泛后甜品 (已結業)

1.10整晚也未吃東西, 與男友大概11點才來吃晚餐呢。簡單地點了$10 腸粉, $10 魚蛋, 及蛋白燉奶(熱)。腸粉: 男友說什麼醬也要, 但是我不吃辣醬及甜醬的, 所以只是挑了麻醬跟醬油的部分來吃。腸粉也算滑, 粉皮沒有因為蒸得太熟而散開。魚蛋: 是辣的魚蛋, 小小的那種, 一口一粒, 非常好。蛋白燉奶: 天氣很凍, 熱熱的燉奶奉上, 真的將寒冷降溫。熱熱的燉奶送入口中, 帶著一點薑味, 還有牛奶味, 我吃不出有蛋味, 所以只有2個味道在口中。燉奶很滑, 也很漏, 我只吃了半碗, 其餘的也讓男友吃。

係流浮山出黎...大家再去食甜品....經過恆香...買老婆餅...經過糕餅店...又買香蕉糕...又買龍鬚糖......去到泛后甜品......一坐低...大家明明話飽...但係都叫左兩碟腸粉....腸仔...滷水雞翼先.....話時話....D 腸粉又幾鬼好味喎.....自己要左楊枝甘露.....一貫的好味...但係實在食得太多......食呢碗甜品時....好吃力.....朋友們食左獨有的"黑白有滑"...但評語一般.....呢間D甜品....料都算多....我自己就覺得好味過對面的 "A仔"....每次黎元朗都只係會食呢間的甜品.....開開心心的元朗美食之旅....大家捧住個肚腩走......

上星期出開元朗又新街, 諗住去B仔涼粉買喳咋湯圓, 點知因為時間太早, 仲未有湯圓賣, 所以幫襯唔到B仔涼粉買嘅喳咋湯圓喇, 有啲失落由於我太想食湯圓, 所以過對面街泛后甜品碰碰運氣, 今次運氣幾好, 可以順利買走我最愛的喳咋湯圓回家回到家裡已心急地試吓泛后的喳咋湯圓有無B仔咁好食? 好可惜, 答案係"無"囉本來一打開個蓋, 睇見喳咋嘅色澤係有啲驚喜, 以為會有好香嘅椰汁同奶味, 點知食落只有頗重的陳皮味道, 我仲以為自己食緊紅豆沙? 以紅豆沙嘅角度味道係唔差, 但係明明係喳咋樣, 你話個感覺係唔係好奇怪呢?!算啦算啦, 如果湯圓OK, 咁我都收貨啦點知連湯圓都唔好食, 唔夠甜亦都唔煙韌, 湯圓軟軟的, 一點咬口都無, 而且只得3粒!!! (B仔有4大粒)只是一街之隔, 竟然味道, 質素, 份量都相差咁多, 實在難以明白何以泛后亦收取相同價錢???雖然唔開心泛后的喳咋湯圓達唔到我的要求, 但係此碗糖水並唔難食, 所以我無俾喊喊, 但可以肯定係無興趣再幫襯囉

呢間甜品店係細妹推介比我嘅，所以行過就走入去幫襯一吓...打開menu，真係有好多種類嘅甜品，見到都流口水呀...千挑萬選，我揀咗一客西瓜新地...等呀等呀...佢哋居然比咗份西瓜西米露我喎，我明明點西瓜新地架嘛，好明顯係佢哋聽錯咗啦...好在佢哋都冇講啲乜，會換返比我...呢份就係西瓜新地啦，外型唔會比其他貴價食肆差，$24抵到爛啦...至於果份西瓜西米露點呢？果陣正好係佢哋開飯時間，佢哋食埋lu...幾好呀，唔哂嘢...

食完酒泉一肚氣, 要再吃甜點下下火之前係OR睇過元朗的甜品介紹專題見到泛后都係數一數二的, 所以大家都決定依間了叫了雜果新地, 芒果班戟, 榴槤班戟, 紅毛丹大菜糕, 芒果西米露雜果新地的賣相幾有心思, $2x係兩個雪糕底都有幾多生果米糕的紅毛丹大菜糕有好多紅毛丹! 和大菜糕配合都幾清新芒果西米露就差了點, 個西米露本身較淡, 吃下去感覺好水汪汪主角出場! 榴槤班戟! 大家都好讚賞這小品! 因為榴槤肉熟得剛好, 不會過生不然會硬身, 不會過熟不然口感太爛一絲絲的, 榴槤飄香, 如果多肉點仲好! 大家都encore多碟! 芒果班戟就被冷落了另外叫了魚蛋, 因為親愛的想吃…哈哈!大家臨走的時候都外賣榴槤班戟! 真係又食又拿!這裡的翻版米奇米妮有著心形耳朵的

次次來買榴槤班戟, 都係撞手神的甘岩佢新鮮整出來, 榴槤又靚的話, 係好好味的但多數係, 榴槤肉好少, CREAM多多, 加上又好似隔夜的真係食到喊得一句句上星期日買的, 正是疑似隔夜貨仔, 唔香又唔甜, 差差差..

