河內大娘越南餐廳 (已結業)

在尖沙咀找到又好吃又抵食的越南菜，一定要推薦給大家！菠蘿冰像飲soda，菠蘿味都算香，但冰融化後會味道略微較淡。相比之下，朋友的椰青更吸引！原個椰青， $48一個，椰青水十分清甜和新鮮，而且連椰肉也有很多，又香又滑！這裡都幾款米紙卷選擇，我們點最常見，但喜歡的軟殻蟹米紙卷。軟殻蟹上碟時仍然熱騰騰，擺碟亦有心思。值得一讚是米紙卷是薄透和煙韌，而主菜軟殻蟹炸得香口酥脆，不會散開，加上配青芒果和青瓜酸甜清新感覺更配搭！店員落力推介大娘蒸粉包，既然如此，即管一試！上桌時熱騰騰，粉皮特別柔軟，包着的餡料非常豐富，幾乎滿瀉，整個味道十分配合！十分喜歡！我覺得不用點醬汁已經好好味！火車頭份量十足，材料有生牛肉、牛丸、牛筋、牛展、牛柏葉，而且湯底也由牛肉、豬肉和雞長時間熬煮而成，難怪如此鮮甜，充滿著牛的香氣！當中的白蘿蔔更吸收了牛肉的精華，清甜之餘亦多了一份鮮味。麵條彈牙可口，加入辣椒和青檸一起吃的話味道更加豐富呢。烤乳豬也是店內招牌，十分高質呀！外皮烤得脆口，連着的乳豬肉卻滑嫩非常，一脆一滑，口感上很有層次。這兒的乳豬最好的地方就是肉質軟淋又充滿肉汁，不會烤得過乾。

晚上2人晚飯，沒有book位，但不用等就可入內。點了蕃茄蟹肉湯檬。蕃茄湯底有點淡，再濃會更好。大致好吃。$88。我覺得不值這個價。春卷脆卜卜，不太油，配生的生菜和魚露，好好吃。$68六件。烤魚多肉嫩滑少碎骨。不錯。無乜味，如果更有烤味會更好。$1XX。

是夜與家人尖沙咀晚膳，他們遷就遲放工的我，便在公司附近覓食！不想吃太油膩的我們先鎖定泰國越南菜，最後決定這間開業一個月左右的越南菜！位置不算在大街上，但亦近地鐵出口。可能是新開張原因，當晚人流不算太多，所以店員很熱情招待，介紹菜式和樂於問我們意見。店員先介紹招牌菜；椰青蟹、烤 乳豬、焗魚和燒雞。由於我們沒有預約，未能嘗試招牌椰青蟹，但看到鄰座食客的椰青蟹，那隻蟹大到佔滿整個碗，十分誇張，而且椰香味很突出！ 雖然不能嘗試，但鄰座姨姨亦樂於借我拍張相！我們覺得烤乳豬既然是招牌菜，當然要一試！果然沒有失望，咬下去已經覺得烤豬皮十分薄，而且脆卜卜，加上乳豬肥瘦肉適量，所以豬肉仍然保留肉汁，十分香口。乳豬可點上泰式風味醬，更別有一番風味，不會覺漏。越南菜當然不少得米紙卷，點了我喜歡軟殻蟹米紙卷。賣相首先很有色彩，米紙卷可以薄至透明，做得很好味，包著青瓜、芒果、薄荷葉和軟殻蟹。特別喜歡加上芒果，酸酸甜甜，令味道更有層次！ 我們都點一份越式春卷，外層酥脆，感覺像炸腐皮，煙煙靭靭，而且配料都挺惹味！配上甜酸醬和包生菜薄荷葉食，一點也不油膩！下道菜是咖哩牛坑腩，配熱烘烘的牛油蒜蓉法包，本身已吸引，浸上咖

