河內越式料理 (西洋菜南街)

營業中

休息中

呢間越式餐廳午市時間全場滿座，人氣旺盛。1個人係附近行完街，來食午餐。我點了牛展湯河粉牛展雖是薄切，但份量也不少，湯底清澈鮮甜有牛骨香味，加埋九層塔更有層次。河粉幼滑，但又不會一夾就斷。湯底最後都俾我飲清，飲完都不會口渴，證明真材實料。越式香茅豬扒(細)小食豬扒雖然細份，但都大大件，不會太薄。食落多汁唔乾，香茅味濃。凍檸七喜原罐七喜配咸檸，夠解渴。餐廳食物水準高，價錢合理，CP值高，一定會再光顧。

打風之後天氣開始轉涼，就諗住去食熱湯粉，係太子地鐵站行過嚟經始創中心就見到，地點好方便！收工時間去食，可能算係早，唔使等位，但之後慢慢都坐爆左！我同朋友一人叫左一碗粉麵同飯品，再share一個小食～^極品牛三寶湯河粉 $71三寶分別有生牛肉、牛展、牛丸，一次過滿足你三個願望，真係極品。牛牛肉放係面，嚟到嘅時候係半生熟嘅狀態，食落唔會韌。牛展都係淋得嚟有咬口，唔錯。牛丸彈牙得嚟，食到牛肉味，真材實料。^越式香茅豬扒湯河 $62豬扒係另外分碟上，大大舊有4舊，唔會話炸得好熱氣，食左有香茅味。湯底幾好，清清地唔會太咸。^越式豬頸肉（細）$32無諗過細嘅小食都差唔多有7舊！呢個價錢嚟講好掋！值得一試～^熱蜜糖柑桔 $5跟餐價錢，好癲！係整整4粒8舊開邊柑桔，個底有蜜糖，記得要督完柑桔再攪勻嗰蜜糖先飲～^椰汁珍多冰 $10味道正常，椰汁香滑，適量冰，下面有3分1嘅綠色珍多冰～

今晚約左人係旺角去金魚街買野 買完野係附近睇下食咩 見好耐冇食越南野就試呢間酸辣無骨鳳爪 黎到份量好多 除左鳳爪 仲有d 蘿蔔條 好開新食落酸酸地 好開胃 越式炸春卷 一份有四條 外皮煎到脆卜卜 裡面既餡料好多 木耳絲 粉絲 蘿蔔條 豬肉等仲有生菜配埋 夾住食唔會覺得膩法式牛油雞翼 食越南野一定會叫雞翼炸完出黎已經好香 食落皮脆但唔厚 雞翼當然係啖啖肉啦金不換豬扒炒檬粉 份量好多 都幾抵食 同朋友share 岩岩好出面好少有炒檬粉 可能佢幼身 食落好入味 加左金不換味道都幾出豬扒厚身 岩岩炸起 食落juicy 呢到叫飯/ 粉麵都可以加錢跟飲品 所以叫左凍檸茶 少甜少冰 都係加$5 抵 我自己就好耐無飲椰青 所以叫黎飲下滋潤又解渴 兩個人食左咁多野都係$300 好味又抵食

睇完貓貓狗狗，又要醫下自己個肚啦，晚飯時間，見到呢間越南野都幾多人食，就一於試下。🍅順化蕃茄蟹肉扎肉湯檬🍅$66蕃茄湯好濃郁，見到有蕃茄粒，真材實料並不塑化劑。蟹肉拆左做一絲絲，而且份量都唔少，扎肉就有三片，都幾厚身，檬粉就幼細，索哂湯汁好入味。🐷越式香茅豬扒🐷$24豬扒好大塊，香茅味好出，煎得好香脆，但肉質都唔會鞋口。叫粉麵飯仲可以加$10配飲品，今次就揀左🍸青檸梳打🍸，夠哂解渴。評語店員態度有禮友善食物份量夠哂飽肚，超值🐵推介🍌🍌🍌🍌🍌（5🍌為滿分）📌 河內越式料理地址：旺角西洋菜南街204號地鋪#Monkey#foodie#mongkok #美食#食評#外食#知己相聚#旺角#西洋菜南街#越南#料理#湯檬#撈檬#豬扒#香茅#梳打#抵食#平民#街坊#蕃茄湯#蟹肉

