68
27
49
港鐵太子站 C2 出口, 步行約1分鐘 繼續閱讀
電話號碼
23808511
開飯介紹
環境整潔,以燒味為主打的飯店,曾有無數名人光顧,推介有白切雞及金錢雞等,值得一試。 繼續閱讀
營業時間
今日營業
11:00 - 22:00
星期一至日
11:00 - 22:00
付款方式
現金
座位數目
40
其他資料
酒精飲品
電話訂座
招牌菜
叉燒 白切雞 乳豬 金錢雞 燒肉 燒鵝
食評 (163)
今日去開太子好想燒味,即時諗起老字號既永合隆飯店,其實個名聽左好耐但一直都冇試過🤫🤫🤫餐廳維持一貫傳統既裝修,入到餐廳係有種好街坊既感覺,夠貼地🤝🤝門口旁邊係玻璃既廚房,望到形形式式既燒味,真係令人食指大動🤪🤪不過你之前上網睇到啲食評個個都好似話麻麻地,所以都唔係抱住好大嘅期望入去食😎😎😎餐廳有好多唔同選擇既燒味,今次我無跟飯,就咁嗌咗叉燒同炭燒乳豬另外嗌咗碟菜😍😍😍上枱賣相已經相當吸引,叉燒開頭望落去好似太瘦,點知食落先會知道原來岩岩好,唔會某部分一大嚿肥膏咁😛😛最特別係佢既製法唔似叉燒就咁用麥芽糖浸完黎燒,食落去係有一陣荔枝既煙薰味,所以特別香同惹味,真係好正呀☺️☺️真心係我食過暫時最好食嘅叉燒😍😍😍炭燒乳豬既皮真係好脆,咬落去脆卜卜又夠香,皮下脂肪既比例唔會太多,有一侵薄薄的脂肪加埋香口既燒肉,我覺得食落去每一嚿都係享受呀,炭燒嘅果然係唔同啲😍😍菜心好新鮮,而且唔會太老,食完燒味加多個菜係感覺健康啲既總體黎講我覺得永合隆既燒味係高質,我要為你平返一次 繼續閱讀
(以上食評乃用戶個人意見 , 並不代表OpenRice之觀點。)
等級1 2019-06-06
655 瀏覽
本身以為佢老字號仲生存到,應該都有料到,點知⋯⋯叉燒又乾又鞋,仲要硬到石春咁。燒肉又肥,皮又淋曬,唔係話要24小時脆皮,但係都俾返少少咬口。燒肉連皮食就好似食蒸包唔記得搣走個張底紙咁。飯又煮到爛曬。例湯要加$10,話豬肺菜乾湯,但係我只係見到豬骨同菜乾,仲要飲落有豉油味。係咪倒瀉左野落煲湯度?其實,唔好浪費食材,$70一碟飯+例湯,咁ge價錢,大把更好更抵食ge選擇。預期咁花成本地浪費食材,不如環保d la 繼續閱讀
(以上食評乃用戶個人意見 , 並不代表OpenRice之觀點。)
等級1 2019-05-02
805 瀏覽
行過搵飯食 見好耐冇食燒味 入店試試 一見餐牌 50-60蚊一個燒味飯 諗住好食都冇所謂 我食既係叉燒燒鴨飯 點知 叉燒又干又硬又瘦 味道唔掂 燒鴨唔香又干 個飯冇咩汁 如果要係依個飯上面加一個價錢 我希望係20蚊 (冇野飲) 繼續閱讀
(以上食評乃用戶個人意見 , 並不代表OpenRice之觀點。)
等級3 2019-04-03
825 瀏覽
話說早排同朋友見面佢話帶我去食一間好好食既燒味飯話係老字號,一於去試下啦!位於📍太子砵蘭街392號永合隆飯店雖然外表同內裡都好舊但就因為咁先有舊時原有風味我地下午2:30pm左右去到,可能平日關係唔算多人燒肉切雞飯 $50燒肉件件都好有層次外皮香脆,肉質鮮嫩,好正切雞配姜蓉無得輸乳豬叉燒飯 $50聽講此店乳豬成日好早售罄我地幸運地叫到👏🏻乳豬皮薄又脆,咬落去d肉裡帶汁一d都唔乾身叉燒肥瘦分佈好平均而且叉燒d汁好入味,真係餸飯食一流 繼續閱讀
(以上食評乃用戶個人意見 , 並不代表OpenRice之觀點。)
等級2 2019-03-27
624 瀏覽
今日來到太子,原本想吃餃子的,但是太多人,因為趕時間,於是放棄,行下附近仲有乜好食,見到呢間燒臘飯店有我偶像"周潤發"到此一吃的照片,諗住應該唔差掛⋯⋯ 點知入到去坐低都冇人招呼,之後要叫:阿姐唔該唔該。先至有人問我食乜,因為我阻住佢同其他人吹水,所以佢好似有啲嬲嬲哋⋯⋯ 我叫咗碟燒肉叉燒飯,啲飯到咗之後,發現啲叉燒乾到好似柴咁,啲燒肉全部都係肥肉,而燒肉皮係咬唔開嘅,啲飯都係不熱的,豉油都只係得幾滴咁,咁樣可能健康啲,唔係糊仔飯已經多謝晒啦,跟住我想要碟芥辣,跟住佢就咁比一包芥辣我,碟仔都唔比隻我,我想要隻碟仔但係佢冇理我,我唯有就咁搣開包芥辣淋落去啲燒肉度!呢碟燒味飯要$60真係完全唔合格,品質仲差過一啲連鎖快餐店,但係人哋價錢俾佢平仲有嘢飲喎!跟住我隔離有啲人似乎係熟客,一來到坐低飯都未叫,即刻有杯茶同埋有一隻碟仔俾佢,我先至發覺除咗碟仔之外,我茶都冇一杯招呼,而佢嗰碟燒肉飯似乎係正正常常都幾好喎,跟住我發現原來周圍大部份都係熟客,睇嚟呢間野只係做熟客生意已經足夠,我呢啲生客似乎唔係好在乎,算啦!我都唔會再嚟幫襯㗎啦!唔知"周潤發"係唔係熟客呢? 繼續閱讀
(以上食評乃用戶個人意見 , 並不代表OpenRice之觀點。)