永華日常 (利東街)

營業中

休息中

跟其他中伏食評差不多，呢間店的甩甩漏漏真係嚇怕人。好少可寫咁長食評~之前在佢九龍灣分店已經試過佢漏單狀況，真係催完又催再三催四請才有得食，之前以為自己個次唔好彩，原來... ...之後有次朋友話要來利東街呢間分店食，咁個次冇甩漏，食得幾開心。今晚凍冰冰，就諗住入去開開心心食雲吞牛腩蠔油撈幼麵，結果係食到冇晒mood。個app有得揀酸蘿蔔，我揀了要，不過由頭到尾連蘿蔔皮都未見過。迷！亦懶得問，why?  因為跟店員的不斷溝通，感覺就是好疲累。首先等來我的撈麵，點解冇了蠔油？莫非老眼昏花篤app時篤錯嘢，碟嘢乾淨淨點吃？即刻叫阿姐俾啲蠔油俾我，佢非常詫異我竟然要蠔油，我亦非常詫異唔通我有錯？即刻開個app一查， 真係個廚房或傳菜出錯。見到佢拎個幾滴蠔油出來，我咁大碟麵點夠沾🙄，咪禮貌地同佢講我點的是蠔油撈麵，你哋俾漏了蠔油俾我。佢自己望吓張單，笑笑說係wor，我叫佢再加蠔油俾我，佢竟然回應：頭先又話要少少！唉😩！我鬼知貴店同閣下都咁孤寒，真的只俾幾滴💦。最後碟蠔油就只係少少咁墊過調味碟囉！我都唔想再糾纏，只想快點襯熱食個麵，點知呢個時候我發現冇匙更😩！又要叫阿姐，又要等😩。最後我等到的是一

試過漂泊異鄉嘅我哋，特別掛住香港地充滿人情味嘅茶餐廳🥹利東街入邊有一間茶餐廳叫永華日常，放假行街攰攰地，嚟呢度嘆下午茶就最啱feel ！🥇燒汁雞扒配波羅及雞肉碎蛋沙律🍍呢個係新menu（永華會不定期更改菜單喔）佢哋唔慳皮唔求其，簡單一份茶餐都會滿足晒大家嘅需要，一塊煎雞扒上面加塊波羅其實已經生色不少。🥈熱香餅🥞配炸薯條🍟及雞肉碎蛋沙律平時嘅茶餐通常都係配塊多士，呢度竟然係有熱香餅😯值得一讚嘅仲有佢哋嘅碎蛋沙律仲會加雞肉，感覺好有營養！🥉法蘭西多士配薯條🍟及雞肉碎蛋沙律西多士一如既往，新鮮出品，做得好好食🤤伴碟仍然配有沙律同薯條，就算一個人去食無得同人share，都唔會食到悶！🐷🛎️ 必試指數 : 8.5/10 🌟#永華日常#wingwingpiglife

新年最後一日公眾客假期嘅下晝，朋友原本想去隔籬街食黑松露蛋三文治，但嗰度冇位，就嚟咗呢度，貪佢唔使等。佢開咗咁耐我哋都係第一次嚟，應該亦都係最後一次👎。雖然裝修幾靚，佢就標榜自己係老牌茶餐廳，所以啲侍應嘅態度都算係茶餐廳最差嗰啲，問其中一位男侍應，跟餐有咩嘢飲可以揀，佢明明揸住個Menu，就係都要話「咪茶餐廳嗰啲嘢飲囉」🙄好啦，到你諗住調整心態，真係當佢係茶記嘅時候，諗住佢可以快靚正啦，問另外一位女侍應要多隻碗仔，點知佢話要幫隔離嗰張枱帶埋個位先喎，乜茶餐廳都有人帶位嘅咩？🤦🏻‍♀️不知所謂至於啲嘢食就有相為證啦。兩個人唔太肚餓，嗌咗一個餐，包括一份三文治、三隻雞中翼、一杯凍鴛鴦（冇影到），加一細碗合桃露share，買單都要$84。茶記？真的嗎？現時有唔少幾十年嘅老牌食肆，被集團收購，除咗繼承咗個brand name，啲recipes，加埋連鎖/集團化更高效嘅管理，應該越做越好；點知佢好嘅唔學，淨係注重樣靚扮懷舊好打卡，啲人（當時店內有三位侍應同埋一位經理）都唔care啲顧客，真係嘥咗人哋幾十年個名😑

由於阿女在附近補習，都有機會來這裏吃下午茶，今天路經灣仔，未決定吃什麼的情況之下，亞女竟然說想吃這個餐廳，所以也坐下了。12點，不用等。自助網上叫餐非常難用 。很難才找到，我想叫的菜式，需要改善。小朋友都是叫了通粉，老婆叫了撈麵。看見有特色的辣腐乳carbonara，雖然並不便宜，但是好奇心驅使之下，還是叫左碟。小朋友的快餐沒有什麼特別。豬手牛筋腩都好食，麵不夠爽口，可以改善一點。腐乳意粉方面，做得比較乾身，意大利粉非常上汁。腐乳味道不算突出，可能是給芝士蓋過了。還是吃得出有點點辣。臘腸，只得五粒，當係點綴算吧。雖然幾特別，但是個人認為偏貴。

