永樂冰室 (已結業)

喺中環要食晏真係唔知食咩好，平時我都成日帶飯，今日同事就帶我落咗去港鐵香港站地下，嗰度竟然好出奇地有非常多選擇，咁我就睇中呢一間叫永樂冰室嘅茶餐廳！咁望住Menu就係sell香港人嘅健康便當，但我自己其實都幾鍾意食常餐㗎，於是呢就叫咗個瑞士雞翼撈公仔麵配炒蛋厚多士嘅港式常餐先講個瑞士雞翼同公仔麵，咁公仔麵其實我覺得佢可以煮耐啲嘅其實，個面呢仲係非常之硬😥瑞士雞翼呢就相當入味，個人係非常推薦㗎！如果佢有得淨係買瑞士雞翼，我都係OK嘅！炒蛋同多士就係正常發揮冇乜特別

最近幾次係IFC食添好運，見隔離開咗間新嘅冰室裝修光猛企理又唔使排隊價錢經濟，諗住搵日試吓啦。琴日一行四人諗住去試吓，唔使等即刻有位。三個同事一致揀咗胡椒豬肚湯雞肉米線$60，我就揀咗個水煮魚米線$65。等緊食物嘅時候阿姐不斷送錯隔籬枱嘅食物俾我哋，同埋成間餐廳都係用即棄餐具，極唔環保。冇計啦，可能IFC貴租整多個地方黎洗碗又要請洗碗姐姐計唔掂條數，所以就選擇即棄餐具。好啦到食物嚟到，個份量對於男仔嚟講係偏小嘅，對女仔來講可能就啱啱好。水煮魚米線，個湯好似落咗辣椒油嘅米線一樣，完全唔係水煮魚嘅味道。魚塊既份量正常，有5至6舊。米線偏淋無咬口。同事叫嘅胡椒豬肚雞肉米線全部都係雞胸，十分之鞋口難食。總括嚟講咁嘅價錢同咁嘅食物質素，簡直係10個伏，可一不可再。寧願去食兩餸飯好過。中環嘅午飯時間完全唔使等位，唔係冇原因嘅。

🥢花膠肉碎湯米線（$65）一入口有一陣陣香濃雞湯味，不錯 🐓花膠有4-5 件，好似手指公咁大件；肉碎鹹鹹地，係台灣口味👍🏻 整體嚟講清清地，都算不錯👌🏻🥢豆卜木耳（+$18）任何粉面都可以加錢添加小食，$18係一人份量，加$28 有二人份量🙌🏻 呢一份小食係酸辣 style，辣椒油都幾香，酸味算係突出。豆卜醃得好入味，木耳可以增加纖維攝取，感覺上健康啲🤭 中間有幾件青瓜，爽口 refreshing⭐️ 上菜速度好快手，好啱趕時間嘅朋友去食；下午茶時段比較少人流，都坐得幾舒服🙂

永樂冰室喺中環一帶搵食真係唔容易，如果要搵抵食就更加難上加難，不過呢間就唔同啦，只係$30-$70就食到！今日經開香港果邊，記得以前經常去嘅香港站搵野食，食得最多就係隔離添好運點心，今日就試下呢間冰室先！間餐廳好闊落，好適合輪椅人士去食。店員比餐牌我睇，當諗到食咩時，一點呢個話無（花膠螺片慢煮雞胸米線），再點另一個都話無（黑椒牛肉粒暖豆腐雜菜），證明附近返工嘅人非常捧場，好野好快比人叫哂！👍👍👍1.秘製口水雞+湯米線（轉飯）$60，加熱咖啡$8（8/10）個雞有七件，每件雞都好嫩滑，而且骨係無血，但秘製辣醬我覺得唔夠辣，整體嚟講好唔錯！2.麻辣牛肉湯麵（轉飯）$55（8/10）內有五件牛， 紅蘿蔔有一舊，白蘿蔔有兩舊。牛算厚切，好淋身唔會硬，蘿蔔清甜無根！2人總共價錢$123！個人口味總評分：8/10地址：中環港鐵香港站地下1層HOK12C號舖#永樂冰室 #相機食先 #中環美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfood

中上環打公仔每日面對最大挑戰一定係食lunch🫣 價錢偏高 冇乜選擇之餘 仲要逼餐死😩係IFC食lunch簡直係惡夢 不過惡夢依家嘢會醒嘅🌟 俾我發現咗喺地鐵站果層有一間冰室 係平❕靚❕正❕有台灣麵食亦都有港式嘅米線 仲有仲有‼️餃子小食之類都有🤩🍲黑椒牛肉粒豆腐雜菜 呢款啱晒中環返工嘅OL夠晒健康 keep fit一流💃🏻🥒麻辣青瓜木耳 話就話小食 份量一啲都唔少😲 麻辣味好出色 可以媲美T字頭連鎖米線餐廳嘅質素👍🏻🍹凍檸茶 食完辣嘢嘆番杯凍檸茶先🌟中環返工嘅朋友又多個選擇啦😊

做野做到過晒午飯時間，喺香港站想快快脆食個lunch，見到依間餐廳，餐牌簡單，食物選擇都OK多，一於試試😋接近三點，唔需要等位餐廳內部都算乾淨整潔去骨海南雞+蒜蓉雞油飯 超吸引，可惜已經賣晒，睇嚟幾受歡迎🤔🤔唯有再揀另外一樣，好彩都揀中正嘢😎花膠螺片慢煮雞胸米線估唔到食碗米線，都可以有咁滋補嘅配料！慢煮雞胸份量好多，肉質口感比想像中滑，而且非常柔軟，味道同個清清地嘅湯底好夾螺片超有驚喜，我本身以為係罐頭好薄一片片個d…點知唔係罐頭野！真係超有誠意，螺片肉好厚，口感彈牙，超開心😋😋仲有花膠，都有幾塊，好滑，應該煮咗好耐，幾乎入口即溶，膠質爆燈❤️飲品方面，見到隔籬枱個靚女杯凍檸茶好似好正咁，所以我都加咗錢叫咗杯，中規中矩，夠大杯，都唔錯😎整體嚟講，環境，食物，同埋服務都唔錯。如果下次再喺香港站覓食，會再嚟！

今日同事生日, lunchtime 就特登自己嚟咗ifc食飯加買件蛋糕比驚喜佢, 經過位於香港站L1層既 就去醫醫肚先食物選擇都算多, 而且比一般以煎炸炒食物為主既冰室較為健康👍L2. 花膠螺片慢煮雞胸湯米粉 ($70)餸同米粉份量都好夠, 成碗粉係健康既, 不過重口味既我就覺得湯底略淡豆卜木耳 - 一人份 ($18)酸酸辣辣好開胃🤤欣賞佢小食可以有一人份既選擇, 好多時候出去食野 (特別粉麵), 都想加個小食, 但都大大份, 一個人根本就食唔晒, 呢度有一人份而且份量剛剛好👍凍檸茶 (跟餐$10)普普通通, 只是價錢有啲略貴有時候想lunch食得清淡啲可以外賣返公司食感覺會良好啲, 因為堂食餐廳都選用即棄餐具呢一點我就覺得扣分😂

兩年前已吃過一次，今次舊地重遊，很多店舖都換了，亦多了餐廳，又是一個上班族飯堂好地方。位置：在香港站L1層，添好運點心店旁邊。環境：白底紅字的招牌，室內以白色為主調，整體寬敞舒適。午市： 我不自覺地選擇了跟兩年前一樣的午餐。🥢麻辣🥩牛肉麵🍜$55+凍🍋檸檬茶🥤$10四塊厚切的牛𦟌🥩配唐生菜、清甜蘿蔔，麵條好似烏冬般有口感，湯水只是微辣，牛肉燜得夠軟霖，不錯，保持水準。加小食：🥢招牌水餃🥟$30水餃皮就較軟身，餡就不多，韮菜味都很突出，湯底是魚湯，不腥。

喺中環返工嘅朋友成日都要搵地方食Lunch🌤 但係中環始終價錢唔平💸 今日試左香港站呢間冰室 款式選擇多而且米線比起茶記都幾健康💪🏻價錢都幾合理 食個快捷午餐都不失為一個好選擇😛⭐️ 花膠螺片慢煮雞胸湯米線 🍗好少可以食到咁滋補嘅米線🌸 花膠同螺片好足料 唔會有腥味😚 雞胸用咗慢煮嘅做法唔會太柴👍🏻 感覺好健康🥗 配上豆漿唔會太甜🥛⭐️ 滷水蛋豆腐 🍳加咗個小食 滷水好入味🧡 整體感覺好健康😍⭐️ 永樂冰室 (中環)📍 中環港鐵香港站地下1層HOK12C號舖

我先落order，隔離枱遲黎竟然出食物和飲品先，我連水都未有，究竟係做熟客優先 定 因為隔離枱人數多所以做先？最後錢照比，咩都無食，一肚火離開，依d真係無下次，趕客mode?

