永和海鮮酒家

營業中

休息中

四寶滑雞札28元，魚肚爽，腐皮很酸，吐出來不吃。蟹籽燒賣皇28元，四大粒，賣相美觀，熱辣辣，有冬菇味。蜜味叉燒腸26元，漲卜卜，叉燒份量多，腸粉滑，豉油咸度適中。

當日落山到西貢市中心都2點，午餐仲未食。爸媽剛剛上星期日又喺西貢行完山，去左永和飲茶，試過一次後，覺得值得帶我地去食下D懷舊點心。去到門口，成場都係人，咁啱有旅行團食緊午飯，所以在非常餓的情況下都等了20-25分鐘。最後等他們散去，我地才安排樓上的大枱。好彩果時已經晏，如果唔係真係要早點來等位。部長對每個在等位的客人，都有D粗魯咁話有排，可能依D就係有些舊式酒樓員工的特點吧!熱氣野平日都少食，今日難得飲茶，我都揀了咸水角、荔茸芋角....芋角炸粉好薄，唔會食到滯左。叉燒包一直係我至愛，爸媽就推介上次食過的北菇雞包仔，餡料足。蝦餃又係佢地話必食。咬開有2隻蝦，皮薄，真係好正。腸粉又點少得呢~白腸粉和叉燒腸，皮滑唔會厚。(個人想食蝦米腸)我開頭以為爸媽不會叫蝦餃，始終都係特點，都好少叫。所以我一早揀了菜苗餃，另外還叫了爸媽喜愛的潮洲粉果、山竹牛肉球。菜苗餃原來入面有一隻蝦，令人驚喜，好食。黑椒蒸爽肚比較少見，但因為佢地唔食得辣，基本上我一個人都食左5-6件，有膩。薑蔥牛栢業OK。爸媽上次2人食，叫左4碟點心，想試下藥膳雞腳都唔得。今次就可以啦!上枱好大陣藥材味，媽咪連湯都飲埋，夠晒補。雞腳

一早起身同媽咪行完山之後， 當然要嘆番個靚早茶啦！ 聽我媽咪講平時佢好鍾意到這間永和 海鮮酒家飲茶，她說這裏的點心唔錯，大好機會我今次可以試一試。燒賣大大粒，熱辣辣幾好味。干蒸牛肉球，本身牛肉的味道唔錯，我最喜歡點勁多喼汁食用，但是牛肉球肉質比較硬，沒有蒸到好鬆軟的感覺。雞絲蒸粉卷，皮夠薄滑，好味！鹹魚肉餅飯， 本身我想食北菇滑雞飯，但是買曬了， 只剩下鹹魚肉餅飯，這個感覺普通，咸魚太硬， 肉片有幾塊，但沒有特別。沙律明蝦角， 一碟四隻，入面有大大隻蝦做餡料，炸得夠鬆脆，點沙律醬一起食，正！總括來說酒家平時多做街坊生意和游客生意， 點心中規中矩，但相比起西貢其他酒家，永和的價錢算是便宜的。

一到星期日好天西貢一定多人到爆，為咗避塞車同等車，逢星期日去西貢行山都晨咁早入去飲茶，食飽先夠體力上山，西貢本身係富貴區同遊客區，餐廳估計唔會平得去邊，好在聽講永和比較抵食啲，所以就一路幫襯開佢啦可能時間尚早，茶客都係以附近街坊為主，酒樓有成四層，次次見只係開最底兩層，可能晏少少先開最上兩層，講返正題先，我剩係食過佢啲盅頭飯，唔駛特登遞點心紙，就咁同侍應叫就得，啲飯上嘅速度好快，10分鐘內上齊之餘又夠熱，味道方面又入味兼夠飽，頂到夜晚嗰餐先食都得，11點前埋單唔駛加一服務費但唯一不太愉快嘅經驗，就係上年10月尾11月左右本身係大點嘅北菇雞飯轉咗特點嘅臘味飯，點心紙又冇改到，結果每盅無啦啦俾貴2蚊，唔知今年會唔會係咁呢?