人均$100起｜旺角｜越南菜｜河內越式料理來到旺角的「河內越式料理」，這裡的越南美食真是令人驚艷！😍🍜首先，品嚐一碗極品牛三寶湯河粉（生牛肉、牛腱、牛丸）🐮🍲。這碗湯河粉充滿了濃郁的牛肉風味，湯底鮮美而醇厚，配上嫩滑的生牛肉、軟綿的牛腱和彈牙的牛丸，每一口都是一種享受！🔥🌶️接下來，試試順化蕃茄蟹肉扎肉湯🦀🍅，這道湯品真是美味至極！湯底濃郁鮮甜，融合了蕃茄的酸甜和蟹肉的鮮美，再加上扎肉的豐富口感，絕對讓人回味無窮！🍲🦐別忘了點一份地道炸春卷四件🌿，這是「河內越式料理」的經典小吃！外皮炸得酥脆金黃，內裡包裹著豐富的蔬菜和香料，每一口都帶來了滿滿的越南風味！🌮😋搭配著一杯清涼的青檸梳打🍹，這款飲品酸爽開胃，絕對是解渴的好選擇！檸檬的酸味與汽水的氣泡結合，清新的口感瞬間讓人陶醉其中！🌿🍋最後，來一碗芒果西米露🥭，這是完美的甜點結尾！新鮮的芒果搭配著滑嫩的西米，每一口都帶來了甜蜜的享受！這碗芒果西米露絕對是一道令人垂涎欲滴的甜品！🍨🥭🌼在「河內越式料理」這家越南菜店的用餐體驗真是超乎想象！每一道菜品都散發著濃郁的越南風味，味道鮮美且獨特！如果你對越南料理感興趣，絕對不能錯過這家餐廳！🌟🍜🇻🇳——

🍴極品牛三寶湯河粉 71 蚊🐂🍴越式河內三寶飯 71 蚊🍚有雞翼 豬扒 札肉🐷雞翼夠香脆 豬扒帶 d葱調味 札肉夠香咸 👍🏻🍴越式豬頸肉 32 蚊🐷豬頸肉出面香脆 帶 d肥膏 豬肉夠爽口 點 d甜辣醬都好味🍴椰果椰汁西米露 餐加10 蚊椰汁好香甜 飲落去連埋西米 同爽口椰果一齊食 好有口感 🍴凍越南滴漏咖啡 跟餐加18 蚊☕同越南飲既味一樣 咖啡帶 d焦香 都幾香滑#越南菜 #越南咖啡 #椰汁 #西米露 #雞翼 #豬扒 #札肉 #牛丸 #牛展 #河粉 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~ #河內越式料理旺角西洋菜南街204 號地鋪~~~~~~~~~~~~

剛去了越南一個月左右, 開始心癢癢想再吃越南菜 😁 這間餐廳平時午市很多人排隊, 可能因為今天下雨, 竟然沒有人, 所以立刻入內進餐。 餐廳有三間分店, 很久之前試過尖沙咀那一間, 不過已沒什麼記憶了 😛香茅雞翼蛋飯 $61起初以為是煎蛋, 卻來了烚蛋, 有少許失望 🥹 雞翼炸得很香口, 雖然味道不俗, 不過欠缺香茅味, 而且雞翼好像欠營養, 比較細小 😅香茅豬扒撈檬 $62豬扒也不錯, 但相對雞翼, 豬扒略為失色, 當然酸甜汁才是靈魂所在, 酸酸甜甜少少咸, 不會只有魚露的死咸味 ☺️生牛河我並沒有吃, 所以不會評論, 從肉眼看也蠻大碗, 牛肉片也不少。餐廳服務態度正常, 很多食物都有一定份量, 難怪經常堆滿人 😀

