泫居酒屋

營業中

休息中

蟹膏豆腐🦀一咬落去件豆腐到就食到好濃嘅蟹膏味，有種好特別感覺好好味呀⋯⋯明太子厚揚豆腐🫔其實係腐皮夾住厚厚明太子，口感好好唔錯😋金目鯛薄造刺身🐟切到薄薄一片好鮮好甜，點埋個柚子汁仲正👍🏻👍🏻👍🏻芝麻醬火灸三文魚炸蝦卷🍤三文魚燒一燒有魚油仲正，夾埋炸蝦同芝麻醬食唔停口嘅卷物。串燒：厚燒牛舌，爽口好味😋日本單骨雞中翼，燒到好脆好香😋日本青椒仔，估唔到咁好食😋鮮冬菇、翠玉瓜，蔬菜類燒完都唔乾身.正👍🏻溫泉玉子冷蕎麵🥚特別在用左溫泉蛋同炸過嘅天婦羅粉漿一粒粒，撈埋蕎麥麵夾得黎好新穎嘅感覺。

星期一晚7點前黎到已幾乎坐滿, 睇黎呢間野應該唔錯。安排我地坐果邊既檯之間有竹簾作分隔, 坐得舒服得黎私隱度更高。咁岩呢個月有promotion, follow 餐廳專頁就送三文魚刺身/ Sapporo啤酒/蘋果汁, 岩哂放工想啤一啤既人士。蟹膏豆腐 $58可能係我食過同類中蟹味最濃郁既一間, 正!雜錦魚生沙律 $98夏日炎炎黎個沙律, 裡面有多款刺身, 厚實大塊絕唔hea。雖然估唔到份量咁大, 但清新好味, 所以好快就掃哂.深海池魚(薄造) $148刺身真係切得好薄好透, 仲好新鮮, 配上微酸既醬汁同啫喱食, 呢種refreshing 完全擊退左炎暑!叫左幾款串燒，日本單骨雞中翼（$30）、翠玉瓜（$22 ）、日本甜薯（$28）。當中既汁燒雞掌心 ($58) 比較特別, 外皮燒得帶點香脆, 中間既軟骨比較大；另外厚燒牛舌（ $60 ）真係好香同好厚切，同樣值得推介!爸爸一定要有澱粉落肚, 最後主食黎個溫泉玉子冷蕎麵 ($78) 同鮭魚茶潰飯($82)作結。全程招待一流, 唔係平時果D流水作業機械式咁叫口號, 呢度係有溫度既服務; 仲有可能我坐得近, 走時連師傅都有揮手拜拜。

九龍城除咗多café,呢期都開多咗啲日式居酒屋，呢間泫好近宋皇臺站，一出行2分鐘就到蟹膏豆腐($58): 漬物類,塊豆腐漬到綠綠地色,豆腐好滑,每一啖都有好香濃的蟹膏味火炙平目魚邊沙律(108): 平目魚邊好香魚油香味,配合沙律,中和咗啲油膩感,加上柚子汁,好清新開胃吞拿肉壽司盛($228): 件大拖羅入口即溶,成口都係魚香氣海老天婦羅($158): 炸粉厚薄程序可以接受串燒: 牛舌超級好味,好嫩好淋身厚燒牛舌 $60單骨雞翼 $30燒雞皮 $30燒翠肉瓜 $22燒青椒仔 $25溫泉蛋凍蕎麥麵 $78

午後嘅九龖城有種閒適感，近地鐵站出口位置唔到兩分鐘腳程就畀呢間木系裝潢嘅小店吸引，講唔出係咩特別嘅設計，但就係好match當下好chill，斜陽映照下嘅九龍城街道。Lunch set尚算有誠意，有柚子沙律🥗、麵豉湯🥣同茶碗蒸🥚，好雅緻感覺似足返返日本咁。主菜北海道蟹丼好足料，蟹肉、蟹膏、蟹籽同蟹鉗拌醋飯食會愈食愈開胃，鹹香同鮮味嘅組合唔錯！至於汁燒牛肉丼就係穩陣之選，正常發揮亦可以話有啲普通，勝在牛肉係靚牛所以手撈飯牛味濃，加埋半流心溫泉蛋呢個無得輸嘅組合，100%唔會唔好食嘅～～～

