波士頓餐廳

營業中

休息中

火焰牛柳，好猛火＝０＝，唔知點解覺得好得意，第２到真係搵唔到十幾年冇食，但都係咁好食，仲係呁大煙雖然係貴左ｄ，成＄９ｘ個人，但係ｄ牛柳同石班真係高級貨黎，呢ｄ就真係叫一分錢一分貨

星期五放假, 咁我約左細佬食飯,因為我成10年無o黎過呢間波士頓lu,之前都係去鑽石山o個間(不過執左好耐lu)~呢度既裝潢同我細個o黎既時候無乜大分別,都係差唔多,但係d服務員已經唔同哂lu,以前o黎o個d都係阿叔級既,而家全部都係後生既,但係個個都好好服務,尤其係一個哥哥仔,真係好服務呢~咁我地睇左好耐,我記得t-bone係好好食既,本來諗住叫既,但係見到一個火焰牛柳,未試過,所以叫左o黎試,7成熟,上檯時都幾大陣丈架,因為先放下一鐵板薯菜,再有一個人拿住一支串燒既野,上面有2件牛柳,下面有d酒咁,好大火,尤其係上檯既時候,肉味好,質地唔錯,好正哦~~

昨天與同事們一行6人去灣仔食lunch，唔知去邊度食又冇book位，趁時間尚早（約12.50pm），決定來呢度食，好彩一去到就有位唔駛等。我都有成年幾冇來過lu，依家午餐只有3樣，什麼牛柳粒、焗豬扒飯、雞翼配蛋白帶子炒飯，我就食雞翼，起初以為會係普通豉油雞翼，有3隻，原來塗上了好香的蜜糖，好好食，飯就炒得乾左d同淡左d，ok啦，$41個仲想點，其他餐都ok，見我d同事都差唔多食哂。服務方面都唔錯，有個肥肥地眼鏡哥哥仔好好笑容，之前落單時好有耐性介紹d餐，叫餐飲時，對住我地班煩人：又少甜、走甜、正常等都好有耐性亦冇攪錯order，唔錯。

好久不久也會到此一吃，之前亦覺得這兒的服務有點亂，但今次覺得似打仗。要了一客火焰牛，一客石班扒。落單又不說明要飯還是意粉，到鐵板來了才問伙記取。伙記完全不提，若不是我們餓得發慌，緊本不會記得有飯或意粉。火焰牛幾得意，味道都好。石班扒味道其實也不錯，只是不夠熱。無錯，鐵板不夠熱是很難令人相信的事情，但實情是，三塊扒，每塊總有一些位置是有點凍的。這個，我覺得有點難接受。整個餐廳很很很噪，一般餐廳的聲響有，另加鐵板不斷的吱吱咋咋聲，還有他們快速收拾的砰砰旁旁，亞姐的碗碟盆跌左兩次，膨膨！位置很逼，我坐在路的一邊，被撞了很多次。基本上他們什麼也匆匆忙忙的，連埋單比錢，亞哥還要一邊用對講機和下面接待聯絡，求其的一句多謝也沒有。我們付清了帳，他還露出一臉茫然疑惑，彷彿是我們少付了一樣！

又是老表點地點, 真點出奇點解會黎呢度?由CWB行過黎約七點黎到, 原來我係最遲果個黎到... -_-姨媽姨丈也來到, 怪唔之得...格局是那大家熟悉的像花園餐廳, 但冷氣加勁, 表妹話凍.各人各自點了鐵板餐, 自己要了什扒餐, 貪其多野食.以前細路仔好鬼鍾意食呢D港式扒餐, 而家都鍾意但唔會成日食.呢度有個好出名既火焰牛柳, 見到隔離檯真係有人叫左, 成塊扒著火, 好過癮.餐飽都係返焗, ok啦.黑椒汁淋上去發出sizzling, 也略略回憶童年成日掛住牛扒餐的情景.我也會明白表哥會帶姨媽姨丈來吃鐵板餐. 老表係CBC當然覺得加左好多鬆肉粉的牛扒麻麻地, 講笑的說係咪雞添.什扒餐有豬牛扒, 腸一條, 煙肉和配菜.黑椒汁味道幾好但偏咸和杰. 肉類當然expect左有梳打粉, 唔好似茶餐廳果D已算不錯.食物當然唔算好味, 但想一家人懷舊下可以黎黎呢度.