和同事去吃越南嘢。這間河內越式料理有很多分店，全店爆滿，還有人等位，知道一定係好嘢。我們都等了一會兒就入內坐下。我們點了「蕃茄蟹肉扎肉湯河」。蕃茄湯底酸酸甜甜，蟹肉很鮮味，蕃茄的酸甜與蟹肉的鮮味很相襯。扎肉亦十分嫩滑，咬下去充滿口感。接下來是「豬肉卷撈檬」，豬肉卷炸得很鬆脆，豬肉亦醃得很入味嫩滑。配上酸酸辣辣的撈檬醬， 十分開胃。我們還點了「越式豬頸肉」作小食，豬頸肉烤得金黃色，肉質細嫩多汁，香氣四溢。最有驚喜是「芒果西米露」。芒果西米露以杯裝上，新鮮的芒果、西米和椰奶組成一杯美味的飲品。呷一口，口感豐富而綿密，非常好飲。還有很多特色越南菜供選擇。餐廳的食物價錢大眾化，吾怪得長期爆滿，還有那麼多分店呢！

去開買寵物用品，順手食埋晚飯，見好耐都冇食過越南野，就揀左呢間越式快餐。何以話佢係快餐呢？因為佢上桌速度真係好快好快，一點完餐就有得食。星期五的晚上座無虛席。椰汁三色冰三色為綠色粉條、紅豆及去衣綠豆，入口不會太甜膩，綠豆煮得軟綿，不錯！燒豬頸肉爽口彈牙、香口惹味，份量ＯＫ，不錯！極品牛三寶河粉配料有生牛肉、牛丸及牛𦟌，一次過滿足牛魔王三個願望。湯底清甜，淡淡的香料味很順口順化蕃茄蟹肉扎肉湯檬牛骨湯以外的選擇！蕃茄湯酸酸甜甜，入口有蟹的觧香，蟹肉碎份量不少，伴有三塊扎肉，CP值不錯!

今天我來到呢間在我印象中已經存在多年嘅越式餐廳，雖然之前一直未有機會食過，但今天終於要嚟試下越南湯粉！Menu上呢個順化蕃茄蟹肉湯檬非常吸引以鮮紅嘅蕃茄為基底，並加入左蝦蟹一齊熬製湯底，味道非常濃郁，搭配埋拆左肉嘅蟹肉，湯底富有口感有厚度，並鮮味倍增❤️湯檬索湯一流，感受到湯汁的濃郁鮮味🐮極品牛三寶湯河有生牛肉、牛腱和牛丸三種配料，牛肉湯濃而不油膩，用左牛骨、牛肉熬製而成，非常足料生牛肉嘅鮮味係嘴內散開，肉質幾嫩口，牛丸肉質緊緻彈牙，入口有肉汁㗎，幾有驚喜絕對是牛肉愛好者不容錯過的‼️越式豬頸肉外層烤得有啲乾，不過中間嘅肉質好爽嫩喎並帶有油脂香 每一塊嘅厚度都好平均另外好欣賞杯「檸檬蜂蜜薑茶」🍯薑味十足，味道辣而順喉，加入左蜂蜜，整體味道變得更柔和❤️

🔸 河內 生熟牛肉湯河粉  $54 另加$10配椰汁珍多冰有兩大片好嫩滑嘅 生牛肉片 同埋兩件薄切牛腩，有少少肥。這家越式料理 唔單止價錢經濟實惠，而且佢畀嗰啲河粉同檬粉嘅份量都好多，一個女仔可能食唔曬。味道：7/10性價比：8/10🔸 越式 香茅豬扒撈檬   $50  另＋$10 配椰汁三色冰嘩！香茅豬扒大大件，豬扒本身比較肥，經過炸香，側邊啲肥豬肉已經炸透，好香口😚撈檬碗內有好多生菜絲、紅蘿蔔絲、青瓜絲，香蔥同花生米。撈檬嘅食法最適宜就係落多啲嗰啲越南碌冧酸甜汁，這家河內畀咗一大罌冧汁，仲有另外三種配料，有辣又唔辣。 我就倒咗好多碌冧落個撈檬度，十分過癮。味道：8/10性價比：8/10🔸 香茅雞翼   $20雞翼細細隻，用香茅料腌透再炸香，都可以做到外脆內嫩😋唔錯。味道：7/10性價比：7/10🔹環境： 呢間小店裝修好有越南風味，細細間但係坐得都幾舒服，下午茶餐就好抵食，地方好企理乾淨。 🗣不設加一服務費-人均消費：～$60-整體味道：7/10性價比：8/10

