波士冰室

營業中

休息中

"周末的意義是：食番個菠蘿油做早餐。.感謝天才朋友一起我才有機會食番呢個邪惡的組合。(食得菠蘿包點可以唔加厚牛油？加左牛油點可以唔即刻食？所以破16.8都要食早餐）.呢個時候其實想配茶記奶茶.茶記，我最鍾意既多士類係鮮油多.其次係奶醬多(係大學canteen 回憶）.咸嘅，一定係蛋牛治烘底別無他選。==============================波士冰室湾仔庄士敦道35-45号利文楼地下A号舖

《波士冰室》（下午茶）回憶的味道 ， 我會叫佢做《波士冰室》 超記得每次嚟到一定係嗌雜扒餐因為有得食紅腰豆沙律又有得食炸雞翼，諗起都掛住！細個唔覺去到而家呢個年紀入到去就發現老闆啲字真係好靚，全間舖頭都係佢寫嘅餐牌，以前細個仲會見到佢買好多咖啡豆，所以佢呢度啲咖啡local餐廳來講真係算唔錯。佢唔係茶餐廳因為佢乜都有得食日本拉麵、雲南米線、雜扒、和風牛肉飯、小菜，連麵包曲奇都做埋，所以由細到大都好鍾意食佢，因為無論你想食乜嘢佢都會滿足到你🧶—————————————————————————————佢碗米線係真心大碗，本身問咗侍應姨姨佢話佢豬扒氣炸嘅可能因為得返四個字整唔切所以最咪變咗煎豬扒，整體來講我就覺得麻麻地辣得滯又冇乜鹹味，撈埋啲花生同埋酸菜食會好好多，由於呀咀本身食嘢太慢所以我食到真係流晒鼻水💧但係見屋企人食嗰兩個常餐就好似好吸引，下次真係要識揀！

今日非常難得約咗同事食早餐，同事推介位於灣仔地鐵站附近的波士冰室。店內擺設十分懷舊，見到唔少兒時玩意及用品，例如搪瓷杯用來放調味，舊信箱舊鐵閘裝飾，仲有唔少懷舊的圖片，充滿舊香港情懷。我們坐卡位，坐得舒服，環境乾淨衛生，食得安心。早餐E 吉列魚柳、雞肉腸拼櫻花蝦炒滑蛋，香草蒜蓉丹麥多士非常豐富滿足！吉列魚柳好厚身，肉質鮮嫩，炒蛋非常香滑，再加上櫻花蝦沾上高貴氣質。重要主角係香蒜丹麥多士，上枱放咗一陣，還有微熱，口感好鬆化，一層一層，口感豐富好香香草蒜蓉味道。早餐F 西冷牛扒餐、雞肉腸拼櫻花蝦炒滑蛋，香草蒜蓉丹麥多士西冷牛扒食得出肉味，底部仲有兩塊香葉似乎是用香料醃製過，感覺唔會有鬆肉粉，值得一讚。門口見到有外賣優惠，下次可以試吓。

吓!唔係嘛!星期六返工途中，突然收到 HR Whatsapp 通知，一早8點鐘負責開門嘅同事有事請假，寫字樓未有人開門，要等老細成十點先返嚟開門!咁我點算呀! 成個幾鐘時間溜溜長!長短週星期六要返工已經慘慘豬，重要等開門! 對於我哩D迷信人士，一日之始唔順利已經係大忌，咁就對自己好D，食份好D嘅早餐.咁就遲d先落巴士，行前少少去波士冰室，食完慢慢行返寫字樓.另外我知道有D同事住果頭，有時會落去食完早餐先返工，睇吓遇唔遇到，結果食完都見唔到.點咗沙爹牛肉麵轉一丁，香草蒜蓉多士跟炒蛋，見到有個香草蒜蓉丹麥多士，唔知咩嚟，叫咗一客試吓，凍0茶少冰.沙爹牛肉唔韌，鬆軟入味，沙爹味唔太辣，夾自己口味.蒜蓉嘅丹麥多士同多士同樣蒜味香濃，而丹麥多士比較脆口，同炒蛋一同入口，一流!早排去太子嘅元朗冰室，炒蛋份量少得可憐，波士冰室就唔同，份量比佢多得多，而炒蛋亦炒得夠滑，當然唔好忘記要落鹽同胡椒粉.另外要講吓杯凍0茶，原以為普通一杯凍0茶無甚特別都矛諗住影相，飲咗一啖之後茶味同檸檬味各占一半無話偏重一邊，好好味夾自己口味即刻補影.最後..... D客總係無咩手尾，大門係趟門開門之後又唔閂好，走哂冷氣..