這陣子妹妹頻頻加班都沒有回家吃飯，我和媽媽便到她office附近找她吃晚飯。妹妹提議來這間新開的越南餐廳，由正宗越南人主理，她試過中午質素不錯，價錢又合理，既然如此，就一起試試晚市吧！餐廳位置比較偏，如非妹妹帶路，相信我未必會留意到。但平日的晚市亦有不少人，多是家庭聚會形式。餐廳特色食物頗多，許多都甚為吸引，我看餐牌時亦有『選擇困難症』。親切的老闆娘主動了解我們的口味並介紹招牌菜，服務殷切。大娘蒸粉包($88)透薄的粉皮包裹着已醃味的豬肉碎、蝦等，餡料塞得滿滿的，材料非常豐富。記住粉包新鮮蒸好就要趁熱吃呢，粉皮特別柔軟，味道最佳！燒大蝦柚子沙律($68)沙律份量慷慨，碌柚肉天然的酸甜配上特製醬汁，又清新又開胃，而三隻大蝦除了令賣相更加討好，本身也爽口彈牙，味道不俗，面頭撒上芝麻更添香氣。龍躉魚米紙卷($88)一向愛吃米紙卷，但通常都是軟殼蟹或蝦作餡料，以龍躉為材非常少見。想不到龍躉肉和一眾蔬菜如此配合，可能是因為龍躉魚味特別濃郁突出，所以能主次分明吧，魚肉外帶微脆、入口嫩滑，加上米紙做得透薄而有彈性，此米紙卷絕對是水準之作！乳豬($238)原先想試椰青蟹，誰知蟹和魚都需要早一日預訂。我

見到食評完全冇ok或者負評即刻勁開心諗住叫埋朋友一齊試食 想打電話book位點知打左4次都冇人聽電話我心諗係咪真係咁忙呢到門口 有位姐姐問我究竟有冇book位好似唔想俾我入去咁我心諗六點三都冇位咁寸最後 我哋坐咗兩個鐘只係有四枱客 再加兩個外賣好啦講返啲嘢食先因為非常肚餓所以叫左個越南春卷先春卷皮有黐牙感覺炸得又夠脆仲有生菜金不換等 包埋一齊食可惜炸豬扒炸雞翼炸得非常乾非常一般炸豬扒除咗乾之外仲要冇味好似咬緊一塊好硬嘅紙皮但係有好多油炸雞翼尚可以外面係乾但內裏都算滑有味嘅...唔會再有下次呢啲賺錢嘢反而唔好食抵食夾大件嘅湯檬同炒飯反而有驚喜用蕃茄蟹肉湯底酸酸甜甜辣辣啱哂花心嘅我檬粉夠曬彈牙竟然有泰式嘅菠蘿炒飯用扎肉嚟炒新鮮感一流 炒得夠乾 好味值得一提係扎肉夠咬口可惜感覺略硬服務麻麻地 人哋未食完佢已經收曬所有嘢亦都冇打算問人究竟仲食唔食BTW, nice Vietnamese beer 

係尖沙咀東部 一個不起眼的位置, 早了一天訂位 所以位置都好舒服, 一開始就叫左個雞翼, 味道十分香口 脆口. 之後再黎左個柚子沙律 味道清爽 十分開胃。主菜係燒魚 同炒飯。燒魚最為有驚喜, 魚皮烤得香脆 一夾就夾開來 見到內含鮮甜魚肉 一啲都唔乾 值得推介!!

唔知發生咩事，好多friend近排都去越南旅行，我就冇份去，唯有留係香港食越南野止下痕啦。呢間河內大娘越南餐廳，個名幾得意，而且非常好味，絕對值得係度同大家介紹下。我地點左三個餸，食完飽到上心口。第一個係河內炸蝦餅，膚淺既我見到佢打左星星，即刻叫黎試下先。上台雖然個樣唔太吸引，但係食落絕對有驚喜。一咬落去啖啖蝦肉既香味湧出來，真材實料。平時食個D炸完食到成口粉，呢個值得試。再整多個串燒拼盤，岩晒我呢D食肉獸。賣相好得，食落重得。配埋個自家製醬汁，一流呀。食物唔會燒得太過分，時間掌握得岩岩好。呢個椰青蟹係上openrice見到大家推介，我又點會執輸啊。各位食家果然冇介紹錯，不論係蟹膏定係蟹肉都非常出色，而且用椰青水一齊煮，食落冇咁油膩，個湯底仲好好飲添。我地兩個為食仔又點會唔叫野飲呀。我地叫左紅豆冰同珍多冰。紅豆非常軟綿綿，而且椰味好出，我鍾意呀。珍多冰味道唔錯，消暑解渴一流。

