泰作

營業中

休息中

性價比差份量少價錢貴。味道差勁，員工服務態度一般，餐廳已不像從前。一家四口叫咗四個菜分別菠蘿海鮮炒飯蚵仔煎蒜椰香青咖喱牛柳蒜蓉金磚叫菠蘿海鮮炒飯，得一碗飯份糧，配料少。仲漏咗加腰果肉鬆。椰香青咖喱牛腩冇椰香味，青咖喱肉不見得特別出色，牛腩當中大部份都是碎肉，只有一兩件係牛腩。泰式蚵仔煎，淡而無味，食不到蚵仔嘅香。唯一保持到水鑽就係蒜蓉金磚，依然鬆脆行可口所以去得青衣城可以有其他更好嘅選擇，建議大家不要去。

呢間餐廳服務質素及態度十分差。今日收工，約下午2:30，去到青衣城唔知食乜好，就隨便入咗呢間Twinkle Elephant 食泰國嘢。雖然我一個人食，但服務員安排我搭枱，明明餐廳重有位，都要安排我搭枱，到我想走唔想食，先肯安排一張雙人枱比我一個人坐。然後，我叫左香茅豬扒河粉，塊豬扒又細塊又薄，重要好乾，無香茅味，總之就唔好食，不過啲野食唔好食都算啦！埋單個時，個果女職員一邊埋我張單，一邊擰轉個頭去招呼另一個正在落order既客人，之後重要成個人走開咗，走咗去另一枱客人個到處理佢落order事情，心諗：我幫襯左你，你都咁無禮貌對我，啲服務質素同態度超差，之後重要收多咗我錢，同個女服務員講收多左錢，佢一開始重要唔承認，話張單唔係我，之後check清楚喇，雖然有退番錢比我，但一句道歉都冇，完全唔覺得自己有問題咁。呢間Twinkle Elephant 餐廳食物價錢貴，但又唔好食，服務質素又咁差，總之係一次十分之差既體驗。

行過餐廳，見佢個下午茶餐牌價錢價錢合理，有飲品，仲有小食可以加配。研究完一輪，就落order,點知俾完錢等外賣期間，發現價錢唔對路，就問一問個收費。我：點解價錢同門口餐牌唔同？侍應望一望： 出面個餐牌無update我：咁你唔update咪即係呃人囉待應：咁我未得閒update 呀嘛。你想點呀。（語氣惡劣）我：咁你可唔可以改番個餐牌呀？待應：大力掉下餐牌，無再理會我。企係門口等左外賣半個鐘，見到那位侍應行行企企，坐係度飲茶，原來咁就係好唔得閒。以後經過泰作。。。不了

今日和朋友閒逛了青衣城商場，不知不覺間感覺肚子有點餓了，而且已經很久沒有食過泰國菜，於是就去了‘’泰作‘’食下午茶。這裏光線充足，地方寬敞，坐得頗為舒服。我們每人都叫了一個下午茶套餐。迷你泰色海南雞飯(油飯) 配熱紅糖薑蜜茶 $62海南雞感覺肉質不太滑，應該係煮得過熟所致，但份量都算多，點上少許微辣的醬汁，提升了雞肉的香味。熱辣辣的油飯不覺油膩，且粒粒分明，散發著一股油香的飯香味。冬瓜湯飲落清甜可口，令人心曠神怡。紅糖薑蜜茶這個熱飲飲落祇感覺到有蜜糖的甜味，但薑的辣味就不夠。青咖哩飯(牛腩）配熱紅糖薑蜜茶 $58微辣的青咖哩汁食落感覺到有一般椰香和香葉的味道，但可惜牛腩比較細粒和肉質比較鞋。炭燒豬頸肉冬蔭功船河檬粉 配黑枸杞玫瑰桑椹茶 $62喜歡食辣的朋友一定喜歡食這個菜，湯底勁辣而香，豬頸肉不太肥膩，而且食落感覺爽脆，檬粉不太硬也不太冧，恰到好處。黑枸杞玫瑰桑椹茶這個熱飲有著微微枸杞的甜味，且有濃郁的玫瑰花香味，飲落令人心身舒暢。

好耐冇嚟青衣城食泰國嘢今日走嚟食泰國嘢叫咗個冬陰功炸魚扎肉金邊粉一嚟到條炸魚大過塊面真係抵食又好味個冬陰功湯底一直都keep到我連湯都飲埋，最後再嗌咗杯凍齋啡完美嘅lunch就係咁啦加上佢哋嘅服務態度非常好，大部份都係泰國人有啲重要識講廣東話，簡直係一流。而家香港商場已經好少呢種特色餐廳。泰國人煮嘅嘢食真係好好食(雖然我好鍾意食日本嘢),加油👏青衣城人流太少，希望商場增加人流幫助呢啲有質素嘅餐廳

