泰嘟嘟

營業中

休息中

一入餐廳就覺得裝修有好多泰國嘅特色 例如有泰國篤篤車、拳王衫同拳套 咁有泰國特色嘅餐廳喺大角咀應該可以殺出重圍泰式濕炒牛河依間餐廳用嘅河粉係幼身個種河粉 幼身嘅更容易掛汁👍🏻👍🏻 最鐘意佢哋真係加咗好多配料同醬汁 河粉炒得啱啱好、炒到條條分明👏🏻👏🏻👏🏻半打沙嗲串燒我哋叫咗一半雞串燒同一半豬嘅串燒 全消嘅份量都幾大 我就比較鍾意食雞 因為燒完啲雞都仲係好嫩滑😋😋而個沙嗲醬汁都整得幾香濃幾惹味 配串燒個味道好夾😻😻泰式明爐烏頭烏頭嘅size份量好夠 $138好抵食 佢嘅湯係香茅加咗啲子薑嘅酸辣湯 味道幾開胃😎 抵讚嘅係佢哋有比多一碗湯 咁食到後期之後就唔使驚冇晒湯啊👍🏻👍🏻 椰青

今日又去左大角嘴搵食，好耐無得去泰國，所以搵返間泰國野一解思鄉之愁。入面裝修幾有特色，入面啲四人卡位都幾舒適，當晚都算多人。想食泰國野點可以唔食明爐烏頭，一上碟大大條，配上特製青檸汁，酸酸辣辣咁好惹味，條烏頭都幾新鮮，啖啖肉咁。之後仲要左個黄咖喱麵包軟殼蟹，上碟好大份，成個麵包磚裝滿濃濃咖喱汁，唔會好辣，反而重椰汁味，軟殼蟹亦都香脆炸起，熱辣辣，沾上麵包咁食，夠哂惹味。食左咁多濃味野，食返個炒菜膽，都叫左兩杯野飲，一杯係泰式珍多味，入面有好多斑斕啫喱，夠哂正宗，如果人多可以叫佢啲set都幾抵！服務都幾好，可以問下佢地有咩推介，都好樂意解答。

最近發現大角咀開左好多新嘅餐廳，好多都好吸引，揾機會要慢慢試晒佢！呢間餐廳睇落唔算好大間，但入面裝修好精緻。比大家懷念下雖然暫時去唔到泰國但可以坐下tuk tuk食下泰國菜嘅回憶！餐廳選擇都幾多，海鮮串燒款式都唔少，價錢都算公道，值得試下！叫左泰式辣椒膏炒花甲黎試下。花甲大大隻，隻隻都有肉，清潔得好，冇沙。個汁好惹味，以唔食得辣嘅我黎講覺得有少少辣但可以接受。飛天通菜基本上係我每次食泰菜必叫。入味但菜夠爽口，炒得唔錯！相對少D見到蟹肉炒粉絲所以決定試下。相對起前2個菜呢個比較冇咁濃味。覺得粉絲煮得稍稍稔左少少，如果口感提升返好D會好加分。蟹肉都唔算太少。芒果糯米飯好精緻！比左好多椰汁好正，可以自行調較要幾多，椰汁控表示開心！食完餐飯店員仲好誠意咁想了解我地對野食嘅睇法，特別問我地覺得個糯米飯會唔會太硬，我個人覺得唔錯有口感，但朋友就覺得比起平時食開嘅係相對硬少少。欣賞佢地追求進步！飲品叫左杯珍多冰同芝士奶蓋火龍果沙冰。呢杯火龍果沙冰係我覺得全晚嘅highlight!甜度岩岩好，火龍果味好濃好足料！奶蓋好香，撈埋一齊好match同時又唔會搶左對方嘅味！超級推介！

係OpenRice直接叫外賣嘅，整好會通知有得拎，都幾好！之前食過有啲係整好咗都唔會通知，要自己我揾員工，但呢間會喺OpenRice 到更新狀況，值得一讚但食物質素比想像中差，不太合乎性價比叫咗海南雞飯，串燒同埋椰青，嗰海南雞飯本身食落都幾好食，但係食食下有兩舊好似變壞咗，所以無食嗰兩舊嗰串燒就正常味道，但一叫一係就半打，一係就一打！兩嗰人食最後都食唔晒，食得4條，如果佢有得兩串兩串叫就好了！串燒要$79/6條，除返$13/條左右！

