永合隆飯店

營業中

休息中

久別重逢幫襯買個叉油雞飯拎走。叉燒出色但係油雞同飯不堪入目。白飯煮到溶溶爛爛但係凍嘅，油雞未至於差，但質素與價錢不乎緊緊只是中間偏下。叉燒出色但也只屬中上比強記略遜一籌。

今日好想食燒鵝肶，所以就去這間潮聖下！我哋叫咗燒鵝肶飯，問了兩個職員價錢都答唔到！最終話$120，咁我哋咪落單！燒鵝肶飯$120+义鵝飯$65+例湯$15點知個义鵝飯啲鵝係全部都係皮和1.5厘米嘅肥膏+骨（請問我點食好）！我忍唔住同柜檯女職員反映下點解無一件係有肉食架呢？佢答：食燒鵝係咁架啦！食酥香嘛！我話：咁都無理由一丁點肉都無架！又唔係食乳猪佢才同斬肉員講斬肉員大大聲話：食燒鵝係咁架啦！啲皮好酥香架！柜檯女職員話：咁比返2件你啦！點知又係兩件肥肉（真係多了一點點肉片）唉😮‍💨！柜檯女職員仲訓示我：下次要食肉就要講清楚！真係好無奈！差到呢！去街市買$20盒果啲仲好食過佢！服務又差！算我不識欣賞吧！肥膏bye bye!

今天7:15入到去見全場冇人，心知不妙叫咗碟燒肉，我飯加一支細可樂，諗住成六七年冇食過好期待食碟靚嘅燒肉飯，點知超難食，飯又唔得燒肉又唔得連我燒鵝都唔得$85我相信我用$75價錢可以走遍大江南北一定食到一碟非常好食嘅燒肉鵝飯45質數收85👍勁我重要專登揸架車去嘥油錢，這間店沒有下次

老闆好健談，好主動招呼客人👍🏼 環境就屬於舊式嘅燒臘店⋯⋯例湯好味😋 原本想叫乳豬飯，但老闆話今日冇乳豬🥺 想叫油菜，又冇油菜🤣 其他燒味味道一般⋯⋯ 無咩特別！

睇完電視介紹，專登去試吓佢嘅燒肉，實在失望！完全唔係介紹的質素呢！😞😞😞😞😞舊式的燒臘飯店裝修。12點去到，只得幾枱客每枱一人。😑😑😑😑😑燒肉飯啲燒肉是凍的，皮又唔脆，一點都講唔上好。😶😶😶😶😶賣相也麻麻。🫣🫣🫣🫣🫣一碟燒肉飯要成60元，比很多燒臘飯店的貴。失望失望失望😔😔😔😔😔🙅🏻‍♀️🙅🏻‍♀️🙅🏻‍♀️🙅🏻‍♀️🙅🏻‍♀️

睇完大台黎先生介紹, 今天20號去食燒肉叉燒飯, 結果超嬲～我食嗰碟燒肉飯係～皮＋肥 及 淨肉冇皮, 我同個飯店女職員講, 之後斬料師傅話佢講咩呀(指我), 斬料嗰個自己心知啦, 結果佢叫個女人畀個碗佢佢就放咗一堆燒肉皮畀我, 成件事好核突囉, 結果燒肉同淨皮我冇食過, 我以後亦唔會再去幫襯。

之前都嚟幫襯咗幾次今日買外賣明明叫咗一個燒鵝切雞返到屋企一睇切雞得返兩件骨跟住收埋咗兩件嚡十十嘅燒肉俾我大佬你唔夠雞你就同人講冇貨你就唔好落單啦夾硬嚟嘅嗰時我又唔俾埋嗰醬仲要個雞好似酸酸地仲要成支膠匙羹跟放咗入我個飯盒九唔搭八仲要成$70囉差過大快活啦似住自己係老字號永遠都唔會再嚟

曾幾何時永合隆太子燒味好出名黎親一定會喺度食燒味飯要咗燒肉叉燒飯味道今次有啲鹹不過都係唔差嘅以前覺得好好食隨著日子嘅變化好似冇以前嘅水準亦都唔係好差今次啲肉咁啱有啲凍如果係夠熱係幾好食嘅

千祈唔好食燒味飯, 全部都係切啲頭頭尾尾啲垃圾比人食, 眼見枱枱都係咁。好少少啲部位就留比買斬料加送啲客。明白好嘢都唔會攞嚟做飯盒, 但係你唔好收人$70-80當人水魚呀！

