永利粥店 (已結業)

星期日 o係 荷里活 睇完早場，11am 散場，懶懶閑咁搵地方食早餐。大部份商場鋪頭都未開，所以用OR apps睇下附近有咩好食，早早地不如食個粥啦。見到永利的食評全部都係"笑面"的，所以就黎左呢度開飯。兩支公叫左:皮蛋瘦肉粥 - 粥底綿勁多料，正。腸粉 - 雖然唔算滑，不過粉漿好夠米氣，食完要encore~炒面 - 一樣好大碟，香爽而不膩口。如果再多些少芽菜就 perfect. 炸両 - 麻麻地，如果你鍾意脆卜卜的，這絕不是你杯茶，因為包炸両用的油炸鬼唔係新鮮炸，好難咬，趙到我口較軟 ( 個人喜歡淋中帶些少脆的) 蘿蔔糕 -粉的比例多，實左些少，間唔中都會食到蘿蔔絲。全店飲品得豆漿一味，我地冇叫。見到好多人外賣咸肉糭，個市咁旺，相信唔會差得去邊。姐姐們好細心，主動俾兩個碗我地 share食，佢地同客人有講有笑，加上其粥品，腸粉同炒面又俾我食返細個的風味，所以成個感覺都好溫馨，哈哈!!雖然地點係幾隔涉，不過定價幾經濟而且冇將貨就價，如果你有心支持小店反大商場monopoly, 呢間粥店絕對係值得你去試下的，推!!

今朝去左永利食粥...當初睇到open rice 既食評咁高，對呢間粥店好有期望...結果果然令人滿意...呢度既粥算唔得上好綿，但好足料，相比集團式經營既食店味道更好，價錢更加相宜..叫左碗艇仔粥..入面有豬皮、魷魚、花生、碎牛肉、炸粉絲...d牛肉比例相當多，食落好有口感...其他野都好有口感，相當唔錯..朋友叫左碗豬紅瘦肉粥，但略嫌味道鹹左少少..口味重既人可以一試~ 另外腸粉亦好正，即叫即整，雖然唔夠熱，但個皮夠薄又滑...真係唔係度度都食度~~ 叫左3樣野都只係%36..雖然環境同衛生情況真係一般，不過味道搭救，下次絕對值得再黎...宜家想搵d地道既粥食，真係要去呢d規模細d既粥店先可以滿足到~~

晨早起床很想食粥和腸粉,便出發去永利,去到時只是一般多人.點了: 碎牛粥 - 12元, 多料, 粥底很綿, 不像其他集團式粥店, 攪兩攪便變水, 又便宜, 又好味. 腸粉 - 7元, 是在店面即做的, 當然軟滑, 再加上秘制豉油, 無得彈.食物有水準,但地方不要有要求,店內細, 食飽飽後便要立即離開,讓坐其他食客,免影響做生意.

琴晚睇完波,今朝1起身想食粥,就去左依間野食,叫左個皮蛋碎牛粥同芋頭糕,皮蛋碎牛粥-料多夠熱好好味芋頭糕-雖然係大大件,但係太多粉,如果多d芋頭就好

其實我去吃過很多次，令我印象最深刻的就是粢飯。他用的飯很香，而且很熱噴噴的。裏面有油條，榨菜，肉鬆。配合得剛剛好的，味道很不錯哦！！！這實在是值得推介！！！不過不好的是，他只做上中午，而不做晚上。這實在是太不合理了!!!!!!

細個去親聖母醫院, 都會去食呢間粥店 ~因為係對面, 近~5年無去啦~今日再去, 叫牛肉粥同艇仔粥, 水準依然~好好味, 好多料~一碗12元, 好便宜啊~環境不太潔淨~服務幾nice, 不過會有病人來用膳~因為對面係醫院..上菜好快, 不用3分中~!!艇仔粥: 我最中意, 因為有好多料, 有豬皮, "由"魚, 牛肉....好好味~!!牛肉粥: 係生的牛肉放洛好熱的粥整熟~好味~!!兩碗都好足料, 比出面食的少味精味, 一個人食一碗都好full 啦~!!

呢排想食粥..加上朋友介紹呢間..特登黎到黃大仙食早餐*差唔多9點幾..係mtr行上去果條路都幾斜下-_-見到店內都幾多人,,好彩仲有個位坐//我叫了1碟炸兩+牛內粥..炸兩內裡的油炸鬼幾脆..加上腸粉皮幾滑..但係豉油我覺得多左d~牛肉粥粥又唔會好稀..d牛肉唔會散/碎哂咁係粥入面..而且好多牛肉xd走時仲有得睇拉腸粉+炸油器

朋友仔唔慣食好好粥麵的粥, 鍾意食返舊式粥舖的粥底, 離屋企最近的舊店就係永利發覺水準高了 牛肉粥 ($12) --今次真係足料牛肉, 唔會撈埋好多炸粉絲--雖然係碎牛, 但碎牛都搓到一舊舊沉係碗底, 唔會像以前又散又碎像溶於粥裏 蒸蘿蔔糕 ($7) --雖然話係臘味蘿蔔糕, 但今日一舊臘腸碎都唔見--今天質感較實淨, 好食好多, 唔似以前咁稀溝咁多水--每一啖都食到蘿蔔絲--以蒸糕來講, 今日的質素係食過咁多間粥舖最好的

若唔想食豐富的full set早餐, 就會去永利買包炒麵攞走 ($7), 自己再加少少甜醬會生色不少麵份量多, 有少少椰菜及芽菜通常都是暖暖的, 不夠熱炒得頗乾身, 不會太油這兒勝在人流多, 食物去得快, 確保新鮮

