泫居酒屋

營業中

休息中

屯馬綫開通左之後，真係可以多咗好多選擇去唔同地方尋找美食。呢一間係宋王臺地鐵站附近嘅泫居酒屋就我新搵到既好地方，離地鐵站出口只係幾分鐘路程，位置非常易搵。今日係平日，人流唔算多，可以即時安排到入座。餐牌食物嘅種類非常多同豐富，為咗試到唔同嘅食物，我哋每樣嘢都嗌咗少少。前菜就嚟咗個雜錦魚生沙律，海鮮嘅份量仲多過啲菜添，壽司叫牛油果軟殼蟹卷同佢壽司盛，每件壽司都睇得出廚師嘅用心，用嘅材料都係最新鮮。最後我哋仲叫咗少少串燒同埋蕎麥麵，總括嚟講同朋友一邊食一邊傾偈，美味嘅食物真係錦上添花。

屯馬線開咗咁耐咁梗係要去坐下啦🤗今日去到呢個宋皇臺去搵嘢食呀。九龍城除咗出名食泰國嘢之外，都有其他嘢食嘅，今日去到一間日本居酒屋「泫」。🇯🇵呢間日本居酒屋新開的，入面裝修可具特色🏔️，縷空設計並做出好大嘅空間感，仲有吧枱雅坐，仲有包廂。叫咗佢個中午套餐非常之好食，一個壽司拼盤，仲有個鍋烏冬。頭盤先嚟過沙律仲有個麵豉湯，麵豉湯要講一下，係非常之多足料，值得一讚👍🏻壽司拼盤多款選擇，配合到你不同嘅口感，刺身仲好新鮮🐟。🍜烏冬湯底非常濃郁，食得出個湯底係用鮮蝦淆製嘅，非常好味🤭最後再配個糯米糍做甜品，好滿足嘅中午飯。環境質素🏚：❤️❤️❤️❤️❤️衛生程度🧽：❤️❤️❤️❤️❤️美味程度😋：❤️❤️❤️❤️❤️抵食指數🤩：❤️❤️❤️❤️❤️回頭指數🤩：❤️❤️❤️❤️❤️

黎到九龍城除咗多泰國嘢食之外，今日比我發現咗間新開嘅日式居酒屋🏮入去睇吓好唔好食先睇裝修真係好似去咗日本嘅居酒屋🏮咁，以木為主又有和風燙門同吧枱位，感覺真係唔錯。咁我就叫左個壽司烏冬定食，個餐有麵豉湯，沙律🥗燉蛋，烏冬，同埋10件壽司🍣都幾多嘢食下。因為我真係太肚餓了特別想講吓個烏冬真係好彈牙，好滑，講起滑個燉蛋都好滑😋個壽司拼盤賣相一流，壽司上面啲刺身都好新鮮。食到最後甜品原來係綠茶糯米糍個甜品都有少少驚喜，綠茶味居然一啲都冇澀味，入口即溶總括來講係一間高質嘅日式居酒屋🏮

屯馬線🚊都開咗一排，終於都有時間去宋王臺站睇吓有咩美食，一出地鐵站行過隔離街就見到間新開嘅日式居酒屋，一於入去試吓。入到去叫咗一個壽司烏冬定食🍱同一個野菜海蝦🍤湯烏冬先介紹個壽司烏冬定食,包括有麵豉湯，燉蛋，沙律🥗同埋有壽司🍣拼盤。先講講個麵豉湯一飲落去好清甜，好有日本🇯🇵嘅味道，一個字！沙律🥗賣相都好精緻，口感好Flash番茄仔🍅都好新鮮。仲有個燉蛋食落去好滑，再配埋D冬菇,獅子狗,🍥,簡直一流最後就係個壽司拼盤賣相非常吸引，款式多，食材都好新鮮，壽司🍣飯都適中。最後食埋個彈牙烏冬，真係好滿足。再試埋另外一款野菜海蝦🍤烏冬，D蝦🍤又大隻又爽，好新鮮，配埋有野菜嘅湯，同埋彈牙嘅烏冬，真係好好味😋最後呢間餐廳真係一間高質嘅日式居酒屋🏮，服務好，環境一流，下次我會再嚟食其他菜式推薦比大家。