昨晚, 跟朋友去試一試呢間, B仔就試得多, 諗住試下對面~叫左個湯圓.....真係差到冇人有, 食0既時候 除左一粒之外, 粒粒都硬硬地, 明顯 唔夠身...之後叫左個燉旦(凍), 仲差過我整0既水旦.....真係救命, 一定冇下次!!

宵夜一流,吹水好地方,坐好耐都無人趕你走夜晚11:00去到,可以泊車係街邊,車位流量非常快,唔洗怕無位,又可以睇住有無抄牌~~~有時抽起條根,想食朱腸粉,就會去泛后,因為好少店舖開到咁夜,又可以食埋其他糖水甜品,lee次真係又咸又甜生痱滋$10腸粉$10魚蛋+甜醬+花生醬+芝麻+鼓油 - 魚蛋係靭皮,lee隻至好味(唔係發大哂果種),又夠多醬~~~正呀熱燉蛋 - 夠滑,唔會好甜,可以再熱d就最好西瓜汁 - 夠凍夠清涼鹵水雞亦 - 好重鹵水味,好似浸左好耐咁,十幾蚊有4隻,真係好抵食,仲有隻好靚既碟添

6月5日晚同事生日飯, 四人於"酒泉"吃過晚飯後, 捧著肚子到"泛后", 目標是榴槤班戟和楊枝甘露~榴槤班戟：侍應一捧來已聞到陣陣榴槤香味(雖然膠盒封蓋), 班戟皮薄, 咬下去少cream多榴槤, 口感味道皆一流楊枝甘露(家庭裝)：好大碗, 柚子肉和芒果份量超多, 名符其實家庭裝雜果涼粉：麻麻, 生果肉明顯都是罐頭貨埋單後與壽星女各打包一盒榴槤班戟回家回味~

見到咁多人食先黎試, 看看鋪外張貼的甜品賣相不甚好看, 想起聰嫂那些, 簡直不想走去俾錢佢賺! 算吧, 附近只有這家像樣的, 當試下算了.....擺明 cheap 的甜品也不抱太大期望, 但價錢一點也不cheap, 跟聰嫂竟然一樣!! 心想, 死了....進了黑店!!! 隨便點了個楊枝甘露及大樹波羅西米露。楊枝甘露 ($22) -- 果汁底加好多柚子肉 & 芒果肉, 仲有椰汁, 雖然味道麻麻, 但用料十足, 柚子肉和芒果肉多的是......好似唔駛錢咁!!!! 食落冇咩特別, 但好彩唔算難食...... 22蚊都算交了功課。大樹波羅西米露 ($18) -- 俾我估中係西米露加幾粒大樹波羅......憎!!! 不過同樣地, 味道普通但西米勁多!!! 大樹波羅有成6、7舊, 我同男友都係好勉強清左佢.........overall黎講, 呢度咁多人黎食可能佢d野係抵食......用料足 only, 不過價錢同聰嫂差唔多既, 我會揀聰嫂囉.......

評完佳記，就到它對面的對頭泛后甜品。個人覺得，泛后又是一間過譽的糖水店，若不是興起想試其湯圓，已經很少來幫襯了~　直接進入正題：首先薑汁不夠熱亦不夠薑味，滋味已經扣了幾分；湯圓皮彈性與韌度一般，可以更好，較值得欣賞是湯圓餡有絲絲油光，再多點會更好。其實整體水準ok不算差，不過同樣價錢，質素與份量（比佳記少一粒）都差一點，要食湯圓還是走去對面舖。　p.s.同場阿龍叫了魚蛋、腸粉等咸食，水準亦是不及對面舖。多口講多句：雖然甜品不推介，但佳記的湯圓與咸食真的不錯的!

星期六老婆唔舒服，剩低我自己入元朗.. 離開元朗前買左外賣返去。 榴槤班戟- 之前已一試難忘！一客有兩件，買了兩客，榴槤濃郁，和忌廉比例超過一半，讚！皮薄，比起明記的滑多了，老婆既屋企人都讚。楊枝金露- 老婆口淡淡都食清晒，佢鍾意柚粒夠多及芒果味濃。 如果硬要與B仔比較，我們會比較鍾意泛后既甜品。

芝麻湯丸最好味, 必食! 冬天一定要食, 個彊湯味道夠彊味, 辣辣地, 飲完個身即刻暖晒.最鍾意就係門口可以擺車, 又可以坐露天, 帶埋我隻狗隻一齊坐.

平時食得多b仔, 依間店0既食物都唔錯, 我上次食左個芒果西米露, 超多芒果, 起碼都有成1/3碗, 好好味~ 下次再試先~

睇過食評話榴槤班戟好食~今次經過就試下~叫左2條腸仔+榴槤班戟榴槤班戟真係好足料~少cream多榴槤~好味~不過環境都幾差~有好多蒼蠅飛黎飛去~