今日有感而發，突然訓到好晏既我，竟然好早起左身啦。早起的鳥兒有蟲吃。難得早起，當然要去飲個早茶啦。去左尼間「永」，入面除左飲佢既茶，食佢既點心。仲有感受個到既人情味。見到好多老人家，一家大細甘同d職員好熟。有傾有講。有d客一黎到，講都唔使講，d做開既伙計已經知道個客飲咩大家有傾有講，有互動。尼個就係飲茶既其中一個樂趣。叫番平時我鍾意食既點心。永和既雞扎特別之處係入面係雞翼。仲有，魚肉釀尖椒。點心絕對有水準。

大家要小心呢間野嘅“黃金糕“!。食左咁多年黃金糕都係淺黃色，四方形一絲絲咁嘅，呢碟“黃金糕“一上枱全枱嘩然!睇落似馬拉糕，但又硬又乾，一啲味都冇!唔睇得唔食得!再三向服務員確認肯定沒有送錯後，我們便要求退回，因為點心紙確實有誤導成份!點知，換來嘅係一位女服務員一句：“係你地自己叫架喎!"頭也不回就離開，態度差勁!建議酒家多培訓員工，而點心紙則可改為叫黃糖糕或黄金馬拉糕，不要再誤導顧客。川醬金錢肚超咸，睇落一堆野咁。唔講都唔知係金錢肚，不予置評。另外，腸粉和菜苗餃嘅皮肉分離，削到出水，原來諗住好又一餐，唔好又一餐，冇打算post出黎，所以冇影相。但“黃金糕“一事實在難忍，因為唔想其他人中伏，返以順便講埋。冇下次!

是日朋友聚會，西貢下午茶後，就去西貢買海鮮，種類太多花多眼亂，買了各類海鮮，跟住去到西貢永和海鮮酒家，先來個招牌燒鵝，好味到不得了，好食過鏞記多多聲，各類海鮮都整得出色美味，海鮮都足料沒有偷雞少到，大家都不妨試吓呢間永和海鮮酒家。

一行十人行完山約下午2時，有朋友提議去永和飲茶，聽說這店於西貢已經開了很久，大家都未去過就決定去試試，叫左廿幾個點心，可能點心師父已收工，蝦腸牛腸都沒有了，只剩蝦米腸，我地照樣叫左兩碟，蝦餃食落去有芹菜，本人不太喜歡，因為一般都係用荀，蘿蔔絲酥餅淡而無味，蝦米腸兩碟上枱時只有一碟甜醬，一碟麻醬，鍾意食腸粉腸醬既我即時問侍應姐姐: 唔該可唔可以比多碟醬，侍應姐姐就話比多左㗎喇，啲醬要去點心部先有㗎，個侍應既態度同語氣令我覺得好似同佢乞緊碟醬👿，之後朋友想問張單既嘢，個姐姐唔比人問，最後就係我地落左既2碟牛肉球上枱時變多左3碟乾蒸牛肉燒賣，此時一行人都費事再叫侍應問，唔想再遭到侍應既黑面回應

每年夏天都會去一兩次西貢，去下船河，行下山，玩下水。一班人玩完一日當然要醫肚，十人上下喺西貢食咩好，海鮮當然係好選擇。好多人都會近近地揀碼頭果d 名店，但我只會去天后廟附近嘅永和，平靚正已經係最好嘅原因。一坐低，識途老馬一定係叫佢俾套餐餐牌，咩都包晒，如果係星期一至四，汽水加一都包埋。不過可能係父親節前後，其實價錢我都覺得貴過平時，不過一樣好抵。我地一行十人，叫左個八人餐，另外叫佢按人頭加返人頭數嘅海鮮，最後都係290 一位，但真係堅食左好多款海鮮，好味又飽肚。白灼蝦其實評價海鮮就最無謂，你新鮮就自然好食，好似蝦咁，夠新鮮，唔係死蝦 自然就甜，就爽口。酥炸蠔炸功一流，真係做到好酥脆嘅口感，就算我唔食蠔都試左幾啖，都有肉，唉雖然個心都係我最唔鍾意果種一patpat...燒鵝半隻名物，有時唔留會無得食，係燒得好好，d 油脂好豐富，好濃郁，但始終唔可以食太多，否則會膩，半隻十人分又好似啱啱好。煎飽魚彈牙嘅，但lee 種咁濃味嘅整法好似有d 浪費，可能因為乾身左，又令到食落無咁鮮甜。芝龍蝦伊麵每人有半隻細龍，細龍好處係，唔洗爭食個身，每人半隻，啖啖肉。其實個人唔太好芝士，龍蝦應該係配上湯嘅！！

