波士頓餐廳

營業中

休息中

2007-12-30 懷舊 - 波士頓餐廳波士頓餐廳, 一個存在於灣仔區已久的名字, 唔係我呢一輩既人既事物, 我之所以認識呢間餐廳, 因為我細個有一兩年時間響灣仔住, 加上我上兩代的親人都係響灣仔住既. 直到幼稚園就搬左入屯門住, 好得意我同我妹妹細個既時候, 生日都係好希望返去灣仔呢間餐龐 "鋸扒" 想起都津津有味. 一話唔去, 因為當年由屯門去灣仔起碼都兩粒鐘, 仲未有地鐵添, 所以真係唔係次次有得去架.人大個了, 我第一次約太座食dinner就係去番呢間餐廳, 可以話呢間餐廳載滿了我的回憶, 依家久不久我就會同我太座去懷舊一番.食既都係最基本唔花巧既紐西蘭西冷扒 及 餐廳鎮店之寶 火焰牛柳. 基本上新派左拼大蝦右拼石班果D, 都只係一般比以前就更一般, 只有簡單野keep得住係仲叫得上好食. 火焰牛柳有一把廚劍叉住牛柳 逐件點火逐件上鐵板, 俾起鐵板淋汁的滋滋聲更精彩好睇.而餐廳既紅酒都只係一般貸色但唔太曳$200左右開一支唔太貴! 仲有要介紹一下呢度既芝士餅, 唔食你走寶啦! ^^老實講依家既波士頓既扒, 太重油炸, 與以前我還是小朋友的時間有甚大的距離. 希望不要與之前的分

兒時，家人帶我去金雀、波士頓去食飯，高興得不得了。因為有得据扒~~~在印象中，波士頓餐廳的食物可是很好的。長大後，在灣仔工作已3年了，也沒去過波士頓餐廳。大概是因為餐廳太多人，次次去都等到沒時間吃吧？難得今次去到，好想再次食回兒時的那份好味道。我叫了一個lunch，是羅宋湯+豬扒魚柳配薯菜+凍檸茶。不過，大失所望。先說羅宋湯，食不出什麼味道……只覺得是甜，也沒有應有的辣味。豬扒魚柳配薯菜……對我而言，真的很不行……豬扒弄得太乾，沒有味……魚柳，雖是炸的卻不脆也不熱。明明叩了少甜的凍檸茶，也甜得飲了一口也不再飲。以質數而言，和外面茶餐廳的味道一樣，但價錢比茶餐廳貴。很失望呢……現在的波士頓餐廳，已失去了兒時的美味感覺。我想我不會再去了……

完全因為火焰牛柳而去呢間度食, 呢間係一間70-80年代格局既餐廳, 當晚基本上都有9成滿. 每個主菜都包餐包同埋餐飲. 餐湯好鹹, 飲左一半已經唔想飲.火焰牛柳真係好得, 入口即溶, 叫左7成熟, 不過我估舊舊都係咁多成, 我o個份接近6成. 可惜因為要落酒精先有火焰, 所以牛本身既牛味冇晒, 全程都好似食緊重酒精咪既牛柳.

去吃薑餅人其中之一最愛 – 港式鐵扒餐.我要了火焰牛柳, 薑餅人則要了燒春雞.餐包比較油也不鬆軟熱辣辣, 故只吃了一口吧!餐湯要了紅湯, 味道酸甜恰當.火焰牛柳用鐵支上, 侍應在你面前將牛柳取出放在鐵板上, 再加點酒然後點火, 趣味及觀賞性十足. 肉質不鞋不老, 但肉味薄弱. 伴碟薯條燶燶地又吸了燒汁竟也不錯.薑餅人的燒春雞只能給配給了些雞胸肉, 肉質當然偏鞋, 但其他部位應該好些, 薑餅人也輕易將它連皮拆骨.但那裏的鐵板汁味道實在太厲害, 搞到我手袋内吸晒燒汁味…

今晚和女友去完動漫節，好肚餓想食西餐，突然想起附近的經典扒房“波士頓餐廳”，於是乎就去鋸扒！由於女友從來未來過這裡，所以點了這兒的招牌經典“火焰牛柳”，而我則點了紐西蘭羊扒。一紅一白的餐湯，女友的羅宋湯比較有水準，幾好味，相反我的忌廉粟米湯則遜色得多，雖然頗多粟米，但淡而無味！主菜火焰牛柳：先上檯的是鐵板和薯菜，然後主角出場------>一個像長劍的器皿，牛柳被刺在長劍而底部則是燃燒著的火焰；侍應把牛柳或配菜都先經過“火焰”才放上鐵板，所以牛柳有一、兩秒在鐵板上是燃燒著的，名副其實的“火焰牛柳”。雖然牛柳不算是甚麼高級牛柳，但肉質OK，酒味蓋過了肉味，加上淋了蒜蓉汁，幾好食！至於羊扒，頗肥，不知道是羊扒還是洋蔥汁，總之頗咸，但是比起某些高級或同類型的餐廳，整體上這裡算是好食！溫馨提示：當侍應淋汁或上“火焰牛柳”時，熱辣辣的汁液可能會濺在閣下的手或身體，請特別小心！

