泰之味 (已搬遷) 新店位置

昨午跟baby去了西環辦年貨, 之後走回去上環搭地鐵. 途經上環街市, 乾脆就上去食晚餐, 反正附近的選擇不多了.街市外係冷冷清清的, 走進去又是另一番新景象, 我們好不容易, 婉拒了其他店舖的招來, 轉了一個大彎入到最偏僻的角落, 終於找到了"泰之味".當晚有團体包場, 但還未入座, 所以人不算多, 店員安排我們坐一張坐五人枱, 很闊落.我們坐下, 翻看著餐牌上的菜式, 這小店的菜式種類也不亞於大型餐館, 厚厚的一本餐牌, 我們想了十分鐘, 才決定點了: 1.) 豬頸肉沙律: 上菜時被嚇了一跳, 一碟滿滿的, 份量可真驚人. 雖然沙律主要都是菜, 但豬頸肉的份量也不少! 而且用料新鮮, 醬汁酸辣醒胃, 不錯!2.) 四季骨: 將醃好的金沙骨炸香後, 再淋上用咸金吉製成的醬汁, 咸中帶甜, 甜中帶甘, 比老是吃咕嚕肉來得有新意.3.) 椰青海鮮炒飯: 賣相吸引, 飯充滿著椰青味, 海鮮用料一般, 椰青保溫效果很好, 吃到最後一粒飯都還是熱的!此店的厨師都是泰國人, 味道正宗. 店員的服務也很殷勤, 所以值得推介! 最後我還從店員伯伯口中認識到什麼是"飛天"芥蘭呢!

一心想和男友來這個熟食中心吃乳豬，但是日來到卻沒有開店，後來才知道已關門大吉了。還好，我們發現了一間吃泰菜的小店，於是用冬蔭功來解我對乳豬的思念。我倆點了冬蔭功($68)、香茅炒蜆($48)和肉碎炒飯($38)。先來的是冬蔭功，用小火爐曖著，不用怕放涼了。看顏色都覺得蠻對辦，喝一口果真夠酸，又不會辣得過份。湯內的蝦雖不算新鮮，但也夠爽口了。再來的是炒蜆，一上桌就是滿滿的香茅味，份量不少。可是蜆肉比較小，如果用花甲會美味得多。最後來的炒飯，原來飯不是炒的，只是將炒了的肉碎放在白飯上，雖然少了炒飯香，不過肉碎份量足，用來伴飯吃也不錯。飯後還有甜品送，是西米糕，解辣的好朋友。吃飽的我倆，竟然又衝去中環吃乳酪了。

見幾個食評都唔錯, 放工後來到一試.燒豬頸肉, 味道是可以的, 但又不甚突出. 蒜炒椰菜芯, 唔好食. 有好強既苦味. 辣椒膏炒聖子. 唔夠豉椒出色, 而且份量不多.整體其實唔太好食. 可能冇叫下面食評既招牌菜, 味覺而言係喊面. 但老闆服務唔錯. 可能試唔中d好野. 可俾番個ok.

哩日又行到去上環食lunch, 見幾間茶餐廳都擠滿人要等位, 索性再行遠d 去上環街市, 又適逢自己想食泰國野, 入面都有一間, 應該都唔差.上到去都冇乜人, 套餐大約$34.o係金邊粉同羊腩之間我選取了金邊粉. 純粹想試d 泰式比較簡單既野, 就當睇下哩間野既水準如何啦$34, 凍飲加$2.先送來一碗例湯, 係蓮藕湯. 我屋企平時都唔會用蓮藉煲湯, 所以都好少飲到喝一口, 非常甜! 冇味精! 真係好好飲. 仲有d 想飲第二碗添.附送2舊蓮藕證明係老火有料靚湯. 不過我唔食湯渣既.炒金邊粉, 好大碟. 成碟都係殿粉質, 所以食晒好飽金邊粉好彈, 有d 黏黏地. 酸酸甜甜幾開胃.仲有d 平價配料, 好似d 豬肉同魚片咁, 魚片切得好薄, 炒得有點乾身, 好似食緊魚片乾咁, 又幾好咬.好少自己一個食晒成碟金邊粉, 平時係同朋友一齊食泰國野樣樣野都share今次lunch 食到平價泰國野真係好滿足, 又平又好食.