老實說,這裡的食物質素不太差,下午茶的咖哩牛腩飯份量充足,味道也不錯,以往都幫襯過幾次,但今次覺得奇怪是熱奶茶要多好竟然要加2元,以往都沒有这样收費的,我到過所有的茶餐廳都沒有这種收費,所以覺得十分不舒服,而且它不是給我一小杯奶,只是比正常多加一些吧了,我個人口味都喜歡多些奶,但今次令我以後都不會再幫襯,香港餐廳要留客就要改掉一些亂收費習慣,否則只會自取滅亡

今早到這裏吃早餐。點了一份餐蛋治。 上枱時，真是給它的賣相嚇一跳。是否廚師發脾氣呀 吃第一啖 感覺麵包好濕。食完半份，望下隻碟，滴了這麽多油 難怪麵包咁濕啦。 極可能是吸了很多油。 這裏是用數碼點餐的。咖啡 default 是冇奶。我選擇了加奶，但杯咖啡仍是深啡色的。好像全杯咖啡只是加了一茶匙奶。如要多奶，又要另加兩蚊。 這裏的豬扒早餐，可以選擇豬扒或炸魚柳。但如改牛扒，要另加28蚊。很難想像他給我什麼牛扒要收這麼貴的附加費。所以不試了。 發覺這間店的老闆，在每個細節上 都是不停的轉空子去減成本增利潤。 這裏的服務是不錯的。可惜那些泰藉員工中英文都不懂。經常要勞煩少數的一兩位本地員工幫忙。做死本地人。 忙到她們兩頭走。

青衣城曾經有過泰國菜，呢間算係新嘅，裝修幾靚。同一般泰式拼盤唔同，佢冇香葉包雞，換咗雞翼同埋炸到乾爭爭嘅雞肉燒賣其他蝦餅、魚餅味道相近，似炸完再炸，春卷就一般。味道偏甜，有椰香，餸飯、薄餅唔錯，如果有少少辣更好。以為好似餐牌相片用個大杯裝住，出來卻是一個類似烤魚的大盤，份量夠😂椰子味重，雞肉算滑，有大量菇類。其實唔差，但飲一碗就開始漏！雞湯加$25有一碗淨金邊粉，但遲遲未到。問一個侍應，原來佢唔識聽廣東話，只係攞咗啲調味料畀我。結果要再問另一個店員，佢話要時間煮，但上枱係凍咗結埋一嚿！當晚見餐廳有四個侍應，三男一女，其中兩個男嘅溝通唔知講乜嘢話，負責執枱。食物、服務都一般，好難吸引我嚟第二次呢

下午茶2個餐加配小食薯條豬頸肉，份量多過m記細薯小小。。。仲要係炸唔夠，上枱仲係淋身，豬頸肉就要讚，係幾好食嘅，起碼夠爽有口感，不過芒果沙冰連套餐都加3-40蚊會否過份了？同埋泰式奶茶一開始都預咗多冰，但個杯好細，200ml都唔知有冇，加十幾廿蚊飲幾啖。豬手海南雞飯唔好食，豬手炆唔夠，海南雞冇改刀，塊雞皮極厚。最後金邊粉就還好，建議落返多啲魚露，成碟得個甜味咁。。。埋單二百幾三百，我寧願去隔離食kfc。。唯一要讚下環境唔錯，而且服務都唔差，但唔會有下次，成餐飯好無奈，但又唔可以唔食

內容與描述嚴重不符佢個泰作豪華全日早餐 聲稱有「泰式土豆餅、茄汁豆、煎蛋、青芒果沙律、泰式辣肉碎配薄餅、泰式酸辣肉腸」但我食完個泰式土豆餅先發現唔對路 佢個所謂泰式都係普通廉價三角薯餅都算 青芒果沙律變左普通蕃茄沙律菜以為只係供貨不足換左其他野姐都都算（不過餐廳冇打黎提起過會換任何野）薄餅變左多士 冇肉碎 亦冇茄汁豆煎蛋變炒蛋 所謂酸辣肉腸 亦只係普通熱狗脆皮腸 完全冇酸辣味本來未試過泰式嘅all day breakfast好期待點知黎到變左西早 仲要係廉價果隻盛惠左我$106搵左平台跟進1月20到宜加終於有消息當然唔係餐廳主動回覆平台指負責人拒絕退款 但沒有提供原因有嘗試催促負責人提供相關回應但負責人不願意答覆不過其實由day one我都唔係想餐廳退款 畢竟都食左攞左禁耐只想要番個負責任及合理嘅解釋 道個歉都好但sorry係零囉唯有經一事長一智唔好再幫襯

