沙嗲王 (已結業)

o係一個星期日既午市繁忙時間，呢間沙嗲王竟然係出奇地容易攞位。掛住傾野，加上口淡淡，無叫set lunch，淨係叫o左客炸綠茶豆沙湯丸同芋香珍珠。炸物油膩不在話下（no complain 啦），炸綠茶豆沙湯丸同炸皮包住麻糬湯丸基本上無乜分別...可能因為沒期望。芋香珍珠奶粉味超重，芋香味濃度可接受...可能都係因為沒期望吧。但佢有個配套令人費解：你用按制叫service 應該係想個環境靜D 呀，點解一入門又用「叮咚」門鐘？

嗌左個餐沙嗲牛肉粉絲+ 脆蝦棒+ pudding + blueberry 綠茶好大碗呀真係!!!湯底好濃, 好正!!!飽都食晒佢!!!脆蝦棒又好好味!!!點埋d 醬真係ichiban 呀杯blueberry 綠茶好大杯個底仲好似jelly 咁, 好正我個friend 個唔知咩蛋石頭飯都超大碗同超好味

大家唔好去呀~~呢間分店寅係好過份~今晚我同親戚去食飯,叫左唔少野食.味道普普通通~食完就埋單啦~d親戚當然會爭俾錢啦~個waiter拎張單過黎~佢個樣已經好唔耐煩(我都知d人爭俾錢係好麻煩),但係佢都無理由(個樣仲要勁串)話:你地爭完先啦~!呢樣都算啦~佢d態度咁串都唔緊要啦~佢仲要"厄"錢~!!!!!真係超級過份~張單係$240幾~我地俾左$500,佢竟然找番50幾蚊俾我地~!!最初我地都唔發覺有咩問題~準備走的時候,覺得好似找少左錢,於是就叫番個waiter過黎~呢個waiter真係超級過份~我地問:張單係幾錢?waiter:$240幾law~(個樣好唔耐煩)我地話:你找少左錢wor~我地俾左$500,你找少左$200waiter扮傻)係咩~找少左咩~係咪"堅"ga~?嘩~~~睇到佢個樣真係激死~做錯野~sorry都無聲~!!仲要用d咁gei語氣同我地講野~佢真係好有問題!!!之後個waiter就去拎番$200俾我地如果我地唔出聲,佢可能自己袋左$200~~!!!太過份啦~大家以後唔好爭俾錢啦~~要check單~小心d~!!!!我以後一定唔會再去呢間野~!!!!!!!!

手頭上仲有3張沙嗲王食$50平$10的優惠劵，半年來都唔記得用，見快到期，而且今日難得搵到個志同道合既朋友黎一齊食^O^所以就黎黎樹食個TEA。岩岩打完波，加上我地都冇食午餐，肚餓非常(哈哈)睇左陣MENU我介紹朋友叫那個唯一(例牌)的套餐主菜：白咖哩豬扒飯$46：唔使多講，出名好食﹗紫菜燒汁雞扒飯$47：味道OK，好多雜菜(佔半碗)，GOOD!!小食：椒鹽'由'魚：味道ok，衰在油d。越南蒸粉卷：有水準，好食﹗飲品：凍檸茶& 珍珠奶茶甜品：朱古力布甸諗住用2張coupon所以要砌夠$100，叫多個我推介的：蝦春卷$19，同以往一樣好好食，又脆又多蝦，朋友第一次食已經讚不絕口^^食飽飽扣埋coupon都係$129.00

今日出到旺角，就嚟咗呢度食午餐，因為呢度地方大，容易揾位。侍應姐姐好nice，俾咗個午餐牌俾我，因為包飲品比散叫低食，個午餐係豬扒飯，醬汁任擇，於是叫咗個白咖喱豬扒飯，菜同咖啡，仲另外叫咗個海鮮薄餅添。雖然唔係第一次嚟，但係對肉類興趣不大，所以每次都係叫海鮮類食品，因為很多網友都推薦呢個白咖喱豬扒，所以特別一試。個白咖喱汁幾好味，都幾辣，豬扒好腍，因為已經用鬆肉粉醃到冇晒味，靠晒個醬汁嚟伴食，個咖啡都OK喇，特別推薦果個薄餅，原先以為係pizza類，原來係蝦餅加咗八爪鱼煎成，面頭加咗少少紫菜，煎得好香脆，熟辣辣好好食，而家仲回味緊，下次再去都要再食。