花了幾個時時由香港南區行到西區, 感覺真棒 ! 今日決戰泰之味, 位於街市的二樓, 地方難免有點垢由於時間只有五點多, 只試探一下會唔會提早開市 誰知店員二話不說請我們就坐 之前做足功課既我,也睇左餐牌一片已點了三味菜, 雖則我倆是食得之人, 但聽講份量頗大, 所以就此作罷 泰式炒雜菜 : 話明雜菜, 真係幾雜下, 比出面食到既菜種類多, 亦比較辣泰式串燒 : 不知從何時開始喜歡上串燒, 自言只愛泰式, 因為喜歡大大串肉份量多, 同埋梗係賠嫁既沙嗲漿 雞和豬各三串 : 焦焦的肉質也頗有睇頭先食雞, 沒有鞋口感覺加上了香濃花生漿感重既沙嗲漿食真係yummy 至極 豬有小小 un, 要花點氣力咀嚼, 自言好(雞)多點 豬肉炒金邊粉 : 先講份量, 絕唔係倆個人可以應付, 菜與豬肉比例也很多, 但豬肉比平時食開的味淡, 豬道也欠奉 , 好大程度係用肉粉“那”過, 而金邊粉炒到成底痴埋一墟, 呢味明顯係唔合格架 打包左半打南瓜布甸返屋企慢慢嘆 由於係第一次食, 味道清甜, 布甸則沒有預期般蛋味濃, 合格但唔叫凸出 最尾埋單時, 有位男店員過來吹水埋怨生意一般講左好多對

由於太太唔食泰國野辣野酸野，自己就好耐無食過起晒癮，唯有自己諗下辦法。咁岩有靚女朋友介紹上環街市泰之味就約埋去試試。上到去七點人未多，結果愈食就愈多人，好生意到暈。坐底之後士頭婆都認得靚女朋友，介紹左一輪後就叫左咖哩青口＋蒜蓉包，冬陰功湯，串燒，馬拉盞炒通菜。咖哩青口加埋蛋，拎黎點蒜蓉包真係幾好既配搭，串燒味道好ｏｋ，馬拉盞炒通菜先堅，我不嬲唔多食通菜都差不多食左大半碟，完全無通菜本身個陣騎呢味，入口味道一流。冬陰功湯一窩咁上，有埋酒精燈保暖，材料十足醒胃一流，飲到清佢窩底！椰青埋單都飲左兩三個，拎多一打甜品走人都係三舊水，抵食到爛！有時食野唔一定要好好環境，只要肯去試去尋找，街市大檔一樣有好野～

同場增叫 : 1) 冬蔭公湯-呢個好多料,有芫茜,草菇等..........-味道酸得好醒胃,中間亦有辣味,我還可以免免強強耐得住,不過呢個喺酸味重過辣味-2者balance得很好-好飲 2) 青木瓜沙律-酸得嚟每樣嘢都爽口-食友們都很喜歡 3) 燒豬頸肉-肉質腍,又好入味-但攪手要求比較高,佢要連外皮都要燒到小焦,有焦香先為之好,所以呢個未能達標,但我已經收貨 4) 雞+豬肉串燒-肉質嫩,又入味,蘸埋沙嗲醬食-但可惜熱度不夠 5) 炒椰菜苗-惹味,菜曲又爽口 6) 南瓜布甸-呢個賣相就麻麻,暗暗"瘀瘀"-但中間嘅布甸部份又幾有蛋香味喎-個南瓜肉部份好腍,好似南瓜泥咁* 女闆娘猛話我哋無叫柚子沙律就遺憾............有點誇張呢~~~hahaha * 不過佢帶我睇其他客嘅柚子沙律..........真喺好大碟

