池記 (已結業)

近排天氣轉，有啲唔舒服，想食吓粉麵，所以去咗池記。咁岩未過下午茶時間，仲有得食下午茶👉🏼牛腩麵雖然睇落係少啲，但味道唔錯。牛腩唔un, 好入味，仲有2大舊蘿蔔，麵麵係爽又彈牙嘅。👉🏼牛筋麵有好多舊牛筋，而且舊舊都好滑好有膠質，係好味嘅牛筋，略嫌麵太少。👉🏼熱豆漿都唔錯，唔會太甜，幾有豆香味。👉🏼熱薏米水有半杯都係薏米，飲咗一啖先知原來係檸檬薑薏米，有少少辣，又有少少檸檬味，幾好飲。我個人鍾意食薏米，細細粒好好咬，覺得薑味太重，可以少返啲薑，應該會好完美。

下午茶餐星期一至五2:30-6:30 pm，如果唔太餓，早些吃晚飯也不以。水餃麵，水餃有3隻，餡料有大大隻蝦、筍絲、木耳，一起吃很爽脆。問過員工，平時叫水餃麵也是一樣份量，只是下午茶加多$1 有埋飲品。另雲吞麵是有4粒雲吞的。特別一提是麵，完全無皂水味，麵質爽口彈牙，值得再來吃。熱薏米水，飲一啖，味道有些似蕃薯糖水味，但明明見到好多薏米，無理由的，原來內有拍爛煲過的薑片才令人有這錯覺出現。如果能減些糖份是不錯的健康飲品。

由於食完嗰個極速晚餐之後都係覺得唔係好夠飽，所以我們喺戲院睇完戲之後就即刻去咗朗豪坊入面嘅「池記」食宵夜！我們叫咗雲吞麵、牛筋雲吞麵同豬軟骨雲吞米粉套餐，雲吞嘅外皮都幾軟滑薄身，餡料嘅蝦肉都幾爽脆，牛筋嘅質感好煙韌軟滑，而且相當入味，豬軟骨嘅肉質就有啲硬實，唔係好鬆軟，軟骨就超硬身，完全咬唔到，至於幼麵嘅麵質非常煙韌彈牙，但米粉就比較腍身！上湯芥蘭嘅湯底味道都幾清甜，芥蘭唔會煮到過度腍身！炸鯪魚球炸得都幾金黃，質感好爽滑彈牙，味道都幾鮮味！

今朝見有少少病，所以就去咗池記食粥，本身諗住去屋企附近粥舖就算，但係媽媽話要去朗豪坊買嘢，所以就同媽媽黎左一去到，就見到外面有條欄杆，係俾人排隊嘅，但係就冇人排隊，我哋就入咗去，我見大部份都係遊客，我哋就比安排到一個二人座位（都係搭枱）我見到個餐牌，有少少唔敢叫，因為見佢一碗粥加菜再加飲品要70幾蚊 諗住同媽咪講唔肚餓，但係阿媽已經幫我叫緊艇仔粥俾我 叫我飲烏龍茶等咗大概10分鐘左右，艇仔粥就到啦，見佢都算幾大碗！冇咁大罪惡咁，不過艇仔粥就真係好唔足料，想食嘅肉，得好少，可能平時食開小店，好足料，相比之下覺得呢度比較少 有少少唔開心之際，反而覺得烏龍茶都幾好味，不過見佢茶葉係好似平時茶樓沖出嚟嗰啲散出嚟 最好食係冬菇！大大個，好入味！醬汁做得好好唯一算係幾滿意嘅

黎到朗豪坊想食快靚正既野食池記可以幫到你午餐時間黎到池記 係外面排左一陣隊好快便獲店員安排座位同朋友一齊叫左一個套餐 再叫一碗河粉招牌雲吞河粉 豬軟骨河粉非常入味豆漿係我的最愛我地買左好多野 店員貼心咁幫我地攞左張椅子比我地放係上面食滿五十就送六蚊優惠卷 我地食滿一百就送兩張 好抵

今晚又係facial night，但好不幸地病咗，唯有乖乖咁在旺角搵粥食。7:00有90%坐滿雖然餐廳外有餐牌寫住單點幾多錢，但一坐低見到呢張餐紙有set餐，就好自然想叫套餐！最後我叫咗：艇仔粥、上湯菜心、熱豆漿個粥煮得夠軟綿，亦好足料。菜心就好驚喜，個湯底夠濃，加咗杞子變得清新一點，而菜心烚得剛剛好，唔會太硬，好易入口；而熱豆漿就夠熱（我食晒成碗粥同菜心先飲，都仲係好熱），豆味充足。7:45走既時候，出去已排隊等位了承惠$76，我覺得超值！駛費夠$50會送$6 coupon一張添結論：超級滿足的一餐！（不過對面個女人叫的麵就好細碗，睇黎叫粥抵食啲）題外話：最近朗豪坊有蛋黃哥主題展覽，所以食完池記可以影下相～

雲吞麵配熱飲壹杯 (薏米水/豆漿/奶茶) (轉凍飲加 $3)HK $40今次係第一試食池記。到左下午茶時段仲未食 Lunch，經過見池記有下午茶餐就入左去試下。雲吞有四粒，雲吞皮薄身，蝦肉彈牙。麵方面我就覺得硬左少少，五夠彈牙。下午茶餐會跟一杯熱飲。豆漿味道都可以，五會太甜。