好激氣！今日同媽咪兩個人食下午茶，本身下午茶餐包熱奶茶/咖啡，我哋點左熱奶茶，落單時職員再問我哋要咩野式奶茶，港式或泰式，然後我問有咩野分別，職員話泰式甜啲，就幫我哋落左單。俾錢時原來每杯加左$20！本身個下午茶餐都係$43，加左成50%，都無話俾我哋聽，然後收錢果個職員就話：我哋係無責任同你哋講架喎！但我哋有問有咩野分別喎！而且唔係加幾蚊！然後杯奶茶又唔係特別好飲或特別大杯！食到一吐氣！啲職員實在唔掂！仲有俾我哋睇果個餐牌係無寫到要加$20！

開咗一段時間先第一次食 間舖頭望落幾靚 但點知係嗰伏嘢食個賣相望落都okay 但點知原來係大伏個小食拼盤隻炸雞翼炸到岩岩慘慘 入面仲要係係未熟既 係明顯見到有粉紅色。。。。咁佢就換過第二碟就正常番少少個蝦棗仲離譜 第一碟小食拼盤發現係餿嘅 有同店員講 點知第二碟黎到都係餿既。。。無言 同左店員講希望佢地個日之後冇再出比客人啦冬陰功都唔好食 個味道勁奇怪 蝦醬炒飯同咖哩就正正常常 啲配料一般般 大蝦好似冇調味過 不過都係唔值呢個價錢 呢個價錢呢個質素真係 不可一 不可再

青衣 📌泰作貴為一月之🌟 今個月我會瘋狂食生日飯。 先多謝閨蜜 ( 相識 2x 年) 同我食生日嘅第一餐， 每次同你都有講唔完嘅話題 💙🦐 泰式生蝦刺身 $118生蝦夠大隻，夠厚肉， 生蝦辣汁亦惹味，同蒜頭一齊食不得了，整體賣相、味道都唔錯 😋🍢 炭燒泰式串燒 $82至於串燒真係好乾爭爭，乾到阿媽都唔認得😑 應該係燒完之後凍咗，接著再燒過， 所以又乾又韌，食食下我同閨密都反白眼，應該係我食過最乾嘅串燒😑 應該係乾過我甩緊皮嘅咀唇。🥬香辣肉碎生菜包 $98生菜包用豬油爆過，用紫洋蔥再炒，而碎肉亦都好juicy，有一些泰國餐廳係比較吝嗇生菜，但係佢嘅生菜🥬 係大大塊，最重要係好新鮮，呢一個生菜包係必食。🍆金不換豬頸肉炒茄子 $98呢個又係食！我幾乎食咗三分二😆 一來，我好鐘意食矮瓜 🍆 二來，豬頸肉好嫩，肉汁好juicy; 三來，真係炒得好香，個醬汁好惹味，正斗！🥥 班蘭椰汁QQ彈 $48首先我覺得個性價比爭d， 成個感覺就係椰子冰 ( 因為真係好多冰 ) 聲稱入面有嘅 QQ， 但係啲QQ 係冇味嘅。🍯焦糖泰茶沙冰 $48呢個泰茶嘅甜品我覺得都幾出色， 呢個甜品係可以當飲品， 泰茶味道係好

2023年最後的晚餐, 一家人選擇了青衣城呢間泰作 Twinkle Elephant. 一坐低就即刻落單, 之後職員要求我哋轉枱, 因為有客人要張長枱(11人), 我哋明白人家都要做生意, 我哋願意轉枱。食完晒主菜都未見頭盤, 之後問職員, 佢哋先話賣晒蝦餅, 但最攪笑係我地見到11人張枱剛剛上碟蝦餅頭盤, 遲來先上岸。同個高級職員(經理)反映, 佢嘅態度真係想同你開戰咁, 完全一句sorry都冇, 好似係我錯咁。明明就係你哋漏咗張單, 冇煮到, 我問先話冇。仲要遲來先上岸, 咁請問係邊個嘅錯?服務態度差, 食物好一般, 不會回頭的餐廳❌

聖誕節去酒店Staycation, 諗住叫外賣拎番去食。第一次試吓尼間。叫咗泰式海南雞飯、加埋兩份串燒雞、等等。點知返到去發現成盒海南雞飯無俾到飯，又無豉油或者汁，點食呀?? 跟住又發現俾漏咗成份串燒，但明明張單有計到錢🙄第二日番去揾老闆娘了解，希望可以退番漏咗單嘅錢…點知佢態度非常差🙄🙄🙄仲賴話係我地/有人攞錯，自己唔睇…唔通我要自己行入去你廚房自己攞?? 食物一般 Food taste just average 外賣漏單 Takeaway missed order 服務態度惡劣 Terrible service of staff