沙嗲王 (已結業)

好同意Winak o既講法，點解d 食肆o既水準永遠都o係度下降緊o架？以前唔係好貴咁可以食到好惹味o既東南亞小食，依家再去巳經冇咁好味囉，不如去旁邊o既細舖仔仲好‧

十分應同！沙嗲王的食物價格開始回升，小吃款式少了，加多左伴飯的小菜。最愛吃的炒蜆也開始無咁好味，醬汁杰撻撻。豬扒荷蛋飯再沒有油伴飯。日式魯肉飯的肉多了肥肉。

平日食開沙嗲王.....都覺得唔錯和好吃, 但今晚我約6:00去到呢間舖食, 可能因為未係黃金時間, D 服務生比較懶散, 都在一旁打牙較.........但竟然有一位店員....在......剪指甲......唔係麻.......食市甘都得..........剪完又繼續做傳菜.......無洗手.....真係要問句....唔係丫麻......... 比你見到我諗都唔開胃喇......甘唔衛生........剪指甲甘私人的事都唔係大庭廣眾做架........檢討下啦....講返沙嗲王D 野食丫.....最近我見它的?牌轉左...以前大部份都係$19 一碟, 但現在已很多已加到$29 以上, 可能會大碟左, 但如果2個人去食就唔可以好似以前甘....試多幾樣.....因為碟頭大左, 叫多左又會浪費, 真可惜.......唔知係米近來真係經濟復甦左.....很多以前平價食市都已加番價..........唔知會唔會食平野時代已過去呢????

又平又好味o既咖喱呀，唔辣o岩晒大眾o既口味，尤其係白咖喱，無論配咩野都咁好食，仲有就係佢時不時都送D 優惠券俾你，等你下次o黎食再平DD，不過有樣o野就比較差，佢地既外賣速度真係一絕，你最好係45 分鐘之前order定，唔係就有排等!!

我最鍾意佢o既白咖哩豬/牛/雞/魚飯& 沙嗲豬/牛/雞/魚飯，D 汁撈埋D 飯真係好好味，而且價錢又平，不過建議大家堂食，因為根據本人經驗堂食的食物質素遠較外賣為佳。

沙嗲王一向都好平,因為每次同d朋仔友仔去都食到好飽,同埋每人都係$50左右,我比較鍾意食"白咖哩豬扒飯"同埋"牛油雞翼"係呢到必叫o既兩樣,D白咖哩唔係好辣,D汁用黎撈飯,好好食,另外D 小食以前係$29 一個,現在係$19一個,咁當然份量係小左D啦,而且你食滿$20會有張$2coupon比你下次用,所以D coupon儲埋儲埋,一次過用,仲抵呀,哈哈

007 好多時好多人一齊去玩完去食飯，此店都係唔錯既選擇，響旺角，唔駛等位o 既店舖都好少，呢間就係其中一間，環境唔係太好，清潔亦要改進一下，但係食物就真係幾正，而且平得好誇張，食到好飽都係$50 蚊落樓，仲有贈券，我最欣賞係劭既侍應，我諗地係一o 的新移民或者係師奶一族，雖然唔係特別醒目，但係就非常殷勤，抵讚