沙嗲王 (已結業)

白咖哩豬扒飯$29.5白咖哩汁有少少辣,隻汁好好食!唔係普通街食個隻咖哩,可林哂成個飯,豬扒口感好,夠林,唔硬,幾好!值得推介!xo蘿蔔糕幾脆,但$39幾貴

我地一行三人去食，平日來講都算多人，等左一陣先有位..由於太餓既關係，我地狂叫，完全唔記得左會"食唔晒"呢回事…哈哈~小食既款式好多，我地叫左兩個飯+四個小食，兩個飯都好好味~1.香芒鮮蟹肉炒飯2.白咖喱豬扒飯(D咖喱唔太辣，剛剛好~)3.日式海鮮薄餅4.XO醬炒蘿蔔糕5.炸饅頭(叫呢個有D白痴…半打$15~ 但忍唔住，好想食!)6.鮮茄芝士焗餃子(我係愛茄之人，呢個真係好好味…好香芝士味!而且焗餃子好特別)我地叫左杯綠茶雪糕紅豆冰，正正正~~基本上碟碟都唔錯~~呢餐食得好滿足~飽到傻...間餐廳有D特別，每”木台”有部機，上面有結賬、加水、點菜等按鈕，按後就有侍應為你服務~~哈哈~唔錯唔錯~好新鮮~朋友有幾張cupon，扣左三十幾蚊，算抵食~埋單後又送左十幾蚊cupon~哈哈~下次再幫襯~

我黎過旺角呢間兩次..次都都食唔同野,兩次都好滿足咁埋單~!第一次同一位女同事&一位男同事..三個人叫左脆蝦捧–好脆口..不過細條得滯,口感唔夠xx pizza –細細件好易入口,都好好味炒蘿蔔糕–好香口,不過食完好口乾xo 醬炒飯–飯粒夠乾身,都好香.好野味今次每人好似四、五十蚊.抵~!!仲有coupons 送第二次同一位姊姐食..兩個人叫左白咖哩豬扒飯(set):魷魚圈(半份) –好味, 兩個人都夠食白咖哩豬扒飯–個咖哩汁好正,好濃,好香..我本身都唔食椰子o既,不過我好鍾意食呢個汁。而塊豬扒都好香脆..肉質好“林”.荔枝紅茶–普通,無乜特別朱古力布甸–好怪,唔好味….唔香..仲出水添~!差~!白咖哩牛肉飯–牛肉係肥牛,唔太好。有芽菜底,所以個咖哩汁有出水情況,所以唔夠濃…麻麻今次都好滿意..好好味..每人都係四十幾蚊..抵呀~!!可惜o既係,呢度o既廁所太污漕喇…十分之需要改善呀~!不過我都會再黎o既~!

lunch唔知食咩...去左沙嗲王///叫左一個白咖哩雞排..好香既白咖哩...唔辣但又好香既椰香味,雞排都算幾好..起碼食唔到雪藏味...沙嗲豬排...沙嗲都好香既...豬排係香茅豬排..所以好香口..但個人黎講比較鍾意食白咖哩..炸蟹鉗..炸得幾好...但覺得細隻左少少芝士番茄焗餃子...餃子就真係麻麻啦...但係芝士同番茄都好好味...結果我食晒全部芝士=v="2個飯都跟餐..有飯,菜同飲品..個菜鹹到苦...朋友有好多優惠卷,,,我諗佢儲左好耐..