🌟🐽 雜錦魚生沙律、蟹膏豆腐、螢光魷魚沖漬坐低後首先叫啲前菜試吓，魚生沙律上邊有輕輕燒過嘅左口魚邊，油脂出晒嚟連埋沙律一齊食好夾。蟹膏豆腐好特別，滑得黎又有陣陣嘅蟹膏香味；螢光魷魚亦都好鮮味，醃過之後味道更濃，送走一流🤣🐽 口燒牛舌、鹽燒雞皮、鹽燒雞腎、日本甜薯牛舌用咗中間最嫩滑嘅牛舌心，入口一啲都唔會韌；鹽燒雞皮燒到卜卜脆，而雞腎亦都好有咬口；日本甜薯燒到偏乾，味道再濃縮左咬落好甜🐽 溫泉玉子冷蕎麥麵、鮭魚茶漬最後食返啲主食黎做結尾，蕎麥麵配上玉子感覺好清新，鮭魚茶漬味道清清地，配上麵豉醬感覺更加有層次🥰

*💭泫居酒屋屯馬線通車後第一次來到九龍城，這次不是吃泰國菜，而是在宋王臺站附近的一家日式居酒屋🏮火灸平目魚邊沙律🥗沙律份量超多😍用料新鮮，火灸後的平目魚油香味濃，令人食慾大增🤤螢光魷魚沖漬🦑醃得鹹香，建議配上清酒更佳🍶壽司十貫成盒🍣用了九宮格盒子擺放很有日式風格，有油甘魚、牡丹蝦、 帶子、海膽和三文魚子等等較昂貴的壽司😍非常新鮮且鮮甜🤤野菜天婦羅🍠🫑粉很薄，咬下去完全沒有油益味，點上天婦羅汁再配蘿蔔蓉可中和油膩感😋串燒🍢點了牛舌、大蔥雞肉、粟米、甜薯，牛舌非常厚肉🤤大蔥雞肉很香滑，完全不鞋口😋梅子飯團🍙用燒汁煎過的飯團很香口🤤內裡的梅子份量不太多，不會過酸，剛好合我口味☺️

九龍城區好西就出名多，最適合就係平時收工約埋朋友仔去聚會。今次朋友話想食日本野，經過見到呢間餐廳門口😯真係好似去咗日本既居酒屋咁，所以就試試佢！螢光魷魚沖漬 $58一共有五隻嘅螢光魷魚，魷魚一咬就爆汁，口腔瞬間充滿沖漬的咸香味，再配搭下層清爽的青瓜絲中和口感雜錦魚生沙律 $98材料非常豐富，有吞拿魚、三文魚、油甘魚、魚籽、蟹籽，芥末八爪魚，基本上每一啖都可以食到魚生😍而底層的沙律菜配上柚子醋，真係好滿足啊海膽蔥吞拿魚腩蓉卷 $98海膽和吞拿魚蓉作為卷物的上層，而下層的飯卷包裹著蘿蔔和青瓜。入口感受到海膽的creamy, 而吞拿魚蓉加入蔥花作點綴，飯卷裏的黃蘿蔔加上青瓜令口腔增添清新的余韻。串燒翠玉瓜 $22翠玉瓜面灑上木魚碎，較厚身👍而且入口非常多汁🥰口感十足日本甜薯$28平時我都好鐘意食呢啲一口紫薯🤣佢燒得唔會太乾身或者太燶，保留到甜薯的風味鹽燒和牛$78入口食到牛香味而且一啲都唔靭，多汁美味，雖然係鹽燒但唔會過鹹，恰到好處厚燒牛舌$60牛脷口感比較爽，配搭檸檬汁味道非常夾，沒有太多的油膩感，食多幾串都無問題啊野菜天婦羅 $75天婦羅包括有冬菇、南瓜、三色椒，黃番薯，香脆既炸物配搭埋