提到懷舊老字號西式扒餐，怎能不提這裏 ?相比起金鳳、飛鷹及花園，這裏的格調及名聲無疑是好像"高級"很多。始終，在二十多三十年前，在這裏吃個鐵板扒餐，尤如是一件人生大事....湯同樣是只得紅白兩款選擇。在這情況下，叫紅湯往往是比較穩陣 (因白湯通常都是質感稀如白開水的)。這裏的，也並不例外。不過，這兒比其他地方較好的，是湯內真的吃到雞肉粒 (其他的地方大多只是找到粟米粒而已)...太座叫了招牌的火焰牛柳。小弟對此沒有興趣，只叫了個大蝦併牛柳....用一枝長劍串着兩件牛柳，再淋上帶有酒的醬汁。一陣火焰吹來，小時候可能會覺得很有格調。現在見識廣了，人也長大了，也就不覺得有甚麼稀奇。味道不好，再grand的presentation又有何用 ?試吃一口，除了有一點酒味外，並無特別。牛柳自然不是甚麼靚貨，也經過了鬆肉粉處理，牛味自然亦欠奉了。同樣地，自己的那份牛柳，味道也是如此。唯一可取的，是肉並沒有弄得太過熟...所謂的大蝦，size極其量只好以稱之為中蝦而已。經油泡後，肉味如嚼蠟，蝦味全失。有點後悔叫了這個...收費比花園等自是貴出兩三成。始終，"名店"即是名店嘛...

經常聽人說集體回憶，今晚我們也來此懷舊一番，我們點了：鑊仔牛仔柳 及西蘭牛扒餐因為是餐，所以例湯及飲品一定有我們紅白湯各一，雖然是例湯，但無偷工減料，紅湯(羅宋湯)足料辣味又夠，白湯(忌廉湯)栗米多又無水汪汪，餐包味道就麻麻，但上台都是暖暖的鑊仔牛仔柳 - 無根又唔韌，有肉香又有質感， 好味，吃到尾聲時D牛仔柳有點韌，不知是否受那熱熱的鐵板影響 但西蘭牛扒 - 肉味稍遜,，肉質有點鬆鬆地 ，只萛還可以 黑椒汁淋上鐵板時，真的煙霧迷漫，好好氣氛 整體都OK ，環境都好懷舊，但地板就比較油同有點滑，不知是否那煙霧迷漫的浪漫氣氛所做成

同老婆仔, 一直都係呢度ge捧場客, 差唔多每兩個月都會唻一次, 可惜幾個月以唻, 每唻一次就會扣一次分, 扣到都所餘無幾. 最主要係因為發覺D食物每況愈下, 幾乎比茶餐廳好唔到幾多.終於都俾佢威返次, 尋晚再唻ge時候, 雖然未至於話讚不絕口, 但係同老婆仔都覺得, D quality好返好多.叫左一份牛柳, 一份T骨.之前有一次份牛柳ge份量少得可憐, 仲要係D頭頭尾尾, 都不成「柳」型. 今次最少都四四正正, 擺出唻都好睇D. 味道幾好, 唔太干身, 亦都唔韌, 咬口幾好.T骨都唔錯, 不過以5成唻講, 就干身得滯, 而且近骨位ge地方, 幾乎切唔到, 一個$5銀咁大ge area食唔到, 太生.嚴格唻講, 唔算差, 以價錢唻講係合理ge.希望下次唻會做得更加好la

今日突然諗起想食西餐, 帶著朋友上黎這家灣仔老字號. 食一個西式午餐.午餐是豐富的, ABC三個餐, 有牛柳扒, 有焗意粉, 有雞亦飯. 湯雖然不是料十足, 但紅湯仍然是可口的, 加上一個大麵包, 其實已塞到半飽.朋友的雞亦飯先來, 隨後是我的焗意...上菜速度很快, 牛脷焗意, 牛脷被切成小塊, 根本是意粉多過餸菜, 朋友的雞亦飯...看圖就知. 難怪上次Team lunch, 有同事極力反對Boston.難道只有叫其90多元的鐵版餐.埋單, 叫了半場也沒有人理, 理了又沒有人去Counter攞單, 單來了又不是我們的,......只好自己出去俾. 不推介中午黎.