呢排不停落雨，約朋友仔出尖沙咀食飯。行過漆咸道南見到呢間新開越南餐廳，橫掂未有心水食乜，就試下你先。大娘蒸粉包黎到越南餐廳點可以唔試粉包。呢度仲特別註明話係自家手造，即叫即蒸。賣相靚仔，睇落都知餡料豐富，店員叫我地襯熱食，個皮好滑，而且餡料足，每啖都有新鮮感。香茅串燒拼盤有雞肉、牛肉同埋大蝦，其中最欣賞係隻大蝦，不是雪藏貨，絕對新鮮，蝦頭好多蝦膏，啜得好高興。而且蝦肉爽口，正！另外雞肉同牛肉都好出色，醃完先燒夠晒惹味。大娘椰青蟹咖喱蟹就食得多，椰青蟹真係第一次。肉蟹上大大隻，揭開個下果然有驚喜。膏多到爆，而且蟹肉非常滑，食到唔停得口。佢係用原個椰青倒椰青水再加埋椰肉一齊去煮架，夠晒清甜。食完蟹之後，椰肉同椰青水都不能放過啊！不過可能新開既關係，客人未算太多，但食物水準十分高，絕對值得一試！

好耐無食越南野, 朋友駕車經過尖沙咀漆咸道南見到呢間，於是就直接泊喺門口入去食飯 XD首先叫杯紅豆冰($38) 解渴 - 紅豆好大豆，原來係用日本紅豆，有別於一般餐廳用既平價紅豆。好大杯，都算抵飲。叫左咖哩牛腩（$98）- 牛肉好稔，入口溶化既感覺，而且仲帶點牛筋，我鍾意食。 腩汁濃度剛好，唔太稀唔太杰，而且牛腩入味。越南三文治 $48入面有豬肉同扎肉，沙拉醬令人開胃，不過不失。麵包皮仲可以用嚟點咖哩食，都唔錯，而且仲唔使嘥左d咖哩汁！順化蔗蝦 $68炸得好香而且炸得唔乾，食落蝦肉仍彈牙有蝦味，點埋酸辣醬更惹味。串燒拼盤 $128原來都有成9大串，蝦仲要好大隻。另外有雞肉同牛肉串，燒得岩岩好保持到肉汁同嫩滑。火車頭 $88原來好大碗，湯底好夠味而且有好多配料，2個人分都食唔晒！都幾抵食！

都有好一段時間冇食過越南菜, 今日朋友就帶左我來呢間尖東既河内大娘。太熱啦~~所以一坐底就叫飲品先, 於是就叫左杯芒果冰同菠蘿冰。我比較鐘意菠蘿冰多d, 入面仲會有埋橙肉果皮添, 消暑佳品, 兩杯都唔會太甜。咖哩牛腩 - 唔算太辣但咖哩又好入味, 佢既咖哩唔算椰汁味太重, 怕肥既朋友都可盡情食。牛腩煮得好淋, 亦都好入味, 呢個咖哩配埋法包或者蒜容包一流。越式三文治 - 店家好細心地一開四份, 等我地可以share, 好細心。味道唔算太重, 入面仲有酸蘿蔔令到更開胃。法包焗得外脆内軟, 沾咖哩食一流。大娘蒸粉包 - 最欣賞佢外面既粉皮蒸得夠煙un, 唔會一夾就散, 粉包上面仲有d炸蒜粒, 令到口感更豐富。順化蔗蝦 - 炸得金黃香脆, 又唔話特別厚炸粉。伴碟既都有酸蘿蔔, 令到口感冇甘油膩。蔗蝦沾埋酸甜醬更惹味。香茅燒魚 - 用上左新鮮既沙巴, 肉質鮮美。製作方式用左香茅加鹽燒, 都燒得好入味, 店家仲好細心地幫我地起埋肉。火車頭 - 湯底好濃郁, 加埋紅椒同青檸層次更豐富。餸有生牛肉、牛𦟌、牛丸同埋牛柏葉。牛肉一d都唔un, 好juicy。軟穀蟹米紙卷 - 脆卜卜好香口, 仲有好多其他

