永合隆飯店

營業中

休息中

之前到了深水埗著名的文青街大南街走了一圈🤓發覺在咖啡店熱潮退卻後這裏依然有不少展覽場地和手工藝店生存，和原生的皮革或布匹店有新的共生方式🥸推介大家去大南天梯走一走沿著路走到了太子站附近，這裏有一家著名的炭火燒臘店🔥剛好趁有下午茶點了炭火燒肉飯，送例湯共收$45師傅手起刀落斬好燒肉放上飯面，共有6件燒肉🍖不過有點厚薄不一，皮面很香脆😁肉質鬆軟肥瘦相間，一碗白飯填得滿滿的，例湯亦有驚喜是足料，下午茶性價比算高🤑

星期六中午12 點半左右的午飯時間，見飯店內人不多，只坐了約 4 成客人，簡簡單單兩個人分別點了招牌燒肉飯（碟）和乳豬燒骨飯（碟）嘗嘗。～燒肉飯燒肉皮脆肉嫩、大約有10 小件，份量可以，入口不死咸有肉本身的味道、好吃！不過最敗筆的是米飯飯量不但小、而且是涼的。。。當日室外氣溫約攝氏18-19 度左右，在中午午飯最繁忙時段食燒味碟頭飯，靈魂的米飯居然是涼的，對、作為一間標傍傳統味道的老店請問情何以堪？～ 乳豬燒骨飯乳豬和燒排骨的肉量相對小，燒排骨明顯係用長年雪藏肉。。。肉質入口硬、柴同木。。。味道只係滿口的密糖味。。。一點都不好吃！乳豬選用優質冰鮮越南乳豬靚貨，合格，不過啲米飯當然又是涼的。。。綜合只是一間所謂的地方老店，所有事情都是從自己角度出發，老王賣瓜、平平無奇！希望老板同老伙記們可以再努力啲啲從出品、客戶喜好處再出發，加油！

已經係第三次去食叉燒，我自己鍾意食有燶邊嘅半肥叉，呢幾年成日食叉燒都係失望而回，有時叫半肥叉會俾好肥/好瘦，市面已經好少燶邊，同埋好多時舊肉入面係白雪雪的…-有一次誤打誤撞見到永合隆，門面幾old school,有好多外剛內柔嘅叔叔，仲有遊客喺入面食緊，就入去試下，竟然食得返兒時叉燒味～-永合隆嘅叉燒暫時係我唯一嘅選擇，一想食叉燒就會食佢，-佢係仲用緊炭爐做燒味嘅燒爉店，可以食得返細個時嘅味道，每次食完都好滿足！多謝你地用心製作，尊重食材🙏🏻

普通食一碟燒鵝燒肉飯，都差過喺街市買。仲要係80幾蚊一碟！啲飯又濕燒鵝燒肉又唔熱，燒肉又係俾啲雪藏嗰啲。食食吓嘅時候見到有個女人入嚟買燒肉，佢應該買咗二百幾蚊，斬嘢嗰個人俾啲垃圾佢，佢見到即刻指住話要腩骨，斬嘢嗰個人即刻黑晒面。做生意好心做好啲啦以前好好食而家變晒質😓😓其實真係睇得出而家少咗好多人去嗰度食，以前好多人但係而家因為佢哋啲食物質素變差咗好多，希望佢哋有返啲良心做好依家嘢啦做好香港🙏🏻

昨天買了¼隻乳豬叉燒油雞飯，乳豬啲肉全部係梅嘅叉燒唔新鮮 和 油雞 完全唔食得得唔係價錢問題。 完全失望任何一間街市嘅燒臘檔都好食過呢度 多年出名慕名而來分分鐘$10一盒都好食過佢

我敢話坊間任何一間燒臘鋪都好過佢九班。貴冇所謂，食得就預咗要俾。但要俾得物有所值。而唔係俾貴錢買垃圾。佢啲燒味又乾又臭。做生意做到咁。真係家山發。靠自已所請老字號，就係咁去呃人。好彩就算係願者上釣，頂多亦只會俾佢昆一次咁大把。

朋友說永合隆出名食燒味，今天經過就買左$400燒腩仔加叉燒外賣，返到去打開，份量已經唔多，但唔明白明明買燒腩仔，何解會搭左兩大舊骨頭，腩肉都幾咸而且唔覺有炭燒味，而且店員態度惡劣，貼錢買難受，一定唔會再幫襯！