雖然這晚的局主角是乳豬!但也有過來這邊點吃數款泰式食品,愛吃辣的我當然更開心!意外地此店水準絕不比九龍城一衆泰國菜館遜色!冬蔭公----小煱上,最喜歡見到有下了大量南薑,總覺得其它店舖下得不夠多!酸辣及香芧的味道很出,此湯真是冬天暖胃夏天開胃!青木瓜沙律----爽爽的木瓜絲加上無油溢味的花生,實是清新開胃前菜之選,如果辣度再多一點更好.燒豬頸肉----咯嫌外皮不夠乾身,肉質不嚡及調味做得不錯,重要的是沒有雪味.豬、雞串燒----兩款的味道都是一樣,吃落質感也是差不多,同樣是嫩滑有肉汁,如果沙爹汁味道再濃一點會仲惹味.炒椰菜苗----有點苦苦甘甘的味道,中和了吃太多肉後的油膩感覺.南瓜布甸----一向喜歡吃南瓜,無論用來煲湯、豆豉炆、燒烤或做甜品都無問題!中間的布甸蛋味頗重,南瓜本身亦都已經軟淋淋蒸透身,尚有本身的甜味.好味好味!真的要感謝Issac兄安排的這個滿足之夜!其實吃完這餐已經預備相約一衆同事、再來安哥！

八月初四‧轉涼是晚完全客串，原本搞了兩日的乳豬局，但自己竟然是兩天也來不了，將局交給朋友處理之餘，自己也想來看一看，順手拍拍照，就不請自來。除了木佬的乳豬及幾味燒物，當然也不會錯過這裡的其他菜色，Isaac也要了這裡的青木瓜沙律及冬蔭功。這裡的青木瓜沙律好吃，木瓜絲刨得幼細，而加入了大量的碎花生及生豆角，吃起上來爽脆非常，滿有口感。經幾位食友確認，是很有水準的。當然如果要加辣的話，會更好吃，可以試試；另一味的冬蔭功，用一個小鐵窩熱著，滾燙熱辣，湯面飄著紅油，很對辦。喝一口，酸辣俱備，也有香茅及芫荽的清香，加上內裡配料齊備，很有水準。吃廣式乳豬，加燒烤食品，加插泰式美食，如果人多一點，去棟記炒兩味小炒，加杯樽仔奶茶，來個上環市政熟食中心的大滿貫，一樂也。

Set amongst other dai pai dong style chinese restaurants on the 2nd floor of a municipal wet market, it was pretty clean and adequately air-conditioned for a summer's evening. The service was attentive and polite, even pulling out (foldable) chairs for the ladies and handing over a bowl of rice with two hands. A big plastic Carlsberg jug of hot tea on each table ensures that you won't need to flag down the waitress every time for a refill.We ordered the prawn cakes, which turned out to be more l

黃咖喱牛筋飯好好味呀....因此味道唔太辣,適合一d唔食辣又鐘意試咖哩既人呀....我就係其中一個勒......另外環境都唔妹呀....有冷氣又有風扇.....所以食得都幾舒服......不過以價錢黎講...就好似貴左一點啦....都會再去一試.......

