水門雞飯 (豉油街)

營業中

休息中

無得去泰國成年，當然要試試水門雞飯黎感受下，旺角原來開左間水門雞飯，咁我一向都有食開雞飯，但見到今次水門雞飯開左分店咪黎試下。 見到水門雞飯都算大碟，其實我好鐘意食佢個飯，有油香的同埋雞的香味都係好吸引，都係抵食推介。所以我覺得呢次水門雞飯都係好體驗😍😍

聽朋友推薦這家海南雞飯，試吃一下，食物味道還可以，但是店員非常不禮貌，態度惡劣，每個店員都感覺MK仔的感覺。應該不會在光顧了，雖然味道還行，但是吃完很不開心。太可怕了！

黎過好幾次分別試過水門雙拼雞飯，船麵同其他主菜，船麵味道非常好但份量可以多番少少(面底太少)，雞飯味道亦ok但炸雞幾次都不夠熱，辣肉碎煎旦飯食過2次1次滿分但另1次味道keep吾到水準同隻太陽旦煎到熟哂同乾哂，希望可以保持番水準，奶茶亦很香濃夠滑，整體食物是滿意的!至於服務真係有点反感同失望，落單位哥哥佢亦有做收銀(短髮帶眼鏡同手皮膚有一撻撻紅色个位)，落單時口黑面黑講野語氣極不禮貌，叫人check單又好似好吾順咁飛个單夾，希望呢位哥哥可以尊重下客人同反思下，客人不求皇帝式服務，只係正常就可以!!anyway，隨左服務(个位哥哥)整體是滿意的!!

野食出色，件海南雞可以見到有層好靚嘅骨膠原啫哩，不過員工質素差，有位戴眼鏡短頭髮係阿叔嘅員工，我同男朋友啱啱先開始食野未走，我將條飲管嘅透明膠包裝擺飲品同手機後面遮住咗，放到咁隱蔽都照從後收垃圾，好難唔令人覺得店員係想𥄫女客人身材，條申我已經係著普通短版T恤加長到膝頭對上嘅短裙，冇露胸冇露肚臍，咁都要𥄫🙄，加上聽到成班員工討論一個請假嘅員工壞話，個阿叔話人哋特登落藥毒到自己隻貓嘔血嚟做藉口射波，唔理件事係真定假都好，聽到都覺得講得出嘅人好冇人性，直接影響客人對餐廳嘅形象，如果個位阿叔員工睇到想同佢講返，如果唔想俾人講就管好自己d行為

跟朋友於百老匯看完早場，旁邊正好有這間泰國曼谷水門雞飯專門店。其實入座時間很早約十二點，店內已經幾乎滿座，及後更要排隊呢。 水門雙拼雞飯 - $64 泰式海南雞雞肉已預先拆骨，雞皮和肉間連著少許脂肪，肉質非常嫩滑，好有雞味，另外的炸雞炸得油而不膩，入口酥脆，兩者沾上醬汁更惹味；油飯香味四溢，有雞湯、香料等味道；冬瓜湯以雞湯為基底，超重胡椒味，入口有少少辣，好清新。 鳳尾蝦炒金邊粉 - $78 有四隻已去殼的鮮蝦，肉質飽滿爽滑彈牙；幼滑的金邊粉炒得夠乾身入味，充滿煙韌彈性，拌著豆乾、芽菜、韮菜等等，還有花生碎和辣椒乾碎拌和，酸甜辣味好突出。 豬肉串燒 & 雞肉串燒 - $52/4串 那惹味濃郁的沙嗲醬是精華所在，味道甜甜的，又帶點花生香味。串燒燒得兩面微黃，肉質軟嫩不乾柴。 泰式奶茶 鮮製泰國手標紅茶，茶色較厚重，味道濃而不澀，充滿甜而不膩的奶香味。 泰式咖啡 泰式喜歡加入煉乳，咖啡的奶香濃郁，加入冰塊又不會太甜膩。 

