池記 (已結業)

近排天氣轉，有啲唔舒服，想食吓粉麵，所以去咗池記。咁岩未過下午茶時間，仲有得食下午茶👉🏼牛腩麵雖然睇落係少啲，但味道唔錯。牛腩唔un, 好入味，仲有2大舊蘿蔔，麵麵係爽又彈牙嘅。👉🏼牛筋麵有好多舊牛筋，而且舊舊都好滑好有膠質，係好味嘅牛筋，略嫌麵太少。👉🏼熱豆漿都唔錯，唔會太甜，幾有豆香味。👉🏼熱薏米水有半杯都係薏米，飲咗一啖先知原來係檸檬薑薏米，有少少辣，又有少少檸檬味，幾好飲。我個人鍾意食薏米，細細粒好好咬，覺得薑味太重，可以少返啲薑，應該會好完美。