厭厭悶悶, 潮潮濕濕的春天, 令人不太有食慾, 於是就想到食泰國菜, 在大角咀找到這間小店, 裝修很特別, 很有泰國風情, 有心思。見到二人餐幾抵, 食物都幾啱口味, 便選這一款。飲品更有半價, 選了泰式奶茶和青檸梳打, 奶茶奶味較濃, 青檸梳打解辣一流又清新。泰式鐵板蠔仔炒蛋個人很喜歡吃泰式蠔仔炒蛋, 這裡的很有水準, 蛋炒得滑, 蠔仔大粒又不會腥, 加少少辣醬更加惹味, 底下多少少芽菜更好。泰式明爐花甲鍋酸酸辣辣的湯底, 刺激香口, 花甲大大粒無沙, 份量頗多, 還有一些菇和肉碎可吃。鮮蝦炒金邊粉比一般的泰菜店這個粉份量大很多, 酸酸甜甜夠開胃, 二人吃一個主食也都一定夠飽, 材料也夠豐富。椰汁西米糕最後另加個椰汁西米糕才夠完滿, 甜甜鹹鹹, 椰汁西米各佔一半, 比例剛好, 椰香濃郁。一間環境和食物都很有泰國風味的餐廳, 出品令人回味, 有機會再來吃。

招牌焗黃咖喱麵包軟殼蟹賣相好澎湃🤩炸軟殼蟹🦀有四件 炸得香脆👍🏻 黃咖喱味道偏甜🥘質地稠身 用黎沾麵包食十分惹味😋 麵包🍞好大個 內裏鬆軟 吸附咖喱效果一流🤪可惜外層麵包淋左、唔夠脆😕 泰式鐵板蠔仔蛋 蠔仔同蛋🍳都十分嫩滑 唔會因過火而鞋口 蠔仔大仔且新鮮👍🏻無腥味 唔算特別油🍾唔錯💯 泰式經典明爐烏頭烏頭都幾大條🐠不過肉質偏淋、偏浮 唔夠新鮮🤭 烏頭下面舖大粉絲🍜吸曬湯汁既精華 味道酸中帶辣🍋🌶好開胃🤤 泰式小食拼盤 有春卷、蝦餅、雞肉串燒、雞翼 雞肉串燒🍢啖啖肉 點埋沙嗲醬一齊食滿足🤣 蝦餅 蝦漿彈牙🍤略嫌炸粉厚左少少  春卷、雞翼都香脆可口  泰式菠蘿海鮮炒飯 份量十足 配料豐富 有蝦🦐魷魚🦑青口、菠蘿🍍提子乾等 炒得乾身👌🏻但欠缺鑊氣、唔夠惹味 可以唔試❎ 整體而言， 餐廳裝潢有泰國特色 食物份量頗多🤰🏻賣相吸睛、適合打卡📸食物質素屬中等無咩驚喜但唔算難食 勝在性價比高💰

好耐冇同阿妹去食飯，近日有朋友介紹話大角咀有間泰菜餐廳，泰嘟嘟好好味，今日就同阿妹去試吓。餐廳座位以泰國篤篤車設計，牆上掛滿色彩繽紛的壁畫。好有泰國feel。月亮蝦餅 ：呢間餐廳唔用麵包糠炸，改用春卷皮包住蝦膠炸，所以外層特別香脆，不會油膩，蝦膠混有馬蹄粒，彈牙又爽口。泰式炸春卷：餡料有粉絲、蘿蔔絲、木耳絲等，外面酥脆，內餡豐富，配上香甜的醬汁，滿滿的東南亞滋味在口中。去骨海南雞配油飯 半隻 ：雞皮薄好爽口，雞肉嫩滑，油飯夠味爽口、油度適中。泰式馬拉盞炒通菜 ：炒得夠鑊氣又夠味，上檯香氣四溢，味道帶少辣好惹味！椰汁冰 ：椰汁味香濃，比較甜！青檸梳打：味道清新解喝！

餐廳門面同內部設計都好泰式，一望就吸引到我入去試。裝修好特別，好似坐喺泰國既嘟嘟車咁。環境雖然唔算好大但係座位都闊落，成間餐廳嘅佈置都好有特色幾適合黎打卡。首先我哋嗌左個冬陰功，呢度好特別會有埋個爐熱住個冬陰功俾你。一上到黎因為實在太香所以已經即刻試咗少少🤣呢度嘅冬陰功唔會太辣或者太酸而且都飲到其他香料嘅味道，最重要係入邊十分足料！有大頭蝦之外仲有幾隻蝦，青口同魷魚。大頭蝦開咗邊，蝦頭仲有膏，其他海鮮都好新鮮，連平時唔食青口既我都讚！過咗幾分鐘之後再試發現個湯嘅味道先真正出晒嚟！所以建議大家上咗枱可以等多一陣先飲個湯呀之後就到左好多人推介嘅咖喱軟殼蟹麵包。一上枱都俾佢嚇親。因為比想像中大份，香脆嘅軟殼蟹配上咖喱同鬆軟嘅麵包估唔到係咁夾，而且呢度麵包食落去係有甜甜嘅味道撈埋咖喱真係一流。覺得呢一個麵包可以三至四個人share都得。之後嗌咗嘅小食拼盤，蝦餅十分之彈牙！而且個春卷食落去都唔會油膩，點埋泰式辣醬真係好開胃👍🏻最後叫咗杯珍多冰，好重椰汁味，鐘意椰汁既朋友必試！

