池家石磨腸粉 (已結業)

又到外賣時間，午餐點了這家池家石磨腸粉，這一間舖頭的名字叫石磨腸粉，我想石磨腸粉一定是他的招牌菜，所以點了一客，還叫了一個飯和一個湯，送餐服務很快，大概25分鐘就送到來了。石磨牛肉腸粉 $3232蚊一客不算是便宜，不過中上環價錢黎說叫ok, 而且份量算大碟，我想腸粉也是即埸食會比較好吧，腸粉唔算特別滑，米味亦唔算濃，牛肉味道比較清淡，整體來說不過不失土魷肉餅飯$40肉餅幾好，調味唔錯，唔會太鹹，如果肉汁多點會更好椰子、粟子、杞子、玉竹、走地雞原盅燉湯$44這個湯在餐牌上標榜無添加，湯內夠足料，而且沒有油膩感，但味比較淡，餐廳好細心，在外賣內加了一包鹽，我加了一點點，就好味好多了

平時經過都有留意呢間鋪，見到啲食評都話OK所以諗住試吓，點知仲晒伏，要個牛肉腸粉，入邊啲牛肉全部加埋都唔知有冇1湯羹，其實真係好似食緊齋腸但係唔小心俾咗少少牛肉你，腸粉個質感好散都唔知食緊啲乜嘢，亦食唔到有啲咩米香味，成件事一夾起就散開，當然你可以話呢啲係石磨所以係咁，不過前提係要好食，唔好食嘅都係唔好搞咁多嘢，價錢又唔係平，$28買盒齋腸仲要難食，真係好唔值，搞到我平日都唔打食評我都要打。真心覺得千祈唔好幫襯，食完真係會嬲。

本人最like食腸粉尤其是拉腸，朋友介紹上環的池家，今天特意去幫襯，結果極度失望，難以入口的腸粉今日算是try過了！豬肝拉腸: 裡面的豬肝又小又乾又硬，粉質調對比例唔好，超硬，醬油非常非常鹹，只試咗1口就唔想食了。我見有滷味食品也便買來試下，點知已經變了味。最後講下店員太度，個個好似魂不附體，問非所答。唔會再有下次幫襯。

上環皇后大道中365號地舖有間街坊小店「池家石磨腸粉」店舖細細，主打蒸飯及腸粉，齋腸粉要15元，價格還單合理，因為每天即做即制用石磨機磨製米漿，餡料有帶子、鮮蝦、豬肉、牛肉、豬膶等。開張時我曾食過腸粉和燉湯感覺不太喜歡，腸粉黏黏的味道偏淡，看起來都沒有食慾。燉湯材料是好足料，比一般茶餐廳例湯好飲一點，但還是味精湯。今日同事叫我一齊叫外賣，我只好再幫襯多一次，諗住食蒸飯安全啲。雲耳走地雞飯，十分十分油，肉質比較硬和柴，最令我感到反感是有件雞頸完全是個人喜好和飲食習慣，雞頸打針部位，激素累積，真的不能吃，會令人體荷爾蒙失衡對身體不好。雲耳好入味完全吸收了精華。整體來說店家口味清淡少鹽少味精，不過不代表不油膩。😆

幾次經過呢間腸粉店都無機會幫襯今日特登早少少過黎試試店鋪賣石磨腸粉，真係有個石磨喺度可能真係用黎整粉漿店入面仲有賣自家醬料同菜莆今日趕時間，只能外賣呢度都有兩三個位可以堂食如果堂食，就可以任加醬汁同菜莆喇🤤叫左一份齋腸同一份蝦腸以早餐價錢黎計算偏貴但以酒樓腸粉價錢黎講就唔貴腸粉皮果然好細滑齋腸主要靠佢個豉油同附近嘅菜莆黎調味豉油同菜莆都唔會過鹹👍👍蝦腸足材料鮮蝦味道都唔錯下次再想食腸粉早餐都會再黎幫襯！

