永樂園餐廳

營業中

休息中

2007年11月21日，永樂園今日再嚐這裏的熱狗，叫了兩隻單腸。我要求要“少D醬”。阿姐係咁二俾少D啦。很怕水浸咁多醬。也要趁熱吃，包面和底才脆，包冷了也變硬。雙場較好吃，因為腸很細條。

6:xx pm 人在中環, 想食熱狗又想使得愈少錢愈好, 0黎了呢度的外賣店, 叫了隻(單腸)熱狗($7) 加熱奶茶($9).先呷啖奶茶, 茶味夠, 而且都幾滑, 唔錯.熱狗包唔係咁熱, 不過好軟熟, 面頭少少脆, 食落口感都唔錯; 條腸甜甜0地, 尚算脆皮, 都幾好食, 食一條唔多夠喉, 下次都係食雙腸好d; d 醬份量多到瀉晒, 味道就最驚喜, 酸酸甜甜, 重點係落了蛋黃(?) 香了好多, 好得!外賣店環境麻麻, 好在衛生情況ok; 招呼都ok 啦.唔錯0既小店... 整體雖然唔算突出, 不過個熱狗真係食得幾過癮, 而且$7 一隻狗點講都係抵, 幾滿意! 會再0黎食熱狗!

買了個有一段時間沒有吃過的鹹魚雞粒炒飯。永樂園的炒粉麵飯加了價，這個炒飯現在要索價29元，不過仍然包杯熱飲或例湯。例湯賣完，要了熱奶茶，但只喝了一口就放棄，因爲實在是太甜太多奶。炒飯好像沒有以前那麽乾身，沒有那麽香，鹹魚也像放得少了點。整體而言，遜色了。希望下次再幫襯時，會吃到以前的水凖。

自從見到阿蘇介紹呢度既熱狗，就一直好想嚟試吓。樓下雅座，行到落去，個人都未企定，竟然有個阿叔由右手邊衝埋嚟，嚇咗我一跳。坐低定一定神，試咗個雙腸熱狗王，個包唔錯，腸仔就真係細咗少少，食既時候成日要擔心會夾唔實跌出嚟。值得一讚既係個特製醬汁，甜甜哋，好好食。十蚊雞，好滿意。

因在藝穗會演出,大家只好叫鯡賣,有人推介永樂園的熱狗,那就試試,而且要叫雙腸,口感好一點.熱狗醬沒有預期的特別好味,腸仔就小了一點,但都算是不錯.9元又不太貴,下次下午茶都可以試試!

雖然係中環人，有好幾年沒有食過這裡馳名的熱狗，心思思又想食這裡的「熱狗醬」，無錯!只想食佢的熱狗醬。叫了一個雙腸熱狗及一份熱狗醬多士。這裡的熱狗腸是比一般短小，所以點了雙腸，可以每啖都食到腸肉，不過其實熱狗腸味道麻麻的，腸肉腍腍的唔彈牙。第一次食熱狗醬多士，將特製熱狗醬汁擦上多士裡，多士烘得黃金，但係唔夠脆，而內面的醬汁非常之多，不停從四邊流出來。醬汁味道酸中帶甜，又帶點蛋香，真是其他地方食唔到的。奶茶味道香濃亦滑溜，我要的少奶與茶的比例恰好，而老公那杯正常的奶茶，就奶過多了。

喜歡永樂園熱辣辣的熱狗，還有炒得香噴噴的鹹魚雞粒炒飯。其實，炒飯用的不是雞粒，可以説是雞柳，大大塊的，鹹魚份量亦配得恰到好處。如此美食，三十元有找，午飯還送熱飲或例湯，熱狗好像還是六元一個，在中環，真是不可多得。永樂園外賣鋪位很小（堂食在地牢），午飯時候，逼滿了人。收銀亞姐十年如一日，無乜笑容，但每樣飯菜價錢，瞭如指掌，心算一流，搣飛乾淨利落。水吧幾位亞哥，白色制服已變得黃黃黑黑，但他們合作無間，動作麻利，井然有序。看着他們幹活，配着廚房“洪洪”的火爐聲、“清清餐餐”的炒餸聲，等外賣的時間，過得飛快。

今日我諗住打電話訂外賣，講哂落咩之後，同佢講話送去國金一期，佢就即刻話唔送，我就話之前(兩個月前)你地都有送ga wor，佢就話我地冇送半年，又話國金一期唔俾佢地搭客lift，要搭貨lift，我同佢講話嗰度係二期，唔係一期，佢就發哂糷渣堅持話係一期，仲要"Cup"埋我線，邊有啲咁嘅服務態度ga，唔駛再旨意我再幫襯，咁蠻不講理嘅staff真係第一次見!!!「永樂園」- 永不錄用!!!

昨日等個朋友~見餓餓地~剛剛行過buy左二個雙腸熱狗~一個自己食~一個buy比個朋友試下~又細食到大都唔覺得佢好好食~係個醬好食d咁啦~阿爺果時好鐘意買成一打比我地當下午茶~而家條腸得我手指尾咁幼而比它長1-2cm左右~食左半個飽先食到條腸...仲要成9元~~條腸又唔見得好好食~我朋友第一次食都話一般貨色~咁又未去到唔好食~不過如果每人加多一元~每人可以食兩個宜家熱狗咁啦~好彩都叫做熱辣辣~我自己就覺得明星效應作怪囉~

I ordered delivery the other day and didn't get it after 1 hour. I called at the restaurant and checked with them. They said they sent to the wrong address and now didn't want to do my business. They didn't apologize and even shout at me! Their service is the poorest I've ever come across. I won't order food from them anymore.

今日遲左出黎食午餐, 12:45pm黎到永樂園已經超多人. 周圍搵左一陣終於搵到3個位. 午餐叫左個錦繡什會飯$35, 連湯(可選中湯, 白湯, 紅湯)加餐飲. 碟飯份量同味道都okay. 比起港式茶餐廳依度就抵食d啦.不過係中環冇辦法, 你未食完你就會感到周圍有一股壓力包圍住你, 所以都係食完即走.今次食評個bloghttp://klcchung.blogspot.com/2007/08/blog-post_30.html

20070813試了馳名的熱狗，單腸7元，雙腸9元，交了錢以後憑單在門口那個小視窗取。應該說是屬於港式熱狗，重重的沙律醬，主導了整個口感。我想，這裏的優勝之處是外面那件麵包夠熱，皮還略有一點脆脆的，裏面不管什麼餡料應該都是好味的了。除了這個之外，好像沒什麼拼得過IKEA的5元熱狗吧：）

之前一次是星期六早餐時候去, 人流不多, 今天食完王府不夠飽, 所以要食熱狗. 人很多, 要等佢整, 不過都係等左2~3分鐘, OK啦! 個麵包重好食過上次, 因為ARM ARM烤出, 醬還是一樣好好好味, 腸還是一樣好好好細.

8點鐘都有熱狗食架啦! $7一隻, 個醬好好味, 個包都唔錯, 但條腸太細了, 只有半個飽可夾到條腸.有下次…依家都想食.

朋友個朋友介紹, 一個傳一個...終於試到喇~!! 果然好好味, 個包烘過,睇住佢整..熱哄哄的"雙腸熱狗"又平又好味! 不過最衰係條腸唔夠大...如果條腸係脆皮就好喇>~< 我同朋友食完仲想再食, 不過都幾漏, 好既野食少少就好喇, 食得多就會反感.