河內生牛肉湯河🍜可能是我吃過最好吃的越式生牛肉湯河！湯底香料味非常重，用料非常豐富，而且每一塊生牛肉都很大片，上菜時還是粉嫩色的，可以根據自己喜好把它弄成自己喜愛的熟成程度，個人喜歡半生熟，口感更為美味，牛肉味也很出色！.越式豬頸肉🐽烤得非常香脆可口，而且還有豬肉的肉汁，不回烤得很乾，也能保持鮮嫩的肉質！.環境可能有少許擠迫，但是食物質素非常好，平常聽人說都要排隊，剛好當天一到達便立即能夠安排位置！

//05 10 23 晴天🌞19:30 旺角 西洋菜南街@hanoivietnamesecuisine/ 愛的故事 /太子、旺角出名匯聚世界各方美食，無論餐廳、甜品、小食… 都多不勝數。而以下呢間餐廳，就被大部分網友評定為；價格親民、CP值高💁🏻‍♀️。河內越式料理，係由一對唔同國籍嘅夫婦開創。因為一次緣份💕，住喺河內嘅「越南小姐」，結識到好好嘅「香港先生」。隨住雙方彼此相愛，「越南小姐」最後更選擇移居香港，同摯愛一齊生活。但由於太過思鄉，因此「越南小姐」就尋遍香港所有嘅越南餐廳，不過，始終都搵唔到熟悉嘅味道🥹。就係咁，佢更加下定決心，要同摯愛攜手開辦一間，屬於自己家鄉味道嘅正宗越南餐廳啊🇻🇳！-越式豬頸肉 HKD$32————————————————————————豬頸肉份量多 兼 半肥瘦，肉質非常爽口外皮燒至微微燶邊 帶有焦香嘅味道 越式香茅豬扒湯河 HKD$62————————————————————————豬扒醃得入味 香茅味濃望落去成塊都充滿光澤 絕對係即叫即炸肉質有肥有瘦 每啖都食到豬嘅油香河粉幼滑細薄、有米香，咬起嚟略帶煙韌湯底以新鮮牛骨熬製 再加上九層塔、鵝芥、金不煥等

今日下午茶時間去左旺角 西洋菜南街嘅河內越式料理.餐廳下午茶時間都仲有唔少食客，睇黎人氣都唔錯。坐位舒服而且備有紙巾，非常貼心。而下午茶餐都幾多選擇。仲有好多越南特色飲品可以加配。我就叫左香茅豬扒撈檬，跟餐加左一個小食，越式豬頸肉。飲品就叫左杯凍越南滴漏咖啡。香茅豬扒撈檬，下午茶黎講份量都幾多香茅豬扒肉質嫰滑，食落都幾juicy，表皮都幾脆口。撈檬配上生菜絲，蘿蔔絲，蔥油，花生等配料，食落更爽口。撈檬凍湯汁酸甜清新，放喺枱面按個人口味加入。 小食- 越式豬頸肉，一人份量，薄切豬頸肉食落煙韌，唔會太乾。而且油脂充足，燒得夠火喉，幾好食。凍越南滴漏咖啡，煉奶香甜，但唔會覆蓋左咖啡嘅香濃味，配搭得幾好，不會過甜。

西洋菜南街呢邊不嬲好多好嘢食，今次見呢間餐廳啲嘢食價錢幾實惠就入去試吓。極品牛三寶湯河粉（生牛肉，牛展，牛丸）十分推介！牛肉嘅味夠濃烈，浸喺湯底入邊都令到個湯更加濃郁。牛丸亦都夠彈牙好味👍🏻越式河內三寶飯（豬扒雞翼扎肉）好豐富嘅一個餐，飽肚又好味。豬扒同埋雞翼唔會煎到過硬，有咬口有肉汁👍🏻越式豬頸肉（細）豬頸肉都醃得好好食，兩個人share一個小食嘅份量啱啱好鮮芒果西米露開頭飲都唔錯，但後尾啲冰溶咗就有啲淡味