現在的我狀態近乎退休，一朝早無所事事，竟然跟父母及一眾老友記西貢永和飲早茶。四十歲未到，單身、失業、百病纏身，我還有甚麼生存的意義？永和是西貢最早期的茶樓，西貢未填海，新墟落成之前，一間永和已經背負着西貢居民日常餐飲的工作。永和依山而建，樓高五層，走到頂層，走出去就會發現西貢鄉事委員會開會的地方。永和經歷數十年轉變，也曾經易主，食物水準很難再跟幾十年前的永和相提並論。不過現在的永和重新裝修過，已經比以前光猛和潔淨得多了。乍看餐牌菜單内容竟然跟全X海鮮菜館的相差無幾，為了遷就外人的口味，現在的永和多了不少平價的茶餐廳碟頭飯，價錢亦差不多，連粟米雞粒飯都竟然找到，只是價錢比較便宜而已。永和的排骨飯是用不銹鋼盅盛載，跟巷仔的排骨飯的瓦盅差得遠。不過排骨飯是我老豆食的，我沒有食排骨飯，所以味道不置評語。這裡的芋角變成了鳳尾芋角，有蝦肉的芋角，只嫌它稍微攤涼了。沙律蝦角仍保持微熱，保持飽滿。棉花雞是比較差的一款點心，他們竟然用有骨雞翼！棉花雞不是應該用無骨的雞肉的嗎？永和的牛肉球有乾蒸牛肉和鮮竹牛肉兩種不同選擇。雞球大包仍有用鹹蛋和芫茜做餡，是比較傳統和舊式的做法，是不可不吃之選。

到西貢跟老朋友飯聚，一早預定了燒鵝及一些海鮮，其他由老闆發板，下午只食生果餐，準備好心情去享受一下。 前菜有花生及蕎頭，蕎頭於三、四月最當造的時候醃漬，酸甜爽脆，更有醒神作用。它更有祛濕功能，尤其在潮濕天氣，有養生保健的調理作用。 第一道上菜的白灼海中蝦，隻隻肥美鮮味，沒什麼可挑剔。 接著上來的皇牌燒鵝王，相當有份量，新鮮燒烤，入口還是暖的，鵝味十足，加上燒烤後的油香，讓我暫時忘記什麼是膽固醇吧。淮杞螺頭燉烏雞，淮山補肺益腎，健脾止瀉，益精補氣；杞子養肝明目，元肉補益心脾、養血安神；響螺滋陰明目，利尿，生津；加埋烏雞，滋陰養血，湯色清澈見底，清甜可口。蒜蓉粉絲蒸扇貝，扇貝大隻不過火。豉椒花甲也很入味。清蒸沙巴龍躉，火候也拿捏得剛好。可惜椒鹽鮮魷就不夠香脆。 北菇扒菜膽，北菇很大隻又炆得入味夠腍，肉厚味香。海鮮菜粒炒飯，金黃色的炒飯，每粒飯也被蛋漿包住，完全不覺油膩，海鮮粒也不少。 桂花椰汁糕，桂花香椰汁味竟然可以溶為一體，口感亦不會過硬，而且很清爽，剛好清一清味蕾。

入黎西貢食中餐，食海鮮。往往都會被周圍的海鮮酒家，劏你一頸血。就算我是本地居民，到最街坊的酒樓，一到週末、過時過節，為數不少的海鮮酒家，眼裡面都是 "$$"。剔除食海鮮，說普通市民飲下早茶，一眾海鮮酒家們又有另一種態度，變得平易親民。而前一陣子，我來了西貢的老字號《永和海鮮酒家》好幾次。過節食午餐雖有不太愉快的經歷，但有一兩次，在送小朋友返學前的早茶時段，我們則有不錯的評價。《永和海鮮酒家》，under new management 左好耐，所以已經冇晒老字號的古色，間格雖然是一模一樣，但服務的形式，早在易手之前，已經摩登化。其實，酒樓食肆要與時並進，摩登化，用點心紙、再繼而用電腦入單，清清楚楚，不需要爭拗。說早茶，我們一家生面口的人，伙計同搭檯客已經問我們是否外國回來.....食客們能出此言，即代表在西貢飲早茶，其實來來去去都係同一班人，偶爾出現生面口，不會聯想起我們是區外人，而會聯想起英國回來的大不列顛叔叔，因為這一個香港的後花園，早上6點幾7點，出現的生面孔，很少會是區外人，反而，從外國回來渡假的鄉里居多。說食物了，太太同外母茹素，於是就每人一份上素腸粉。有餡，也有菜，加點豉油上

