泓一拉麵

營業中

休息中

知道成日排隊，所以搵個週末，落大雨嘅時候去，都要排20分鐘白雞湯湯底-有啲似新年雞湯咁嘅感覺-飲到有雞湯、金華火腿熬製而成的-飲完有少少口乾，飲晒成碗會有啲膩拉麵-麵質彈牙，偏硬-都比較掛湯，所以係好味第一次見拉麵舖有女仔紮頭髮嘅橡筋俾你用，好體貼不過兩碗拉麵差唔多$200，性價比好低，仲要排咁耐隊，未必有下次啦⋯⋯其實都食到有味精，只不過睇得到師傅都好用心整，所以都係心機錢

紅磡超人氣拉麵舖泓一，當日平日下午12點左右已經需要排隊，大約要等6個位等待時間大約30~45分鐘左右食物就以雞白湯同背脂都係相對出名，而我當日就order 左個海老沾麵Order 嘅時候，同一般拉麵舖唔同嘅係唔需要選擇麵軟硬，湯底濃度所有野都交晒比舖頭話事沾麵份量都足夠，跟餐有一隻糖心蛋，煙燻雞肉，叉燒，及筍（跟餐時已經係湯到）糖心蛋超級正，生熟控制得好好，蛋都係靚貨好濃好味道叉燒出色，特別有驚喜嘅野煙燻過雞肉，食完雞肉再飲湯會有第二種味蕾上分別難以文字形容湯同麵都係十分出色同match, 因為沽麵湯十分濃 濃 濃 同唔係死鹹麵十分掛湯，超級出色

咁啱喺尖沙咀搞完啲嘢有啲時間所以揸車過咗嚟紅磡食過泓一. 大約11:45嚟到都要第二輪先食到因為入面好似得七個位. 咁當然計到自己第二輪先至繼續等啦如果唔係分分鐘要等一個鐘😟其實見到餐牌都有唔同款嘅拉麵不過第一次嚟同老婆都係每人一碗雞白湯. 飲第一啖覺得個湯都幾舒服，感覺真係有少少似飲緊比較濃嘅中湯，口感都少少 Creamy, 當然冇得同座銀比較啦. 拉麵係比較幼身嘅但係麥味都幾香我個人係幾鍾意. 啲配菜洋蔥每樣少少正常啦，反而兩嚿叉燒之前睇啲食評話唔掂我唔知係咪佢有調校個又幾好食，有個應該係慢煮雞胸同埋另外一個叉燒個煙熏味比較重,兩款都好唔同所以各有特色. 最後糖心蛋整出嚟就係一隻糖心蛋.服務正常，應有禮貌嘅都有.如果有機會都會返嚟再食，不過自己等一輪就係極限始終自己最唔鍾意就係排隊

門口已經系排緊隧　舖頭入面吾算話有好多位有個好開放既廚房　員工幾個度整體系好小店既佈置佢地既麵條系自家製既　幾有心機好少舖頭會咁做　通常都會揀拎貨比較多濃雞白湯拉麵雞湯底　有少少雞香飄飄下都會覺得好濃郁既湯底表面浮起泡沫其實有少少似咖啡上面既奶蓋咁雞肉幾滑既　嫩嫩既質感夾翻個雞湯都幾好　另外有塊叉燒跟翻　其實平衡翻口質都幾好粉嫩既叉燒　食落就會好舒服吾會鞋口同柴

最近好多人推介呢間係黃埔既拉麵店 鍾意雞白湯既我 無理由唔去試一試🤩平日6點15左右去排隊 前面都有大約10人等緊 最後等咗大約40分鐘先入到 同朋友叫咗一個海老沾麵$98 一個雞白湯拉麵$98 同埋大阪燒風餃子$36 《海老沾麵》海老沾麵同雞白湯拉麵都係跟一塊叉燒 一塊雞胸 同一隻流心蛋 仲有啲筍 沾麵個麵底係呢種扁身既粗麵口感正正常常 麵條都幾掛湯 蛋係真係完全流心既 個人比較鍾意熟少少 比較溏心既蛋 略嫌覺得呢到既蛋有啲啲太生 塊叉燒都煮得唔錯 個雞胸就食到好明顯有啲煙燻既味道 但略為有少少鞋口 扣咗啲分 沾麵個湯味道都唔錯 食得出有蝦既香味 不過就都凍得幾快⋯ 《雞白湯拉麵》呢個係朋友叫既 自己都試咗幾啖 同海老沾麵比呢碗雞白湯拉麵就比較優勝個湯底好香好濃 唔係好知餐廳點樣準備呢個湯 但食落有少少少少中式老火湯雞湯既感覺🤣🤣 但係幾有驚喜既 朋友食完個拉麵都飲哂成碗湯👍🏻👍🏻 《大阪燒風餃子》 呢個就無咩特別 都係普通急凍日式餃子再加啲木魚 大阪燒醬係面🤣🤣 其實而家係香港食碗拉麵好似10間有8間閒閒地都收你百幾蚊 泓一呢個價錢 仲係無加一 自己覺得佢個質素絕對唔差 對得住價錢

