沙嗲王 (已結業)

到訪日期：2007年5月26日我第一次0黎呢間沙嗲王食，覺得食物都唔錯。個人認為必食的有白咖哩豬扖飯及龍蝦湯。白咖哩香滑適中，味道恰到好處，份量可兩個Share 食；而龍蝦湯簡直超值，好似$12 倒一碗，好有蝦味（不知是否龍蝦味）好鮮甜、好Creamy，還有幾舊似是龍蝦肉的物體，以這個價錢，已很超值！～　右上圖的薄餅，味道就普普通通，但還算香脆；而蟶子就不好叫了～　等了好耐，追了兩次先來，不熱之餘，肉是幾乎沒有的，殼有十幾隻，肉就得幾舊！！～好似仲要成$4X...　非常唔抵！～　ｄ飲品都ｏｋ～　另外，本身諗過食生蝦，都見到幾多人食，下次有機會會試吓！～總結：店舖地方及食用器皿的衛生度不夠；如兩個人去，又不怕迫少少，可選擇坐海盜船裡面，因自成一角，不會像出面大廳般嘈吵，亦不怕被人催你走。

食左咁多年沙爹王,一直都keep住高水準每次必食白咖喱豬扒飯,豬扒夠熱,醃得好香,咖喱汁好香好滑又不膩,用來撈飯一流,好食到根本不想同人share,要自己食晒一碟試過魚翅撈飯,覺得唔係太抵食,翅不多,獻汁撈飯亦唔好食酸辣無骨鳳爪雖然幾好味,但份量不多覺得最唔好食是日式煎糯米餅,糯米溝了好多水,令餅身又稔又無甚麼味道最不喜歡坐二人木桶位,因坐上後隻腳難伸展,若撞正當天無什麼冷氣,會嗅到木霉味及桶下方有陣陣臭味

想黎好奈架喇. 因為d船仔好得意!今次終於黎左坐船仔喇:3嗌左個白咖哩豬扒金邊粉, 龍蝦湯同個唔知咩芝士蝦!龍蝦湯好好飲,, 咁既價錢真係超值呀!而白咖哩豬扒金邊粉同芝士蝦都唔錯,, 好好味* 個氣紛真係一流呀

三個人食, 叫左白咖喱豬扒飯, 沙爹牛肉粉絲, 越南春卷, 同埋珍珠奶茶...豬扒好味過牛肉, 沙爹好味過白咖喱, 下次決定試沙爹豬扒粉絲/飯^^"春卷點酸汁好開胃, 尤其是剛剛送黎時熱辣辣最正!整體上都幾好味, 不過真係唔多覺有冷氣, 全程都好熱, 要飲D凍飲先至舒服D... 所以連杯本身好普通ge珍珠奶茶都顯得好味jor... 策略? 下次等冬天先黎食會開心D...

其實都食左好多次+la...今次專登比食評係因為前幾日去覺得呢間野有進步左好多..我係去causeway bay plaza果到..間野大左好多d位舒服左同埋d人服務都好左..野食又多款左...間直唔錯..而且價錢又平走前仲有薄荷sweet送...清洗下d口氣..我覺得呢間餐廳幾細心..

和男友黎呢度食晚餐，呢度都幾多人。我地點了魚翅撈飯，日式煎餅，番茄芝士焗餃子同葡汁焗四蔬。魚翅撈飯，魚翅小鍋上，熱辣辣。有蟹肉，同有約四塊翅裙，個湯都濃稠適宜，加上它跟來紅醋同酸辣汁一同食，幾好味。日式煎餅，真係幾似日式，煎得好彈牙，又配小小沙律醬，紫菜絲，好味。番茄芝士焗餃子，幾得意，係京式餃子，配上番茄汁芝士焗，幾香口，唔錯唔錯。葡汁焗四蔬，有西蘭花，紅羅白，洋荵及薯仔，配上葡汁。焗得好香，熱辣辣，好好味。尤其至鍾意薯仔，佢應該煎過薯仔，所以更加好味。其實呢度d食物都幾花心思的，而間唔中都會推出一d新的菜式，唔錯唔錯。

