波士頓餐廳

營業中

休息中

今日去會展睇讃美之泉, 係一隊由美國來嘅敬拜隊, 為求方便, 所以約咗姐妹在附近食, 原本都想唔起黎呢間, 但有人提議了由於落雨, 一去到樓下就有位姐姐話比個遮袋我入住把濕嘅遮, 好細心呀!上到去安排咗卡位, 原來 lunch 個 menu 選擇係咁少!仲要沒有牛在內所以我地二人都沒有揀, 要咗兩個牛嘅鐵板不用多久就來了餐飽同湯, 個飽都暖亦軟熟, 搽牛油好快溶羅宋湯味很濃, 雖然菜不算多, 但比其它出面嘅羅宋湯濃郁!到主菜了, 我覺得略縑細塊, 食完都唔覺飽, 肉質當然普通貨式, 呢個價錢實在太貴了!

爸媽小時候帶我來吃的餐廳舊式扒房，氣氛好好😆慶祝生日、拍拖都可以黎😂今次就係慶祝媽咪嘅生日🥳火焰牛柳 $188 上碟之前會倒酒上個鐵板，造成火焰嘅效果🔥有兩舊牛柳，叫咗五成熟覺得啱啱好👍🏻鐵板上面嘅汁都有啲酒味， 幾好味㗎😆牛肉亦好嫩唔會有好多筋😉牛尾意粉$98呢個就中規中矩冇乜特別🤣但係都幾好味嘅😋

今日咁啱嚟到灣仔，見到更歷史悠久嘅波士頓，原來都已經新裝修咗幾年，今日都點幾兩點仲未搵到嘢食，就入去試吓。 依間扒房食啲嘢雖然係普通据扒餐， lunch set有得食迷你雞扒，見過價錢又唔係貴，就叫咗個試吓。首先一上枱嘅係羅宋湯同餐包加牛油。羅宋湯飲落都幾多蔬菜，不過牛肉絲就鞋咗啲。再嚟就係主角：迷你雞扒set，有侍應專門幫我哋臨上蒜蓉汁，即刻蒜蓉汁撞上熱辣辣嘅鐵板，頓時煙霧離漫，渣渣聲，非常有氣氛。我哋都趕忙打開個紙巾，等着四濺嘅汁。即刻試吓個雞扒先，老實講個雞排肉有啲散，薯菜就正常啦。值得一讚嘅係，可以任意咁叫飯或者意粉，唔驚食唔飽啊。最後仲叫埋跟餐嘢：一杯凍檸茶少冰。買單俾咗200個三個人，非常滿足的一餐。望住出面電車灣仔嘅老風景，覺得今個星期六過得很愉快。

約左朋友食飯，原本揀左想食隔離小叻沙，點知執左笠，其求揀左波士頓餐廳，以為老牌餐廳穩陣啲，唔會衰得去邊，點知錯鬼晒。首先，餐湯紅白湯都叫晒，個忌廉湯原本都正正常常杰身的，點知畢到粒蟹柳時，又硬又凍。之後印尼炒飯，上枱凍嘅，啲雞粒勁乾，塊蝦片un嘅 。。 啲豆硬到咬唔開 。。等左成30分鐘，催左幾次，個焗白汁雞球意粉終於上枱，啲職員口口聲聲話焗野要等耐啲，好 。。等 。。到上枱碟意粉係暖至凍，少少熱都無，甘焗甘耐為乜呢？請問成間餐廳加埋得十個顧客，個廚房都可以甘求其，仲好意思收人地80蚊個餐，不知所謂。個午餐時段，堂食得3個 set lunch 選擇，竟然有2個都係又凍又難食嘅，甘嘅質素一定唔會再幫襯。 全餐飯食到谷鬼氣 。。

日前honey話同我食steak慶祝一下，星期五21June晚上，行過Boston不如食啦，係樓下等位，但餐管服務要改善，可能最近香港真係多惡人，好多攪是攪非，沒有想到 Boston 樓下有班客走去樓上話係識人，要求比枱佢地，我地聽到話樓上有人話有枱安排緊，之後唔知點解，似係講左比枱佢地,但之後又唔比又話等咩咩枱埋單，因此他們就大鬧樓下接待阿姐，根本就樓上既table management好亂，唔知上面如向放枱安排次序。果晚我地見到亞姐好慘呀，佢一直係樓下比果班客大聲喝大聲鬧比枱佢地，到左有枱啦佢地又鬧亞姐玩野唔比台佢地，結果班人係樓下好嘈好，令人討厭，其實我同honey知道咩事發生既，我地係度食開幾年就知道啦，亞姐只係收table no.至比枱既，如果樓上Boston班人應承佐地就盡快要比啦，可惜唔知為何來改去啦，等亞姐比人勁剷; 攪到餐廳街市咁，不過亞姐既忍耐力真係十級好，好pro好鎮靜，一直都係面不改容，超好禮貌回應佢地，其實佢地先惡人先告狀。到我地有位上樓啦，終於可以靜靜地enjoy個dinner啦，行到上去見到又聽到果班人同經理又投數亞姐，我同honey覺得好唔公平，唔可以再