灣仔平日上班時間 ，要找個不太擠迫的地方食過美味的早餐醒一醒神也甚難度。這間在莊士敦道的茶餐廳是我喜愛之一，餐廳以懷舊風格裝修，而且有不少卡，位能讓我在早餐時候重溫以前香港年代的情懷，當然也可以品嚐一下地道茶餐廳的味道🥰今天想食個健康早餐🎉，叫了一個健康五穀蛋白麥皮，最討厭是稀流流的, 幸好這個麥皮杰杰的，而且加了蛋白，還要無糖，絕對是健康之選，適合減肥人士。餐廳也貼心地奉送鍊奶，並分開上桌，客人可以因應自己的喜好加煉奶👍🏻麥皮配搭了香草蒜蓉多士🍞，相信這是是餐廳的招牌食品！果然沒有令人失望，多士烘得熱辣辣，十分香脆，香草搽在多士上，香味四溢，加以濃濃的蒜蓉，完全令普通的多士提升味道，食完兩塊真的不夠喉😇

今日放假一早約了朋友去行山頂，出發之前當然要食個豐富的早餐，揀了附近灣仔波士冰室，冰室裝修有點懷舊feel，又乾淨。揀了波士推介吉列魚柳併雞肉腸、櫻花蝦炒滑蛋$42，另+$4 轉香草蒜蓉丹麥多士配葡式咖啡，炒蛋加櫻花蝦更加香，魚柳外脆內軟，夠香口，轉丹麥多士比普通多士更好味。另外香煎豬扒併雞肉腸、櫻花蝦炒滑蛋$40+$4轉牛油丹麥多士，豬扒很大塊，再加5轉熱鮮奶，朝早一杯熱鮮奶補下鈣先行山，鮮奶甜甜地飲完好滿足。珍珠帶子粒火腿通粉平炒滑蛋、香草蒜蓉多士$37 ，飲品加錢要了紅豆冰，好多紅豆，天氣熱真係透心涼😋本來想要自製自家製三網蛋白杏仁茶，可惜賣晒。

今日嚟到波士冰室簡簡單單食個茶記Lunch叫咗個常餐 配沙爹牛肉米粉 跟埋奶油豬同炒滑蛋 另外再加多兩隻瑞士雞翼沙爹牛肉米粉都有大概7-8片牛肉 呢度嘅沙爹有淡淡嘅花生醬味 啱曬我口味 米粉吸曬沙嗲醬嘅湯汁 好惹味 瑞士雞翼甜甜地又係岩哂我口味奶油豬新鮮干起 外面脆卜卜 裡面超鬆軟 加埋面頭嘅奶醬嘅甜味奶味 配搭真係冇得輸 而滑蛋都確實係幾滑 唔會overcooked男朋友就嗌咗一個Lunch Set 咖哩薯仔粒吉列魚柳飯 吉列魚柳份量十足 新鮮炸起脆卜卜 咖哩汁係港式咖哩 都算香濃好味 撈飯一流 跟餐凍飲加多三蚊 我哋搭配咗凍檸茶 茶底都算唔錯

今日係8月13日 約咗朋友去灣仔會展行美食展 差唔多時間行一陣先 先搵餐廳填胞個肚先 行行吓 見到有間餐廳幾有特色 入去試吓 餐廳名叫波士冰室 入到去 侍應我哋坐低一邊先 佢哋都好有禮貌 咁我就睇中左個茶餐 厚切餐肉蛋米粉 咁我叫蛋白杏仁茶 加佢哋呢度極力推介嘅瑞士汁雞翼 呢個瑞士雞翼咩入邊好入味 好好味另外我朋友叫咗個沙嗲鮮牛肉公仔麵 飲凍檸樂配炒蛋 仲有買個丹麥多士 另外我哋仲叫埋個芝士西多士 切開滿滿芝士 都係即叫即做 好正好好味如果鍾意食芝士嘅人可以啊叫呢個總括而言 茶餐廳來講呢間都好有特色同埋入邊啲嘢都好好味下次可以再試吓

話說今日公司要開大會，又要趕report，又要趕開會，所以諗住喺樓下茶餐廳搞掂～ 呢間係成日都幫襯其中一間茶餐廳～ 裝修有啲懷舊，用返以前嘅郵箱同埋鐵閘做裝飾。平時都會叫佢哋嘅快餐或者蛋包飯，今日有啲熱，所以淨係想食個麵。波士常餐沙嗲鮮牛肉公仔麵+炒滑蛋、丹麥多土/奶油脆脆豬 $56 送熱飲我就加$6 轉咗出前一丁 同加$15 要埋波士瑞士雞翼2隻，沙嗲牛肉係用鮮牛肉，所以肉質有啲咬口，沙嗲汁香濃有少少辣，撈埋落個面度啱啱好。炒蛋嫩滑，丹麥多士鬆脆（其實同食緊牛角包好似），加配左兩隻雞翼，勁入味，係香甜嘅瑞士汁。因為個胃唔係好舒服，今日飲凍檸水～ 上次你飲佢嘅奶茶都幾香滑的

今日經過灣仔見這間在福臨門旁的餐廳有很多卡位，而且裝修得不錯，有點懷舊風味，整齊明亮，便入去試一試。早餐有很多款式，見到有一個叫帶子火腿通粉，咁特別於是我便叫來試一試。這裏的火腿通粉與其他茶餐廳有所不同，平時的茶餐廳的火腿是幼幼火腿絲，這裏的火腿較為厚切，大大粒，份量不少。個湯底正正常常，不會太鹹，通粉亦做得恰到好處，不會過熟。👍🏻👍🏻雞蛋可以選炒蛋、煎蛋，太陽蛋，我選了煎蛋，賣相不錯。所有早餐配以這間餐廳的招牌多士：香草蓉多士，果然是招牌菜式，看濃濃香草味加以牛油，食完想再食多塊!🥰