-{黃店💛泰菜水門雞🍗}今次同朋友食泰菜😉黎到新開嘅分店 叫左兩個lunch set加個小食😆🤤水門雙拼雞飯🤤 ($64)一年前食過覺得炸雞好食啲 一年後認證左係真嘅😂水門雞可以滑啲 有啲普通👀反而炸雞入面好多汁 另點個豉油都好正🤩不過個飯冇乜味😌👖褲評: 5.5/10🤤鳳尾蝦炒金邊粉🤤($78)蝦有4蝦 唔算大隻不過幾有蝦味亦幾彈牙 個金邊粉炒得啱啱 幾香口🥳👖褲評: 7.3/10🤤泰式腩仔🤤($48)半肥瘦勁香油脂味😝個皮好脆口 配埋個汁有啲酸辣味好惹味~👖褲評: 7.8/10環境窄啲 食物質素幾好~去旺角食飯又多個選擇喇😜性價比: 8.5/10服務: 8/10環境: 7.5/10🚩水門雞飯🚩地址: 尖沙咀金馬倫道18號萬勤商業大廈地舖旺角豉油街21C號地舖大埔汀角路11號地舖

咁多間海南雞飯真係唔知從何入手咁就先搵左分店比較多既水門雞飯做入門裝修到冷氣溫度都非常泰式,即係唔夠凍,笑30幾度好難要求佢變雪房既,不過飲返杯佢既冰沙就即刻降到溫,真心涼！尖沙咀分店長期排隊,旺角就好少少,當日7點幾只排數分鐘就安排到位!店員都有好有效率！服務態度亦好好！落訂單後先上飲品，即時解渴先！再黎就係雞飯同湯河上菜要炸既雞翼就最後先上！海南雞飯雞夠滑，但就咁食個味道偏淡，點返少少佢比既醬汁食，味道豐富好多！雞肉唔肥，但都做到嫩滑質感，唔錯！另外送上一碗雞湯，飲到濃濃既胡椒味，平時既只係雞湯！佢係胡椒冬瓜雞湯～油飯方面，泰國米加香料煮，食落爽身唔油膩，入口淡淡香氣散出黎炸雞就唔得，唔係即炸，預炸放耐左，唔脆身～雞肉亦唔滑湯河有驚喜,湯色深,飲落夠燙口,河粉條唔怪佢,來貨碎左d個湯底好夠味,濃郁鮮甜,救返成碗粉,肉丸同牛肉片就係無乜特色,係牛肉夠大片,但熟左少少炸雞翼,夠脆身,即炸,咬開有肉汁,本身亦夠味,唔洗另外靠醬汁泰式檸茶加冰沙,夠解渴！

餐廳：水門雞飯 (旺角)地址：旺角豉油街21C號地舖跳完舞同朋友去咗旺角嘅泰國菜黃店💛——水門雞飯食晏，旺角分店開咗幾個月，中午時間無論堂食定外賣都有好多人排隊等咗大約5分鐘就有位，餐廳座位有啲逼，位同位之間無咩空間，所以想同朋友傾吓偈就無咁方便🙈每日嘅1200-1500有午餐供應，每個餐仲送冬瓜雞湯同飲品，除咗沙冰之後其他飲品凍熱都唔洗加錢🧋，主打泰國菜嚟講都算幾抵食👍水門雙拼雞飯 $64雙拼雞飯包括炸雞同招牌泰式海南雞🐓，海南雞用咗走地雞，肉質都幾嫩，不過雞味唔出，雞肉已經起骨同去皮，食起上嚟好方便😎；炸雞有少少皮肉分離，食落香口，蘸埋餐廳嘅秘製醬汁食就會較為惹味；雞湯胡椒味比較重，有陣陣鮮雞香，飲落有啲搶喉，未必個個人受到🤪泰式豬手飯 $62豬手份量唔算多，一半肥膏一半喺肉，豬手炆得好腍，豬手皮咬落有啲即溶嘅感覺🤤，醬汁略為濃味，用嚟送飯就一流馬拉盞西蘭花炒魷魚鬚 $68平時就咁食烚菜對好多人嚟講無味又唔吸引，不過加入馬拉盞去炒就令到西蘭花色香味俱全😍，加入咗蒜蓉、辣椒🌶️、豆瓣醬等配料，食起上嚟鹹香微辣，魷魚都幾多幾爽口🦑飲品就叫咗杯泰式咖啡同香茅特飲，唔洗加錢就有成杯珍珠奶茶咁