送中第二天23/6星期日，廣場行過嚟，直頭攰到死餓到死曬，果晚本來想食翠華又爆曬，附近既Outback 又係咁爆，條女話試試波士頓啦，嘩好多人等緊位，門口都企密曬, 仲要攞飛等位添，有11張至到我地 ，就係樓下等左45分鐘倒，其間去厠所，睇到有五六張枱已經執好左，無人坐，唔放枱，要我地個個係樓下苦等，樓下簡直無冷氣，焗熱到爆，真係唔知餐廳咩既心態，有枱唔比人上，直頭係想趕客走。另外要讚果位樓下接待小姐，一定要比5個Like佢，小姐好淡定好有禮貌唔駁咀既, 佢既轉數好快，忍耐力真係高，佢好用心幫我地叫攞位，雖然餐餐無回應，小姐用緊既人流管理方法好有效。 終於等到上樓啦，小姐比個位超正，枱37，叫左一份燒既火焰牛柳，ok 㝝好ok味啦，又叫左一份係夏威夷豬扒，果份豬扒淨係得個鐵板係熱，果兩件豬扒又鞋又老又硬又凍，超超級難食，原本想叫侍應換個份，可能佢地好忙，舉左手但係無人理我地，之後跟兩份飯又比左意粉，舉手叫人換，果個齊直頭髮既女侍應行過來，即刻對住我地，口黑面黑仲要藐咀，sorry聲都無講，就即刻一手呤走左果份意粉仲好負氣咁講，咁咪換比你囉，知啦，之後又再對住我地藐咀，嘩今時今日佢仲係咁

曾聽朋友說，舊時每年生日婆婆都會帶她到波士頓餐廳鋸扒。現在她已經搬離灣仔區有一段長時間，所以不知道餐廳還在不在。兩口子偶爾經過灣仔，發現波士頓餐廳仍然營業中，便上去一探究竟。等左一陣侍應送來了餐飽同例湯，然後要再等約20幾30分鐘先有牛柳食，上菜速度頗慢。火焰牛柳 $180牛扒上枱前，侍應會先把牛柳淋上酒精，然後點火將牛柳燒得火光紅紅，冒起火焰，我們全程都眼定定睇住侍應表演。因剛才表演時添加了酒精的緣故，牛肉帶有酒香，肉質結實沒有筋，油脂部份不多所以食落唔油膩。黑松露雜菌菠菜麵 $89黑松露味都算香濃，但麵條無咩菠菜味而且落左好多油落去炒，食落滿口油淋淋好油膩，不太推薦。食物唔喺話特別好食，加上價錢本身有點少貴而且要收加一，性價比唔高。

男朋友從來冇食過，就同佢一齊黎試。等都吾洗等位就可以直接上樓 ， 侍應原全吾welcome， 四五個侍應冇野做，都吾帶位，叫我直行轉右就係。叫野食 manager 都扮見我吾到。本身間野都吾平，鐵板西冷都要$179一份，諗著老字號，貴都算正常。鐵板牛正常會喺你面前倒汁，佢係廚房倒都算 ，雖然攞出黎炸炸聲 ，但係食落口個表面係凍既得鐵板個邊係熱。我男朋友食什扒169 ，全部over cook 但係又要凍。用個咁既價錢 吾應該食d咁既野。 大家千其吾好試，好失望😞

價錢同出面餐廳差不多，但係食物質素仲差過大家樂，連普通茶記都抵食過呢個，塊西冷扒薄到傻，湯又難飲。而且服務態度真係一般，係咁傾計，好嘈，仲要唔係細細聲。上餸速度又慢，仲有啲係凍既添。啲餸都好唔新鮮，當吸取教訓，真係唔會再食。

在上年11月尾，正是我跟男朋友拍拖100日，為了慶祝拍拖100日，當日我們一起去長洲，卻是天氣不似預期，整天下著雨，由20度跌至晚上17度！我們在長洲完全感受到橫風橫雨，我們的長褲及鞋襪已濕透，我只想盡快走，只有逗留一小時便離開！原先打算在長洲食海鮮都泡湯！於是，男朋友建議走到灣仔 <永華麵家> 食竹昇雲吞麵！（慶祝拍拖100日，請我食雲吞麵，他這位住千萬樓嘅太子爺...，我心想究竟他的情趣何在？！）由中環搭電車往灣仔途中，我反問他想食雲吞麵呀？我覺得雲吞麵跟他平日食也可以，100日應該食好一點吧！他似乎 feel 不到我不想食雲吞麵，我便忍不住開口，不想當日食雲吞麵！其實他心大心細，不知想請我食咩？比女人更煩！ 為了留他面子，我不會當眾鬧他！搭電車經過灣仔莊士敦道，見到 <波士頓餐廳>，他建議去試試！我們即刻落車！他稱以前住在灣仔區，細細個已見到這餐廳，原來從未食過這間屹立灣仔53年的老字號西餐廳 <波士頓餐廳>！值得等位！負責接待的女店員真辛苦，完全忙到行唔開！但是，她依然保持笑容及良好的服務態度！值得一讚！用餐區位於上一層，保留懷舊

