泰作

營業中

休息中

今日又黎下午茶，keep 到高水準，我叫左個雞扒冬陰功金邊粉同埋泰國車仔撈檬。個雞扒冬陰功金邊粉，個雞扒絕對唔係出名死死實實，冬陰功湯底 絕對唔係求其亂來，金邊粉係爽身入味，簡直係超水準之作，食過返尋味車仔撈檬 裏面，我叫咗豬扒同肥牛個豬扒，個豬扒係外脆內軟，同埋絕對唔係快餐形式嘅豬扒，簡直一流。杯熱咖啡又係水準之作，估唔到下午茶都有一杯會拉花嘅咖啡總括嚟講食咗咁多次，真係唔好炸型。呢間泰國嘢喺青衣城歷來最好嘅一間大家試吓就知道！

佢地既泰式火車頭炒飯真係一道令人難忘既美食。首先，泰式火車頭炒飯的炒飯口感正宗，而口感豐富多樣，令人愛不釋手。味道也非常適中，讓人食得過癮。除了這道泰式火車頭炒飯外，泰作餐廳還有許多其他美味的泰國菜式，由其是冬陰功，好好味。除此之外，餐廳環境優雅，服務周到，讓人一進入店內就感受到了舒適和溫暖的氛圍。總體來說，泰作餐廳的泰式火車頭炒飯和冬陰功都是非常值得推薦的美食。如果你想要品嚐地道的泰國美食，不妨來泰作餐廳一試，相信你一定會對這裡的美食和服務留下深刻的印象。

已經有一段時間無嚟青衣城🫣恰好今日玩完迪士尼 就嚟青衣城晚餐經過1期3樓 已經被門口兩隻草泥馬🦙佈置所吸引😆Elsa 即刻上前打個卡先 餐廳🍴內裡都係熱帶雨林風格好多花花草草 座位寬闊舒服- 泰式炭燒串燒 可以選擇豬肉/雞肉 我地就揀左每款兩串 就可以兩款味道都試到😌食落有炭燒味 脆邊微微焦香 配埋沙嗲醬好好味推薦👍🏻- 泰式炸蝦餅 一共有4件 件件金黃香脆每件都炸得好均勻不錯嘅小食🥰- 泰式明爐烏頭原條烏頭用明爐盛上 配有秀珍菇、蔥等配料 先蒸後浸既方法烹調豐富左湯既層次感🥰烏頭肉質鮮嫩 鮮味十足😋- 泰式咖喱蟹肉配枕頭包擺盤吸引 食落啖啖蟹肉咖喱🍛同蟹肉配搭好夾 咖喱汁唔辣 份量好足夠加埋麵包一齊食 飽感十足- 蒜蓉金磚 4件蒜蓉包厚切每件都有牛油🧈花生🥜鬆脆有口感👍🏻- 泰作鮮蝦金邊粉大概5隻蝦😋金邊粉較乾身酸酸甜甜 味道惹味份量大@泰作 📍ⓉⓦⓘⓝⓚⓛⓔⒺⓛⓔⓟⓗⓐⓝⓣ青衣城1 3樓302號舖

青衣城都多食肆選擇，呢間泰國嘢都唔錯。用餐當日，已經係八點，門口仍然有人排隊，證明餐廳有返咁上下質素。—————-1.青咖喱牛腩青咖喱可以選擇豬牛雞，最後我選擇咗牛腩，青咖喱汁香濃有濃厚椰汁同香草味，超級開胃，令到食慾大增，可以配薄餅或者白飯。2.泰式生菜包肉碎很夠味，夠酸夠辣，而且每啖夾帶乾米，食上身很有層次，很開胃。3.泰式金邊粉金邊粉炒得很有鑊氣，味道剛剛好，可惜配蝦仁有點雪味。

地鐵連鎖商場裏面嘅泰國嘢啱啱裝修完味道合格而且唔貴如果係下午茶時段去食嘅話可以話非常係抵食添冬蔭功湯粉唔係太重口味食開濃味嘅要另外加辣椒粉同魚露撈檬有炸蒜花生碎蘿蔔絲算合格咖哩飯係性價比最高嘅咖哩係嗰種椰汁重嘅唔辣咖哩以上嘅份量就算唔嗌小食都夠飽不過豬扒冇切件有骨唔算好大舊豬頸肉味道唔錯都算大碟泰式鳳爪唔係新鮮即撈嗰種不過商場入面食嘢呢個份量同價錢覺得性價比算幾高就算唔係好食到飛起都當過關最後想講句係杯奶茶差啲唔夠濃希望下次去食下午茶會濃啲😆

