諗住好奇去望望，因為堅尼地城已好難搵食😭 太多集團擁至😫 午市到來，大部分坐位都係男性勞動人居多，只有一間唔起眼既新泰菜只有一人坐，午市套餐都只係32-35蚊，仲有汽水😌絕對平民價啦😏到第二日，便相約同事去試菜，一坐低，店舖服務十分欣勤，女店主一聽就知係泰國人，餐牌成十款之多，我地叫左海南雞，炒金邊粉，炒米粉，我地三人大為讚嘆😆 油飯不是好出眾，但黃黃的平均占在飯上，一絕！香港雞也能煮到咁既質素，35蚊一大碟，去邊度搵喎😉 最愛兩碟炒米，又唔油，乾身，咸度偏中啖，最岩我呢d賴健康既人😆食完個次，已諗下次一定再幫襯，更希望呢間舖可繼續係西環營業，起碼大家可以多一個搵食選擇😉每食一次就返去同老公介紹今日食咩，老公聽到津津有味，所以今晚特意帶埋阿仔黎接我放工，又試菜😜可能我地太早關係，去到全場無咩人，我地睇餐牌，價錢晚市比同區算經濟，埋單結賬都只係234，抵到呢😅 雖然，佢唔係所有食品都一絕，但用經濟價可享不過不失既泰菜，大家都不防一試，令呢d少數既細舖可以繼紀續經營，不至令佢地絕積😢留返多一個選擇比大家😄
繼續閱讀