好難得同dad mom去左旺角, 所以走左去食個tea, 2:30係門口問個waiter佢話有tea先入去, 入到去佢先話3:30先有, 呃人.....咁唯有散叫啦一個例牌白咖哩豬扒飯, 冬蔭公雞扒粉絲, 豬扒依舊好腍好好味, 白咖哩其實一d都唔辣, dad話佢似白汁多過咖哩, 又係喎......冬蔭公有好多香料, 好正, 雞扒都算大, 但係就overcooked, 不過欣賞佢煎到佢個皮脆脆地, 連我呢個不嬲唔食雞皮的人都忍唔住咬一口.....呢間店比平日的大好多, 而且有新system, 係枱上有個button叫人加水, 落單埋單,都幾方便, 起碼唔駛叫人叫到儍....

次次去都叫冬陰公海鮮米線,唔係就白咖哩豬扒飯,都好好味, 信我la無錯ga la,不過以前冬陰公海鮮米線有crab肉,蜆,魚再加青口,尤魚宜家就得返青口,尤魚,but still good taste.另外裝潢真係好正,好浪漫呢...仲有呀,信用咭換的coupon, (食滿$50平$10)係可以同平時佢派既coupon一齊用ga!!我試過平左$72添!!仲有,呢期佢轉左新款菜色!!

我係佐敦恆豐中心間食。將近2:30去到，趕得切order set lunch (@$32)：(1) 白咖哩雞扒飯+芒果綠茶; 同(2) 沙嗲牛肉粉絲+荔枝紅茶。白咖哩好香滑，撈飯食，正！不過雞扒本身就一般。碗粉絲亦唔錯，當然預set lunch牛肉本身係無味，完全靠哂個沙嗲醬。兩杯飲當中，荔枝紅茶好。呢間店擺位都幾鬆動，坐得舒服。

佐敦恒豐中心開了沙嗲王，環境錯，幾好坐。白咖喱豬扒飯都幾好味。再來芒果黑糯米，係一個完滿的晚餐。

本人想寫尖沙咀果間, 隱藏在亞士厘道同海防道之間的樓梯內,星期六約七點, 有少少人等位,等左一陣入左去! 好耐冇食過沙嗲王, 所以想試下!呢度有果d按制服務機...不過我覺得會好嘈,好似去左茶樓或者銀行咁, 好奇怪...叫左白咖喱豬扒飯+田螺+熱金桔檸蜜,男友唔肚餓, 叫左一碗沙嗲牛肉粉絲。塊豬扒係十分之「香茅」, 但本身已是白咖喱汁,我覺得唔夾囉...其實塊豬扒只要稍微煎香同調味都得啦,田螺有兩隻, 但佢釀左d肉落去, 搞到好香茅啦又係!!唔係咁鍾意! 覺得會同田螺隻味唔夾!野飲最ok! 但要加5蚊, 唔加只可以飲咖啡或茶!男友碗沙嗲牛肉粉絲應該keep住水準, 味道不錯!我個餐仲送左個果凍, 但佢寫住係"芒果果凍",但上果個應該係荔枝味的, 有極少荔枝味加上係透明色的!埋單唔過一百, 萛係經濟實惠的晚餐, 但下次我一定叫過其他野囉..........

好好食！同埋成日都新野出....裝修都唔錯

響旺角區想搵間食店, 快快趣趣食d野先去飲番杯, 要環境唔差食物又唔好難食的話, 沙嗲王應該都符合要求.朋友穩陣地order香芽豬扒蛋飯, 據報係一貫水準, 無驚喜亦唔會失望. 我就身痕, 無野搵野黎搞, 走去叫左碗麻辣牛肉米線, 一如所料地唔係幾好味. 湯底唔算非常辣, 亦唔麻, 但好油. 牛肉係薄肥牛, 同個湯有點格格不入. 唔算好難食, 不過, 都係叫番沙嗲把啦.另外點左個葡汁四蔬, 味道一般, 不過份量幾大.無叫飲品, 埋單都差唔多$110, 都唔算平喎.