話說呢間之前食過一次味道都ok既今晚諗唔到食咩，又見冇人等位（夜晚7點左右）上次食咗個泰作鮮蝦金邊粉，味道唔錯今次再嗌份量都夠1個半人食再嗌咗個炭燒澳洲羊架配泰式香草汁味道都ok既，整得啱啱好，唔會太生或過熟食完點都覺得要嗌個甜品食吓先得叫咗個椰汁西米糕面層既椰汁太硬，西米唔夠軟身真心食過咁多間，呢間真係唔好食另外仲有椰汁芒果白糯米飯芒果好多根糯米飯超普通真係唔知係咪咁啱咁唔好彩，兩款甜品都唔掂囉整體嚟講，金邊粉同羊架唔錯既甜品就唔好喺度食啦

💁🏻‍♀️近排成日都crave泰國冬陰功，咁啱小編經過呢一間嘅泰國😁餐廳，因為佢主要係一間新開嘅餐廳，所以帶着冒險🤪嘅心態，幫各位即管試一試佢伏唔伏，估唔到有意外驚喜。小編覺得佢個冬陰功實在係幾有水準嘅，而且兩隻大蝦🍤都好鮮味，除此之外，其實佢個燒雞都整得唔錯，因為唔會整到啲肉乾晒。另外亦都推介呢個柚子沙律，因為佢調味係做得好好，所以非常惹味😋，當然唔少得整返杯泰國奶茶，咁先係人生😁

呢個舖位對上一間泰國菜又貴 份量又勁少 味道又唔好食仲要職員趕客難得終於執笠 開左間新既泰國菜戰戰兢兢都要試下架啦▫️我地叫左四碟▫️♦️無骨豬手：呢碟高質！無骨啖啖肉，估唔到好juicy又好滑，肥瘦適中，值得encore♦️印度薄餅：個份量真係O左嘴，少到⋯⋯雖然話$2X但誇左，大家千祈唔好叫！♦️豬肉生菜包：食開譚仔三哥五小辣既我，估唔到會頂唔順呢個辣度，下次可以叫少辣或BB辣😅♦️菠蘿海鮮炒飯：正常發揮，份量都大架▫️題外話：老闆(我估係) 如果心情好會請客人飲凍椰汁🥥😋我同隔離枱都有🤣所以大家可以落單時唔使叫野飲住睇下佢會唔會主動提出🤣🤣

又到咗下午茶時間🤤去咗青衣城間Twinkle Elephant🐘迷你無骨豬手飯🍚豬手同飯一啲都唔迷你🙊份量都多,豬手醬好食,有驚喜,餐飲我揀咗淡白咖啡☕好香,好飲又唔會太甜餐可以追加小食+$28泰式無骨鳳爪輕量馬沙文咖哩飯🍛可以選配牛、雞、魚雞扒炸得香脆,不過最欣賞都係個汁咖哩汁味道啱啱好唔會太辛辣,入面仲有薯仔,入味又夠淋送飯一流😋餐飲揀佐港式凍奶茶同樣好可以！裝修好泰式🌿🌴🌳🐘牆身配畫令人感覺置身熱帶雨林中,有動物,植物圖案,充滿泰國風情。環境舒服,值得一試🔥❤️

呢間餐廳，喺青衣城開咗幾個月，之前食過兩次晚餐，質素唔錯，最鍾意個咖喱。今早有時間，所以去咗試佢嘅泰式早餐，點左一個泰式冬陰功豬扒金邊湯粉，一杯熱檸水，不用加一，$41。由於環境舒適，入座時都有八成客滿。當我一收到食物，先試咗個冬陰功湯底，酸酸辣辣， 十分惹味，而豬扒煎得香口，惟獨未夠酥軟！整體食得開心愉快，雖然款式未夠快餐甜繽紛，但總算有一個冬陰功湯底嘅早餐，我就覺得滿意🥰🥰🥰下次再食，我都會再點呢個餐。

