泰嘟嘟

營業中

休息中

呢日同老婆去到大角咀搵朋友， 搵完朋友之後喺附近度睇下有咩食， 呢期我哋特別鍾意食泰國菜， 路過見到一間餐廳名幾特別叫做泰嘟嘟， 於是入去試下， 入餐廳有量體溫 ，入到去就知道點解餐廳會叫呢個名， 餐廳嘅裝修都幾時尚， 有幾張卡位的外型一部大嘅泰國篤篤車。冬陰功海鮮湯冬陰功海鮮湯係用鍋上， 可以保持到個湯嘅溫度， 個湯又大頭蝦，海鮮，草菇， 檸檬草和其他泰式香料， 酸酸辣辣， 清新開胃， 辣嘅程度係小辣。小食拼盤(大)呢個小食拼盤有六款唔同嘅小食， 啱曬我呢個每一樣都想試少少既人， 有魚餅，蝦餅，春卷， 荷葉包雞雞翼和沙嗲串燒， 配沙爹汁和泰式雞汁， 拼盤都幾有份量， 我哋飲完個湯同埋食埋個拼盤都差唔多飽飽地。招牌焗黃咖哩麵包軟殼蟹麵包用咗大概三分一條方包， 淋上咖哩汁有啲邪惡， 咖哩汁充滿椰香， 配三色椒，洋蔥和蛋花， 原隻軟殼蟹幾大隻炸得夠脆身。

夜晚晚去左大角咀嗰邊，行經見到呢間泰國餐廳都幾坐滿下人，見好似唔錯決定同朋友黎試下。因為朋友做完GYM嘅關係，見有D肚餓，於是就叫左 泰式生海蝦6隻($88)、香芒軟殼蟹米紙卷($78)、招牌去骨豬手煲($98)、香蔥蒜蓉包6件($42)、燒菠蘿($32)、泰式鐵板蠔仔炒蛋($88)、泰皇咖喱牛筋腩煲($108)、泰式馬拉盞炒椰菜苗($68)、鮮蝦炒金邊粉($78)、油飯($14)、火龍果芝士沙冰($32) 、波蘿芝士沙冰($32)泰式鐵板蠔仔炒蛋：鐵板熱辣辣咁上，份量都唔細，蠔仔肉夠多，蛋都幾滑下，點個辣醬仔黎食幾正香蔥蒜蓉包6件：好似層層疊咁疊起左，蒜蓉味夠香，就咁食或左點D咖哩汁黎食都好好味泰皇咖喱牛筋腩煲：好中意食咖哩，所以點都要叫返碟咖哩試下咩質素呢到個咖哩都幾香，唔係調味粉溝出黎，而係自己煮，食得出落左唔同香料落去，味道幾香而且辣度適中。薯仔煮得夠淋，牛筋腩嫩滑唔UN而且入晒味泰式生海蝦6隻：有別於一般泰式餐廳用碟上，佢每隻生蝦放喺杯仔到，類似試管架咁樣上菜，每杯紅綠色醬汁相隔，賣相相當吸引生蝦夠新鮮，加埋泰式醬汁連埋生蒜粒一齊食幾好食香芒軟殼蟹米紙卷：米紙卷個皮幾薄又夠煙

係奧海城地鐵站附近嘅利奧坊，新開咗間泰國菜小店<泰嘟嘟>，餐廳名字令我諗起泰國嘅嘟嘟車。見門口既餐牌有好多選擇，而且價格吾貴，又好想飲番杯泰式奶茶，便入去試下。午餐時段有好多特價抵食Lunch Set，價錢都係$4x 至 $6x, 不過我地比個主餐牌吸引住，好多野都好想試，所以冇叫到套餐。<香芒軟殼蟹米紙卷>每一件米紙卷都幾有份量，入面包住軟殼蟹，芒果，生菜，青瓜等，每一件都包住滿滿的餡料,材料好足,入口感覺味道清新,作為前菜一流!!~<招牌去骨豬手煲>呢個招牌豬手煲我極力推介!!~因為豬手肉是完全起曬骨的,豬手肉炆得勁入味勁軟腍,連皮都可以炆到非常入味呈啫喱狀，入口沒有根同揸，而且肉質又滑又惹味，豬手肉下面亦鋪滿芥蘭菜苗，完全沒有浪費師傅精心炮製嘅秘製醬汁，味道惹味濃郁，屬高水準之作，非常好食!!~<泰式芭提雅燒雞半隻>泰式燒雞即叫即做，製作時間需要20分鐘左右,但絕對值得你去等。烤雞焗得金金黃黃,雞肉入口肉質非常嫩滑，而且帶有陣陣嘅香茅味同泰式香料味，真係非常惹味好食，大推吖!!~<鮮蝦炒金邊粉>呢個鮮

