泛后甜品 (已結業)

幾年無黎幫襯過，當然價錢都會貴左唔少．１．芒果西米露：芒果好甜，西米大大粒，好有口感．２．芝麻糊：好香，好滑，正！３．朱古力新地：超唔抵食既一個甜品，朱古力球兩個，加ｄ罐頭既生果，$24．$15俾多佢喇！小朋友叫住要食，就下佢一次算！單球$6，食４個單球無咁嬲．

記憶中,元朗係有間特色甜品店(唔係B仔),但係search後,都毫無頭緒。結果中「綿綿冰」無興趣、落一級是「泛后」,都好啦!睇左幾個都講,芋頭西米露、黑白有滑。最後食左芋頭西米露,有點失望,椰汁味重過芋頭味,唔creamy,西米都係一般size啫!芋頭唔夠紫色,但頗為綿,食到尾,才感覺到這是芋頭西米露。楊枝甘露揀左最小的「輕型」size,又一次的失望,淡!椰奶淡!芒果、柚子無味!唔通唔o岩時令!?魚蛋、燒賣。魚蛋唔辣既唔好食,霉霉地；辣既好食又彈牙。燒賣夠軟味道好!唯獨店員無落甜醬,失色!拮拮吓都食晒lu。

凍芋頭西米露真係好正, 不會太甜, 西米好彈牙, 芋頭味重, 好正佢地d人又好, 要多西米有多西米, 要多芋頭有多芋頭最鍾意去泛后甜品!!!

成日聽"對面"有幾咁出名,見泛后都可以生存到咁耐,而"對面"又愈見服務,食品質數下滑(可能從來冇高過....)價錢又不斷上升,好奇去試下泛后睇下有咩可以令佢仍然生存呢~首先一提係泛后既楊枝金露~~幾好味 一食愛上(係附近唔錯既選擇)芒果布丁~~都幾好食喎 會再去食(對面既布丁差好遠- -)...至於腸粉呢 就唔夠對面滑啦~仲有唔辣既雞翼尖~~ok 啦 普普通通 為食既我 又怕食對面辣既 食呢個都唔錯芒果西米露~~係好多芒果 好大粒 但就好似太大粒喇,同細細粒既西米一齊食有d古怪仲有杯奇異果 飲品 都幾好味 見奇異果都幾小有(唔係好記得咩名)至於最開心既係 伙計有傾有講 禮貌真係幾好 有親切感要加分暫時黎講 食物 服務 衛生 我覺得都好過"對面"當然 比錢都比得開心d下次會再幫襯

吃過了水準飄忽的新記雞粥，貪方便過對面的泛后甜品溝一溝貨，我對甜品的選擇一向都是十分老土，不是燉奶就是燉蛋，這晚便來一客凍的鮮奶燉蛋 ($13)，那想到嗜到的味道令我非常難忘。當看見眼前蛋芯出奇地堅挺的淡黃色甜品，心不禁向下一沉。鮮奶燉蛋入口硬而不化，丁點軟滑口感也沒有，而淡奶味將蛋味完全蓋過，情況跟兒時維他朱古力奶廣告所形容一樣，空有其色沒有其味的燉蛋，實在不值一晒。女友點的鮮雜果涼粉賣相相對較佳，多款不同顏色的生果丸配襯全黑的涼粉實在搶眼鮮艷，唯這道精緻的甜品的味道出奇地淡，除了『健康』二字，實在想不出其他詞語形容了。據聞泛后的芝麻糊質素相當不俗，看此店人流不絕的人氣，這個喊面或者只是我一時行衰運罷了。如再到元朗，我想試試同樣聞名的佳記甜品，但學柴九哥話齋，一生有幾多個十年，都係時間試下新事物，不要再獨沽一味凍燉蛋了！

有新產品一定要試一試，要了一個黑白有滑$20，黑原來是芝麻糊；白是豆腐布甸，嗰樣都幾靚震住上枱．豆腐布甸幾滑，不過豆腐味唔夠，芝麻糊都幾杰身，都算有芝麻味，不過較為甜咗啲，可以淡翻啲就會好好多．

食完正餐, 當然要食番d甜品調劑下啦...盈話好想食"綿綿冰", 點知我地咁遠行到去冇位, 仲要等, 因為我其實唔係話太鍾意食綿綿冰咋, 所以我就決定去係元朗同樣好出名ge"泛後甜品"啦...見到張menu的"燉蛋",咁吸引, 我就要左個熱ge, $13蚊, 價錢都ok, 可惜味道就麻麻啦...盈要左個"什果新地, 我都有試下d朱古力雪糕, 味道普通咋...BB同阿媽就要左個"鮮果芒果布甸", 我又忍唔住食左幾淡, 個布甸好正ga另外我地又叫左$10蚊腸粉, 各$5蚊燒賣同魚蛋, 都係一般的貨色啦...