同朋友行完山，出咗去灣仔，諗住食啲嘢就各自回家。其中一個朋友話簡簡單單食個茶餐，揀咗呢間，諗住好坐啲。各自叫了一個茶餐，結果：沙嗲牛肉麵 >>> 難食咖喱豬扒飯 >>> ok吉列豬扒湯烏冬 >>> 難食菠蘿雞扒 >>> ok好食叫餐時同個侍應講「唔該畀啲水我哋」，結果佢畀咗一杯水我🙄。四個餐基本上係十分鐘嚟一個，個菠蘿雞扒茶餐就足足等咗四十多分鐘才送到。追咗侍應好多次，佢哋嘅反應係「哦！幫你追」、「哦！幫你追咗啦！」，一啲唔好意思嘅表示都無😡。

今日食邪惡下午茶，嗌咗一整舊，黑萌萌的長嘆西多士，另外再嗌咗沙嗲牛肉公仔麵下午茶餐，配果醬牛油多士，仲要飲熱鴛鴦走（即加煉奶）。勁！長炭西多士，上面有溶緊嘅牛油，已經感覺到邪惡。切開，裏面有棉花糖，粗粒花生醬及少少牛油。食落口，感覺麵包非常非常之鬆軟，日式麵包的級數，配搭花生醬及溶溶地的棉花糖，效果相當唔錯，有驚喜。認真食落，這舊黑色西多士，不像傳統西多士般口感邪惡。傳統西多士，麵包上的蛋漿，充分吸收了勁多的牛油及糖漿，內𥚃是花生漿，盡是邪惡的口感。但這黑色長炭西多士，反而感覺較少負擔，但又都好味，滿足到需要邪惡食物的心理安慰。得！沙嗲牛肉公仔麵下午茶餐，樣樣都正正常常，冇乜特別。

經過未黎過，見地方光猛、乾淨，唔洗排就入黎試下啦～ 😝餐牌有好多款野食， 飲品都多， 仲要分要飲管 x 飲管， 好細心～ 我唔想食雲吞麵， 所以叫左常餐$60焗豬扒飯$882樣都麻麻， 好普通，同太X無分別，+8轉特飲凍鴛鴦紅豆，得幾粒紅豆🫣反而係舊舖我成日飲既桑寄生蛋茶仲係好飲😋服務ok, 焗飯等左好耐， 阿姐同我講唔好意思，我話唔緊要，不過飯都係暖既🤔阿姐聽到即刻話，同我講嘛，我幫你取消或者換另一個，我話唔使啦， 唔想再等～算啦～

因爲要趕7:30去中環睇戲6:20順利入座，諗住入嚟呢度類似茶餐廳應該有足夠時間，同埋個dinner menu 選擇都吾錯。首先用自己iPhone 落order 本來係好事但係個menu都幾唔friendly 幾蝦人用，可能係我自己問題，以為噤咗confirm 但其實原來跳咗出返去上一頁落嚟落去搞咗好耐終於落到單，冇幾耐海南雞飯嚟咗，另外焗豬扒飯可能需要多少少時間，明白嘅，咁一路食一路等啦，發現中伏：海南雞飯個雞吾只吾滑仲有D食擦膠嘅質感，咁算啦海南雞飯真係唔係間間都啱心水，吾緊要最多下次嚟E間吾揀E樣，跟住等咗好耐見隔離枱遲好入座但係個侍應比咗個焗豬扒飯隔離枱！跟住當然揾佢哋跟進，員工入去睇完答案係焗緊，又再等咗十五分鐘，先話漏咗單…其實應該係我哋個order 比錯咗人，乜都好時間過咗冇得返轉頭，等到7:05先食到都算正正常嘅焗豬扒飯，拿拿聲食完跳上的士，有少少嬲不過算啦當我哋今日吾好彩，不過永華管理屬應該好好訓示一下🤔

今時今日$30食到一個什扒餐而味道又OK嘅，真係冇得投訴多謝旅發局優惠！店內有位女職員，態度非常好和熱心，見到我一個女士不知如何入手切份雜扒，主動問我需唔需要比隻碟我分開切啲扒，由於我嘅食量唔多，最後我只係食咗一件豬扒同條腸仔，其餘就要拎走，職員亦好熱心問，係咪啲嘢唔好食，點解食咁少，要讚

其實我真係唔想有間甘差既餐廳相佔我版面…但真係有點離譜今日經過利東街， 本身想試下佢既豐盛餐好似all day甘乜都有，入到去佢地個落單日app首先唔user friendly,於是叫店員落單，可惜係..豐盛餐冇晒，另外來叫一個三文治又無…豬手又無…問後決家只叫碗下午餐蕃茄通粉配多士，朋友叫了腐乳鹹牛肉意粉….落單時間1358…慢長既等待，先係半個鐘後上左去最簡單的凍檸水吹咗幾次之後，1445終於見到我碗通粉（多士仲未到）…第一眼上枱，我以為比人食過…賣相🤮而味道..佢竟然可以做到蕃茄湯底但得一個辣味…冇蕃茄味，好難食..食左幾啖就放棄了等多陣，多士來到，入面既醬料太甜，仲總算叫食得落口（等到超餓）…而最後，足足一個鐘另一碗都未到最終叫佢除消，我覺得我哋嘅忍耐力已經好高🫠最終店員應該是經理有道歉，然後話杯飲品照優惠番我地只收$8 （跟餐加$8）…無語其實我都係第一次遇到等一個鐘既茶記，唔會再去了😐#左右幾台都係甘吹