🏮#居酒屋 📍九龍城 好少有居酒屋 會提供咁多款刺身同壽司👍🏻👍🏻👍🏻食物齊全居酒屋 沙律 🥗 壽司 🍣刺身 串燒 🍢 主食🍛 #魚油極香 🔥🐠火炙左口魚 沙律🥗沙律汁： 柚子醋油 🍃 fresh + 火炙過嘅魚油 三文魚子 飛魚子 💯💸: $108 （big portions)#深海池魚刺身 💸$148非常新鮮！配搭秘製醬汁 另外可以加上 柚子醋jelly, 味道比較特別 🍣: 時令 #白子壽司 💸$78火候剛好 微微火炙 🔥 配上紫菜 💯串燒： 甜薯 $28翠玉瓜 $22牛舌 $60雞翼 $30羊架 $108 （有得叫 cfu , 切開 方便啲食）好細心

自從開咗宋王臺站去九龍城真係方便好多👍🏻所以今日我同家人去行下街~經過見到一間試業中嘅日式居酒屋設計高級 入內主要是木系裝修也有不少日本掛畫 滿有格調的壽司烏冬定食 ➖ $188定食包括了壽司8件、玉子燒1件、烏冬1小碗、沙律、茶碗蒸及味噌湯。份量好足夠。壽司有帶子、赤蝦、三文魚籽、赤身、鯛魚、三文魚、黃瓜小卷。黃瓜小卷開胃，更嘗到魚生鮮味。烏冬口感彈牙。茶碗蒸蒸得嫩滑。牛肩胛肉壽喜丼 ➖ $108用了壽喜燒醬汁所以較甜。牛肩胛肉蓋滿丼飯上，好豐盛。將溫泉蛋同飯拌勻，每一口飯都被蛋漿包裹住，好滿足。

刺身好新鮮最好味係三文魚腩同帶子刺身食完刺身食串燒串燒外脆內軟恰到好處梅酒好fresh 易入口好清甜柚子同芝麻味雪糕作結食完好滿足侍應留意住客人食野速度差不多食完第一碟先來第二碟串燒接住食都係熱辣辣

“ 𝐽𝑎𝑝𝑎𝑛 𝑖𝑠 𝑡ℎ𝑒 𝑚𝑜𝑠𝑡 𝑖𝑛𝑡𝑜𝑥𝑖𝑐𝑎𝑡𝑖𝑛𝑔 𝑝𝑙𝑎𝑐𝑒 𝑓𝑜𝑟 𝑚𝑒. 𝐽𝑎𝑝𝑎𝑛𝑒𝑠𝑒 𝑐𝑢𝑙𝑡𝑢𝑟𝑒 𝑓𝑎𝑠𝑐𝑖𝑛𝑎𝑡𝑒𝑑 𝑚𝑒.”九龍城食泰國嘢就好出名原來有一間日本居酒屋都好高質素😍就係泫 居酒屋啦👏餐廳嘅環境 服務同食物質素都令人十分滿意☺️雖然依間餐廳唔可以比150個人開生日會😏但餐廳環境幽雅 充滿格調🤵🏻🤵🏻‍♀️情侶慶祝朋友生日都絕對適合啊👍———————————————————————————〖蟹膏豆腐🦀🧈〗💰58食蟹膏唔一定要食大閘蟹嘅😏雖然佢冇淡淡蟹膏咁邪惡😈不過每啖豆腐都散發住好香蟹膏味啊👏而且係蟹膏搭配冷豆腐上仲加左酸汁同三文魚子多左一種清新開胃嘅感覺 唔會食濟作為前菜 點到即止👍食蟹膏 Go go go 🔥〖雜錦魚生沙律🥗〗💰98我要投訴啊❗️ 明明我想食沙律菜嘛有咩理由魚生刺身多過沙律啊😝真係好癲啊🤩沙律菜好新鮮 好fresh 好爽😍魚生每嚿都好肥美 充滿油脂🤤 開胃一流咁多魚生放埋一齊今次真係 集合吧 魚生保胃隊😘〖串燒🍢〗去居酒屋冇理由唔食串燒啦😏依間嘅串燒十分出色💯1️⃣翠肉瓜🥒 清甜juicy 一咬落去勁多汁噴出來啲汁多到可以係沙漠飲三