朋友話大角咀新開左間泰國野,呢排無得去旅行,唯有食下泰國野當去左啦!係門口量完體溫先入座,夠哂放心,餐廳設計以"督督"為主,好有風味!淨係飲品牌都想試哂咁多杯!好吸引!當然要試下泰式奶茶,夠大杯,茶味香濃,甜係甜,但唔係甜到離譜,大熱天時飲一杯,正呀!小食拼盤,份量都唔算小,雞翼,春卷超水準,蝦餅多蝦肉,炸皮薄,串燒又多汁,唔會乾,成盤都咁高水準好難得!蝦餅最怕皮厚肉小,而呢度既蝦餅真係無得輸炭燒豬頸肉,多汁,皮脆不在下話,仲要KEEP住燒咁上枱,餐廳用心十足!紅咖哩牛筋腩,一定要試,紅咖哩唔會太辣,但係咖哩味超香濃,仲有陣椰奶味,可以話係香港食過最好食既泰式咖哩都唔誇張!冬陰公海鮮炒飯,同樣唔辣既炒飯,唔會太咸,落料量足,抵食!最尾黎返個燒菠蘿,外層燒到小小乾身,入面仍然十分JUICY,酸酸甜甜,作為甜品又唔太飽,又幫助消化!一流!

天氣熱又想食泰國野, 同屋企人夜晚黎呢到食飯, 餐廳都幾有feel, 小朋友坐篤篤車覺得好得意, 店員服務都幾有禮貌, 屋企人都食得好開心!menu好多野揀, 食泰國野我係必叫咖哩既! 所以我地叫左個咖哩軟殼蟹多士磚, 上菜果下都嚇親, 因為係半條方包咁大舊!!!多士烤得好脆, 索晒d咖哩汁真係超正!軟殼蟹都好大舊, d汁唔會太結, 好掛汁, 好正!!另外海南雞飯都值得encore, 雞好滑, 唔肥, 油飯都一粒粒唔會好淋! 唔錯!呢到既食物都幾大份, 叫左碗粉, 質地都幾好, 所以呢到好岩屋企/大班朋友黎食!野飲都好多選擇, 除左普通既珍多冰/椰青, 仲有芝士奶蓋最後就梗係叫個甜品, 椰汁糕好香, 唔太甜, bitesize 好好!!正! 

喺奧運站奧海城shopping，shop完之後搵地方食晚飯，但係又唔係好想係奧海城食，朋友話附近開咗間新嘅泰式餐廳，所以大家決定去食番餐泰菜。呢間泰式餐廳都幾有泰國氣氛，座椅都用泰國出名嘅嘟嘟車🛺做裝修，令人睇得開心。坐喺嘟嘟車🛺到落order，叫咗椰青($30)，蕉葉烤焗烏頭($108)，泰國金柚子蝦沙律🥗($88)，去骨海南雞配油飯($98)，椰汁西米榚($52)。想講個泰國金柚子🦐蝦沙律好正，有好多柚子，但係又唔會話碎碎凹凹咁，可以大啖大啖食夠晒juicy嘅柚子，咁熱嘅天氣真係好正👍。仲有個甜品有好多椰汁之餘，又好夠凍，後來個侍應話係佢哋餐廳自己整，唔係出面攞貨番嚟，抵讚喇👍。

