永樂冰室 (已結業)

某日喺香港站機場快線地下食嗰間著名的點心店發現了呢間小店，午飯時間見都有好多人排隊，為食的我就set咗呢間『永樂冰室』為我嘅下一個目標。今日來到，嗌咗『花膠螺片慢煮雞胸(湯)米線』，可依個人口味，免費轉新竹米粉，粉絲或上海麵，我就轉咗喜歡的新竹米粉，花膠唔算大舊但量唔少，好腍，而螺片就好大二塊，雞胸用慢煮方式煮，一啲都唔會『柴』，口感好好，好軟滑，吃到停唔到口，而添加18蚊就有一份鹵水豆腐，係有酒香味嘅鹵水豆腐，唔錯。朋友點咗『韓式什菜牛肉粒伴麵』，亦係满满的一碗，好足料，牛肉粒好多味，配菜也唔少。加18蚊添加的水煮魚肉辣辣哋，好惹味。而每個餐都有跟飲品嘅，豆槳有凍，有熱選擇

今天我和同事要來中環工作，好在工作順利一個早上完成。 大家感到有點肚餓，同事帶路去了機場快綫香港站的大堂茶餐廳。 她點了口水慢煮雞胸米粉，我就點了瑞士雞翼撈公仔麵配多士炒蛋，另外加了招牌水餃和兩個豆漿。同事那份慢煮雞胸肉尚算軟身，份量很多給了一整塊，醬汁麻辣適中，米粉也軟硬恰到好處。我的撈公醬汁很濃味，雞翼煮得很軟熟，炒蛋炒很綿，多士也塗了足夠的醬。餃子皮簿但不易穿，餡料充足。豆漿用膠樽盛，喝不完也可以拿走。整體來說中環區來這裏解決午餐也是一個不過不失的選擇。

餐廳位於IFC隔離，機場快線香港站地庫一樓，以前呢度成日都人來人往，成日都要等位！而家疫情，連機場快線都停埋，變咗隨時都有位😅呢頭返工，lunch就和同事黎試吓！.💛鹹牛肉炒蛋三文治～鍾意脆口嘅我，選擇咗烘底（＋$2），呢份係我今日食過最好食嘅😍，烘得夠脆唔會燶，牛油香味足夠，牛肉碎同蛋嘅比例啱啱好，炒蛋夠滑👍推介我個人就鍾意牛肉嘅份量多啲會更加好😆.💛花膠肉碎湯上海麵～冇諗過茶餐廳都會食到花膠😄，佢個湯底係雞湯，所以食落唔會有味精味，最正係花膠分量十足，一碗大約有五六件👍.建議食麵嘅話就叫套餐 ，因為加$3就可以有一杯凍飲，同埋可以加十幾蚊就有其他小食，今日食嘢嘅份量已經足夠，下次再嚟埋小食😄

香港站入便竟然有～～花膠螺片食....🤩🤩今日去中環做嘢，到香港站時還未夠鐘，餓餓地又想搵地方坐下啦。 係香港站地下有幾間食肆，見到呢間冰室竟然有咁特別嘅米線，所以就試吓😋😋。冰室都光線充足，因應疫情有分隔座位，又會轉用即棄餐具讓食客更加安心嘅。花膠螺片慢煮雞片米線（$70）- 忍唔住要試吓。花膠細細隻的，但都有四五隻。 螺片反而好大片，😆😆，都容易入口。 要讚下啲雞片，雖然顏色一般，但係肉質好腍又好入味。同埋個湯😋，幾好飲，唔會太咸😁豆卜木食（+$18）- 好抵食，豆卜木耳青瓜辣辣哋，幾開胃。

前幾日要幫公司去中環送啲嘢 見近近地一出地鐵站就有呢間茶記 就順便食埋飯 貪就腳嘛🙈間餐廳喺香港站上一層 如果平時要等機場快線嘅話 嚟呢度食嘢都係一個幾方便嘅選擇👍🏻餐廳入面都有好多位呢到都有好多粉麵選擇•豆卜木耳🥗•-先叫左呢個先才開下胃雖然係添加小食 但個份量都幾多👍🏻全部配料都好入味 特別係個豆卜🙈唯一不足之處可能就係嗰啲酸•花膠螺片慢煮雞胸米線🍜•-見呢個米線好養生咁嘅感覺 就一於試吓🙈雖然算係快餐 但其實味道都唔錯 花膠都好彈牙 好有膠質👍🏻真係有大大舊花膠☺️而且雞肉都整得好鮮嫩 唔會煮到老曬-總括來講快餐質素算係咁 而且環境幾靜 要快食嘅話喺度都係一個唔錯嘅選擇👍🏻