試過兩次0既tea , $15 幾抵食,都幾好食~~仲試過芝士焗餃子,好多芝士好吸引,都幾好食~~~ 不過個雞軟骨就麻麻地,食得多有d"熱氣" ~~

昨天去山東街個間吃嘢..差唔多夜晚9點鐘去..排隊等咗4個字..我跟班朋友坐係261個張大枱度.我哋總共order左5個set dinner分別係麻辣海鮮.(很喜歡這個.上次吃過.略為多油)芒果炒飯.(不錯.芒果很好吃.海鮮份量不多)扎肉涷檬.(我冇吃.因為對涷檬沒興趣)魚柳焗飯.(好濃嘅芝士味...唔錯.可惜等左好耐)仲沙嗲牛肉粉麵.(沙嗲味不錯.只係牛肉太“鞋”)每一個set出菜嘅的時間都好不同.相差很大..有待改進.但值得一提嘅是他哋新安裝的服務鐘.真的很work喎..值得加分.不過可惜的是他哋個場好像多咗幾部大都嚇死人嘅攝影機..(因為我坐個張枱上面就有一部.而且裝到鬼死咁低同出位).有點格格不入嘅feel.破壞晒本來就唔係好靚嘅環境.

朋友和妹妹前完髮,四點左右便到此處吃下午茶朋友點了豬扒粉絲沙嗲湯底:朋友話豬扒好味道妹妹點了雞扒湯檬白咖喱湯底:妹妹話牛扒勁鞋 我點了牛肉粉絲清湯底:我覺得牛肉唔差啦三個湯底我也試過,自己較為喜歡清湯,其它兩個也唔差啊!下午茶餐17元要加一,飲品半價

今次我係佐敦恒豐中心分店食飯,不過資料庫無呢間,寫住呢度先。呢間分店交通超方便,地鐵出口只係上面,地方又大!真係唔怕無位!!食左好多野:白咖喱豬扒飯、蒸粉卷、炒蘿蔔糕、芝士焗雜菇.....呢幾樣覺得最好食!白咖喱基本係唔辣,不過食親沙嗲王必點之選;粉卷其實幾油,不過加埋魚露又中和番,酸咪咪幾開胃;炒蘿蔔糕好香口,不過要趁熱,個面脆脆地時最好吃;芝士焗雜菇真係好芝士,一個人千其唔好吃,實漏死!!下次一定會翻炒,貪佢人少方便,yeah!!

今日同十年無見的同學仔食晚飯，大家都沒有特別意見下是但選擇左呢度。入到去估唔到都幾大，客人都唔少，但唔駛等就有二人木桶位，木桶好過隱，坐入去好似兩人的小天地，但個位都幾細，肥人免問。我地叫左個餐，因為個餐有一個小食、主菜、台式飲品同埋一個芒果果凍，比較抵食。主菜要左龍脷柳焗飯，個汁好味，有好香的胡椒味，但又唔會太濃，龍脷煎得好香，焗飯係炒飯底，飯軟硬適中，正！小食要左越南豬肉粉卷，面頭的豬肉鬆甜甜地，味道唔錯，可惜面頭掃左好多油，扣分。另外叫左個葡汁四蔬，都頗大兜，仲好熱辣辣，唔錯！個龍蝦湯賣相好得，我冇飲到因為要戎口，個friend 話幾好味，而家特價$9.9，真係好抵。埋單仲俾左$10 coupon 我地，下次都會再黎試下其他野！

2005/9/4沙嗲王因為早前換了幾張沙嗲王的coupon,所以晚餐就去呢度食新出左個套餐,1個小食加1個主菜(粉麵飯…)加1杯台灣飲料加1個芒果果凍都係$45-60(視乎你的主菜的價錢而定)計過散叫唔抵,2 個人都係叫餐食我要椒鹽魷魚圈,白咖哩豬扒飯,百香果紅茶朋友要了蝦春卷,沙嗲牛肉粉絲,籃莓綠茶豬扒原來係香茅豬扒,好好食,比上一次食更好食,白咖哩汁,香!濃!!蝦春卷細細條,不過入面的蝦膠份量好多,好正沙嗲汁很辣,唔岩我我杯百香果好難飲…好似飲糖水…朋友極力推介的$9.9龍蝦湯,因為我太飽所以都係冇要龍蝦沙律今期特價$15,侍應話價錢平不過份量係依返原價的,朋友都係太飽所以都係唔要扣埋coupon每人都係40幾蚊,佢地仲回返8蚊coupon畀我朋友話,沙嗲王係全港至今一間d優惠仲可以不斷用不斷食不斷有的餐廳..我鐘意wor,哈哈Ps全港7間分店,我地去彌敦道655號4樓"胡社生行"MTR E1出口,呢間分店點解好似冇乜人知既??上開飯都唔見有寫|||我地都係唔小心咁先發現到,但係呢間的環境,服務真係very good啵