是日教會搞咗「西遊記」，兩車一行近百人包團遊西貢，去吓獅子會、鹽田梓及橋咀島，行程好迤，叫做到過部分地質公園，但依條線唔算多嘢睇。中午，安排到西貢市中心嘅永和海鮮酒家食團餐。咪睇永和個門口如一般周圍嘅商鋪咁，唔喺好大，實際裡面何止別有洞天，簡直另一個天地。地下堂座已經唔細，成間店依山而建，後面有樓梯上二樓，再屈個彎上到三樓，更好似多出另一間酒樓咁，多人多到呢……！我哋七圍半枱，被安排到3樓另一個偏廳，零裝修兼窄到呢……！唔使多講，團餐嘅質素唔好抱太大期望，睇其他人嘅食評，佢哋嘅服務就知出名……差。雖然，我就無咩遇到好差嘅待遇，但負責上菜嘅阿姐，全程黑面，問多句都唔啋，你就感受到嗰股對客人嘅怨氣。做得團餐，就好似某律師樓嘅廣告咁，咩都要快，狂風掃落葉，印象中10-15min內就上齊晒8個餸，另白飯任裝！因為成枱人都唔喺太熟，一有菜上枱就起筷，點好意思叫人等等相機先食，所以，碟碟餸都要把握時機，一嚟到就快攝，出嚟嘅質素一定無咁好，請見諒。貴妃雞即喺白切雞，只可以真喺講，雞有雞味，薑蓉有薑蓉味，不過，雞件皮下脂肪少，雞肉又幾滑，收貨啦！豉汁排骨個豉汁好惹味，撈飯一流，但啲排骨就「非常」骨感，

我表姐的兒子百日宴，就遠道而來西貢飲，由於表姐夫係西貢原居民，百日宴都加到擺11圍，我很少係西貢食飯，原來同外面有點不一樣，唔知係咪因為海鮮總是新鮮D？乳豬的皮燒得好脆，就算有咁多圍都一點都沒有馬虎，上菜的時候還是熱呼呼的，皮連一點點肉，味道仍然還保留燒過的香氣，咬落脆口。帶子、珊瑚蚌都炒得好香，大得黎有嚼口，不會有海水腥味，汁都包圍住每塊食材。炸蟹鉗唔知係真翅定假翅，因為味道好鮮，煮得幾濃傑，一點也不稀也不水。魚比外面的酒樓更要來得鮮甜，大小就差唔多，但肉和骨容易分開，而肉也沾有配菜的香，一點也沒有腥味。係一般的酒席宴好似見到有蟹伊麵，都幾特別，味道也不錯，蟹肉都入哂味，但不會覺得咸，唯獨不足的地方是當晚著得太靚，好難拆蟹來吃。螺片幾鮮甜，香菇沒有奇怪的味，反而幾入鮑魚汁味。炒麵比炒飯好吃，豉油雞味道偏咸，由於是最後上菜，那時大家都已經吃飽了。

永和西貢老店.近來裝修重開.今天到西貢也不妨一試.店的環境不算大.但有樓上雅座,枱與枱之間距離也遠,完全沒有壓迫感.而茶亦不俗水滾茶靚,服務員有禮貌.效率也不俗燒鴨米38元.叫一碗米和一碗飯.燒鴨雖則大份,但7至8成也是骨.而味道偏鹹,肉的部份也欠決鮮甜.幸好整碟燒鴨也沒有肥油.皮蛋瘦肉粥:粥底相當綿.皮蛋亦不欺場.整碗也有,而且新鮮,粥亦充滿肉的鮮甜.而粥的質感亦杰,不會水汪汪.非常滿意.蝦餃:蝦爽口.亦新鮮味道相當鮮甜,賣相完整.只嫌澄皮太厚.2人埋單126元.茶錢只是4元.也相當合理.