最近試左呢間新開居酒屋價錢唔貴位置好方便服務仲幾好添！諗返起都想再去食🤤蟹膏豆腐豆腐顏色微黃一睇就知好入味質地嫩滑但唔太大力夾都唔會斷開底層仲有醋汁海草爽口火炙平目魚邊沙律沙律菜新鮮爽口平目魚邊火炙過後充滿魚油仲好滑嫩鵝肝壽司鵝肝煎得香口外脆內軟好好味🤤🤤🤤鹽燒單骨雞中翼單骨雞翼好易食皮脆肉香金菠蘿呢個菠蘿唔算甜食面頭塗上少少醬汁用鹹味帶出菠蘿本身嘅甜味好特別！食得咀尖嘅我繼雞頸後今次試左樣新野鹽燒雞掌心❗️口感似食雞軟骨但比雞軟骨略略軟身少少感覺幾特別唔錯！西京燒銀雪魚銀雪魚充滿油香魚肉雪白經過醃製後香甜非常好好好好食！最後要多個魚湯烏冬魚湯奶白唔腥烏冬彈牙食完飽肚又滿足！禁晚市前食到真係好彩！

呢間居酒屋木系裝修超靚，入到去好有溫暖感～ 餐廳仲有每日活魚直送～想食活魚刺身既朋友，千祈唔好錯過。屯馬線開通後，我多左出沒九龍城一帶～超方便😻先叫左客▫️雜錦刺身沙律🥗 魚生好鮮，沙律汁調較得唔錯～佢為第一道refreshment 係唔錯既～▫️蟹粉豆腐呢個要推介～好香好香既蟹味，食落聞到蟹殼香（估計是蟹殼煲湯再用Dashi 煮汁）（錯左唔好鬧我，我估架咋😹）配▫️鵝肝壽司又係最愛，真心好想order 多一份。幾欣賞佢地既醋飯，溫度keep得唔錯👍之後就叫左幾客串燒！其中一款係店員推薦！真心未食過～就係用鳳爪掌心（肉球）的串燒😍😍 口感好似食雞軟骨咁～用汁燒處理。（唔知下次可唔可以試下鹽燒呢？）青椒仔夾埋木魚花一齊食，真係想叫返杯啤酒飲（可惜今晚要做柴可夫）厚燒牛舌同鹽燒雞翼亦係水準之上。最後最後～ 當然係海膽蟹肉炒飯😻😻 記得要撈勻哂海膽先食呀～餐廳位唔多，但椅桌之間好闊落，坐得好舒服。另外見到有一間private room (目測坐到6-8位）

泫居酒屋 (九龍城).九龍城地鐵站開通後，真係對我倆而言非常方便！仲要多左好多野食選擇，今次呢間係超近地鐵站出口!!. ▪️軟殼蟹米紙卷沙律 ▪️.軟殼蟹炸好被青瓜絲紅蘿蔔絲等蔬菜包裹住，出面再加上煙韌嘅外皮，非常清新！.▪️深海池魚薄刺身 ▪️.池魚刺身我相信大家都唔陌生，配上酸汁更帶出魚肉鮮味🥰.▪️芝麻醬火炙三文魚炸蝦卷 ▪️.火炙三文魚少肥，包住炸蝦以及火箭菜，一客四件啱啱好.▪️豚肉蘆荀卷▪️.豚肉片夠薄燒得微脆，蘆荀新鮮爽口，蘆筍令豚肉無咁膩！.▪️汁燒免治雞棒▪️.免治雞軟骨棒就食得多，呢個雞肉整成伴蛋汁及醬汁，但少少鹹.▪️汁燒雞掌心▪️.🤪呢個好好食，一隻雞腳最好食嘅位就係脹卜卜嘅掌心位(˶‾᷄ ⁻̫ ‾᷅˵) 又爽口又脆口，無得輸！.▪️煙肉車厘茄▪️.較常見嘅串燒，一咬蕃茄汁爆曬出黎好juicy!! 順帶一提呢到嘅串燒係期間限定每次黎都會嘈同架，要睇下當日嘅黑板有咩🥰.▪️牛肉壽喜燒▪️.好多好多件牛肉，只要滾左就食得，湯汁唔多勝左夠濃味夠甜！入面仲有京葱，豆腐，牛旁絲，菜，芋絲等配料。.▪️海膽炒飯▪️.眼闊肚窄左tim🥺個飯好大個呀一個小山丘咁，蛋炒飯再配上海膽，味道較淡.📌 泫居酒屋 (九龍城)九龍