20/8/2005 落住大雨又搵唔到地方食lunch，抬頭見到呢間，五人即走入去！我每次去親呢間嘢都唔駛等位，真係奇怪，今次就話可能係lunch既時段既關係啫。我哋一人叫咗一個$29.9既lunch，即係嗰啲粉，蒙，飯．．．再加一碟菜，但係黎嘢既速度真係好奇特，叫同樣係蒙既，只係料不同既嘢都可以黎得咁慢，人又己經唔係多，我諗係漏單至真．．．我有個朋友叫咗沙嗲豬扒蒙粉，有個朋友叫咩扎肉蒙粉，另外個朋友叫咗沙嗲豬扒金邊粉，但係居然叫沙嗲豬扒蒙粉嗰個朋友個粉係最遲至黎，仲要係其他人都食晒咁滯．．．我杯嘢飲就又夠奇特啦，我叫咗荔枝玉露，不過估唔到係沙冰黎架，本來想話飲嘢，點知要等沙冰溶，激死！仲有呀，唔知點解入到去覺得嗰度有ｄ臭．．．唔知係咪ｄ木味定係乜嘢．．．唉！

蟹肉炒西蘭花，蟹肉是頗完整一條條的，不過質感好實，西蘭花也不錯，只是沒有鑊氣。沙嗲豬扒拉麵味道不錯，個湯好重香茅味！豬扒軟諗，麵條不錯，只是煮得過火了一點。其實呢餐最好，最令我有印象的是龍蝦湯，賣相好，味道佳！極力推薦~

我去過很多間沙嗲王食飯..其食品間間都差唔多..但講到服務.當然最好架係現在執左笠既創興沙嗲王啦...

8點幾去食,好多人,要搭檯,好迫!!!嗌0左:1.香芒大蝦沙律:好味!!芒果幾甜幾香,蝦夠爽口,都幾落足料2.酸辣鳳爪:麻麻!!3.xo醬蘿蔔糕醬少少辣,幾好味4.焗芝士年糕:幾好味,d芝士幾香5.麻辣牛肉米線:唔好俾佢\個名呃到,連我唔點食辣0既都覺得唔辣!!都ok好味!6.蒜蓉雞翼:不過不失啦7.沙爹串燒k啦8.3杯sherbet(好似係):我嗌的蜜桃麻麻地

平日成日去旺角沙嗲王,尖咀個間都未去過, 今日同男友去尖咀分店食lunch, 叫左個餐$45, 有小食一客, 麵/飯一客, 加飲品一杯, 冬蔭公豬扒粉絲, 炸蝦卷, 白咖哩豬扒飯, 荔枝綠茶由於係餐的關係, 炸蝦卷只得兩條, 但都ok, 冬蔭公粉絲真係好吸引, 個豬扒就不嬲都好好味架啦, 有一大塊, size勁, 肉質又淋, 正!! 個湯真係唔錯架, 好香好多天然香料, 呢個湯令我一飲再飲啊!! 粉絲就唔係好夠, 又夠吸味, 入味之後的粉絲真係令你好有噴火感覺!! 白咖哩豬扒飯真係男友的至愛, 佢好專一, 次次都order呢個, 所以講過咁多次, 今次唔再講啦, 荔枝綠茶飲落去個感覺同青萍果綠茶好似好似喎.........真係架!!呢度有個唔好處就係佢個d位set 得好迫, 真係要人地借過個隻喎, 其實佢有兩層, 又唔係多客都要坐得咁迫, 食的不舒服啊