如果記得我啱啱開ig嗰陣都有食過呢間日本野🥹呢日我經過九龍城又忍唔住翻兜入到去依舊好有日式居酒屋風空間感都係十足而且衛生非常好一眼望過去就係明亮的感覺Lunch Menu都非常多選擇
٩(´ε｀ ٩
～～～～～～～～～～～～～～～～～～♪ 壽司烏冬套餐 $188 (9.5/10) 每個午餐都會附有茶碗蒸同沙律前菜單單衝住呢個已經覺得值唔少票價而且附送都唔代表質素差😌蛋都係好滑好滑同埋有好多料～乍眼睇壽司烏冬餐真係唔算好吸引但係上到黎我同朋友都驚嘆擺盤好有心思～視覺上都已經得到滿足壽司的質素同樣係非常之好～種類有柚子海鹽鯛魚、魚子三文魚、魚子帆立貝、海膽、油甘魚、赤身、赤海蝦、玉子同漬物卷🫶🏻每一個質素都可以話係超曬班～真係有少少感覺似食緊Omakase！個人最喜歡都係海膽同埋魚子帆立貝海膽十分鮮甜真係食得出甜味帆立貝都夠嚼勁同埋甜～配埋烏冬真係飽到出汁！♪ 汁燒牛肉飯 $88 (9/10) 汁燒牛肉飯同樣係高水平的發揮將溫泉蛋倒入飯入面攪拌蛋味沾滿曬喺牛肉之餘拌上一口珍珠米飯實在係絕配～而且牛肉唔會令人覺得係cheap牛肉～～～～～～～～～～～～～～～● ● 總結 ● ●感覺呢間日式居

自從有屯馬綫之後，都多咗去九龍城嗰邊，個區除咗好多泰國菜之外，仲有一間喺地鐵站出口旁邊嘅居酒屋係門口見到已經好似日本小店，入面主色用木色系，睇落好舒服😌加埋牆上掛畫都好日本feel🇯🇵🥢食物🥢1️⃣螢光魷魚沖漬$58: 醃製過既魷魚味道鮮味帶咸香，刺身般嘅口感。2️⃣泫厚燒玉子$80: 第一次見用芝士包住整個玉子，加上放了魚子醬及金箔，賣相非常吸引😍口感紮實，蛋味好香濃。3️⃣軟殼蟹米紙沙律$128: 外表像一件藝術品，好有心思！軟殼蟹夠香脆，加入蟹籽更增加口感😋下次記得叫師傳可以放少啲沙律醬就更好！4️⃣芝麻醬火焰三文魚炸蝦卷：輕輕燒過嘅三文魚令入口溶化，夾住好多沙律菜感覺好清爽，而芝麻醬配炸蝦味道很配✨5️⃣梅子飯團$58: 表層燒得好香脆👍🏻有少少食飯焦嘅感覺，味道有少少梅子味，好飽肚😂6️⃣溫泉玉子冷蕎面$78: 麵好爽，湯汁清甜～夏天食一流，將溫泉蛋撈勻加埋天婦羅碎食口感好正🫶🏻配酒系列（串燒）✨金菠蘿$30: 超推薦這個，很清甜多汁，入口冇渣！想再encore系列🤭✨雞掌心$58: 店員推介既雞掌心好少有，平時都冇食過！口感好彈牙，燒汁好入味！✨鹽燒雞皮$30: 燒得唔會過火，好香脆，鹽燒既味道再

好近宋王臺地鐵站既一間居酒屋，一入門口左手邊有個包廂。我鍾意佢個好日式嘅趟門，同一班朋友gathering都唔錯。當日同朋友食lunch，每人揀咗一個lunch set.配 沙律，蒸蛋，麵豉湯我幾鍾意個蒸蛋，有蛋香，質地較實，唔會水汪汪好似未熟咁。沙律就酸酸地幾開胃，麵豉湯正常發揮。角切雜錦魚生丼 $108魚生份量幾多，有三文魚，吞拿魚，油甘魚，蟹籽，三文魚籽，鱈魚乾，青瓜，蛋etc汁燒牛肉丼 $88牛肉味濃，洋蔥腍曬幾好食溫泉蛋另外上，倒埋落啲牛肉到一齊食，口感黏啲甜品 : 蕨餅平時食開嗰啲係煙煙韌韌既，但呢個口感似大菜糕

