永興冰室

營業中

休息中

焗鮮茄豬扒飯多士盒 ($68)本身冇特別期望 諗著都係普通茶記焗飯擺左落多士盒到學下出面餐廳啲gimmick嘢 但點知食落喜出望外 真心覺得好食過羅麥記🤩❤️豬扒食落肉質軟諗 一咬就分開 唔鞋唔un 仲票有好多塊👅面頭茄汁夠多 唔會食到最後好乾身炒飯底唔油 正正常常冇咩特別個多士盒係最值得讚❤️一切落就知烘得脆身之餘仲要係好鬆化嗰隻唔會硬gwakgwak咁 易切仲要好好食!! 我覺得呢樣做得好過羅仔記好多🤪🤪值得一試喔呢個!-抹茶蛋撻 ($7)見到個顏色咁綠 雖然都預左係gimmick嘢多 但都總會有此少期望😂不過真係冇綠茶味 係你要好用力dap先食到丁點人工嘅綠茶味同埋我嗰個可能係最後幾個嘅關係凍左☹️

朋友説這餐廳有個大大大梳乎厘，想湊幾個人開心分享。所以必定是點了個梳乎厘，另外點了個我找尋了很久的煲仔飯，蒸肉餅還有炒瀨粉。先評論排骨臘腸煲仔飯，因為天氣涼了，我超掛念煲仔飯，有脆脆飯焦，臘腸亦是我最愛，好吃的。蒸肉餅，很厚身，還好啦，不特別但不會難吃。叉燒炒瀨粉，我是很喜歡瀨粉的，不過炒瀨粉也是第一次見，第一次吃，還可以啦。最後就是大大大梳乎厘，唔…個人來説不是對梳乎厘太感興趣，就是甜味雞蛋而已。這個亦一樣，只是體積較大。如下次想吃煲仔飯的話會再來。

突然想食焗飯，傳統焗飯又無新意，就上網搵咗呢間食多士盒焗飯試吓。個人覺得這間店比起旺角，更近太子~~茶餐廳格局，環境沒什麼特別。可能位置唔算正中旺角，星期日晚飯時間也不算多人，坐得很闊落。點了一個焗鮮茄豬扒多士盒和蘿蔔牛腩迷你窩配飯。先講蘿蔔牛腩迷你窩，牛腩同蘿蔔都夠哂入味，蘿蔔超甜，仲有個爐仔熱著，保持熱辣辣咁食。因要熱著，汁就唔會太稠 (太稠會燶)。 唯一不足是牛腩唔太夠霖，但可以接受。個多士盒就好多汁，好像沿著麫包外殼流出黎咁!! 而且仲超大個!!麪包外皮焗到好脆，點汁食一流!!舖在上面的豬扒是切好搭上去，超級多，估計砌返埋有兩大塊~~翻開豬扒，內蕊就是炒飯底，粒粒都有蛋香~~飯量亦足。成個都超正。  不過太大個，最後食唔哂，估計這個多士盒兩個人食一個就差不多....... 另外個人覺得味道是偏重的~ 適合重口味人士~~~多士盒附送的蘿宋湯也不錯，料超多，啱我想食菜既人~

第一次嚟食，食咗呢個鮮茄豬扒多士盒，其實上面就普通的鮮茄豬扒飯，正常水準，但係呢個配搭勝在有心思，麵包外皮有烘過，外觀邪惡，整體不錯。份量很夠，一個人會食唔晒。奶茶同雜菜湯 (冇影相) 就是普普通通茶餐廳水準。奶茶重茶味，個人比較喜歡重茶味。

💁🏻‍♀️永興冰室 (旺角)🍴-小丸子系附近返工，間唔中會買吓下午茶有一日試左呢間茶記嘅包一試就返唔到轉頭因為真係好好味！！仲要係次次買都熱辣辣呢個綠茶蛋撻（$6）極高質次次都好快賣曬勁重綠茶味酥皮又焗到好鬆化食完真係開心左成個晏晝😍😍😍

一大清早同朋友去左大埔踏單車，但遺憾是找不到個太陽眼鏡，不過都要照去啦。午飯時候講開配眼鏡，其中一個朋友話識人可以平D，即係打電話去問下約時間，午餐後就去左太子配太陽眼鏡，因為有朋友介紹，可以平D，足足平左幾百蚊，好開心😃 可能因為太開心，突然又覺得有D肚餓，就去左附近永興冰室，不用等位，下午茶餐平均$27至$42，今次叫左一個雙併出前一丁下午茶餐$38，揀左餐肉同雞蛋，午餐肉夠厚好味，煎蛋一般，奶茶幾香濃😋