做完野，就落呢度買甜品返屋企食。雖然有好多人食，但外賣都唔使等太耐既。今次就買左三款甜品。芒果西米撈西米大大粒，而且芒果既份量都幾多。芒果又算幾甜，唔錯既。而芒果汁就撈西米有餘啦。都算唔錯啦。花奶涼粉雖然好普通，但都可以既。因為真係普通到無野好講。椰汁紅豆糕以為好細舊，點知係好大舊椰汁糕。紅豆都幾多，又唔算太甜。而椰汁糕都算幾滑，十蚊三舊好抵食。整體上甜品都唔錯既，下次都要堂食啦。

在流浮山食完晚飯後,H&K又返回元朗,在回家前當然要食個甜品去完滿今天的行程啦, H&K 選擇了”后”而不選”B仔”K點吃了香芋西米露=>太甜了,芋頭不粉也不香,水準未達標H點吃了楊枝金露=>不算太甜,但太多奶,芒果味不夠,也不夠凍,總括味道只是一般雖然甜品味道不太好,但總算為H&K一天的旅程劃上完滿的句號!!

十二月十四‧寒冷 有時吃東西也好像買股票一樣，以為股價下降只屬短期現象？溝溝佢想減低平均成本？但往往也總是越溝越淡，好像跌破70蚊的匯豐以為便宜一樣，執筆之時，40蚊都來緊頭的道理相若。 吃了不太滿意的蛇，還有點餓，又碰巧「溝貨應援團」的團長在陣，大家一於再去吃甜品。在兩大元朗甜品品牌中，地膽們堅定的否決了B仔，就只是如我這些「區外人」才會去吃的，地膽都識得吃這裡會好一點。所以就算我心裡知道B仔那邊的腸粉魚蛋雞翼尖都好吃，還是跟大伙兒來吃這邊。 不要說什麼金融海嘯，經濟轉差，這裡的生意是好到不得了，檯開完又開，舖也是間間滿座，折騰了半句鐘，才可以安然坐下。 拿著餐牌研究一輪，發覺好像也沒有什麼好吃的，選擇可以說是偏少。見有個宣傳單張上的產品「黑白幼滑」好像是幾有特色，就來一客。 黑者，是芝麻醬；白者，是豆腐布甸，兩者加在一起，想起來也覺得不會有難吃之道。但實際上，又真的是不太好吃，豆腐布甸幾滑，但沒有香味，或可以就是沒有味道。芝麻醬雖甜，但偏少，加上杰身，是不夠伴整個豆腐布甸的。坐對面的CW就的對，我真的是想快一點吃完這個新產品的。 甜點不行，鹹點如何，答案是比B仔更差。Sally要了

一大班人去左"泛后甜品"食野! 叫左好多野一齊share! 正!1) 腸粉魚蛋~~~腸粉夠滑, 正!2)雞翼尖~~~好入味!!3)黑白有滑~~~個樣好睇又好食!舊豆腐花震住咁上呀! 真係好味到.....震呀!4)什錦生果(細)~~~唔洗揀咩都有, 細既份量都足夠2個人食!!5)香芋西米露~~~雖然普通野,但好好食, d 西米露比其他大粒, 芋頭夠粉呀!6)芒果班cake~~~普普通通!7)仲有杯唔記得叫咩~~~材料十足!! 呢餐真係俾10個gd~~食完連晚飯都唔洗食!

第４站,終於去食"飯後甜品"啦 !!我地搵左好耐+問左幾個人先去到佢...本身想試綿綿冰先架,點知冇開囉 !又會咁岩架 我地7點幾去..做第一台客... !!唔通人人都食緊飯 ?最尾我叫左黑白有滑,因為下面唔少食評都話唔錯 真實版一樣咁靚,上面係花生碎,白色的是豆腐布甸,底下係結d既芝麻糊 ~~個豆腐布甸真係好清好淡,所以對於我呢d食開濃味野既就麻麻地~~但加埋下面既芝麻糊一齊食就,perfect !!!d芝麻糊好濃好香呀 !!我信相佢既芝麻糊一定好好味bf叫左香芋西米露~~佢話好香好好味..未食過咁正既香芋西米露另外我仲外賣個榴槤班戟比媽咪,因為d人話呢個係喜愛榴槤者既必食品..$23~一盒有三件 !!~~拎出黎已經好有榴槤味啦 !!好彩我唔抗拒姐嘩,好多榴槤肉呀......媽咪不停話好味 !!仲話同滿記冇得比呀 !!咁$23又食得過喎 !!食三樣甜品,三樣都覺得唔錯..!下次有機會要再去~~!!

2.23食完飯又入左元朗, 入到去咩都消化曬。所以要食糖水。叫了椰汁西米露(凍): 好快有得食, 夠凍。椰汁味也足夠。西米煮得恰到好處, 芋頭十分粉, 我喜歡。男友吃了黑白有滑, 這個是不錯的。而且食一個甜品有三重享受:芝麻, 豆腐, 花生。還叫了一個芒果布甸, 有芒果肉是甜是, 有忌廉也是好吃的。不過最最最不好的是有很大的雪味, 還吃到有榴槤味。

見到OPENRICE評泛后甜品食物質素不俗，決定一試，叫了一芒果西米露，西米大大粒，頗多芒果，但太太太甜，可能偶有失手，亦可能名過其實。

呢間糖水舖都係地胆 介紹~一於來試試先~$28 楊支甘露 ~ 真係好多料, 好多芒果肉, 味道都ok呀 $12 紅豆沙~ 真係好多沙 & 渣 又大碗喎~ 好滿足添.....$10 腸粉加魚旦~ 好一般....不好食呀$x 椰汁西米露~ 西米幾大粒, 因為不難整所以都ok 架整体係抵食既~ 係港島區好難揾架....