本身去九龍城係諗住食泰國嘢，點知行錯路又行到好熱，見到呢間居酒屋門面好靚就決定試吓佢，結果好滿意，食物好高質👍 無意中發現間好嘢🥰入面裝修好新，估計係新開，都坐得幾舒服😌🦑螢光魷魚沖漬呢個漬嘅醬汁味道調教得好好，食完好開胃，做前菜啱晒，亦都好啱佐酒😌🥗雜錦魚生沙律估唔到佢咁大碟好清新，魚生都好新鮮，仲有三文魚子，好好味☺️🍣芝麻醬火炙三文魚炸蝦卷我都via 鍾意呢個卷物，佢上面放咗少少蟹子加一片秋葵，好少見個配撘，但係食落去又好夾好好味，中和咗炸蝦嘅熱氣😋🥩厚燒牛舌佢哋嘅燒物好g出色，燒到出邊小小脆邊，但係咬落去好Juicy鎖得住啲肉汁😍🥩厚燒澳洲羊扒燒到5-7成熟，好嫩滑，好好味😍🫑燒日本青椒佐酒一流👍 🐟燒鯖魚最鍾意加蘿蔔蓉落去豉油度，撈埋點魚食，好好味🥰🥰🍜魚湯烏冬係幸福嘅味道😍 飲得出係落足料淆製嘅魚湯，食到最後飲埋呢碗湯真係perfect ending👍整體食飯質素都好高，服務都好好，like 佢地社交平台仲有嘢飲送㖭🤣🤣 會再返嚟👍👍

九龍城泫居酒屋一屋日式簡約設計，坐得舒適。雖然店鋪細，但不會感謝壓迫，更是倍感溫馨，而且人多仲可以book 廂房雅坐。 所有食材日本飛機直送，有質素有保證，怪不得平日晚上都 高朋滿座。-蟹膏豆腐原來豆腐唔單止得大豆味，加左蟹膚的豆腐完全 顛覆味蕾，食落好滑之餘仲有股rich 又特別的蟹膏味，好香又好食，加埋酸汁同三文魚子，清新開胃。-雜錦魚生沙律雜錦魚生沙律超多魚生，而且仲好新鮮有三文魚的肥美，又有吞拿魚的魚香，又有燒香過的白身魚，魚油香卻又唔會膩，仲有好fresh 好新鮮的沙律菜開胃！-本鮪壽司盛一份本鮪壽司盛有齊 赤身、中拖羅、大拖羅同埋吞拿魚腩蓉，木鮪片片厚切而且新鮮，色澤明亮。赤身肉質實、有咬口，中拖羅顏色粉紅，魚香同油脂香持而恰到好處大拖羅油脂豐富，表面已經睇到細緻的雲石紋而拖羅蓉脂肪粉嫰的，入口即溶又帶有天然魚油脂的甘香。-黎得居酒屋食完刺身，不如點幾串串燒下酒吧～厚燒牛舌牛味重，牛舌燒得啱啱好 帶燶邊之餘咬落幾爽口，點點配埋芥末一流。-雞腎夠爽口。蘆筍豚肉卷串燒 好香亦帶一點豚肉豬焦香味，呢蘆筍都一樣鮮甜爽脆。日本青椒仔青椒仔本身帶點甜， 加埋木魚絲飄啊飄帶鹹香，簡單好食