Food quality & customer service are good except the idiot place order APP - least efficient, not user friendly compare to others. Pls check Beans restaurant APP. If you are rushing for a meal in peak hour, absolutely it’s a show stopper. Can APP place human? Absolutely it’s a good show case here. If you want to gain customer experience, Either enhance your APP or get rid of it.

叫咗個早餐、只嚟咗個米粉。等咗好耐多士煎蛋仲未到！😡😑點知見到隔離2張枱都遲過我嚟既都已經有哂成個早餐！見待應過嚟、佢大大聲話等等先、唔理人、走咗去！不知所謂、要再叫另一個！安排入座態度又差！以為自己5星級茶餐廳！

平日午市嚟到 見今日嘅午市套餐唔太啱食 所以全日餐牌揀咗兩個餐😂其實好似仲平過午市套餐✨滑蛋雞扒飯 $54配熱檸茶 +$4🐓雞扒不算大塊 煎得有點似蔥油雞扒 🥚滑蛋份量不多所以不太有存在感🍚白飯的份量很多 都夠乾身✨常餐：香煎豬扒麵配炒滑蛋及丹麥多士 $52配凍檸茶 +$3🍳炒蛋一般 應該無落牛奶炒 所以唔太滑 一般般👎🏻🍞丹麥多士好酥脆 如果有牛油會更好食☹️🐽豬扒一d都吾柴好淋👍🏻👍🏻揀咗韓國麵底🇰🇷🍜麵質好食有口感 湯底都有味道廚房出餐的速度有待加強 男朋友杯凍檸茶催左三四次 到差唔多食完先肯上😑😑😑望見隔籬枱一行五人 見有其中一位既餐好遲先上 其他人都就嚟食完😥😥我都明白樓面嘅職員都好忙 但佢哋好似都缺乏溝通咁 佢哋分別拎咗三次單據俾我😵🤷🏻‍♀️今次試既食物質素不過不失 不過下次可以嚟試下佢用廖孖記腐乳整嘅菜式🍝仲有個黑色既長嘆西多士🍞都好似好吸引😍㊙️系牛角集團旗下的餐廳 我有銀會員 所以有9️⃣折記得用app拎定飛啊 唔係會員都拎到㗎😬😬

平時好少寫評 但今次真係好想寫一下 9:30 am 黎到門口 見到門口有一堆人等位 ，有5張飛左右，以為好好生意 但原來裡面好多吉位, 心唸如果早餐有雲吞麵真係想試下 ，但原來無都係一般早餐款式，最後叫左餐廳推介沙嗲牛肉麵配炒滑蛋 熱奶茶！ 見到份炒滑蛋炒到似蛋皮 ..我以為我誤會咗係普通炒蛋，但餐牌係寫炒滑蛋 ，所以問清楚後，男職員話唔好意思，好快換過份 ，但對比其他茶餐廳的炒滑蛋 賣相 、味道 、份糧就真係差好遠，沙嗲牛肉麵味道偏淡唔夠熱 ，牛肉好乾水.. 真係唔會有下次啦！

餐廳位於利東街，係灣仔站B2出口，行4分鐘就到達，今日係星期四夜晚7點入坐，餐廳好寬敞，有好多位置，今次同朋友order左以下食物👇 廖孖記腐乳芝士臘腸卡邦尼意粉（$92）：估唔到腐乳同意粉可以咁夾🤩再加埋臘腸，令到整碟意粉都好有鹹香味，值得一試👍滑蛋豬扒飯（$54）： 豬扒好大塊，雞蛋好滑身又唔會好熟，白飯還加左少少豉油， 值得推介！西冷牛扒配薯角（$88）：牛扒好大塊，薯角亦都有好多，用鐵板熱住，唔會好快凍曬😁長嘆西多士（$48）：竹炭厚多士，打卡一流📸多士好香好脆，一上枱已經有牛油係面，入面重有棉花糖同碎粒花生醬，味道好夾，口感鬆軟，好滋味🥰🥰好邪惡👿南乳豬手（$78）：一碟有成9件，味道好濃，抵食👍鍾意食豬手嘅你不妨一試😍上湯菜心（$32）：是日有菜心或芥蘭，亦可以選擇蠔油或上湯，一上枱見到菜上面加咗好多蝦籽🦐味道不錯👍飲品方面，order 左奶茶紅豆冰、紅豆冰，兩杯都有好多紅豆👍味道ok😁整體而言，餐廳位置方便，食物好食，腐乳系列好值得一試，而且食物份量都算多，適合同一班朋友一齊黎試下👍