我以前食開，真係好食，不過可能都係大半年前嘅事，最近一次去，舖面裝飾唔同左，亦都設定左要食套餐，其實冇問題，但係最大嘅問題，係食物品質唔同左(尤其是係嗰啲主角 : 燒味)，今日我又專程喺公司搭幾個站地鐵過去，再食一次，結果係更加清楚，真係差左，可能冇左以前啲話事人喺度監場，啲出品維持唔到以前水準，對唔起呢個老子號招牌，平均100蚊套餐，樣樣都好似執齊俾你地，但我去，心目中係食以前質素嘅燒肉飯，咁就覺得失望(义燒係更差)，職員方面都有禮貌招呼我，但係食飯都係以食物質素為主導嘅，呢餐我就覺得好失望，如果佢地真係新一代接手，如果真係想做呢門生意，就要放多啲心機，否則不如轉型做佢地自己鍾意做嘅生意啦。

經過，入去外賣，無睇餐牌叫了個叉肉雙拼飯，盛惠$88！？什麼？我以為聽錯！雖然有細碗湯及1支250ml迷你飲品，那也太貴了吧！以為六十幾蚊，我未買過咁貴的雙拼。而且我沒想過要套餐，為什麼強迫客人食套餐？無下次。

上網睇吓燒味飯推介，見到炭火燒肉去試吓，去到三拼100蚊，無問題，點知吃落口仲衰過街市燒味，叉燒又硬又無味，燒肉皮係薄，但又肥又咸，切雞完全冇味，垃圾之中㗎垃圾，仲要賣100蚊一蝶飯，好食就完全唔貴，但十分難食，完全對唔住价，都唔知邊個俾咁大既信心！應該自己鋪，否則必執！有時傳統係好，但滥用傳統但又唔好食就好有問題！

偶然都會光顧這一間老店，雖然近年質素已大不如前，而且不斷加價，但總算仍能接受，仍有一點舊有的味道，但已並不出眾。農曆年前一般燒味飯價錢已經$50，但估不到農曆年後更大幅加價至$88起 （一定要連例湯和紙包飲品），只可以說姜太公釣魚，願者上釣，哈哈！ 我叫了一個燒腩肉、雞飯$108，質素不算高，而且不穩定，那天的飯更是軟爛難吃，燒味尚算可以。但這個價錢我會選擇去中環鏞記，或者一樂更便宜，更出色！其實香港仍有不少燒味店比永合隆做得好得多，單靠老字號真的能夠維持下去⋯識食嘅人一定懂得選擇！相信附近的街坊都會覺得物非所值，而我對此店亦都後會無期。

永合隆飯店在上世紀60年代開業，至今已有六十年多。褪色的金漆招牌，加上「乳豬燒臘第一家」的字句，令人勾起飯店昔日的光輝歲月。永合隆堅持用炭燒做法，乳豬仍有一定的捧場客。燒豬也備受歡迎，外皮香脆、肉質鬆軟、肉中滲出炭香，相比掛爐燒製，味道方面有較多層次。今天試試叉燒、燒肉飯，叉燒是用梅頭半肥瘦，叉燒邊有少許脆，以及帶點蜜味，好味。燒肉皮不單止脆，咬落更發出聲音，肉質不是硬繃繃，味道有點鹹。可惜，飯沒有飯味，有點失望。

專程去永合隆買外賣炭燒 燒腩仔 比屋企人 食 ，家人要求。諗住 比貴啲錢，都冇所謂 ，點知非常失望 ，返到屋企 。比埋肥豬肉，  機乎全是肥 ，跟本食唔到， 仲係唔平 $250 燒肉肥到都食唔到 只可以食皮，皮都唔脆，其他全部肥豬肉，好心啦 ，跟本全部肥肉 ，肥豬肉 ， 一定冇下次 ，仲要浪費金錢。

看到舖頭沒有人和不用排隊，雖然是下午四點幾五點鐘、燒豬也剛剛新鮮出爐。比着以前這個時候已經是排長龍了。心感不妙😢 入到鋪頭竟然可以立即要了兩條連骨燒肉，也不用等候（唔知係高興定唔高興）連骨燒肉仍然非常之有水準。好彩沒有給冷清的環境打退堂鼓。好幾年沒有來幫襯了，價錢跟以前也差不多。從來未試過堂食，之後看到這麽多劣評也嚇呆了🫨😱😱好彩並沒有讓我失望🤩也要給永合隆平反一下👍🏼老字號也買少見少、唔想又少一間。

今天路經太子站附近，見到久違了的永合隆燒臘店，想起20多年前食過一次，燒肉皮脆肉香懷念至今，於是就決定去買燒腩肉回家吃，他們的價錢比一般燒臘舖貴好多，燒腩仔賣$198一斤，當天只是一隻細中豬，不是以前賣的大豬，我要了一條骨，竟然要$180，回到家趁還有一點暖身，就急不及待去嘗試，結果徹底徹底的失望，燒肉完全冇味道，淡茂茂，皮又硬又un ，完全咬唔入，真係食之無味棄之可惜，份量又少得可憐，完全揾苯，所以以後一定唔會再去光顧。