今天星期六都是聊聊可數的幾個人，和以前排長龍有很大分別。叫了一份雲吞麵套餐，麵一入囗就立即有一種災難性的感覺，麵入口即溶化，一點囗感也沒有。不是煮得耐，根本就是爛麵，完全不是麵的感覺，好像吃一囗麵粉。至於配套豆漿更衹是白色的液體一杯，一點豆味也沒有。唯一是桑寄生茶還可以。和以前比較相差非常遠。可以黑名單。就算朋友請都浪費我的時間。裝修後環境是比較好一點，但對我們本地人來說是希望吃到質素，但現在這間池記就好像在呃遊客

只係想講米線唔夠林仲硬硬地豬軟骨夠嘅"超值套餐"其實仍然有點貴不過最扣分嘅係叫左杯凍豆漿點知有陣薏米水味我以為自己飲緊薏米豆漿飲左一半已經唔想再飲唔該洗乾淨啲🤦🏻‍♀️

池記經過很多次，但從來都沒有試過。過去聽朋友說，池記已大不如前，現在的池記已被國內的同胞攻陷了，所以質素每況愈下一次。早前經過，見時間尚早，便入去吃個早餐。叫了個 魚片粥、上湯菜心、意米水。魚片粥不過不失，水準一般。菜心的上湯則不錯， 但菜心有點硬身。不過值得一題就是薏米水，真心不錯。

雖然唔係經常嚟食，但呢間嘅麵真心覺得唔錯。已經都算比較早嚟到，都基本上坐滿人，個人覺得呢到嘅麵夠爽口，湯底都可以，除咗單點之外，仲有套餐選擇，可以根據個人喜好進行搭配，除咗麵之外，雞翼我都幾鐘意，有南乳嘅香味，表面炸過夠脆，整體食落唔算太熱氣，仲有飲品，薏米水唔會太甜，帶有些少姜味。整體性價比都算唔錯，出品速度都可以，不過店鋪就只收現金，呢點有少少唔係咁方便，畢竟依家有唔少支付方式，如果提供多d選擇會比較好。

旺角池記品質旺角鬧市中逛逛下朗豪坊肚餓，未諗到食咩，又想食麵又想食飯又想食粥又想食糖水，仲未決定到，就入一間有齊粥粉麵飯糖水的中菜店，咁就可以滿足到朋友想食飯我突然又想食粥的要求。朋友點了五寶湯河，配小食炸雲吞，飲凍薏米水，見他食得津津有味，應該味道不錯。我點了艇仔粥，配香炸雞翼，飲熱豆漿，好夠飽肚。 粥底夠綿，雞翼香脆可口，配埋熱豆漿飲，冬天啱晒。服務收銀的忙著收銀，帶位的又忙著眼望店內位置不停帶位，朗豪坊鬧市區特別多客人，眼見每位員工都在崗位盡忠職守，又面帶笑容，這種服務態度很好。清潔店內同店外清潔環境都很好，完全沒有垃圾同水積，令人食得放心又舒適。記得以前來光顧裝修是有一面牆有齊十二生肖的牆畫，現在是以金色為主的麵，有動感又令人想食招牌麵的衝勁，裝修設計得很好，最重要是牆身乾淨，餐具同杯碗都很衛生，令人會想坐耐點慢慢享受美食。價錢星期六假期來食比平日下午茶食要貴少少，平均每人$80食到一個套餐，有得選擇粥粉麵飯加小食或糖水，合理過附近的食店。By Good Chui

飯腳同事今日唔舒服，所以食得想食得清淡啲，就建議食「池記」。套餐四: 麵 + 飲品 + 小食 $84牛筋雲吞麵雲吞有四粒，皮薄蝦肉大隻。牛筋份量都算多，質感軟滑，炆得好腍。而麵係幼身，麵質OK，但有梘水味。紅油三寶 (雲吞、鯪魚球、水餃)紅油三寶每款有兩隻。小食黎講，份量都算多，而且都算大隻。味道唔係大突出，係紅油醬汁夠香夠辣，好惹味。桑寄生茶 除咗糖水舖，出面好少餐廳會有。女性恩物，梗係要飲番杯補一補。桑寄生茶唔算好甜，好飲。

話說約朋友去樓上睇戲，見到仲有時間就上咗四樓覓食，見到池記有下午茶食，就入咗去。坐低後見隔離檯有國內客食 蟹粥，仲對距讚不絕口。坐低見到餐牌上一個價錢 可以叫菜食又有嘢飲 好似幾好咁， 於是我同朋友決定唔食下午茶 ，而叫咗一個蟹黃粥套餐share來食 ，一於試下距有幾好食。

今日係食午餐…雲吞水餃麵同吉列豬扒。雖然只係碗普通雲吞面，但雲吞大大粒，鮮蝦飽滿爽口彈牙。麵條軟硬適中。跟餐仲有一杯凍豆漿幾好唔錯唔會太甜 地點方便 - 小小排隊都無所謂。招呼都不錯，有人同我說歡迎光臨。走時候姐姐和我面帶笑容。