最近都因為疫情關係所以好多時候都係在家工作一個星期只需要出嚟一兩天返工就可以嘅喇雖然公司嘅大恩大德，都唔係經常可以享受到但係去一啲未去過嘅地方飲飲食食的而且確係人生一大樂事。我同拍檔咁啱經開國際金融中心諗住搵個地方坐下唞唞食返個Lunch但很可惜周圍啲西餐廳都好似冇開門，人煙都比較少。所以我哋要落到去下層先見到有間永樂冰室。印象中永樂冰室好似之前裝修過裝修然之後行簡約嘅風格同埋都非常光猛感覺好精神好搶眼。先嚟睇一睇個餐牌而家係健康經典午餐時間同埋你可以有其他嘅麵食咪即係特色小食任君選擇。我就揀咗個招牌水餃面。拍檔就好得意食左個香煎韭菜水餃。大家都係飲豆漿凍嘅唔該。職員同我講佢哋嘅瑞士雞翼都好出名做得好好所以我就喺我面度追加左一分一分有兩隻。我個招牌水餃麵度喇非常咁得意好感恩我嘅水餃係充滿住肉汁亦都係鮮嫩甜甜哋仲會有陣陣香味散發出嚟。肉碎都好彈牙同埋另外都不忘我哋健康飲食都有樖白菜仔喺度仲有粗嘅麵條食落去都會，幾飽後幾回味。至於拍檔嘅韭菜餃水餃我都有偷食咗一嚿聽拍檔講我哋食呢個水餃可以加佢哋嘅黑色嘅野醋噉樣會再香口啲，佢哋嘅皮比較厚好有北方口味嘅感覺食完之後相信都可以挨到一個好嘅下午繼續

今日放lunch係IFC買完野就求其搵左間餐廳食飯，見呢間冰室都幾多款野食，就入左去。我叫左花膠螺片慢煮雞胸湯米線。我轉左新竹米粉，d米粉同雞胸都幾淋幾好食，螺片好新鮮，花膠就有d細但味道都ok。呢個涼拌菠菜有驚喜，佢d菜好鮮甜又好爽口，加左白芝麻仲有d香味。我加左個水餃小食。佢入面係椰菜豬肉，d餡料都幾多，而且佢煮既時間岩岩好，唔會話淋曬或者硬曬。最後叫左杯豆漿，熱辣辣而且豆味幾重，同埋唔算好甜。

同事昨天喺呢度買咗個早餐外賣返公司食，佢話唔錯，唔使成日都食大家樂吖嘛。我今日都試吓先，我揀咗台式早餐： $38 台式肉操米粉，厚多士，熱奶茶。買早餐嗰陣，我問店員，件多士可唔可以加煉奶，佢話可以，仲唔使加錢。因為咁樣就變咗奶油多，幾好喎。但係個米粉，因為佢冇將啲湯分開，返到寫字樓啲米粉已經吸咗一半湯，但係因為佢用咗新竹米粉，幾爽口幾好味，肉碎就偏向瘦肉多，較健康。奶茶就中規中矩，略有茶香。個早餐喺大家樂咁上下嘅價錢，大家樂咁上下嘅水準囉，OK喎。

平日lunch全個香港站不用等位的餐廳諗著食個快飯...寫冰室以為都係普通茶餐廳質素 。點知d食物又細份又難食 ，牛肉𡁻唔開，食物質素差，仲要全部用即棄餐具極不環保（連碗也是即棄）。

平日唔想行咁遠，又唔想出去食，近近地買個外賣就算，點知買到返去。。第一次食前影相係因為食物質素太差，亦都係第一次食物差到要上黎特登寫食評！依碗胡椒豬肚湯米，係多呀，多白恰雞肉囉，仲係食落就知雞肉另外恰好加上去，同碗野完全唔夾之餘，豬肚得3條，冇胡椒味，仲要買返公司都唔洗5分鐘就冇哂湯！依碗野$60，講真$30都唔值，價錢都係其次，食物質素要對得住個價錢先得架！最後碗野食左一半就冇食，乾到咁，又冇味，食緊減肥餐咁樣，完全唔知自己食左d乜

下午去咗香港機鐵站間永樂冰室，叫咗簡單茶餐，多士炒蛋+沙嗲牛肉丁，食物味道差，好難想像一間位於中環ifc範圍嘅舖頭，可以差到呢個地步，喺同一層冇一間餐廳會比佢難食。當然，間餐廳都冇裝修可言喇..............................