在google map上看到永利粥店, 原來就在本人母校隔鄰。 可以說, 我是吃永利的粥水大的。 雖然唔係openrice我都唔知道這家店的名字跟我最喜歡的地方一樣~ 永利有售的, 只是那不花巧的老味道, 以及那價廉物美的精神。 這裡的有味粥底不錯, 白粥更又香又甜~ 當然我有幾何吃白粥呢? 在這裡, 皮蛋碎牛粥才是我的最愛。為食起上來, 食隻糉都仲得呀~ 永利的糭糯米夠黏, 又夠肥豬肉, 蛋黃也夠鹹香, 不錯的哦!一碗有料粥, 加一碟蝦米腸, 才十多元。 是附近至抵次選。 我讀書果個年代至抵首選的十二蚊車仔麵已經冇左影了。

對這間簡陋的粥店,有很深厚的感情以前因為近學校同屋企的關係,我真係可以話係由細食到大架!係堂食定外賣都好,一日起碼都會有一餐食佢架,果到個姨姨一見到熟面口的客人,就會同你嗲兩句,幾開心架!由於我由細食到大.都真係睇住佢一路慢慢加價,無法啦,依加咩都加啦,雖然貴過以前,不過比起其他粥鋪,永利真係好抵食架喇!!!依加都已經搬左屋同畢左業喇,有時都會突然懷念果到d野食的味道架!!所以我去親附近都一定會去幫襯!!最值得介紹的係蘿蔔糕,當然幾蚊一大舊,就真係唔好期望會有臘肉不過就係因為佢無乜臘肉,就岩晒唔食肉的我,唔洗揀泥揀去,油油地,好滑好岩我胃口,連平時無肉不歡的媽咪都一話,唔介意無肉最緊要好味道!!此外,白粥同炒米粉都係我一定會叫ge,白粥唔算係好綿,因為應該唔係落好多米煲,但係佢就另一有番風味,唔同其他白粥,唔通落左d腐竹煲ge?同時都食得出,沒有落味精炒米粉呢...唔係話好味得好緊要,有時都會無啦啦咸左d or 乾身d,不過又大碟又抵食又夠香口,真係唔錯架!!

六月一日(日)因尋日先食完buffet 今日想食番d清淡d ，所以就去左食粥，尼間粥舖其實水平算係幾好，粥同海皇尼D應該分別不大，但料就足好多～皮蛋牛肉粥牛肉唔會好似得一舊炸粉絲咁，比瘦肉粥油，牛肉味道OK，但因組合不夠皮蛋瘦肉夾，這裡來說個人認為皮蛋瘦更出色～皮蛋瘦肉粥最經典粥款，尼度黎講整得好好，皮蛋一般貨式，瘦肉不鞋且較滑，廋肉配合上皮蛋及粥的組會實在太好～炸腸因為流量及不上海皇，油器很多時放時間較長，炸腸裡的油炸鬼都過了氣較淋，不像海皇有機會吃到脆身炸腸～ 還有豆漿，豆腐花等吃，不知味道如何～　有機會再試～

近年舊式的粥店已「買少見少」，而大集團式的粥店則越開越多，實在令人十分懷念兒時吃粥的風味。屋企附近已沒有傳統粥店，只能走到最近的雙鳳街才能找到。難得找到一間，就算要花5元乘小巴前往，也決心一試。是日是星期六上午十時多，店內已坐滿人，等了一會才有位坐下，馬上點了兩碗碎牛粥，一碟炸兩。碎牛粥的料很多，基本上每一啖也可吃到牛肉，但吃了數啖便感覺有點怪怪的，原來碎牛內加了「果皮」。老實說，我也是首次吃到有果皮的碎牛粥，而且其出現的次數不少，大約吃五六啖便會出現一次。我不知道碎牛內加了果皮可以產生甚麼效果，但這種時不時出現的果皮味，令我吃得不太自然。炸兩內的油條還有10%脆，起碼好過0%，油條屬於厚身，腸粉皮雖不算薄但尚算滑。在沒有叫「少豉油」之下，豉油的份量也剛剛好，因為吃炸兩不可太多豉油，因為油條會吸了大部份，便會變得不脆及太鹹。店內阿姐的服務算ok，只是地方太窄，如果坐在通道邊，會被阿姐那塊千年圍裙，與你發生「肌膚之親」。雖然此店質素不算差，但我想我未必會翻兜此粥店了。

第一次見到永利, 都無想過會入去食, 因舖頭太殘舊了, 但朋友食過後不斷推介啊, 粥底夠綿, 少味精, 價錢又抵, 好食過連鎖店好多結果一放假便去食早餐, 最鍾意叫炒麵及蒸蘿蔔糕, 用來送白粥朋友最鍾意食牛肉粥, 足料嘛, 好多牛肉試過皮蛋瘦肉粥, 皮蛋不夠多油器每天新鮮自己炸的, 腸粉皮亦自己做, 水準不錯最好早上去, 因人流多(堂食及外賣都多), 食物去得快, 炒粉麵及蘿蔔糕會密密補上, 夠熱始終是舊式老店, 要忍受環境不夠乾淨, 且店員往往記不牢客人點了什麼

呢間永利粥店... 每次經過都好懷念.因為以前讀中學時, 每逢冬天既lunch一定黎食.印象中d油器好食. 皮蛋瘦肉粥係我至愛.腸粉都正.price is reasonable.um... 總之覺得好有親切感.都好耐冇去食啦... 但點都支持下佢.俾個笑臉佢.