今週未輕鬆，一早約了朋友行灣仔會展一年一度的書展，未出發行前，大家吃一吃下午餐先，行了一會，我們選了今次這間，見門口環境不錯，入到去裝修幾有特色，擇了卡位座，都寬倘，看了一會餐牌，我們叫了常餐 (B) 米粉香茅豬扒銀絲米粉米粉份量剛剛好，好爽口，豬扒不算細，好香香茅味，好霖同嫩滑，入口即溶炒滑蛋滑蛋都多，炒得好香蛋味，入口蛋味好濃香同特別好嫩滑滑身丹麥多士細細塊，有點厚度，烘得香多士味，脆口，好鬆化，一切已切開熱檸檬茶温度同甜度都剛剛好，鮮香檸檬味

中午經過「波士冰室」看見室內懷舊的裝置，感覺很有親切感，便進入冰室享用午飯。先吃點小食，鹹牛肉滑蛋三文治，鹹牛肉和滑蛋的鹹、香、滑、爽在脆多士吃，是滋味無比的享受。奶醬多士，是甜奶與花生醬和脆多士組合，也是甜、香、脆美味的由來。咖哩牛筋腩飯份量頗多，我們可以分享，牛筋腩夠腍滑，白飯淘了咖哩汁，份外好味道。餐飲改特飲，白白滑滑、質感柔滑的蛋白杏仁茶是我的至愛。家人從未嘗試過飲凍鴛鴦，年青人真的太年輕，今次見識到港式特飲，感到十分滿意。

工作再忙，都要食個靚早餐，先開始新的一天近近哋喺附近食，估唔到有驚喜睇下早餐有咩食先一人一個早餐蕃茄薯仔排骨螺絲粉，併炒蛋，丹麥多士上枱就聞到丹麥多士香味，咬落又酥又香。螺絲粉有咬口，湯底蕃茄味濃，排骨份量都唔少，夠淋。炒蛋滑溜。吉列魚柳 併雞肉腸 櫻花蝦炒蛋丹麥多士魚柳好大份，雖然外表濃濃地，但內裏肉質仍然滑溜溜。櫻花蝦有咬口。厚切餐肉蛋三文治/咸牛肉蛋三文治蛋份量多，厚切餐肉煎得好香。咸牛肉味道適中。最後再飲番杯凍咖啡，凍檸茶。透心涼的一朝。

今日早起，去左維園跑步，然後落嚟灣仔街市買餸。有人話要食早餐，之前幫襯過銅鑼灣嗰間「波士冰室」，印象唔錯，原來灣仔都有分店。餐廳以老香港情懷做主題，水泥牆身、懷舊信箱、復古綠色鐵閘、銀晃金屬壁扇，裝潢別出心裁，讓人有時光倒流之感。早餐供應至 11:30am，一共有 11 款，另外亦有三文治、厚多士等，選擇好豐富。早餐 E：吉列魚柳拼雞肉腸、櫻花蝦炒滑蛋、丹麥多士、凍檸茶 ($48)  魚柳炸得夠熱又夠脆，粉漿唔太厚，入口啖啖魚肉，美味。雞肉腸也很有口感，味道香甜。雞蛋炒得很嫩滑，櫻花蝦乾身脆口，鹹香味突出，而且份量都幾多。丹麥多士水準亦甚高，外脆內鬆軟，牛油跟麵粉香味十足，非常好吃。另外呢客早餐 F：西冷牛扒拼雞肉腸、櫻花蝦炒滑蛋、丹麥多士、凍鮮奶 ($50)  味道亦不俗，牛扒厚度適中，咬下軟嫩入味，充滿牛肉香，配上惹味嘅黑椒汁，啖啖滋味。早餐送熱飲，+$3 可轉配凍飲，+$4 轉樽庄鮮奶，+$6 更可以多配 1 片丹麥多士。加左份白豬仔餐肉滑蛋三文治 ($28)，麵包好鬆軟，餐肉勁厚切，而且煎得頗香口，滑蛋很嫩，夾住一齊食，好豐富，再嘆埋杯順滑且茶香回甘嘅凍奶茶 (+$23)，非常

今日同朋友到荃灣食飯，到達餐廳不需要等位就可以入座。我們叫了一份椒鹽豬扒餐，一份波士黃金蝦，一份乾炒牛河和兩杯特飲，懷榃雪糕紅豆冰和好立克沙冰。乾炒牛河的鑊氣夠足，而且不會過油。牛肉不會老，河粉不會糊成一團。椒鹽豬扒中的豬扒軟身，鹹度適中而且，而且椒鹽的香味俱全。黃金蝦有很香蛋黃味，加上外表炸得香脆可口，最後連我可以連蝦殼都直接吞噬。總括來說，味道不錯，坐得舒服。而且份量比我想像的多，尤其是兩杯飲品十分之巨型，朋友同我都食得很飽。