波記 (已結業)

想起在西環吃宵夜,即時反應就是想到去石塘咀街市後面的"波記".幾十年前之煙花地,昔日的塘西風月,今日已變成一碗燒鴨瀨.幾位朋友,同樣要鴨髀瀨/河,兼免切.我就要切件上,同瀨粉放在一起.天然鴨油同本身清鮮湯底融在一起,頓時感覺天上有地下無,另加上主角的皮脆肉香的鴨髀,世界看似變得很美.有說為波記做燒鴨的燒臘店,如果去到買燒鴨,也沒有在波記吃到的好吃.誇張一點,這碗稱之為"天瀨",也不為過.一人一碗鴨瀨當然不夠,再叫些雲吞,水餃.雲吞固然好,這店風格是蝦多過豬肉,用上的蝦肉很爽甜.但比雲吞粗壯的水餃更好吃.有幾好吃?非筆墨能夠形容.難怪份屬西環街坊星爺,由細吃到大.又難怪某位"玉女"歌手,連黑超都不帶,也走來吃宵夜.

29Jul2007 2122這裡夜晚先開檔做生意，先前大家係巴依餐廳食到一肚氣，在這裡打埋半個底。我地只點了剩水餃、剩雲吞及柱候牛腩，但沒有叫埋招牌菜燒鵝脾。水餃及雲吞都係大大舊，與「上流」主見的細細粒容易食完全相反，裡面也足料，唔係得個表皮，牛腩肥瘦及味道都適宜。唔駛廿披，食得滿足，總算有個好的句號劃上。

去完IFC睇戲,再順道坐叮叮到石塘咀試吓傳說中好有性格,既波記 我地都好驚會摸門釘 點知去到有開呀,真係好興奮 我地點左鵝全脾麵(hkd38), 牛腩麵(hkd18),豆漿(hkd6) 鵝全脾麵好好味肉好淋,一d都唔鞋,不過d麵份量好少,唔係好夠飽 牛腩麵好老實真係麻麻地, d牛腩又少得 豆漿太杰唔係太好飲

早幾日去食過，燒鵝瀨Ｄ燒鵝唔太肥~正！跟住叫多碟芥蘭同炸魚皮，Ｄ炸魚皮ok，Ｄ芥蘭都無問題，問題出於Ｄ蠔油，有少少怪味

sep 01, 08,3人來dinner,叫咗 : 1) 燒鴨肶瀨 x 2-本來想跟食友已前建議嘅免切,但友人話免切,會食得唔放便,所以跟大圍切上-肉真喺好嫩滑,又有鴨味(比元朗嘅天x好),友人話1定唔喺雪藏貨-之前友人話d皮喺脆,但今次我就唔覺-瀨粉有小小咬口,不錯-只喺碗粉油咗d-另外價$$$$好抵因叫個肶瀨都唔喺$40/碗 2) 燒鴨瀨-友人覺得唔洗食肶咁高級-佢都好讚唔喺肶位d肉都咁滑 3) 韮菜花 x 2-呢個1致激讚因為1d渣都無,好嫩-所以後來encore多1個,不過都喺第1碟好味d,第2碟就有少少渣- 要留意吓佢個營業時間(mon - sat只開晚市, sun休息)因佢無設電話比你問 - 多謝2個友人陪我嚟1償心願

剛應付完一個沉重的考試，沒有應同學相聚之約，反而打算自已獨處一下，就聯到來這裡再次嚐一次那碗年多沒見過，夢連牽挂的燒鴨瀨；原先擔心不定期的關門休息會否又一次碰釘，但看到這裡其他食家評說現已改為逢週日才關門休息，心下稍寬，就馬上從信德中心飛的來到山道。來到已快十時，幫襯的人客頗多，故只能在眾多食客中間插佔一坐；這裡現在除了大小波記外，還多了一個幫手招待落單，勤勤快快；當然首選仍是這裡的燒鴨脾瀨，今趟還加上韭菜花一碟作間場之效！這裡的燒鴨雖然是由外面提供，但鴨肉鮮美之餘肉汁豐膩，而這鴨汁澆放在這裡出名的湯頭裡，配上瀨粉，相得益彰；另外所點的韭菜花，亦澆上脯汁，比起光是蠔油，食味層次豐富多了。經過今次難得的光顧，真的不知下趟再來的境況會是怎樣。

諗唔到食乜好, 就食波記.... 牛腩撈麪... 牛腩夠入味夠淋... 麪又爽口彈牙... 油菜食腩汁.... 好好味... 魚蛋都好彈牙又唔腥....波記都無以前咁寸... 街坊開飯宵夜之選....

老婆仔介紹既波記今晚特登黎左試同老婆仔一人一碗 再加碟韭菜花小弟一向唔喜歡食瀨粉不過為左燒鴨脾 都黎試一試幸運地小弟既係鴨脾 但老婆仔既係鴨肉老實以呢個價錢呢個味道係唔錯既