平時行過見到下午茶嘅餐牌，好似好吸引，又有泰國菜又有印度菜，有一日有時間突登去試，坐低，用QR code點左個串燒加印度薄餅，然後飲品我揀左泰式手打朱古力(+$18), 先係杯飲品到，睇到我傻眼！根本就係一般朱古力粉沖嘅，仲要加勁多冰，好淡接近冇味😢 隔一陣上主食，份量比兒童餐細，成碟菜同我隻手掌差唔多大，埋單$70，串燒有好大舊肥肉(唔記得係豬定雞，因為一雞一豬)我之後都有同其他街坊講開，原來大家都有幫襯過，都話價錢同質素唔成正比，喺度都分享一啲相片，講到底都要有圖有真相。

中午時段嚟到，都幾多人，座位都尚算寬敞。鮮蝦金邊粉，$88，份量幾多，會比較乾身，有4-5隻蝦，肉質尚算彈牙，但係冇乜調味。金邊粉味道豐富，甜甜地幾惹味，加埋啲配料食會有唔同嘅感覺。蒜蓉金磚，$28，有4舊，都有充滿蒜蓉嘅香味，鬆脆，唔會話好硬好難咬。用嘅包都幾厚，食落有口感。炭燒泰式豬頸肉，$35，調味幾好，配埋個汁食都幾夾，但係唔夠香口，口感偏淋，同預期中脆邊嘅感覺有出入，不過份量都足夠嘅。凍奶茶，$3（跟餐價），正常餐廳水準，冇咩特別。

嚟到其中一個美食沙漠青衣，估唔到誤打誤撞都食到好嘢 今次喺lunch hour 嚟到呢度，原本以為呢個裝修食物價錢都唔平，但係點知睇一睇個餐牌又OK！叫咗個椰香青咖喱雞扒飯，個咖喱甜甜地，啱晒啲想食辣，但係又唔係好食得辣嘅朋友，椰香味亦都好正。個雞扒都好above average, 大大份，個皮脆脆地幾香口，成個餐都好夾仲要價錢相宜，Cp值幾高！

青衣新開的泰國菜餐廳，今次係LUNCH 去食，環境唔錯，裝修以Tiffany blue 為主調，座位都算寬敞，12點半去到客人唔算太多， 1點度就開始Full 啦，lunch set 選擇都算多，有14款，每款跟一杯野飲價錢由五十幾到六十幾不等。泰式車仔船河泰式船面可以配河粉/檬粉/金邊粉，配料有豬扒/扎肉/貢丸/肥牛/雞扒/雞翼/墨魚丸，兩款60蚊，3款68蚊，加5蚊可以轉冬蔭公湯。今次選了金邊粉配肥牛和雞翼，雞翼外皮有煎過，好香口，炆得好入味，入口一咬就骨肉分離，好正！湯是典型既船面湯，濃度適中，配上炸得很脆既豬皮和金邊粉，一流！泰作泰式海南雞飯海南雞飯配左一碗湯同埋少少雜菜，海南雞大約有6件，味道正常無咩雞味，雞油飯分量很多，不過略嫌唔雞油唔夠多，唔夠香，湯就係普通冬瓜湯，雜菜有椰菜和少少酸萝卜， 食完飯再食酸萝卜，可以清清油膩感，唔錯的配搭。涷檸檬茶檸檬茶看得出是用茶葉泡出來的，沒有平常茶涩感，也沒有假甜的味道，配上鮮檸檬，好飲！

一直都偏愛泰國菜，但是又很少有機會去到九龍城覓食。所以在青衣城見到這間泰作就決定試一下！Set lunch 的menu選擇類別都幾多，都是比較大路的選擇。（不為意影了下午茶的menu和價錢添）我揀了泰式車仔撈檬（豬頸肉+扎肉），豬頸肉好好味、好香口，扎肉正正常常，值得一提的是它的撈檬汁和魚露是分開的，撈檬汁酸酸甜甜很好味，魚露就充滿辣椒，我怕太鹹太辣所以只落了兩小匙。餐飲我揀了淡白咖啡，也很好味，很香卻不會太甜。整個裝修也很泰式，店名有可愛的泰文，墻紙也是熱帶雨林的樣子，充滿了泰國風情。總體來說，第一次試，有驚喜！價錢也很合理，埋單70蚊有找，是我在青衣城的新歡！