👉🏻焗咖喱雞飯多士盒🍛🍞💲68好邪惡但好好食😽💓個多士盒好脆😻加埋個咖哩汁真係好夾🍛👍🏻不過真係好飽4個人share都搞唔掂😹〰️〰️〰️〰️〰️〰️〰️〰️〰️〰️👉🏻原味雪山梳乎厘💲88超大個🤩不嬲麻麻地梳乎厘但呢個又幾好食👍🏻空氣感啱啱好 但我中意實在感所以我竟然中意食佢底個層蛋糕多啲😹好香蛋白味🤣但明明呢層蛋糕係煮太熟先會咁😹ok嘅不過都係個句好少食梳乎厘冇得compare🤨〰️〰️〰️〰️〰️〰️〰️〰️〰️〰️👉🏻檸檬雞翼撈丁💲45隻雞翼真心好濃檸檬咁🍋夠晒入味🤤不過啲麵就麻麻唔夠多汁☹️〰️〰️〰️〰️〰️〰️〰️〰️〰️〰️👉🏻豆腐班腩飯💲48好一般正正常常 不過都好大份好抵食👍🏻

返工之前食個早餐，去咗永興冰室，一早入邊已經好多人，餐牌選擇好多，總有一款會啱口味。今日食咗早餐三部曲，套餐有好多野揀，揀咗五香肉丁同雞翼，雞翼係雞全翼咁樣上，好少茶餐廳有咁豐富嘅餸揀，仲可以揀兩樣另外配炒蛋餐包。朋友就揀咗餐肉同埋雞翼。五香肉丁湯米個湯底有少少淡，但有五香肉丁都可接受，否則就有點過淡似水了，忘記影炒蛋餐包，炒蛋尚算滑，雞全翼啖啖肉，一起身就勁食肉有啲罪惡感添，但食個好嘅早餐的確令心情靚啲，但而家食個早餐就已經三十幾四十蚊了

約了好友食早餐。太子。見永興人流多就試試🤔10點9都要等一分鐘位。坐下來當然望有咩好食。款式不算多。價錢34蚊。2款加麵或米。另仲有炒蛋同多士。我選擇了沙爹牛肉加雞翼。先上雞翼蛋同多士。雞翼竟然係全翼。係全翼。仲要即炸。好香口。好味。再上牛肉米。估唔到米粉都好幼滑。好味。再配上沙爹牛。沙爹牛好香花生味。牛肉入口不錯。成碗食清。最後杯奶茶。茶膽都濃。奶又奶滑。真的不錯。朋友炸菜肉c都好味。雖然貴隔離幾蚊。但食落又覺得值得。下之會試午茶

星期六同男友黎食午餐，等了五分鐘左右就有位。本身想食中式飯，但中式飯選擇唔多，我又唔想食炒粉麵，最後叫左個特餐，蕃茄湯通粉、炒蛋加牛油豬仔包。炒蛋份量好夠，而且好食，平時其他餐廳炒蛋份量特別少，呢度好足料。通粉都好大碗，牛油豬仔包都食得出係即製。缺點係坐正係四個無禮貌嘅男人隔離，佢地全程向侍應大聲呼喂。另外，入座安排混亂，有食客被其中一個侍應換位後，其他侍應唔清楚，食物同單都搞左一段時間先去返岩嘅枱。

家中有位長老最愛食梳乎厘，不時幫佢搵下邊區有得食，大部分係甜品舖fusion款，但佢最愛還是經典款，呢日晚餐後陪佢去太子呢間試試其實兩老之前已經自己嚟過，但完全食唔晒，呢日我地4個人到，一坐低我仲傻傻的諗住叫2份大家share，被佢地連忙阻止：「千其唔好做傻事！」十五分鐘後終於知咩事。。。由於即叫即整，先嚟份甜品share粒粒西多士 $45西多士炸得金黃鬆脆，一球雲尼拿雪糕簡直剛剛好，絕配！邊食邊傾時間剛剛好，主角出場雪山梳乎厘 $88Oh My God！！！大過人頭嘅梳乎厘！果真是打卡一流~整梳乎厘其實不外乎蛋白同糖，材料少少但要整得好食絕不簡單。味道普通正常，但喺我地影咗三幾分鐘後都仲未縮水，三五知己share相當不錯！