🏮九龍城•日式居酒和食屋🍶平時較少踏足九龍城區，總感覺呢個地段一直處於發展中階段，但近日一訪，意外發現藏有唔少美食🫣✨🛖呢間居酒屋一出宋王臺站就見到，𥚃面全採用木系和風，滿滿日式風情🎏，餐廳大堂位置闊落舒適，好啱想靜靜地品嚐美食嘅朋友仔😌，另有私隱度高嘅和式廂房🤫餐廳菜式多款且新鮮，壽司、刺身、串燒、小菜包羅萬有😍，今次就試咗午市套餐，有主食，味噌湯，茶碗蒸，沙律同飯後甜品(厥餅)😚🍜野菜海蝦湯烏冬 $86湯鳥冬每啖湯底都好清甜又溫暖，飲落好舒服☺️，加上每隻海蝦都大大隻好新鮮，爽口又鮮甜，同簡單嘅湯底互相配合，將鮮味發揮極致🤤，烏冬又彈牙有口感，好治療嘅味道🤎🍱北海道蟹丼 $138蟹丼配料多元，有蟹鉗蟹肉蟹籽蟹膏，滿佈珍珠米上，蟹鉗巨大飽滿😱，蟹肉碎鮮甜，蟹籽粒粒分明🤩，最特別係蟹膏濃郁回香😋，最啱撈飯食👍🏻整體而言餐廳質素高✨，食物類型同味道都冇令人失望，加上環境舒適，服務誠懇，值得一訪👍🏻

😍私心推介系列😋泫居酒屋 (九龍城)九龍城太子道西426號地舖軟殼蟹米紙沙律 $128✔️米紙好薄好有彈性✔️仲有新鮮嘅魚子✔️配搭健康又好食，配料好豐富新香漬物$58✔️送酒一流嘅前菜✔️幾鍾意爽口嘅牛蒡、個蒜頭好咸香，但有啲重口味🤣本鮪壽司盛 $228✔️包括大拖、中拖、吞拿魚䇯、吞拿魚✔️滿滿油脂甘香，入口即溶、好新鮮海老天婦羅$158✔️有5條、蝦粗而鮮甜✔️炸粉好薄、好香脆溫泉玉子冷蕎面 $78✔️勁大隻溫泉蛋、篤穿佢沾滿整碗麵😍✔️蕎麥面好爽口✔️個汁充滿層次，唔太咸，又多蔥、天婦羅碎同紫菜等各款串燒 （每份$20-30左右 牛舌$60）叫咗鹽燒雞腎、厚燒牛舌、日本單骨雞中翼、翠玉瓜、冬菇✔️特別推介牛舌勁厚好amazing，肉汁鎖緊✔️蔬菜鮮甜Overall: 新鮮、有心思、有水準Igable打卡度：9/10Taste 好味度：8.9/10 Worth revisiting返兜度：8.5/10

宋王臺車站通車咁耐，都未帶過媽媽來宋王臺九龍城嘅位置。次次同老公嚟九龍城都一定係食泰國菜， 但今次同媽媽來，就想食啲特別啲嘅嘢。咁啱喺b2出口，轉左就見到呢間泫居酒屋。未有疫情之前，同媽媽至少一年裏面飛幾次日本，日本可以話係我哋嘅家鄉。 我諗唔止我哋掛住日本，我相信大家都好掛住日本😭見到泫又做緊午市套餐就決定同媽媽入去試一下🤩成個環境都好舒服好有日本居酒屋味道😋廚師發版😁一入到去坐，勁大勁舒服， 燈又夠光猛，而且有唔同嘅位置坐，讓客人選擇： 吧枱，高坐，卡位。 間餐廳好適合唔同人去：家庭，商戶，同事，朋友有好多唔同種類嘅午市套餐， 除咗有午市套餐之外，仲有燒肉，燒物。不過因為得我同媽媽兩個，我哋兩個食唔到咁多囉😉下次如果我老公嚟嘅話呢就可以食啦🙃 餐廳做緊午市定食8折，不過詳情要問返餐廳。本鮪二重奏： 每個午市定食都包沙律， 茶碗蒸，麵豉湯沙律清甜爽口茶碗蒸： 鳴門卷夠彈牙， 蛋够滑， 竹輪夠爽口麵豉湯：媽媽喺最後飲嘅時候都話個湯底仲係好熱，而且好夠甜。油揚充分浸咗喺麵豉湯到索曬啲湯汁成個吞拿魚一直落口好肥美，特別係個魚蓉，一食落去好似會溶落口咁樣。 再者吞拿魚味好鮮甜 ，而且啲芝麻好