喜歡清清淡淡的你 必須來這試一次。小小一家店 連石磨機也存放在店內 店主說每晚也努力磨才夠一天份量呢石磨機已經是電動的了 石磨上是每天為大家辛勞的痕跡~除了一般餐牌外 每天有A/B飯湯套餐供選擇！今天是打算買3人份量的～蒸得很薄 跟平常的腸粉真的一點也不像，清清淡淡 靠豉油再帶出層次味道是碎牛肉，牛肉不算多腸粉份量 如果午餐一個女生應該還可以，男生食就差點了，提意要再配其他食物好點！多叫了一個湯給自己， 是「真」沒添加的 連鹽也沒，非常清！ 份量也不大！飯份量不少，相對湯的清淡，蒸肉餅是濃味的！椰子是烏雞湯！看到就想飲，慣例也是沒糖的，不像平時豆漿濃厚度 不濃不甜倒是我喜歡的

過海搵平嘢食幾唔容易.....呢間算係咁石磨牛肉腸粉 $28蒸飯同腸粉都係店內主打齋腸粉就只係15蚊石磨腸粉充滿米香，腸粉質感軟腍而黏身唔同餡料有帶子、鮮蝦、牛肉、豬膶、豬肉等不過我覺得腸粉味道偏淡，加少少豉油調味就好好多無花果、玉竹、百合、黑毛豬排骨 $30揀咗一款燉湯飲，幾清甜豬油渣撈米粉 $18好耐無食過豬油渣撈米粉，試一試，唔算油膩，油份剛剛好得嚟又香濃。石磨豆漿（細$8；大$10）豆漿無添加幾清甜，呢支無糖豆漿當水飲都得

而家新興左石磨腸粉嘅熱潮，偶然經過呢間好細嘅餐廳，見佢主打石磨腸粉，就入咗去試一試！叫咗個牛肉腸，店員都好細心問我要唔要落蔥。喺等緊個腸粉上碟時都有望一望店舖提供嘅配料，佢哋有自家製XO醬，辣菜甫，特辣辣椒。主角腸粉，非常之滑亦有好香嘅米漿味，配埋粒粒牛肉嘅香味，非常之惹味。如果地方唔係咁遠，我應該都會成日嚟幫襯😋

呢間既石磨腸粉係唔錯的，有時早餐我都會買黎食，好味又夠飽。咁有日我就想試下佢既飯同自家製飲品，簡直係大伏，伏到我連腸粉都唔想再幫襯佢。我揀左個蟲草花雞蒸飯。先唔講啲雞味道咸到完全食唔落，有乜理由得4件雞肉，有2件係頸，見到都唔開胃。另外2件係骨多過肉既迷你雞胸黎，蟲草花入面又有啲奇怪既長籤，見到都覺得難過。跟住仲有個糖梨檸檬，淡到飲得出水味。食左幾啖飯同飲品，覺得我去飲水比較安落。 經過呢餐，我應該會永久blacklist呢間池家。

大伏 我信佢真係冇落味精 因為個湯真係淡到冇朋友 d湯料同d湯水唔融合架 重點係蒸爐拎出來點解都不太熱？ 而且個湯面有一層油⋯⋯好癲仲要超唔環保 用膠餐具，堂食都用外賣盒蔥花蝦米腸，你睇蝦米小都算，說好的蔥花呢？料小都算，分布又超唔平均無心做同齋腸分別不大（真心） 唯一可取之處係佢有自家制XO醬不錯吃！但我係一定唔會浪費錢再去過完全係無誠意之作 食完覺得浪費錢同心情差到要打食評

Walked pass this shop before, looked interesting particularly for someone who like dim sum Cheung fun.This morning I decided I am going to try this, and I managed to get my colleague to have it too, so can try different things I ordered it to be taken away, one portion of Prawn Cheung Fun, one portion of Cheung fun with dried shrimps and spring onions, and a bottle of soy milk.Prawn Cheung Fun was so so, though the Cheung fun itself was very nice.The dried shrimps and spring onions was nice agai