大角咀一直俾小胖感覺無咩好食，所以當小胖友人約小胖去大角咀食嘢，仲要係食泰國菜，小胖當然要去試下，唔去唔知，原來大角咀都幾多嘢食下，唔同國家的都有。今次小胖友約食的呢一間泰國餐廳，未入門已經感覺去咗泰國的club ，整個環境都好色彩繽紛，加埋音樂，頗有氣氛，而且坐位都頗闊，又有卡位，卡位令小胖感覺好像坐緊嘟嘟車咁🤣🤣小胖叫了每次小胖必食嘅泰菜，菠蘿炒飯🤣，馬拉盞炒通菜，香煎蠔餅和椰青菠蘿炒飯係小胖的必叫泰菜，因為佢的味道和用料豐富，加上酸甜酸甜的菠蘿，十分開胃，呢間的菠蘿炒飯整得唔錯，用料和份量十足，除咗有基本的葡萄乾，菠蘿，肉鬆和腰果，因為佢係海鮮菠蘿炒飯，所以有海鮮，但佢海鮮種類頗多，有青口，蝦，墨魚，蟹柳和蠔佢的飯粒乾濕軟硬適中，而且唔會過甜👍🏻小胖超愛食蠔，佢的蠔餅和潮式或台式的蠔都唔同，佢的蠔餅沒有加添任何麵粉，只有雞蛋和蠔，佢的蠔餅用料十足，超多蠔和雞蛋，每啖都食到滿滿的蠔，不過略為濕潤，但整體都係好食的，係小胖會再叫的食物佢的馬拉盞炒通菜好辣，如果小胖無椰青水飲可能食唔到😂但辣得好過癮，如果唔食得辣的朋友仔可以要選其他菜食，另外佢的汁有少少鹹，所以建議倒咗d菜汁先食，無汁

大角咀一向都有好多食肆，而家有啲新住宅落成，樓下仲有啲小型商場。車房都相對少咗，今日過嚟食下泰菜，見到有間裏面有tuktuk卡位坐，餐牌有海鮮類，最喜愛嘅冬陰功，飲品都超過20款。明爐冬陰功花甲好正，暖粒粒，湯味道濃郁。再加上芒果milkshake，有椰奶，芒果肉同西米, 夠解渴。

同事farewell, lunch去左附近一間餐廳食泰菜。餐廳牆上GRAFFITI跟球衣令整體環境感覺繽紛, 岩哂打卡。【越南生牛肉湯河粉】HK$68湯底清甜, 不過牛肉上檯已為全熟, 但份量都幾多, 牛肉片幾乎冇脂肪, 食得夠健康。 【泰式奶茶】HK$26奶味濃郁兼有淡淡茶香, 少少甜~ 唔錯! 另外Order左d小食share食,  【串燒沙爹豬】HK$88估唔到咁有"份量", 串起每粒豬肉粒都有咁大size, 平時係其他餐廳食到嘅真係呢度一串等於佢地嘅兩串。肉質幾有口感, 有肉香, 點少少沙爹醬食, 味道更提升。【泰式酸辣鳳爪沙律】HK$68夠開胃, 酸味味, 但就唔太食到辣味, 鳳爪軟筋爽, 夾集埋索左汁嘅蔬菜絲食, 酸味更重, 更開胃。

表哥最近搬遷到大角咀利奧坊的曉岸新居，趁疫情緩和去探他，之後他和我在對面利得街「泰嘟嘟」吃泰國菜，開張幾個月的泰嘟嘟裝潢充滿泰式主題，牆上掛著泰權服式和一幅藝術畫，卡位是彩色繽紛的火車；天花掛上別緻燈飾。我們點了飛天豆醬炒椰菜苗，醬汁有黃豆味;菜苗充滿口感。獨一無二的月亮蝦餅是鎮店之寶，買相令人垂涎欲滴，餡料有多隻爽甜蝦，入口香脆可口！香氣撲鼻的鐵版蠔仔炒蛋，餡料有牙菜仔墊底，上面有多隻鮮美蠔仔。鹽燒鰂魚，魚肚塞滿泰式香料，肉質嫩滑。今晚這泰國菜，令我們感到無比滿足，下次會再來試試泰式湯粉。