等honey lunch time過黎食下泰國野~一坐低呀叔叔就比左兩碗例湯我地, 係蓮藕豬骨湯, 佢一d都唔欺場, 好甜, 冇咩味精, 仲畢左好大碗+好多料比我, 飲完都飽左三份一睇食評話蒜蓉包好味就叫la, 點知呀叔叔話好多外賣要做唔得閒"hong"蒜蓉包............算lor, 下次先食honey叫左泰式炒金邊粉, 有花生碎, 豬肉碎, 蛋絲, 芽菜, dd酸醬炒, 又甜又酸, 好開胃, 但細碟左d餐飲要凍檸茶, 已經叫少甜但都仲係過甜.............茶味都夠ge~

之前來過一次 , 味道好好 , 價錢又不貴 , 今天再約其他朋友來品嚐. 這次叫的朋友大多數也不是在香港區工作 , 真是有些長途跋涉 , 沒想到最後也有 7 人出席 , 非常有面子 . 一坐下 , 我就說一定要叫蒜茸包 , 大大件 , 配咖哩汁吃沒有得頂 . 本來想叫蟹 , 不過 , 要 200 多元 , 商量過後 , 還是按本來的意思叫咖哩軟殼蟹 , 反正也是想用來配蒜茸包吃 . 其實上次已經吃過一次 , 這次的味道沒有差 , 保持水準 . 咖哩汁好香 , 不會有太多的椰子味 , 正 ! 這裡的冬蔭公和泰國本地的味道好像 , 不會太濃味又或者只得辣味 , 淡淡地但是又不會影響到本身的味道 , 最重要的是不太辣 , 不嗜辣的朋友也可以試下 . 泰國菜苗 , 是炒的 , 賣相有些像西蘭花 , 好爽口 , 好好味 . 每次吃泰國菜也必叫生菜包 , 想試一下它們的辣度如何 , 朋友先吃 , 評語一致 , 好辣 , 而且是慢慢滲出來那種 , 雖然是好辣 , 但是又不知為何好想再吃 , 有些矛盾 ! 雖然大家也吃得好飽 , 不過也好想試下 "南瓜布丁" , 看相片以為整個也是南瓜

燒烏頭, 超好味～ 魚肚塞滿香草, 香味滲入魚肉, 好清新, 食多多都唔膩最正係魚皮燒到香脆, 仲剪成一塊塊, 可以當脆炸魚皮食, 不過一定要趁熱, 否則魚皮變諗就失色生虾刺身用正宗泰國運嚟既虾, 比一般草虾彈牙～ 每份大概10-12隻,比一般大碟, 價錢也只收$88，抵食飛天炒雜菜, 有椰菜苗, 唔會求其攞小唐菜嚟炒 (個人意見認為小唐菜乃係最無性格, 亦最無味無道既菜)其他試過既菜色：冬陰公 - 好多料, 有大頭蝦㗎哩蟹 - 汁好味, 是泰式有滑蛋的那總 ... 但差唔多三舊水椰青飯 - 食過兩次, 第一次做得好好, 炒得不油膩, 飯入面有啖啖椰肉 . 第二次食原全失準, 油多得離譜, �晒啲飯出嚟仲有一層油响個椰青低泰脆雞 - 需然係炸雞, 但一點也不油, 吃落似燒雞多啲, 但火候控制得好, 清爽得嚟又唔會過乾因為份量頗大, 仲有好多想試既菜色未試

2008-10-16今日頹搵新o野食, 就去o左上環市政大廈呢類地方係諗得到有o的咩食o架喇, 不過上到去, 都算比期望o既多但唔太可以遂間睇清楚有咩食, 因為o的大姐係咁叫你埋o黎, 你都好難/唔好意思呆企太耐去了角位這間泰式的, 因為感覺特別o的, 唔駛一定o的咩扒腸貼了價錢, 好像是剛起價有$28 o既粉, $31 普通飯, 同埋$34 o既特式飯咁我要$34 o既泰式炒貴刁, 同事要泰式炒飯(豬肉)有熱飲, 就算加做凍特飲都係加$4, 仲有碗真係唔錯o既例湯, 大大舊豬骨, 好好飲唔多覺有味精我個貴刁起碼都黃黃o地, 有o的火腿, 蝦仔但同事個飯我睇落都好中式…… 炒埋一堆同事的熱檸茶得一片檸檬頭……我個熱奶茶一般啦所以, 反而係個例湯拉番o的分