呢期我睇番海盜王d 碟,而海盜王3又就快上畫,所以我今晚就選擇左同男朋友去新裝修成海盜主題的沙嗲王.貪過癮,其實最想坐坐住佢地個木桶.餐廳裝修都幾有心思,一睇到個木桶就覺得好得意,男朋友幫我開門,坐后發覺幾鬆動,都幾舒服呀.食物方面我地Order左:白咖哩豬扒飯$31--------白咖哩汁有小小辣,好有香味,香茅豬扒好多汁,一d都唔"un".法國龍蝦湯$12--------龍蝦味濃烈,入哂味,男友最愛.12蚊好抵呀!脆蝦棒$19.5--------似春卷,入面包住蝦餅,炸得脆脆,入面蝦肉又有鮮味.奶油津白$25--------似屋企煮的菜,面頭有臘腸.都ok!紅爐芝士蒜香蝦$29--------一上桌巳經聞到芝士香味,一排八隻燒過的蝦,加上溶哂的芝士,真係好夾.榴槤飄雪2件$10---------凍食,好重榴槤味,好愛.服務都ok,0係咁合心意的環境下食飯,真係特別開心呀,我地下次都會再黎.

前個幾月去沙爹王，發覺果一排冇雞軟骨供應，令到我女友非常冇癮！好在今晚終於都有得食番丫。由於是星期六晚的關係，所以等位方面用了不少時間，大約等了半個小時丫。入到去即落Order，好快就有得食喇！雞軟骨雞軟骨真的整得不錯，才不過是$28的一道菜，但卻用了頗多雞軟骨，起碼有30粒以上！每粒雞軟骨不太大，一口一粒或一口數粒，滋味無窮，好過其他大打排檔！芒果蟹肉炒飯由於女友鍾情於白咖哩豬扒飯，但上次叫左，所以今次輪到我有得叫哩個炒飯喇！芒果依舊很甜，暖暖的很配這個足料炒飯。一碟炒飯卻用上起碼10隻小蟹手，雖吃落沒甚麼蟹味，但也覺得幾抵食！加上今次飯炒得乾，甚有水準！串燒(豬頸肉、雞肉)豬頸肉串燒水準不俗，明顯用香料腌過，表層脆脆的，好過不少街邊串燒；雞肉串燒則明顯較差，肉汁很少，未燒透之餘還沒有味，屬整晚較為失望的一道菜。這連鎖店的服務一向不俗，全因為點菜叫服務的那個系統很完善，抵讚。每惠顧$20有一張$2 Coupon，這一招也甚有吸引力呢！

早幾個星期約左舊同學聚舊，決定食我久違了既沙嗲王。仲記得好耐之前我成日同屋企人去觀塘o個間食下午茶ga。雖然要等位，不過好彩都唔係等左好耐。以前好少去食晚市，不過印象中都好似唔使等位的。越式春卷口感幾豐富，好多料，食味清清地咁，都ok；炸雞軟骨好香口，而且又唔太油膩；蟹肉西蘭花西蘭花唔算係好新鮮，但勝在煮得入味；白咖哩豬扒飯好食！果然係招牌菜。白咖哩好creamy，好好味，撈飯食一流。而且冇咩椰汁味，arm晒我。豬扒我本身麻麻地，所以冇咩印象；焗芝士年糕年糕好煙韌，有D黏牙。芝士味好淡，成個菜都好似冇咩味咁；沙爹牛肉檬沙爹味道香濃，但係我就一舊牛肉都食唔到，好失望(可能係畀班舊同學食晒啦)。冇去咁耐，都仲係幾有水準。而且佢地惠顧送coupon既作風到而家都仲留住tim。

今天來吃沙嗲牛肉粉絲. 湯很濃令粉絲也很"入味". 牛肉味道也不錯, 不過份量少了些(沒數錯的話, 少過5塊...)之後點了海鮮簿餅. 這個沒有甚麼特別的, 而且紫菜潮了.星期六沒有套餐但飲品半價. 朱古力雪香賣相挺差的(主要是杯的問題...). 但朱古力味非常濃. 不錯!侍應效率非常高. 但上菜再快點的話會更好. 如沙嗲牛肉粉絲我想不用多少時間煮吧? 公司Logo 也急需改善!