某個需要去IFC上班嘅星期日，下午一點幾放飯嘅時候，發現每間連鎖餐廳都已經坐滿嘅姐姐們，唯有走返入去Ifc 或者機鐵站入邊搵食啦😪行行下見到有間叫永樂冰室嘅食店，望落去乾乾淨淨似乎幾食得過就行左入去坐低左。望住佢張點餐紙，我一度定義唔到呢間樣到底係食咩？🤔 最後我決定唔理啦，揀左個感覺唔太伏嘅野食—胡椒豬肚雞湯米線雖然本人都頗為喜愛食胡椒豬肚，但令我覺得驚喜嘅點係竟然佢係有雞件，一心以為佢只係用雞湯做湯底嘅米線，點知原來係 雞 湯米線😌首先豬肚好有咬口，雞件都有鮮味，但係豬肚配咸酸菜呢個「電劣」真係唔係咁易打破🤦🏻‍♀️，所以感覺係會有啲缺失，加上胡椒略嫌爆得唔夠香，胡椒粒嘅辣佢釋放到，但係個香就差左少少。價錢賣你$65 ，仲有杯豆漿送，以中環區黎講尚算合理整體表現，個人認為不過不失，我會比6分

因為送機嘅關係，我地香港站checkin左就係附近搵野食，lunch hour都知中環呢個時間搵野食有難度，行過左幾間都排晒隊，竟然呢間冇，daddy就決定入去食個快嘅算數，一入就有位，3位明明有4人枱唔比，指我地去另1張有1個食緊嘅，要我地搭枱，都唔緊要，想做多單生意...明白嘅。叫左2款餃子，1個藩茄牛肉麵，餃子黎到一咬開...未熟嘅，即刻叫姐姐過黎換左佢，第2轉黎個份放入口食先係feel到係熱嘅，之前個份究竟係擺耐左定係點之後黎左藩茄牛肉麵佢聲稱係台式嘅，黎到冇即刻影相，但個狀態係1碗豉油湯烏冬，有2片牛展嘅物體，中間仲有1堆紅色嘅醬，起初以為佢比錯左辣牛肉麵，但原來個埋係茄醬黎嘅(暈)不得了... 真係唔怪之得lunch hour都可以唔洗等位，入去咁耐都冇坐滿人... 真係冇下次

香港站內唔係好多選擇永樂冰室lunch 選擇有8 款，見唔係好多人就試下點左個酸辣湯加餃子$44因為真係好少人，等左一陣就已經有點知反到去打開個蓋先知錯左比左新竹米粉我🌚🌚🌚由於太遠所以都冇再落去換個米粉冇乜味，而且第一次食到D肉碎都可以甘”鞋”口餃子係招牌餃，即係白菜豬肉餃，原本想食韮菜餃，不過lunch 唔可以轉，有6 隻，同樣唔好食，D皮又厚，肉又散又多粉，D肉好糊口😖最犀利係連辣油同豉油都可以好淡，冇乜味🤨然後食完後先有人同我講，呢間店出名長期唔洗排隊，食快餐店一定會更好食

返工前諗唔到食乜嘢、突然間記得中環機鐵站永樂冰室重開諗住去試一試、叫咗個蔥油雞扒煎蛋飯加杯凍檸茶、原來佢個餐凍檸茶要加另外加$10、即係總共$65、上到嚟太陽蛋冇問題但係雞扒竟然係凍、有啲硬。心裏面只係彈左一句又中伏，呢段嘢係寫比自己睇記得唔好再去。見到隔離嗰個人落咗個餃子、上台之後見到真係有啲乾。除咗中伏之外、價錢唔平、平時冇相機先食嘅習慣都冇諗過要寫食評所以冇影相🤦‍♂️下次見到呢啲咁嘅情況都係要影吓相先至會好啲。