星期日逛花墟，買咗好多靚花，行咗兩個鐘見有啲餓，之後途經呢間茶記，見有梳乎厘幾吸引就入去試下。入到去見好多人都叫乜乜多士盒，哦原來係餐廳嘅名物！咁我地都唔執輸叫咗一個焗咖哩雞飯多士盒：用成磅方包中間掏空放入雞蛋炒底飯面鋪上濃濃嘅咖哩雞，再一齊焗，麵包焗到好脆，咖哩汁都滲入麵包，雞肉嫩滑，炒飯香口，食晒飯，將脆脆嘅麵包搣埋嚟食👍另外仲叫咗焗豬扒飯多士盒，有大量蕃茄醬鮮蕃茄，豬扒唔嚡有肉味，再加上大量芝士可以拉絲😂😂好好味！本人覺得麵包夾咖哩好味啲，仲有提一提多士盒分量頗大，要share嚟食呀。食飽飯梗係叫個梳乎厘當甜品吔下啦，有原味同抺茶味，我地叫咗原味，好在侍應提話要最少25分鐘，所以一早叫定，等咗一陣就上枱喇。講買相真係似一大座雪山，分量成個面盆咁巨大，吸引唔少目光😂，味道好重蛋味，入口好似棉花有少少質感，唔會得陣風好虛無，唔太甜，但由於我地已經好飽，食到一半已經濟咗😂可能太多蛋喇，有啲漏，建議個底加啲雪糕會更好，唔洗淨得蛋味😂

帶仔去書展博殺前，必先醫肚。Lee間冰室位置就腳，而外面嘅麵包香味吸引，就揀佢啦。焗咖喱雞飯多士盒 $68因為被麵包吸引入來，即時被多士盒吸引。叫左等20分鐘，一個比menu圖更強大嘅多士盒就上枱啦。足1磅麵包咁大，入面有好多咖喱雞同飯。飯是炒飯底。咖喱係濃厚，超香中帶小辣 (唔太食辣嘅朋友都係點蕃茄果款好d)。雞肉嫩滑唔鞋口，啖啖肉。麵包外皮少硬但烤好香脆，吸收左咖喱汁，好好味。我切哂d麵包皮落來夾埋變左咖喱3文治。 1個人食真係太大份量，2人會比較好。羅宋湯 （多士盒送）超足料。微辣，最愛佢入面有半個薯仔，煲到冧，成個湯都好飲。

週未去開太子，黎食左一個lunch。當時都已經點幾鐘，好在我快一步坐低左，好多人遲我少少黎已經要等位，現場座無虛席，非常好生意！我叫左一個泡菜伴豬扒，可以選擇薯菜、飯或意粉。我叫左飯。上菜都好快，但一睇……係咪我對” 泡菜”的理解有問題呢？我唔多見到有泡菜喎……食落似茄汁豬扒飯多啲……個茄汁的味道好似以前在大學飯堂食到的味道一樣，就係罐頭茄汁的味道，不算好差，但係感覺有d似食緊頹飯。共有2塊薄豬扒，雖然真係好薄，但食落份量都好足，豬扒兩面都煎至金黃色，味道還不錯。

係ig見到呢間餐廳幾多正面評價，又有樣特別菜式叫多士盒，所以慕名而來試下先間餐廳位處彌敦道，非常易搵，入面就企企理理，坐低之後，就落單要左個蕃茄豬扒多士盒等左約10分鐘就送上，一放上枱真係俾佢份量嚇一嚇，份多士四四方方成個盒咁，目測都有成約3吋高，而啲飯同豬扒就好似寶藏咁收藏係個盒入面，個菜式制作都幾有創意啲豬扒好腍又軟熟，配合埋蕃茄醬汁更令人開胃，而啲飯係炒雞蛋飯底，蕃茄豬扒配炒雞蛋飯簡直係最佳配搭，至於個多士盒，多士好脆，但略乾身，要撈埋蕃茄醬先較易食個多士盒真係好大，為免浪費食物，建議2至3個人share食，一個人真係好難食得哂