老遠跑去西環吃燒鴨瀨？對，因為現在粉麵店能把這個煮好的極少，不是燒鵝／鴨不好吃，就是湯頭淡而無味。還記得小臣爸星期天上午在家經常弄這個，買四分一只鴨（要多肉的上半部），把肉拆出來切成火鴨絲，再把骨殼煮湯，骨頭上的香料和鴨油盡滲出來；把這湯放回灼好的瀨粉，就成為一碗非常好吃的燒鴨瀨。說回波記，據聞此店只開晚市，每月一天不定休，店內不設電話查詢。通常有性格的店，東西一定好吃，加上能在西環賣了三十多年燒鴨瀨而不倒，一定有其過人之長。店在山道，由皇后大道西進去轉一個彎便看到，不算難找。店內幾乎沒有裝修，典型街坊老店風貌。每個人客幾乎都點燒鴨，有的更是一碗例牌燒鴨再加粉麵吃。聽見有人點鴨腿瀨，我們也依樣葫蘆來兩碗，另加一碗水餃。店內只有三個人在忙，一個負責灼粉麵，一個負責斬燒燒鴨，另一位阿姐則負責樓面及洗碗的工作。落單只靠口述，但經常出錯及漏單，一定要不停追單才有得吃。水餃先上來，冒著熱氣吃一只，內裡是彈牙的鮮蝦和豬肉，以及爽脆的雲耳，餡料包裹在嫩滑的餃皮裡，灼得剛熟，是一等的水餃，和永華麵家的可謂不分上下。主菜上桌，兩隻全腿鋪在瀨粉上面，看見也令人高興。先呷一口湯，記憶中的味道回來了，這湯雖不

當工作極繁重的時候，有時都會問自己，咁辛苦為咩？通常問得呢一下，結果得兩個，一係食餐好勁貴的，一係就鐘意食咩就食咩。忽然諗起專兄貼過這裡的鴨脾，就趁有四十五分鐘空閒時間，打廿幾蚊的士來吃。要了鴨脾瀨，加碟韮菜花。吃得鴨脾，一定要自己吃一隻，又最好唔好斬，因為成隻食比一件件的分開吃，滋味好多。這裡的鴨脾是別處交來，凍凍的，但皮脆肉嫩，加上美味的鴨油及鴨汁，味道已經不用再形容，是正到不得了。我忽略又諗起，如果此時鏞記未收檔，我一定會去食隻鵝脾免切~~雖然以我的年紀，都不宜成隻鵝脾咁食了。唔知點解，吃鴨脾或鵝睥，都梗係要配瀨粉，等如吃魚蛋配河粉一般自然。湯底有點味精，但將小半碟鴨汁倒下去伴吃，更美味。韮菜花鮮美，淋腩汁，美味。埋單42蚊，吃得心滿意足。

成日經過都無食過終於第一次食鴨脾麵- 真係幾好味，唔記得呢間出名瀨粉，算，d鴨油加埋d麵好香，又唔膩haha，不過30蚊就貴d因為佢細碗淨雲吞- 我叫淨雲吞之後，聽到有人叫淨鮮蝦水餃話無，唔知會好會仲好食。味道都ok嘅幾爽，不過唔算太好味店員幾斯文

最出名的燒鵝不愧名不虛傳,皮脆肉厚,加上很少地方吃得到的滑口瀨粉,湯也算上一份功勞,通常叫鵝瀨不夠喉,會叫淨瀨加40元的例牌燒鵝,再加埋很新鮮的九菜花,十分滿足.

我都係鍾意佢啲雲吞同水餃，呢啲先睇到真功夫，蝦同豬肉比例剛剛好，材料夠新鮮，味道都係細個食到嗰種味。水餃配料好有傳統風味，木耳有口感；仲有啲旦麵，彈牙無皂水味；湯底是大地魚，這才是廣東麵檔的風味。有次喺中環肚餓入咗間雲吞麵檔，竟然淨係賣撈丁，真係令人慨嘆......向老闆投訴不時摸門釘，老闆話太辛苦要休息下，費事大家摸門釘，以後逢星期日休息，各位注意。

我唔知係唔係期望太高,叫左鴨比賴, 九菜花, 牛腩河.樣樣都唔得.鴨比完全唔熱, 唔熱唔緊要, 食落口係普通貨式,亦唔係叫好多肉.明明係下庄點會咁弱呢! 同一D專做燒味既食店差距好遠.西環大把燒味店好過佢WOR!好多都係35蚊半隻燒鴨TIM!但賴粉方面係幾好食既.九菜花好多鋪都整到冇渣而且好新鮮.但依次食唔止有渣.仲係頗多渣. 仲要係深綠色講牛腩,我真係要問問下面位朋友,佢講既筋點解連普通腩位都有.而且係"銀"到咬唔到,同好多專食牛腩面既地方比.真係差十皮.可能係我今次唔好彩, 我下次會再去多次,都唔得.唯有再寫差佢我真係懷疑係唔係我咁ARM食正3樣野都係垃圾質素!

住左西環咁多年都唔知有呢間鋪頭，看了openrice後慕名而來，但有幾晚都無開門。果然如網友所言，好有性格。是夜同老婆再來碰碰運氣，終於開門啦。十點零鐘，店內只剩一張吉枱，好彩早到幾步。點了鴨瀨、腩麵、芥蘭。鴨瀨果然好味，鴨是交來的貨，大堆鴨還放在一個發泡膠箱內，但吃落外皮脆肉嫩，湯加了鴨汁，鮮味十足，配瀨粉真係一絕。真係唔明，點解d鴨唔係自家泡製，但品質都可以控制得咁好？腩麵的牛腩很多筋，又淋又入味，但湯加了很多腩汁，老婆唔鍾意，話太濃。芥蘭普通啦。BTW，呢間店的老闆和伙記好好禮貌，斯斯文文，慢條斯理，我就幾欣賞。但老婆話佢地咪咪摸摸，等到佢有d唔耐煩，我就話：「佢地手腳咁慢都有咁多人黎食呀，吹咩。」唔通食碗麵都要趕頭趕命？可唔可以比自己慢下來，細心欣賞下d食物？