大角咀唔係太近地鐵站，但原來隱藏不少高質而且性價比高嘅小店今次推介泰菜一入門口已經感覺到濃厚嘅泰式風情，裝修十分地道，卡位扮演泰國的士🚕🇹🇭而且牆壁還有漂亮嘅壁畫，真係岩曬打卡😍不過如果要坐卡位，*建議早少少到，或者最好book定位首先，招牌焗黃咖喱包軟殼蟹，$168，性價比十分高，岀面食起碼二百幾起跳，而且軟殼蟹唔似岀面得一隻擺上面得個樣😟呢個足足有3隻大嘅軟殼蟹😍😍👍🏻咖喱味道偏甜，最接近港人味道，十分好食💯配菜有三色椒，少少薑絲令味道更岀😆香芒軟殼蟹米紙卷🥭🦀芒果和軟殼蟹十分配搭，配上獨特嘅酸甜汁，十分開胃☺️辣椒膏炒蟶子王，十分惹味，唔會太辣🌶有鮮味而且份量都挺多芒果芝士沙冰🥭好特別😳呢個真係有驚喜，飲落去有濃濃茶香味，入口有3個層次嘅味道👍🏻真係可以一試呢間餐廳整體性價比幾高，而且份量都多，食物外表又裝飾得幾靚

附近開左新餐廳，晏晝就去左試佢午餐，新開張，幾好生意，大約等5-10分鍾就有位。入到去，環境好得意，牆掛滿boxing 手套同boxer, 又有tuktuk車卡位，好可惜今次坐唔到，隔離個小朋友因為咁而有少少唔開心😂叫左個豬手飯，黎到完全嚇親勁！大！碟！味道有少少淡，點左佢d魚露即刻好味左100倍睇相佢個蒜蓉包好似好正，下次一定會再試，希望可以坐到卡位🛺P.S. d staff 好好服務下午茶個價格都幾相宜！

今晚同兩位朋友去chill一下，搵左奧運站附近的泰國餐廳。一入到去俾好泰式既環境吸引左，心諗，又係時候影靚相。先叫左每人一份食物再慢慢影相打卡。越南生牛肉湯河 $68份量都算多，個湯好足牛肉味，牛肉煮得岩岩好，河粉都好味。月亮蝦餅 $88蝦餅好軟身，外層有香脆既炸春卷皮，令口感好特別。搭配兩種醬汁：泰式辣醬同梅子醬。原隻椰青海鮮焗飯 $88焗飯有香滑既椰子汁，海鮮新鮮美味。個人喜歡青口，朋友就喜愛食蝦。坐位係以泰國嘟嘟車做主題，打卡一流！環境唔錯

在大角嘴利德街. 最近新開了一間泰式小店, 裝修還不錯有泰式的 嘟嘟車 座位, 牆上還掛著一些球衣 午餐售價 五六十塊, 我們這次叫了 泰式豬手飯 豬手很入味 用碟子裝的 豬手 用不鏽鋼杯裝飲料 比較有特色

這日來到奧運站附近，有個新樓盤利奧坊對面的泰嘟嘟食飯覺得這個店名可愛，又見到裏面卡位嘅設計真係泰國嘟嘟，好有趣！所以入去試試海南雞飯味道唔錯，點雞嘅醬汁酸酸辣辣幾好味，而油飯不會太油膩，有雞香味也有少少薑嘅味道。另外，呢度用嘅餐具都好有泰國特色，好有去泰國旅行食嘢嘅感覺。馬拉盞好香，同通菜好夾味炒粉絲好好味！粉絲係用咗幼粉絲，炒得好乾身，加上配菜一齊食口感豐富餐飲選擇都好多，有傳統嘅泰式飲品，都有其他特色飲品飲品方面叫咗一個椰青。凍冰冰同埋好香甜，餐廳都俾埋鐵匙羹我哋整椰青肉食另外一杯飲品叫咗芝士奶蓋，火龍果汁都係第一次飲，都幾清甜。奶蓋芝士味香濃，都好滑椰汁西米糕好好味，當中有粟米，增加口感。椰汁味香濃，西米一粒粒有彈性。無論環境同埋食物，依間小店嘅感覺不錯，另外店員服務態度都好好，值得再試！