枉費有1966年港式西餐的歷史，讓那童年青年的回憶盡失，又一打着香港傳統老店的旗號，變成僅為招待國內遊客的食肆，完全冇水準冇服務可言！原來招牌火焰牛柳是不應該見火; 厚薄切不分的梳打粉醃西冷，牛味欠奉之餘，不管四成或五成，總之就是只得+成+熟; 更難以相信是鐵板竟然可以唔熱，仲不會桌上淋汁; 焗豬扒飯欠焗，係咁意加層完全冇味道的醬，超級難睇又難食; 跟餐飯或意粉不單是分開上，催來催去到餐後才肯凍上; 以上劣食，5大2細，埋單盛惠$1220, 從未覺這麽嘥錢的一餐！

波士頓已淪為大陸人飯堂，服務態度勁差，火焰牛柳竟然變成唔係當面燒比你睇，話係後面餐車已燒咗，咁不如喺廚房燒埋至出嚟....，仲要食完晒個鐵板牛柳先至上白飯意粉比你，離晒大譜，本來諗住去懷念兒時回憶，現在全幻滅，以後不會再幫襯

好耐無食過鐵板排，這次朋友話想試下，咁即管懷緬一下。一間歷史悠久既餐廳，都要經得起時間時代既變遷，佢地要保留自己既特色之餘，又要創新。我想，這就是歷史價值和公信力吧。符合一般茶餐廳的羅宋湯，好既係佢既餸都不少。我同朋友一個叫左大蝦拼羊，一個叫魚柳拼羊。鐵板上起來的滋滋聲都頗有回憶，蔬菜夠淋但不會太燶，薯角好食！大蝦都開左邊好易切，也煎得好香，有彈性。反而係個主角令我有點失望，因為我係叫medium rare但黎到似well done 🙈 朋友那個就好小小，medium well. 其實我有時真係唔知medium rare即是幾多成，5成？4成？不過，整體來說都是幾有肉味既，肉質也不錯。我見佢個牛都好吸引，可以再去！

有42年無回港, 上星期六, 9/3, 傍晚行過利東街, 面目全非, 經過小時候的街, 想起兒時同爸爸去波士頓食扒. 第一次帶太太來到, 週六餐廳樓下等位人好多人, 竟然是要派飛等位, 番枱速度好慢, 有些客人等得耐, 好煩躁的不停問派飛姐姐番枱情況, 其實等位在繁忙時間等耐好正常, 唔高興可以自行唔等, 唔應該用差不滿的語氣態度對派飛姐姐, 但是派飛姐姐也溫柔地一一回應. 我同太太看餐牌用英文溝通吃什麼, 出奇地在旁的派飛姐姐用一口流利英語回應我們, 好長細介紹比我們, 沒想到這間傳統老店, 在訓練最前線員工有一手, 非常專業的語言人才. 餐廳樓上的侍應們, 比以前的哥哥一樣年輕, 也對客人有善用心.樓上裝修比以前清潔光亮, 坐位也適舒, 羅宋湯仍然好濃好飮, 比兒時牛枊細件薄了, 質量差了, 但是以一個套餐來說, 有湯小麵包意粉凍飮, $400 兩個扒套餐, 價錢絕對底食, 有小小失望是好好味的免翁牛柳沒有了, 鳥結糖沒有了. 有機㑹, 下次回港, 一定再來.

以前住港島區久不久都會來到灣仔區呢一間餐廳用膳，今日剛巧係灣仔玩具街買完東西，想起到回憶餐廳食晚飯。餐廳分兩層 ，地下已經改為小食部、樓上堂坐用餐。大概等了半個小時被安排到窗邊卡位剛好看着電車路，佢哋最出名嘅是鐵板餐，很多食客都會食。👍🏻跟餐附送的餐包暖暖的又軟棉，馬上塗牛油，即溶😋。濃濃的羅宋湯，材料充足👌🏻忌亷湯則一般，沒甚麼特別。鐵板牛扒可選擇配意粉、飯或薯菜全部分開上碟，汁醬在客人面前直接淋上面，馬上煙霧四起，可能抽風改善了沒有那麽煙霧彌漫的感覺👏🏻焗豬扒飯大大碟，豬扒已切開不用自已再動手，好味😋晚餐 牛扒亦不過不失，唯一以往沒變的就是每嗰侍應都很忙碌地跑來跑去，食客很難把他們叫停😔