近來公司附近的大家樂大裝修，有朋友曾經介紹過波士頓餐廳都有早餐供應，所以上星期一開始便將食早餐的陣地轉移至上址，當日早上8:30上到去閣樓，見到近樓梯旁邊設有一小型廚房，而廚師正為客人烹調早餐，侍應見我來到便招呼我於卡位坐下，奉上清水及餐牌，一共有八款早餐由A-H，價錢由HK$21-Hk$26不等，而我自己早上較喜歡食些清淡的食物，這個早餐H(HK$21)正正符合我的要求，包括一碗牛奶麥皮、一份自選三文治(可選擇炕底不另收費)及任選一杯冷熱餐飲，吃過早餐後再坐一會便埋單，因這間餐廳早餐是不收加一小賬，所以需要自己將單拿至收銀處付款，值得一提的是這裡的侍應、廚師與及收銀員各人非常有禮，見到客人到來會主動叫聲早晨，客人結賬離去時亦會主動說再見，比起那些所謂出名茶餐廳的伙計咀臉不知友善多少倍，如果不想再受這些不禮貌的對待，我極力向各位推薦這一間服務態度良好的餐廳。

好耐冇去 据扒勒, 呢晚我地 7 個人 9:30p.m 先到, 個個都据。。。牛柳、豬扒、羊扒、火焰牛柳............熱辣辣, 正呀!!

last nite had dinner here with my new bf~we ordered the brochette flambe (flaming steak).First, the russian vegetable soup was very rich. ) the bread with margarine was OK. then wow, the brochette flambe was very impressive and delicious. i had mine 80 % cooked with black pepper sauce. yummy~! however, the coffee came very very late (we had to wait for a long time)...and the environment was a bit noisy, and the floor was quite slippery. i may come again for the good price and food!!!

記得細個時，爸爸媽媽成日帶我地黎呢度食飯的，每次黎都會好開心昨晚和男朋友來了這兒叫了羊扒石斑鐵板餐個羊扒好好食但係d石斑係冇味既仲有個焗芝士肉醬意粉好普通，冇乜特別呀埋單二人都是一百三十多元，幾抵其實我d食評有咁多哈哈笑，因為覺得和他一起食乜都是開心的

早前小妹做東誠邀各女同事們到灣仔馳名的老字號---「波士頓餐廳」共膳。我們一行9人心情興奮的走到餐廳門外…..高興的嚷著「波士頓餐廳」是名牌中的名牌! 惜日是大時大節, 宴客的首選扒房。誰知我們踏上一樓, 走到訂台位置時…..接待員說:「自己轉灣直行搵到就搵。」我們直頭當頭棒喝的說名牌又如何茶記的招呼也不及。找到位子, 我們坐下來環顧四方……環境十年如一日, 裝潢說好一點是「很有懷舊的風味」, 說差一點是「滿地油污, 台地如一」, 服務員衣衫不整態度欠佳。我們只好寄望食品的質數。我們看見排隊入坐的人龍, 斷然想不到食品的質數有如「波士頓餐廳」的裝潢和服務員的態度一樣------強差人意。鐵板燒的香味醬汁橫溢外, 還有服務員的粗口。餐具不再話下, 可是平均每個午餐的價格則承惠49元至 118元, 還有10%小費。我們立即想到對面同是供應「扒餐」的扒王。這樣經營了多年的老字號明顯已追不上時代的洗禮, 我們深信跟「波士頓餐廳」的緣份難以延續。為有在進食的過程中回味它那惜日的風光, 品嚐它那份濃濃本地的集體回憶好了。

我細細個成日去好HIGH CLASS嘅BOSTON餐廳, 前幾晚同DADDY MUMMY再去, 點知換來~ 失望~ 2字... 依家無以前禁HIGH CLASS, 直頭可以用CHEAP黎形容, 服務... 衛生... 環境... 食品... 差差差...收費同水準成反比, SET DINNER都OVER $100, 但竟然可以差過快餐店... 1) 一上到去無人招呼2) 地下滑SAN SAN3) 我坐個位地下有舊牛油4) D侍應放碗碟CHING CHING CHANG CHANG聲5) 我個扒跟飯, 個扒到左, 個飯10分鈡之後先到6) 我個扒好似柴皮7) 我食左40%, 我DADDY個紅酒牛尾仲未到8) 牛尾到左, 個侍應唔用手攞開杯水, 用裝住牛尾隻碟推過去... 結果成杯水倒左上我個鉄板上浸住左我份扒, 唔洗食...雖然佢無收我嗰份嘅$, 但真係好失望! 以前DADDY, MUMMY成日帶我去唔係禁架!我以後都唔會再去! 跌左$都無禁嬲!!!