今晚黎到大角咀食野 明白呢頭一向到晚市人煙都比較少 畢竟離地鐵站有一段距離 而且附近民居較少 令好多呢頭既好餐廳都無穩定既客源支持 咁我同女朋友係openrice咁岩望到呢呢間泰國餐廳 所以專登黎到大角咀試試 入到黎餐廳既環境唔錯 睇得出有精心裝飾過 而且幾寧靜 可以靜靜地傾下計餐廳既menu封面幾靚 內籠都影比大家望下先 因為太多頁數既關係 所以我只係影左我揀既食物果頁既餐牌首先我地就叫左個小食拼盤（小）$108 （蝦餅，春卷，串燒，雞翼） 份野都幾多 蝦餅好重蝦味即使炸完都好 幾鐘意個位就係佢全部野都係新鮮炸出黎 好香口同脆卜卜 仲有沙嗲醬同泰式辣醬做配塔 唔會好熱氣跟住就係泰式鐵板蠔仔炒蛋（$88） 同埋泰式濕炒河（雞）（$68）野食如圖所見係好大份 非常抵食 蠔仔炒蛋–同平時既蠔餅唔一樣﹗佢真係炒到可以黏埋一齊，底下放滿芽菜，加埋一碟辣醬，撈埋一齊食唔太油膩，好味道另外，濕炒味道好好 河粉唔會炒得太過濕好似水浸咁 雞粒切得好細粒 可以融入河粉入邊一齊食 而且蔬菜好多 正常一個人食既話相信都係岩岩食得曬 份量大件夾抵食 最後我地飲野就

好耐冇試過夜晚出街食飯 難得終於開返夜市 梗係要食吓我鍾意食嘅泰國嘢啦😺 同事介紹咗我食呢間喺大角咀嘅泰嘟嘟 個名都幾得意吖入到餐廳就明咩係嘟嘟 餐廳嘅卡位設計到一架的士咁 再睇埋餐廳嘅英文名有tuk tuk 兩個字 就知道嘟嘟係講緊泰國的士 篤篤啦😛 都令我感覺到少少喺泰國嘅感覺 餐廳環境不錯 同事介紹咗呢間餐廳嘅招牌菜 就係招牌焗黃咖哩麵包軟殼蟹 上檯嘅時候賣相真係十分好 軟殼蟹鋪咗喺一大磚方包上面 軟殼蟹大概有四至五嚿 都炸得幾酥脆 麵包就好軟熟🍞 好易切開佢嚟分 點埋咖喱汁食就好正 啱晒幾個朋友一齊開心share🤤爆炒鐵板牛仔骨 呢碟夠晒鑊氣 上檯嘅時候仲有鐵板熱辣辣嘅嗞嗞聲 黑椒汁辣度適中 牛仔骨食落都幾腍 唔會咬唔開🐮蟹肉炒粉絲 份量非常充足 炒粉絲中間有好多配菜 蛋 芽菜 香菜 三色椒 同埋最緊要要嘅蟹肉 食落成個餸好夾 好配到個粉絲 如果有啲辣味就好喇 可以更加惹味🙊最後特別喜歡呢三碟菜式都有配三色椒 顏色夠晒鮮艷又健康🫑

食肆四人限聚令終於放寬了，一於四個人齊齊出動去大角咀至愛嘅泰式餐廳“泰嘟嘟”嘆番吓。舖內嘅燈飾、霓虹光管、牆上球衣及色彩繽紛嘅卡位，都甚有特色。坐低立即品嚐冰凍嘅椰青，清甜多汁又解渴，仲可以用匙羹刮出嫩滑嘅椰肉，一啖一啖，清新美味。跟住有泰式鳳爪沙律，少少辣，少少酸，鳳爪爽口，酸辣適中，夠醒胃，作為前菜真一流。接住有黃咖哩菠蘿炒花甲，賣相吸引，首先花甲鮮嫩，每隻蘸滿軟滑黃咖哩醬，加上菠蘿粒，味道非常之夾，如果份量可以多少少，必定更加滿足。冬蔭公炒飯，味道相當有層次，入口慢慢滲出冬蔭公獨有味道，加上其他材料，份量夠大，飯粒粒分明，唔油膩，大家都爭住添食，配合其他菜式，夠飽肚。仲叫左份燒菠蘿，酸酸地可以解膩其實餐廳仲有不同款式嘅泰菜，下次可以再試其他，再次滿足味蕾嘅要求。