上個月約咗朋友喺九龍城食 lunch，原來開咗一間新嘅居酒屋🏮，兩個邊傾邊食真係好開心，下次再傾過🤗！泫居酒屋 嘅門面和裝潢走雅致日本風，幾舒服。lunch set 都幾多選擇，揀咗 極上魚生丼 & 釜燒湯烏冬，定食仲包括沙律🥗、茶碗蒸、味噌湯。沙律落咗柚子汁幾清新，茶碗蒸好滑溜。極上魚生丼 - 賣相好吸引，碗上放了滿滿嘅刺生，種類好多，可以一次過食到唔同口味好正，刺身好新鮮甜美。釜燒湯烏冬 - 烏冬好滑，兩隻天婦羅蝦🍤炸得幾脆，脆漿好薄，好味！湯內用料不少，仲有蟹棒和竹輪。餐後甜品是雪糕糯米糍！

咁岩去九龍城探朋友，無意中發現呢間裝修雅致既木系日本餐廳，就入黎試下啦💛本鮪二重丼老公鐘意食吞拿魚，就點左呢個黎試試🐟吞拿魚赤身配上吞拿魚拖羅茸，岩曬鐘意唔同口感既佢。吞拿魚好新鮮，吞拿魚拖羅茸用黎撈飯食一流✨銀雪魚西京燒因為想食魚，店員推薦左銀雪魚西京燒比我。銀雪魚只係用簡單既海鹽調味，但西京燒完成可以突出魚味。香得黎又有炭燒味。好有驚喜☺️係香港未食過咁好味既燒魚✨ 仲要配菜有埋最愛玉子🤗因為lunch set 關係，仲有埋沙律🥗配菜，日式蒸蛋同埋日式雪米滋，一個價錢，4種享受，絕對超值✨泫居酒屋 (九龍城)九龍城太子道西426號地舖

自從屯馬線開通之後就經常去宋皇臺站食野，呢一兩年真係開了很多新餐廳，環境好，人少，價錢中上，坐得又舒服又乾淨。壽司烏冬定食 $188有7件壽司，壽司都係略為貴價嘅款式，新鮮同都好厚切，1件玉子燒，2粒醃蘿蔔卷。烏冬彈牙夠熱，自己加左少少wasabi味道更佳✨👍。親子丼 $88雞肉多，嫩滑，mix 滑蛋，有啲洋蔥調味，份量很多，絕對夠食。午巿定食都包括了麵豉湯沙律茶碗蒸同甜品，食環境食味道，性價比都幾高。

九龍城區除左出名食泰國菜，原來都有不同菜式的選擇，而且好多都係小店的經營。

去食居酒屋通常都會約埋三五知己傾計慢慢食，今次2人都點左主食同小食，整體質素都好好。服務同環境都好滿意
1. 松葉蟹肉蟹子沙律一上台就見到好大份，好多蟹肉同蟹子，撈埋食好鮮甜爽脆，超開胃
2. 拖羅4貫壽司依款壽司真係必試，拖羅4個食飯，大拖羅、中拖羅、赤身、碎蔥拖羅蓉軍艦
魚油脂真係無得輸，連赤身都好滑！！
3. 燒物
－鹽燒雞皮 ＞可以再脆口d－單骨雞中翼 ＞正常發揮－厚燒牛舌＞必試！！超厚肉但好軟腍，燒得外脆內軟4.清酒煮蜆好大碗兼材料超多，酒煮味濃，蜆肉鮮甜無沙
5. 海蝦炒烏冬
叫左唯一一份主食飽肚，烏冬炒得好份味，又唔會炒到濕哂！海蝦都好多