喺中環食lunch黎講，好少餐廳係有幾張吉枱，而呢間基本上每日lunch time都唔使排隊，都大概知佢咩料🤭佢上手係四海游龍，啲餃子同台灣麵都幾好食。但自從呢間冰室接咗手之後，啲食物水準跌咗好多！叫咗個紅燒牛肉麵，份量好少，而且湯底好鹹，好似仲差過啲即食面嘅湯底！牛肉又淨係得嗰幾舊仔，食完其實係完全唔夠飽。仲要佢所有餐具都係即棄好唔環保！加上環境衛生亦都麻麻地，所以就算佢買到40-50蚊呢個價錢都冇咩人食。短期內都唔會再試。

食個茶餐，雞翼撈公仔麵加炒蛋多士夠膽死同你講爭緊隻雞翼比隻魯蛋你問都無問你想唔想換另一個餐之前叫外賣又係咁雞絲魚蛋魚片頭米線冇雞絲冇米線話搭多幾粒魚蛋同魚片頭俾你仲要pack好晒先同你講話無連比你轉過另外一個餐嘅機會都冇！比左兩次機會佢都覺得自己傻仔左！

3點黎呢間買個常餐外賣，見到2張menu都寫住有下午茶，我首先問個職員係咪下午茶有熱飲送（第一張menu寫住），佢話冇，我再問咁係咪有88折（第二張menu寫住），佢唔理我，直接收我八達通錢。我覺得好唔合理，同佢講番，佢啲態度好差，話常餐唔係正價，話張menu係分開睇，上面午餐先係正價，又話張menu冇寫住可以外賣（都冇寫住只可以堂食），再同佢講多兩講，就話係公司問題，好似比錢乞衣咁，話唔同你拗比番$5你。其實我完全唔介意有冇下午茶，但係個員工係因為開左單，唔想麻煩，就多多藉口話呢樣冇嗰樣冇，態度仲十分惡劣，唔會再幫襯呢間店！

今日去IFC，經過添好運，吃太多次，見茶記少人，入左去。叫冰室都係舊日名，無特別。首先服務是一流極好的，收銀姨姨會推介，樓面姨姨手腳快又專心專業。價錢就疫情價台灣豬軟骨肉燥面味道：中下面：夠熱，唔硬豬軟骨： 唔知咩黎，又怪，肉又唔實淨，味道係無味的湯：不像淆湯，像味精，無台灣味，是否上海師傅煮，老細寫餐牌扮台灣。史雲清雞豬骨湯都好味過佢肉燥：最正常份量：疫情下夠飽其他的食品一定更佳，小編覺得可以不用有台灣食品欄，或放棄這個豬軟骨吧。不會再來吃，我相信這店其他食品是更正的。

難得喺ifc附近見到有間平啲嘅早餐店 於是去試吓間餐廳喺香港站B1出口上一層之後轉另一條扶手電梯落返一層呢度d餐具同埋杯碗碟都係用即棄！真係好浪費！叫咗兩個餐： 1. 鮮蕃茄湯脆皮餐肉通粉 $38 配厚多士，荷包蛋 熱奶茶隻荷包蛋凍嘅...個湯得幾粒蕃茄，冇乜番茄味...2. 台式肉燥滷蛋新竹米粉 $38配招牌水餃三隻 熱豆漿冇晒滷蛋轉左荷包蛋...但係侍應落單嗰時冇同我講..杯熱豆漿係凍嘅....米粉份量多, 飽到食唔晒, 但係味道就一般招牌水餃就幾好食食食吓聽到侍應同啲客人講冇晒熱奶茶...跟住有客人叫熱咖啡, 侍應就問廚房仲有冇熱咖啡..唔明白點解一間做早餐嘅茶餐廳會冇熱咖啡同熱奶茶飲😅