看過幾篇食評後， 一心來上環 吃城中大熱。  以外賣為主， 只有三數個堂食位， 但近乎無冷氣， 所以強烈建議外賣自取。 菜單一眼睇晒， 蒸飯、腸粉和燉湯。 而每款湯也有例明其功效，售價由 $28 起， 我點了最平的五指毛桃， 玉竹， 黑毛豬骨湯 $28  (功效:健脾去濕、 強健筋骨) 以紫沙燉盎奉上， 湯清如水， 老實說未加鹽前真係同水無乜味， 加左鹽後好小小， 但完全欠缺燉湯祇有的清甜。 可磨牛肉腸 $28 即點即做，其貌不揚， 又名皺皮腸粉。 入口細滑口感比一般腸粉更煙韌， 但牛肉錎太小，也吃不出牛肉味，拖低評分， 全靠甜豉油提味， 性價比略低。 太多即棄餐具吾環保！

常拜託附近的同事幫我帶到公司但最近越來越多人排隊私心希望人不要太多，但小店值得支持還是和大家分享比較常吃豬肉雞蛋腸粉豬肉是免治肉不是一片肉和腸粉口感很搭也吃過豬潤雞蛋腸粉豬潤量是不多喜歡明顯豬潤味的人可能會覺得麻麻地喜歡這家腸粉但醬汁味道比較淡據說是店主想讓街坊吃清淡點湯目前還沒喝過同事喝過說是家常媽媽口味每天的口味不太一樣如果要特定口味最後和店主確認免得白跑一趟上環能有這種店感到幸福大家有興趣自己去試試啦

剛開業時曾食過一次，可能當時店員仍未熟習手藝腸粉支離破碎，食時有不少未蒸熟的粉粒早餐食到一肚氣，本想馬上負皮但既然是新開張的小店，事隔一星期後再試一次才下定論這種新興的腸粉，與皮光肉滑的港式布拉腸粉不同外表是皺皮的麻花狀，米香味會較突出，即點即做石磨蝦米蔥花腸粉 $18腸粉是完好無缺，令人感動外皮帶點煙韌，有很香的米香味，蝦米粒份量不少加上蔥油香菇豉油 和 少辣脆口菜莆令味道口感不單調總括而言，質素明顯比初時有所進步，希望水準不會回落雖然味道不算出眾，不過不失但附近沒太多選擇，早餐的話是會支持一下

最近，我搵到一間喺上環皇后大道中 Pacific Coffee 隔離嘅新店 <池家石磨腸粉>，主打賣燉湯、石磨腸粉、蒸飯、自家製飲品...等！ 現時上環區，除了蘇杭街的 <球哥燉湯> 之外，又多一個選擇嘞！絕對是上環區上班一族及上環街坊的佳音呢！在4 月尾試業期間，原盅燉湯由 $26~$56  不等，5/6 正式開業後，價格稍為調整至 $28~$78 不等；價錢貼地又款式多選擇！ 標榜無味精，飲得安心又健康！老人家及小朋友都啱！店方也有供應鹽給食客自行加上！ 由試業至今，我幫襯了6次，在店內堂食期間，也聽見有去醫院探病的食客走來買燉湯！老闆娘熱情好客！見女食客幫襯，通常都會叫靚女或者阿靚，真係好好口呀！堂食有幾個位，主要做外賣！此外！店方用上環保材料製成的餐具，可見小店亦為環保出一分力！值得一讚！燉湯原盅燉，連埋湯渣！ 老闆娘話原盅燉湯絕無味精㗎，連鹽都無落，外賣會附送鹽包！花膠、螺頭、淮山、杞子、走地雞湯 $65花膠一整塊，真材實料！亦相當足料！ 湯底清澈卻不失鮮美，加入雞會出油的關係，相對較油！具滋補養顏健腎強壯功效！石磨腸粉石磨豬肉雞蛋腸粉 $28