同朋友不約而同都話好想食泰國野。上網見到呢間新開既店個名好得意〰️泰嘟嘟〰️諧音篤篤，就黎潮聖下☻一入黎見到有三架嘟嘟車設計既座位，好有心思。環境舒服。店員好熱情介紹菜式​招牌焗黃咖哩麵包軟殼蟹​黃咖哩好重椰香味，麵包索哂啲汁勁惹味。軟殼蟹足料啖啖肉，唔會炸得好乾身。​月亮蝦餅粉薄炸得好脆，蝦肉溝左啲馬蹄粒，勁彈牙多汁。我覺得個口感有啲似墨魚餅，幾新穎。記得點埋佢個泰式辣醬/酸梅醬，會更加好味。​泰式肉碎生菜包🌶​肉碎炒得好入味，係冬蔭功味。生菜新鮮，食唔停。​芒果芝土沙冰​淡淡芒果同芝士香，唔太甜。呢個天氣飲真系透心涼。​咸檸檬梳打​呢款我冇試。不過朋友話清清地，好消暑解渴。​​整體食物質素唔錯而且份量多下次想試埋海南雞同生蝦

泰國野黎講，大家好多時都係諗起九龍城，但又知唔知大角咀都開左間唔錯嘅泰國餐廳呢？奧運站行過呢條街，幾分鐘就到，十分方便，而且裝修特別，係街頭重會見到店家貼心嘅引路牌。今次幾好彩，坐左係個小包箱仔，都幾有氣氛。先黎左個小食拼盤，個人覺得拼盤頗能夠顯岀一間餐廳嘅食物水平，因為雖然只係少少幾樣小食，用到嘅烹飪手法就五花八門。呢次整體都算中上水平，春卷好脆，不過串燒比較乾身。另外，重叫左生菜肉碎包，肉碎比較濕身，食得岀魚露嘅鮮甜，自己就幾中意呢個口感。重有蟹肉炒粉絲，平時應該都無乜機會食到，因為怕麻煩，所以好少食蟹，但食呢個炒粉絲嘅時候食到一絲絲嘅蟹肉，都幾岀色。整體黎講，呢到價錢較一般泰國餐廳親民，中意食泰國野嘅朋友可以留意下。

平時都好少去大角咀，因為覺得好似好偏僻咁，不過而家肺炎肆虐，去人多嘅地方反而會心慌慌，黎食d泰國野轉換心情就啱晒啦。香港好少泰國嘅餐廳會行新潮嘅裝修風格，多數都係一啲比較傳統風格嘅感覺，所以一入到黎，都覺得幾有玩味。牆上掛咗啲霓虹燈、結他，都可以打下卡。講左咁耐，都係講返啲嘢食先，一嚟到就梗係食咗小食拼盤同埋生菜肉碎包先，兩樣都係我去到泰式餐廳必點嘅野，小食拼盤來講，個人覺得春卷係做得最出色嘅，就算食到後尾，啲嘢食開始冇咁熱，都可以做到外皮係脆嘅，有料到！生菜肉碎包對唔食得辣嘅朋友可能就有啲chur，我就覺得好惹味。另外叫咗半隻海南雞，幾滑，油飯香，不過如果加埋啲炸紅蔥頭同炸蒜，口感應該會再豐富啲。燒烏頭幾特別，外層係一啲類似木碎口感嘅香料，咬落唔太入得口，但就令到d魚入味得黎保持juicy！幾特別！總括嚟講，呢間餐廳食物質素唔錯，而且價錢親民，絕對可以一試！

好少可黎呢頭搵家姐食飯,家姐話呢間新野都想試下,一入到黎裝飾都照有泰國feel!!特別係架篤篤車,坐係入面卡位覺得好得意！見到menu都好多選擇, 我地都揀左好耐XD家姐指定要食蝦餅, 所以我地叫左個小食拼盤, 有2個SIZE, 但原來細既已經好大碟!佢既炸蝦餅好彈牙, 好有蝦味, 又脆卜卜, 正! 另外拼盤有埋串燒, 2個人黎既話都唔洗食半打串燒, 好貼心冬蔭功金邊粉個湯好好飲, 唔會太濃, 做湯底岩岩好, 金邊粉好彈牙, 仲要超多料, 青口都有2大隻, 抵食!另外叫左個豬頸肉沙律, 同埋野飲都唔錯, 飲番杯珍多冰真係覺得去左泰國咁呀!順帶一提, 餐廳服務真係好好, 態度好之餘野食又好食, 可以再ENCORE!!