今日經過太子，突然想食燒味，咁啱見到前面有一間，所以就去咗呢度食，見佢有啲舊式燒臘舖咁，以為味道可能會好食過隔離廣東燒味餐廳啦，點知好失望，而且燒肉飯仲要成$60冇得揀腩仔😞即刻諗起元朗同自己公司樓下嗰間，尤其元朗，食過嘅腩仔飯好正，都唔使$40。食評話好食嗰啲，我估應該係叫咗腩骨例牌，但係如果只係想食燒肉飯，千祈唔好去呢度食，一來貴，二來啲燒肉好似煲湯豬肉咁又啖又乾，塊皮仲要唔係硬就係淋嘅，好似同佢哋賣啲冇人吼嘅部位嚟食咁。唔知道係咪呢類舊式燒臘店都係咁，腩仔留返嚟做例牌同外賣，因為我都試過喺其他燒臘店買燒肉飯，佢哋都係又貴又冇燒腩俾你揀，真係難食過酒樓外賣$30盒嗰啲，酒樓外賣燒肉飯起碼都有脆皮同腩仔吖。已black list。

睇戲前食返少少野，眼見格局似普通的茶餐廳，裝修簡陋，甚至乎有啲舊。我見餐牌啲價錢一啲都唔平，同這間食肆的外觀很有分歧😅，先知原來已經存在了超過40年歷史。另一半仲話我知以前喺附近住嘅時候，特登來買外賣返去加料。本身想食燒腩仔，點知已經賣晒，得返啲燒腩骨，都照殺！味道比想像中好，皮脆，骨嘅部份特別滋味。肉的部分亦沒有其他食評講得咁乾。加$12要咗碗例湯，再加$12要碗白飯。雖然坐得不是太舒服，但食物質素比預期好，所需付出的金錢亦相比多過預期，但兩人食得飽飽的。😊

想尋回太興昔日的靚燒肉感覺，在网上查城中出名靚烧肉，但忘記上open rice 查。見到就近說有間永合隆，幫襯人不多，都有懷疑質量，是有生以來食最贵燒肉，但可以說普通過普通，所以為何有被骗的感覺。

永合隆，從未食過，聽就聽得多，知道炭燒燒肉同乳豬最出名，今日決意一試去到坐低，燒肉要等，因為燒緊，我等左30分鐘，冇問題，我唔趕時間加$25轉燒腩，但碟肉黎到我有啲懷疑係咪燒腩，因為有幾舊好似沙梨篤不過熱辣辣剛燒起，算啦啪舊落口，心諗瀨哂野成陣肉燥味充滿口腔，明顯豬本身唔靚。皮係脆但有陣怪味，似油益味，舊舊都係咁恕我講野太直，等左半個鐘以為等到一碟靚燒腩，點知等到呢碟劣品連最出名嘅燒肉都唔掂，其他野點會好食，唔會再光顧！

從未食過咁差的燒肉飯加例湯，燒肉又乾又難食，一碟燒肉飯全部位置都好難食又乾又冇味道，白飯又濕又軟，例湯又酸又有異味，菜乾仲硬未煲好就給人飲用！太過份！價錢收＄72蚊，我冇問題，但真的得難食的燒腊店，出餐的人注意出品的情況！不要害人

新年開工第一日，緊係要食餐燒味賀下佢😹太子有間👇🏻開咗五十幾年嘅燒臘舖🐓🦃好多人都話好食🥰亦有人話唔好🤫咁就要試過先知啦～可能佢地都開工無耐啦，話呢日無乳豬賣🥺不過都見到未燒前嘅豬樣🐷👇🏻希望下次嚟到有得食啦～👆🏻除咗乳豬，另一樣招牌就係燒肉🐷當然亦都有其他燒味譬如係叉燒、燒鵝鴨等等，仲有豬手、鹵味～價錢由50蚊到120蚊，真係好睇你食咩😹👇🏻不過正常50-80蚊已經食到，除非你食鵝髀～所以呢次就試下🐷叉燒燒肉飯🍚燒肉個皮真係好鬆脆，下層肥肉唔算好多👍🏻夾埋一齊食亦唔膩～瘦肉都唔會太乾太柴👍🏻可以encore～至於叉燒呢😹其實送碟飯嚟嘅時候有個小插曲，同我一檯嘅同樣叫咗叉燒燒肉飯，不過佢要肥叉，點知個職員比錯咗，而同檯個人一嘢差個筷子落碟飯😵所以我呢個係肥叉！不過算啦，費事要餐廳再換😹 雖然係肥啲，但燒得幾香👍🏻有微微嘅玫瑰露味，同埋肥得嚟都唔算膩嘅～下次再嚟試真正嘅叉燒乳豬飯🥰 雖然職員比錯咗飯，但佢都有講唔好意思，而且全程嘅服務態度都幾好👍🏻又唔似啲人講到咁～其實好多時你點對人，人就點對你～雖然話佢服務你，但每個人都會有情緒嘅，所以將心比心💕