經過, 發覺原來佢仲有十字包賣, 就花四蚊買個黎回味下. 我覺得無以前咁好食, 無乜味, 提子多就多, 不過係唔好味o既提子乾.

有次諗住請生日朋友去食lunch,點知真係食到成肚氣,張檯同set lunch等得耐都不特止,一黎個牛柳就真係嚇死人,表面上都煎得幾靚咁,一切落去d血水滲晒出黎,就好似向街市牛肉檔d生牛肉咁,諗番起都反胃!!!叫d waiter換過碟,結果換左起碼三碟都係咁血淋淋!就連我地隔離搭檯個姐姐仔食左四碟都係生,食餐飯好似冇食過咁唔賣單就走左!最後我地食到lunch time過左兩點先走得(我個碟牛柳都唔知向廚房攪左幾多次先熟d...=_=)同個經理投訴先得個九折~以後真係免費都唔鬼去食!!!

老字號呢個名真係累了佢地, 質素差到好離譜.同個朋友兩個人去午餐, 兩人都係食帶子雞扒配波士頓燒汁, 我配薯菜, 朋友配意粉。先來餐包, 拿上手覺得凍冰冰的, 都未食過餐包係凍既, 連茶餐廳都識叮番熱佢啦, 好彩個羅宋湯係熱既. 等多十多分鐘就來了份餐, 薯條都正常, 那些黃芽白做伴菜都係第一次見, 仲要係唔熱的, 味道都有點怪, 塊雞扒就一般, 到朋友個意粉, 佢話一定係煮好好耐, 因為又係唔熱的, 同朋友都係吃了個雞扒就算.餐飲揀了凍檸水, 淡而無咩甜味, 因為三分二都係冰粒, 難到冰好平?以後都唔會再去幫襯呢間野, 祝佢早日執笠。

今日突然好想去呢間食, 記得細細個爸爸媽咪成日話呢間d扒好正, 但一直都好少機會去食, 近幾年重變左食扒都去扒王之王, 所以今日有機會就去食下啦...成間餐廳都幾有懷舊feel, 連d waiter同waitress一般都偏向年紀大少少, 播既歌都係千千闕歌呀, 陳百強咁...咁野食方面, 今日叫左個雞扒同t-bone, order左5分鐘就o黎lu, 快到有d令我難以置信... 個羅宋湯幾夠味, t-bone都真係剛好七成熟, 但最好笑係個燒汁, 由於我一向食扒都要好多汁, 中途成日會叫人加汁喎, 咁今次叫佢加汁, 個燒汁竟然同我食緊既唔同味喎...不過要讚佢有一位四眼老伙記, 佢幾好笑容, 見到佢都幾開心~ ^^

細個爸爸好鐘意帶我地黎呢度食,佢話呢度D扒出名~通常都係大人幫我地叫,次次都食唔哂,但記憶話俾我知好好食~不過間舖好大煙咁,同埋好多人,我記得係上樓上的,上面好似好暗...(唔知有冇記錯)好多年冇食過,遲D會去試下~

以前佢個外賣部有個比較大o既面包corner, 買過佢個十字包, 唔差嫁! 但係裝修左之後個corner細到睇唔到, 仲再無見過十字包添!

唔知是咪依家市道差,冇乜人來食扒了,波士頓餐廳地下開了外賣部,價錢雖然便宜,但個度有四個阿嬸做野,效率好差,d野食明明一早整定,但佢地四個可以攪左好耐先俾到你,最激氣是攪咁耐都拿錯飯盒...真是唔想再幫襯佢地...

呢度真係小時候頗喜歡的地方，我都好鍾意個火焰牛柳，睇住d waiter用火燒下燒下真係好過癮，不過我每次來到屋企人實唔俾我叫火焰牛柳，佢地話好熱氣wor，有一次我唔聽佢地講死都要叫，跟住第二日個口就多左成3粒痱滋，從此之後我唔敢再叫......-_-點都好，個陣d扒真係幾好食，不過之後我地搬左出去唔係灣仔住，就好多年都未食過，早排搬番黎住去過試下，食過有少少失望，因為覺得水準跌左，有d大不如前既感覺，不過點都好，以後有機會都會過黎懷舊一下的，話晒由細食到大對左佢咁耐......

歷史悠久。忌廉湯幾濃。羊扒小小肥，但唔"so"，而且幾好味，大蝦就一般，唔食唔係損失。但成日漏單，要d 客提。油煙好大。

D牛排都好好味, 我都食過好幾間, 但是本人首選都是泳波士頓