泛后甜品 (已結業)

試過元朗區幾間比較出名既甜品店,始終覺得泛後甜品既食物係最好既,佢地既榴槤布甸做既方法同其他地方唔好,成個布甸係由榴槤打成,再配合好鮮甜既新鮮榴槤肉,食左一個都唔覺得漏,就算我唔食榴槤既屋企人都話好咪,佢地比較大路既甜品都做得好出色,楊枝金露,芒果班戟甚至簡單如一件紅豆糕都值得一試再試,反觀B 仔既食物愈來愈不知所謂,全部生果只要有得揀就一定會用罐頭,服務水準更差到唔使講,我一定唔會再去0個度啦~

尋日去左食, 試左芒果pancake, 同奇異果新地...pancake個好皮好正,好較... 好味過b仔果d...奇異果新地好似一個香蕉船咁...都ok....感覺自己好似變左做小朋友咁..如果下次食甜品, 我諗我會食返呢間..因為b仔d野食退步左好多呀...

材料都新鮮, cream 都幾滑. 坐位就差D, 人多時要坐出街....

紅豆大菜糕﹕大菜糕味道消甜，面上加有不少紅豆，清清地，不錯!鮮果馬豆(或紅豆)珍珠冰﹕這配搭不錯，珍珠不太"un"，但馬豆份量較少。

如果你問住係元朗既人,十個入面至少有七,八個都會話泛後甜品比佳記好食. 剩係睇下B仔涼粉(即係賣成50-60元的生果配涼粉/西米個款), 佳記大部份用罐頭水果而泛後則用生鮮水果就知無得揮.另外見到有人投訴4:30PM去到叫咩無咩, 由於佢地係做晚市為主, 建議各位在7:00PM後去,否則真係會叫咩無咩.另外, 順帶一提, 佢地D腸粉都OK, 唔係因為D粉特別爽滑, 而係鍾意佢地用勁多豉油(水浸個隻), 係其他地方食腸粉隨時食到後面都無晒豉油又無醬.......甚為無癮

今日本來想去鴻記試下佢的糖水，但太遠路程了，所以去了泛后試下，果陣係4:30PM...我想食熱的芝麻糊+綠豆，佢說無喎！暖的就有…咁我問，可否整熱佢呀？個呀姐同我講，我地無爐喎！食暖的啦！…我再問，有邊的糖水有熱呢？她說，只有腐竹同紫米有…我去了一間咩糖水鋪呢？咁基本的糖水也無熱食，仲不肯同你整熱佢，以後咪使我我再去！仲有，佢的芝麻糊是開粉即沖果隻，甜到食了一半也不能放入口，咁就浪費了10大元了，早知拿去捐左佢好過！…各位朋友，千萬不要去這黑店！

我o係呢間試過一次...我覺得佢d野食都幾好味~上次試左個芒果黑糯米~~ 超正!!而且可能因為唔係好多人去既關係,服務態度好好~~價錢又唔貴,食得過~~

同fd 第一次去叫o左~雜果涼粉>>無咩特別,但材料新鮮,已經好過人啦!仲唔太sweet tim! mango 新地>>唔太抵,只有2球icecream + 威化餅+好多cream+ 唔太多mangomango pancake>>我無食,不過fd話好過x仔lor*雜果紅豆*>>好好食,上面的雜果足料,下面的紅豆夠淋,夠味,add o左花奶好match!另外有腸粉$10 for7,燒賣$10一籠>>>我無食,唔知點但佢有個缺點,就係dessert 一般唔夠cold!值得一提係落單哥哥態度好好,唔知係唔係老細呢?我o地多多o野問佢都好有禮,o拿,學o野喇!不過d阿姐就唔夠佢積極喇...

第一次食士多啤梨布甸, 女友食西瓜西米露, 前者似蛋糕味, 不過都好好味.第二次去食, 食完一個唔夠喉再食第二個, 埋單食左六十一蚊, 仲貴過之前去點心皇食晚飯......因為真係好正呀.

根據我個元朗大既朋友介紹, 佢話呢間係糖水舖既始祖, 滿屋都係跟佢o架咋, 果然並非浪得虛名, 真材實料, 上次點了一個芒果汁西米撈, 無諗過係芒果汁和西米撈分開上, 係兩碗大大碗擺落肚度, 真係抵到爛, 仲好好食添!! 另外點了糖不甩, 榴槤布甸, 真係唔得你死呀, 好食過滿屋好多, 仲好平添, 絕對係元朗必食之處, 真係推介呀!!! 入開元朗千祈唔好錯過, 掂呀!!!

講真如果同泛后對面間Ｂ仔比既話～泛后絕對好好多～起碼Ｄ水果新鮮～唔係罐頭～

同媽子兩個人, 叫左$10腸粉, $5魚旦, 一籠粉果同埋一個鮮雜果西米撈(木瓜汁底), 腸粉魚旦都ok, 但粉果唔得, 皮好厚, d餡都一般, 不過都唔會有太高期望, 見人地食煎韮菜餃都ok, 下次先試, 個西米撈d鮮果就B仔好d喇, 但食完腸粉同食埋個西米撈, 都好飽. 今次無試楊枝甘露, 下次要試下, 不過我都係覺得B仔好少少, d咸食都比較多款選擇嘛!! 但唔會去舊鋪, 因較污糟!!

叫了一碗紅綠豆糖水,得幾粒豆, 水汪汪, 連基本糖水, 咁簡單都做得唔好, 點開糖水舖, 其他食品水準都唔會好得去邊!下次我一定不會再去!!

楊支金露好味又多料, 價錢又抵, 重有榴槤布甸都好好味,除了有一樣叫什麼子凍菄之類的甜品不好吃之外(太硬) 其他甜品都唔差, 值得一試.

各位講得冇錯.呢間野0既生果,好少係罐頭或用糖水浸過0既,而且佢其他冷熱傳統糖水又好足料好夠火喉,侍應0既服務態度又好.有少少問題一出聲即換,絕對唔會猛求閣下夾硬要左佢。我去襯都係食西瓜凍飲,西瓜味好鮮甜,絕對唔會好似加另一馳名甜品店咁加好多糖水。