永樂冰室 (已結業)

垃圾食物，又貴又唔好食，服務態度勁差，一個白飯加一件雞排$60蚊，坐街邊食好過，未食過咁難食餐廳，坐落去叫左野等，等左20分鐘問佢，服務員話冇落到單仲要話我冇叫，我話冇落單，點解你會送兩杯豆漿比我，之後先再幫我落單，食茶記等半個多鐘先有得食都係得一次

諗住求其入一間食左呢間冰室 見都幾平叫左個招牌水餃麵個水餃都幾好食厚身既個麵都okay重叫左個拍青瓜黎到以為佢唔好食但食食下又okay喎我地重叫左個鍋貼 就還好但要黎豉油 有啲無乜味食左咁多都唔洗$180。

早餐想食腿蛋治點知大家樂又賣哂，食麥當勞諗又唔想等咁耐，諗左陣都係行左落永樂冰室。可能成十點幾間野都冇乜人，叫左個腿蛋治走牛油加杯凍🍋茶外賣30幾蚊。好快手等左幾分鐘就有得拎。返到公司即刻打開黎食啦，一打開已經見到個包好濕，可能係岩岩著完放落盒焗住有倒汗水啦，又可能係塊麵包吸晒隻🍳d油。不過好肯定個三文治係即叫即整，因為拎上手仲熱辣辣見到隻蛋仲岀緊煙。整體黎講個味ok啦正常野，不過食食下咬到蛋殼。所以下次都係幫襯返大家樂三文治，仲平仲快仲好味，係個蛋唔夠佢熱姐。

係中環搵間100蚊以下既餐廳好難搵，最後搵到宜間加選是日鍋貼6隻皮好容易爛，味道還可以紫菜湯係食肉燥飯送的煎雞扒肉燥飯係全餐比較好食的，大家可以試下，選用既肉燥不是肥肉，無咁香，但健康一點招牌水餃麵（牛肉湯）好失敗湯唔夠濃，完全做唔到台灣的味道水餃好似灣仔碼頭水餃，不如自己煮好過宜度人手嚴重不足，叫好耐都無人理你，攞杯水十年都俾唔到你筷子超油好似無洗過就攞上黎話係台式，但食唔出台式的味道，還有很大的進步空間。

早上11點半左右，舖頭唔多人，我外賣自取雞扒肉燥飯等左差唔多10分鐘，幫襯過兩次，都好快可以上餐，過多陣嗌飛，係我之後落order個張，個order仲要係幾個餐，我已經唔多gur，個飯基本上唔洗點整，佢都要整左後面大party order先，等多陣先到我本黎諗住算，點知返到公司打開個飯即刻講左粗口，d肉燥少到可以逐粒數，成兜乞兒飯咁，當堂成個人燥晒底做到咁乞兒，抵隔離人頭湧湧你地就冷冷清清嗌，以後唔會再幫襯

新進駐香港站的餐廳，主打台式食物。對於我呢個去台灣多過去荃灣的人，梗係要入去試一試。叫左台灣牛肉麵，新竹米粉，韭菜豬肉餃子先講牛肉麵，個賣相係唔錯，有4，5片牛展，及紅蘿蔔等配菜。先飲淡湯，有牛湯味，唔錯。麵條亦是正宗的台灣寬麵條，可惜個主菜 - 牛肉，完全未入味，亦無牛肉味，優點是份量好大，一個大男人都足以飽滿。新竹米粉就是肉碎米粉，這個沒有特別驚喜，但也不會令人失望，不過不失的一碗米粉。韭菜水餃是最好的一道菜，新鮮，絕對唔係工場粗制濫造的貨色，值得一試。整體來說，餐廳食物唔錯，特別是餃子，絕對比果D幾多方雲集的好好多，只可能係我食過太多好食的牛肉麵，呢間的牛肉麵令我太失望。

行經IFC見到有台式食品店就點左焢肉魯肉飯，另附一碗紫菜湯，價錢50幾蚊，係中環黎講算抵食個焢肉太油膩，雖然味道係唔錯，但最後只係食左肉嘅部分，而肥膏全部切出黎，粒蛋魯得入味

前身係四海遊龍鍋貼專門店，易手之後叫做永樂冰室。但係嘢食基本一模一樣，但每碟菜平均價錢就貴咗十蚊到，喺中環嚟講算係中價餐廳。餐廳位於香港站，係地鐵店舖。人流唔算非常多，隔離添好運就要排長龍啦。我個朋友點咗台灣麻辣湯麵配牛肉，我都試咗幾啖。真係好辣！要keep住飲凍野解辣。牛肉肉質尚算可以OK，口感都幾好，麵身採用扁麵。既然係招牌菜當然要試下呢度啲鍋貼啦。三件鍋貼份量啱啱好。因為唔係主菜，都傾向唔食得太飽。鍋貼味道一般，個皮好容易鬆左出嚟。另外，我就點咗台式肉燥飯套餐。套餐包一碗湯，都幾好味，唔算太鹹，份量適中。至於肉燥飯，揀咗配雞扒。超多肉燥鋪喺飯嘅上面，好滿足。雞扒唔係太大塊，味道香口，唔算太油膩。另外仲有兩條菜，不過賣相一般。 另外點咗杯凍豆漿。豆漿香濃，唔會太甜。 埋單一個人大概六十蚊，畀個餐牌大家參考下。如果搵唔到位嘅或者趕時間嘅話，喺餐廳出面買外賣都幾方便。