好耐好耐無食越南野！今晚就坐言起行去食，搵到呢間應該新開無耐既越南餐廳！菠蘿汁($38)菠蘿炒香過，再加埋橙皮，令整杯好香，唔似普通既菠蘿汁，好特別！火車頭（$88）好大碗好多料沈底：有蘿蔔、牛展、牛百葉、生牛肉、牛丸、芽菜。2-3人絕對夠分！湯底香甜，牛肉亦唔韌。香茅燒龍躉 （$168）個汁係秘製，點魚肉食令肉味更佳！魚肉保持到肉汁同埋肉既嫩度，廚師功力唔錯！而已醃製得入味，所以整條魚好快被消滅～大娘蒸粉包（$88）好鍾意食粉包所以比較之下呢間既粉包真係好食！皮厚度適中，用料亦多，口感同味道都好正！軟殼蟹紙米卷（$78）入面包住芒果、青瓜令口感清新，加埋軟殼蟹入口好香又甜，再點酸汁入口一流～尖沙咀都好似唔多越南餐廳！而家有多個新食點了～

最鍾意試新野，呢間新開張，又方便泊車所以嚟左下。呢條街通常都係開酒吧，而家開返間越南餐廳真好～人流唔多真係要靠口啤，而店內亦有幾枱客，不久後又有人入嚟食，相信質素唔錯！好渴首先叫杯《芒果冰 $38》酸比甜多，幾開胃。芒果味好真實，係用鮮芒果打成，好濃味～正。《咖哩牛腩 $98》十分香！濃度適中唔會杰撻撻，牛腩夠稔夠入味，帶牛筋，十分爽口！由於咖哩汁好味，所以我地叫多客《蒜蓉包 $24/3件》點嚟食，唔好嘥！《大娘蒸粉包 $88》好多料，每件漲卜卜～ 皮薄唔錯，餡料入味，淋上酸汁好惹味！《串燒拼盤 $129》有大蝦、雞肉、牛肉串燒各3串。份量大，蝦好大隻燒得好脆而肉質仍然鮮味彈牙;雞肉同牛燒完都唔乾，亦有肉味。《香茅燒魚 $168》龍躉魚是也！上面白色既係蛋白加鹽，用嚟調味，而魚肚釀左香茅等香料醃味～～ 首先要夾開鹽塊，否則食到鹽會太咸。魚肉保持到水份，肉質鮮嫩，味道香甜，讚！《軟殼蟹米紙卷$78》一共有6件，包得滿滿的～軟殼蟹炸得香脆，並唔油膩。芒果肉令整個熱氣感減少，汁帶酸甜亦開胃。唔錯既一間正宗越南菜！*有加一*

同老公去完尖東佘仁生買座月藥材經過這間好似新開的越南餐廳又有下午茶就入去試下！老公叫左牛河、我叫蟹肉湯檬！另外再追加春卷來到見到個樣都幾靚仔！但最令人驚喜嘅係個蟹肉湯檬！好鬼好味！除左蟹肉仲有兩隻海蝦(最鬼怕食雪蝦）個湯底好甜好正！我直情成碗飲晒，牛河幾好牛肉味濃！春卷都好味另外叫咗零茶同耶青！ PS 題外話其實大肚食唔識得蟹啊呢？會唔會第二時BB皮膚唔靚架？都係忍吓唔好食啦！下次坐完月先去食餐勁嘅！坐完月我實試佢嗰耶青蟹…哼！

中午吃個越式午餐。菠蘿冰。新鮮菠蘿肉味道香甜，每口都是甜美的菠蘿肉，感覺清新開胃。加上少量汽水，冰凍降溫。椰青蟹。非常特別的菜式，滿滿香甜的椰青肉，清香不膩口，蟹肉爽嫩非常新鮮，肉的份量也有很多。軟殼蟹米紙卷。軟殼蟹炸得香脆不油膩，每口蟹肉炸粉非常薄薄，伴上芒果和蔬菜，清新開胃。

午飯時間又到，今日剛巧來到尖東附近發現有間新開張的餐廳，午餐價錢實惠，就去試試。午餐餐牌。紅豆冰。粒粒日本紅豆香甜，入口豆蓉滿滿，味道非常清香，椰汁甜度剛剛好，味道香甜不膩，非常降溫解渴。生熟牛肉湯河。牛骨湯香甜不造假，清甜滿滿牛骨清香，肉湯味道突出，牛肉軟腍不嚡口，肉質爽嫩剛好，河粉薄薄掛湯力頗高，份量適中。越式春卷。香脆春卷內裡滿滿蔬菜餡料，外層炸得香口不油膩，薄薄春卷皮包上豐富餡料，入口惹味脆身，一口一件份量剛好。