星期6 lunch時去食, 要等位就一定ga啦, 不過都真係幾耐下...同一個朋友去食, 叫左個白咖哩香茅豬扒飯$29.5, 沙嗲牛肉粉絲$29.5, 椒鹽軟殼蟹$48, 百香果紅茶and珍珠奶茶~ 白咖哩香茅豬扒飯個白咖哩好多, \"no\"飯好好食, 可惜一d都唔辣, 豬扒有3大塊, 如果一個人食晒就太飽喇;沙嗲牛肉粉絲就好正~雖然明知佢\d沙嗲湯超肥但都唔可以唔叫~椒鹽軟殼蟹就ok,2只下面有好多炸茄子, 仲有個青色ge醬, 個醬好得, 酸酸地好香青檸味, 但d茄子就冇乜點食, 我同朋友都唔太食炸茄子ge野飲就普通啦~係杯百香果紅茶有舊jelly幾得意~

朋友請食飯，介紹我上樓，看來還不錯，因為客滿要等位。龍蝦湯$12，底食。雖然味曾湯的味比龍蝦味重，不過挺好味就是了。朋友說白咖哩豬扒必點，所謂白咖哩，其實是一點都不辣的椰香汁，但豬扒全是香茅的味道，吃起來一點都不單調。一味類似炸魷魚，一小塊的容易入口，而且調味的椒碎亦超香口。串燒味道一般，不過既平宜又可以填肚。另外還點了一個香菇雜菜，雖然不是甚麼特別菜式，不過可以平衡太多肉類的餐點。還有春卷，也是美味的小食。三個人$240，沒有點飲品。以$80位來說，味道，環境，服務都合格，可以一去再去。

琴日24號去食野.差唔到9點鐘度啦去到好多人.而且有好戲睇.見到知客同二個女人係度嘈...誰是誰非就唔知啦.一人讓一步.出來食餐飯啫.搞成咁為也啫.入到去落單叫左個田螺加白加喱炸魚飯同麻辣牛肉米線.田螺幾好食.不過太多油.白咖喱魚飯好在有白咖喱中和吓冇咁腥.味道好好.可能是我個人偏愛食白咖喱之故.因為坐正係口門個張枱.發覺沙嗲王真係好少人手.因為啲員工係度轉.但係都好似轉極都都忙嘅.

一行3人around6:35p.m上去都已經坐左一半了坐下就叫左5樣野白咖哩香茅豬扒飯----好食個塊扒係炸唔係煎微微地辣好多汁~~送飯一流xo醬海鮮炒飯-----好惹味不過就略嫌唔夠seafood law脆蝦棒----普通,可以不試xo醬炒蘿蔔糕------呢個熱辣辣好食又有好多xo醬最後個個葡式焗菜-----好膩唔係太好食可能係食夠150就有野送送左$20 COUPON同一小支XO醬OK抵食連加一都係180

真係估唔到八點幾都要等成10張枱，等咗幾個字後終於有位，不過要坐門口，都無計啦鬼叫肚餓咩！今晚叫咗個set，$46都幾多嘢食，一個白咖哩豬排飯，一個小食，一杯嘢飲和一個芒果布甸．另外叫多個茄子芝士焗餃子．好耐無食過，今晚食翻個白咖哩豬排飯一樣禁好味，食食吓都覺得個汁有d辣味．豬排好軟好易食．嗰焗餃子就普通啦，下次都唔會再叫．可能係舊樓的關係，間舖頭等位的地方好窄，如果有事發生，都幾危險．