泛后甜品 (已結業)

因為住得近,所以有時出完街或突然口癢都會同我男友走出黎食,如果唔係話太飽的話我都會食煎餃子,好香口,好味.另一必食item就係腐竹糖水,好鍾意佢d腐竹係煲熔哂,好夠味,其實佢d鮮榨果汁都好好味,最鍾意係西瓜汁.最想試佢個下午荼餐,但因為只有平日既星期一至五才有,但我又要返工喎,所以一直未有機會去試,但見個menu好似好平咁,一個飛碟+鮮榨果汁才$20.平日飲杯西瓜汁都好似要$14.所以好想試呀,如果佢連星期六,日都有就好喇.

o查咋夠熱但o吾夠豆 腸粉夠醬但o吾夠滑 餃子夠大但o吾夠熱------------~$10 o查咋~$5 腸粉~$5 餃子------------~還未嘗試其他出名的甜點~

十一月二十九日晚同個friend入咗元朗，一心諗住去食飯但係又唔太餓，結果我提議去泛后試吓佢D小食，仲可以食埋甜品。我哋叫咗:1)燒賣:一籠四粒，超大粒，熱辣辣，好好味。2)粉果:一籠三粒，皮太軟，一夾就散，唔好食。3)腸粉:好大碟，又滑，真係好味。4)大樹菠蘿冰:我嘅至愛，嚟親都叫，大樹菠蘿肉成杯都係，食完都飽晒。5)蜜瓜冰:朋友話ok，反而話蜜瓜肉太多，水太少。6)芒果班戟:一盒三個，班戟皮薄，唔太甜味道啱啱好。老板D服務態度又好親切，好滿意的一餐。埋單都係八十蚊左右。

下午6點幾, 諗住黎食碗糖水然後先去街, 發現佢有下午茶set bor芒果班cake or 三文治飛碟配大大杯果汁都係20 元正芒果班cake 水準ok~ 而火腿芝士飛碟d 芝士係咁湧出黎~ 好味(但好肥>.<)仲有大大杯冰凍西瓜汁,應該係鮮榨的~ 好味, 但可能佢加左糖,有少少甜另外值得推介既係餃子, 5元正3大隻, 充滿了菜肉~ 正呀, 不過呢...今次就煎得太油喇點睇, 比起D仔涼粉呢到既味道同服務點都好d!!

B仔涼粉在元朗很出名, 但元朗~ 飯后甜品也不比B仔涼粉差

今日去左大馬路間分店食tea$18有碗紅豆沙再加兩件芒果pancake幾抵食果pancake足料..但有d膩..10分好食我俾6啦紅豆沙..我覺得酒樓個d仲好食10分得5分我有次同fd去正店食好似好食好多ka無咩番食既desire啦環境有dd dirty><''

無錯~呢度既楊枝甘露真係幾好味, 都好多料...大家不妨試下佢既'鮮果馬豆珍珠冰'(類似既名)啦~都幾好味, 幾特別架...上面有舊雪糕, 仲可以揀咋添~本人推介芋頭味...唔錯既配搭! 可以飽肚~ 男朋友要encore添...服務都幾親切...

個個都話Ｂ仔唔掂，泛后掂，所以就去左泛后冇去Ｂ仔！其實我都覺Ｂ仔差架啦！去到要左個熱紅豆沙，朋友要雜果西米露、燉蛋，好唔掂，個個都超甜！！！Ｄ糖可能唔駛錢，整到．．．！！！個雜果西米露係勁細！唔掂，又甜！！總之好差，下次一定唔會再去！

之前聽好多friend話泛后甜品o既榴槤pancake好得,而自己又係愛食榴槤之人,諗住去試下有幾正~我男友就叫o左個楊枝金露,d料都幾多,不過好似有d苦苦地咁;而我就梗係叫o左個榴槤pancake,用叉桔落去個感覺好實乾,咬落去個口感都ok,cream唔係太多,幾好,不過係d榴槤唔夠靚,實得滯lor,所以係比想像中差~

我覺得呢度好食過B仔喎, 呢度d楊枝金露真係超重料, 勁多芒果肉+汁, 西柚, $20都幾大碗添呀! 芋頭西米露都好杰, 唔似B仔咁, 水還水, 渣還渣囉...不過, 呢度都有蚊子常常飛來打擾你, 要食快d呀!

見到咁多人食評讚，嘛諗住黎試試呢度既鮮什果涼粉。呢度o的生果比B仔多好多，好似食黎食去都仲有。但呢度淨係可以揀一種配料：涼粉、大菜糕、西米等是但一樣。o的生果又好似冇咩味，又唔甜，而且甜品種類不算多，朋友話下次都係去返B仔好過。

去完流浮山食海鮮,就要嘆下甜品時間,最近就係b仔.但以經outdate.問問海鮮檔老闆,佢話而家多數去泛後甜品,咁就過來試試.叫左碗楊枝金露,嘩,大碗到呀.芒果都係好多.但芒果唔夠甜.仲有少少既生果酸味,但都抵食既.如果你地想食既.最好一碗兩份.芒果班戟同榴槤班戟都幾好.20一盒三件.本人覺得口感好過满記,因满記好鬼多cream.佢生果多過cream.馬豆羔正常,無乜特別,去元朗又唔想食b仔.都可以一試.

泛后甜品, 一個玩諧音的名, 據聞比B仔好好多倍喎。B仔難食我都見識過, 之但係究竟呢間有幾好食呢? 就真係唔試唔知。去左果間O係B仔對面的, 唔知係總定分店啦。本人叫左個楊枝甘露, 係食左一啖已經想倒的素質! 芒果酸得澀口, 糖水一味死甜, 係就係好大碗, 但係對於我此等唔鍾意浪費食物的人而言, 一大碗簡直係折磨!朋友們的椰果涼粉, 估都估到咩味, 不過唔多靚。榴槤布甸都幾香, 只係我唔鍾意食布甸而已。芒果PANCAKE聽食者講係難食。CREAM太厚又唔滑, 相信芒果素質同楊枝甘露的相類同。喂, 真係同B仔一般難食喎!

食完飯, 咪O黎呢道試下d甜品, 二人同行, 叫了:- 楊枝金露- $20- 紅豆生果杯之類- 約$18-$20 (因為是我朋友食, 我已唔記得全名)- 馬荳糕-約$3/件甜品來到, 見到材料十足, 滿心歡喜. 我o既楊枝金露, 約有大半個芒果肉+西柚肉+椰汁+芒果蓉.而我朋友杯內有紅豆+芒果+奇異果+士多啤利裝滿個杯子. 賣相吸引.點之一食落口, 不約而同說了一聲"好酸呀!" 唔知係唔係唔啱時候. 士多啤利=酸, 奇異果=好酸, 芒果=勁酸.本來一心想食個甜品結束. 點之食了個開胃前菜....真是始料不及!!

我本身住元朗。好老實講，B仔已列入黑名單。而家都轉黎左泛后。起呢間野我覺得楊枝甘露幾好味。而果度既芒果班戟也可以一試(而家無榴槤，想食都無得食)。記得去總店果間，不過夜晚好多人。多數要起街度坐。