我frd幫手排隊，所以去到5分鐘內就有得食可能落雨無咁多人，佢排嘅時候前面有3人 total應該排咗15-20分鐘，如果再耐就唔值得排拉麵份量真心細，女仔大啖食嚟講都無十啖，食埋餃子5隻都唔夠飽。餃子唔算特別好食，肉汁唔多亦唔算香，同普普通通超市買到嘅差不多拉麵洋蔥好多，麵太淋，鐘唔鐘意就見人見智，我自己係有得揀超硬麵會揀超硬嗰種。塊肉都係唔算香口，湯底唔啱我口味，有啲澀同酸味，飲第一啖有啲難頂，唔係好覺得重雞味，最尾都無飲哂（平時好食嘅我會飲哂服務還好，兩個店員，我frd要求多啲木魚應該真係有俾多到掛？（雖然感覺都係好少碗麵細食唔耐，想講多兩句又費時阻後面嘅人，所以自己一人食會好啲唔明點解最入嗰兩個位係有一級，然後我腳kick親，紅咗frd食嘅魚介拉麵湯濃好多，而且清啲啱我啲OVERALL要我排真係不了，路過無乜人食下OK嘅

見社交平台好多人吹捧呢間店咁即管試吓佢嘅招牌雞白湯拉麵🍜可能期望愈大失望愈大真係覺得佢嘅湯底好一般味道好淡朋友評價同金寶湯差唔多唔難食，但亦未好食到值得排一個鐘以上去食真心覺得呢間店比唔同media捧得太高如果同樣係sell雞白湯嘅舖座銀實在好太多太多當然我都明白價錢差好遠不能比較但座銀係受吹捧又真係好食泓一就講返店舖環境即使係入6個客都坐得好迫冷氣機風口位吹正我個位成餐都食得唔太舒服嘢飲亦只有冰水提供如果有檸檬水/茶會好好多如果唔洗排隊，都叫可接受嘅但如果又要排長龍又要坐得咁辛苦我寧願去食金鶴算

琴日臨放工突然好想食拉麵，上網見到泓一呢間超人氣拉麵店，就即刻拉左女朋友過黎紅磡排隊！我地大概6點半左右已經到左，但前面竟然仲有成8，9個人係度等緊位🥲🥲 冇計啦一場黎到點都要試下個拉麵，我地大概等到7點2左右就有得入座～咁我地就叫左 雞白湯拉麵($98) 海老沾麵 ($98) 同埋一客大阪燒風餃子 ($36)係等緊上菜嘅期間仲有冰水提供，真係好似日本啲拉麵店🤣🤣不枉我地等左咁耐，呢碗拉麵真係飲第一淡湯就知冇失望，湯底好厚🤤，一食就知係煲左好耐，唔係溝味精嘅湯底。另外再試麵，麵好有咬口，feel到有少少彈牙嘅感覺，我就覺得好襯呢個雞白湯底。其他配菜都有唔錯嘅水準，雞呢就應該就較到岩岩好熟，入口好嫩滑😜，其實好似食到有第二舊雞，個舊就有其他嘅味道，唔知係咪唔同煮法🤔🤔再黎就係隻溏心蛋，個人感覺有少少少少少生左啲啲，如果熟返少少呢就完美！🤩我地仲有叫左大阪燒風餃子，都幾有大阪燒風味嘅🤣🤣如果鍾意大阪燒或者餃子嘅朋友都可以試下架最後埋單先知原來呢間係冇加一的！！ 個人認為咁嘅價錢食到咁嘅質素嘅拉麵，全港應該真係冇乜邊幾間，唔怪得之咁多人排隊食呢間啦，黎緊又有一間可以長期幫襯嘅拉麵店😋😋

作為泓一嘅fans, 佢又新裝修又新menu點可以唔試下，不過星期日3點都要排半個鐘真係太誇張……聽師傅講新升級嘅雞白湯拉麵係轉用咗日本空運雞殼新鮮淆成，期待呀！入到去鋪頭新淨咗，最感恩係枱面有髮圈比長髮女生，真係好sweet好體貼同朋友叫咗雞白湯拉麵同鹽味拉麵，雞白湯明顯鮮度濃度比舊版再昇華，兩塊肉唔鞋，滲滿雞湯真係好正朋友鍾意清少少，鹽味拉麵佢覺得啱啱好，有咸香又唔會死咸流心蛋一如以往咁濃蛋香，依個生熟程度對我嚟講岩岩好！

泓一可以話係香港頭五名受歡迎既店，兩年前第一次食雞白湯個陣有驚艷到，雞味濃郁到好似有十萬隻雞係個口到咁，而家質地順滑，麵條幼身偏硬，掛湯能力十足，當時$88一碗嚟講確質值得encore。係一個月前泓一話要裝修+研發新湯底，於是就有新出既鏗魚湯同新配方既雞白湯，店長聲稱係用上日本雞殼煲既，舊版湯底會偏白，新版會偏黃；但雞味方面，新配方確實失色不少，啲雞蕩失哂路，只係食得出鹹味，加啲檸檬汁會好少少，但都係失望。另外洋蔥本身由細細粒，變左做一條條，呢樣我認為係唔好既地方，本身一粒粒既洋蔥可以夾雜係麵條之間，中和到雞湯既膩，而家變到一條條就洋蔥味太出，搶哂雞味。值得一讚既係叉燒味道同質地都有進步 但比起之前就細塊左，荀就一樣咁好食。附上新舊版圖片 大家可以自行比較下其實泓一最好食係背脂醬油，唔怕肥既朋友可以去試下

Food is nice for a non franchise ramen shop, but the preparation time for a bowl of ramen is at least 15 minutes. Considering there are only 7 seats in this shop, unless this is your favorite ramen in the whole of Hong Kong, it is unlikely you will feel the wait time is deserved.The overall experience could be significantly better if preparation times are cut.

呢到嘅雞白湯沾麵超好食💕雞湯非常之濃郁 雞味勁香 口感杰身creamy🐔每條粗身自家麵條都掛晒汁 仲好有咬口😍喂 連隻溏心蛋都好高質🥚切開係橙黃色流心蛋黃 蛋味濃又夠滑😋

想試好耐既泓一雞白湯拉麵，因為聽講黎緊會裝修同轉menu ，所以就想趕係裝修前點都試一次先😃平日夜晚6點到，都排左個靚鐘先入座，店內得7-8個位，都算排得幾耐下🙈#雞白湯拉麵 🍜湯打到起泡，入口順滑，淡淡雞味，佢唔係座銀/金鶴個啲忌廉感重既type，比較似鳥華亭，調味唔重，味道單一左啲，將成件事只focus落雞度😛飲晒啲湯都唔會膩😆泓一既湯都做到有少少厚度有骨膠原漿口個種感覺，但唔係creamy個種😉如果鐘意creamy口感既可能會失望🤗小妹都係鐘意creamy啲既🙈眼見大部份食客/排隊既都係男客人，可能岩男仕多啲🤪HKD88麵底可以見到麥粒，軟硬度冇得揀，麵質爽，微曲唔算掛湯。叉燒切得超薄，好軟淋，肉味唔重，唔算特別😶雞叉燒就少少柴…#溏心蛋既顏色好吸引🤩但食落又冇醬油味架啵😂溏心做得偏熟，橙黃色既蛋黃似蘭王蛋🤔但蛋味唔重（不過朋友個隻就熟左啲冇流心😣）整體可能期望過高所以有少少失望😣如果鐘意家庭式雞湯唔洗排隊都可以一試，但排個靚鐘就…😔免加一泓一拉麵紅磡

🍪【#紅磡】泓一拉麵 Wonyi Ramen🐔長龍人氣雞白湯拉麵 湯底濃厚物超所值🐔.🐔【雞白湯拉麵 Chicken Soup Ramen】 $88 （4/5）同沾麵咁上下味，不過拉麵冇咁滯☺️✧ The broth is actually similar to that of Tsukemen, just slightly less intense. .🐔【雞白湯沾麵 Chicken Tsukemen】 $98（4/5）湯底超杰身😱雞油味特出，食咗陣已經滯🫣溏心蛋超完美，甜度適中❤️筍夠鮮甜雞肉有糊椒，叉燒比較普通，肉類整體偏鹹🙈小麥麵口感幾特別👍🏻✧The picture speaks for itself- a bowl of ultimately creamy chicken broth that is worth the calories😍! It boasts an intense flavor yet can leave you quite stuffed within minutes as the soup glistens with oil😂. The soft-boil

行行下街咁岩經過泓一，見岩開門無耐，仲未算好多人，就決定排下隊試一試佢招牌—雞白湯拉麵雞肉濃湯打至起泡，湯底非常濃郁，入口充滿鮮雞味，淨飲湯感覺偏鹹少少，但配合麵一齊食就岩岩好。拉麵每日新鮮製造，爽滑有韌性，雞胸肉同薄叉燒都係用香草慢煮，口感嫩滑，食落唔肥膩。呢間小店雖然地方細細，坐得唔太舒服，而且仲要排好耐隊先有得食，不過，勝在食物有返咁上下質素，先吸引咁多人排隊。為左保持食物手準，湯底同拉麵都係每日新鮮自家製，係一間好有心機經營既小店。