疫情大家都去唔到泰國，有啲可惜。不過，旺角開咗水門雞分店，價錢抵食，人氣旺盛。 鐵製枱櫈同餐廳嘅簡約裝修都非常有泰國街頭風味。水門雙拼雞飯 $ 56肉身非常白，亦唔會乾身，仲去咗骨 。如果肉質更滑身，就會更吸引。而另一款係炸雞，唔係即炸，口感偏乾，帶點微温。 油飯感覺唔會太油膩，唔係一般黃薑飯，係帶香濃蒜味。秘製醬汁酸酸辣辣，非常開胃。附送埋胡椒冬瓜湯🍲白胡椒味重，飲完唔太解渴。雞肉串燒兩串$28、豬肉串燒$14肉質比較乾身，但沙爹汁夠香濃，仲有少少花生醬喺入面，幾惹味，連送飯都點埋沙爹汁。 蟲草花燉雞腳 $42燉湯幾足料，有2、3 隻雞腳同埋豬肉粒，有住家湯嘅感覺。如果再減少油光，就更加健康。馬拉盞西蘭花炒魷魚鬚 $68幾有鑊氣，西蘭花份量唔少，亦唔會太硬身。魷魚鬚幾爽口入味。菠蘿冰 $26雖然菠蘿味道都突出，但係從飲料嘅顏色睇，見到非一般嘅黃就知添加左唔少色素。冰溶得比較快，整體偏甜，唔太自然。下次決定試返椰青。旺角豉油街21C號地舖港鐵旺角站 E2 出口, 步行約4分鐘

本來老公喺旺角想去返居酒屋黃店搵食晚飯，但我記起有另一間黃店想試，立即就黎左。其實我哋食開九龍城一間泰國餐廳，但老公嫌坐得唔舒服，坐位太窄黎到呢間座位寬敞好多，但食物種類比九點城少，不過有不同選擇，當然首選佢嘅雞啦我哋點左半隻雞，泰式通菜，雞翼，豬頸肉同生蝦，另外青檸梳打，椰青同芒果糯米飯食物質素都唔錯，我地唔食飯所以全部係餸但我要講係職員細心我食完生蝦刺身因為對我太辣，職員見狀問我需要甜豉油嗎我唔好意思say no

水門雞飯 （$62）水門雞略嫌唔夠嫰滑😛不過油飯食落幾香口，而且份量都好多～ 撈埋雞醬好開胃😋泰式香辣撈金邊粉（$56）牛肉軟腍而且夠入味，牛丸爽口彈牙🤩配料仲有洋蔥、芫荽同花生等，令味道更加豐富🥳食落都開胃惹味😋雞肉串燒（$26）串燒外層燒得幾香🤩肉質有啲乾，不過個沙嗲醬真係冇得頂🥳 點埋黎食加左唔少分！凍泰式咖啡（跟餐免費）咖啡賣相唔錯，層次分明😍味道奶味濃郁，咖啡味都幾特出，飲落幾驚喜！凍泰式奶茶（+$10）小編食親泰國野都一定要飲番杯Thai tea😋飲落口感順滑，唔錯呢！

一早係ig見到大家瘋狂推薦嘅水門雞飯 價錢唔貴所以我地就去試下😙店面裝修超簡約 鐵凳有多位 好有泰國隨意風🤣呢到效率好快 冇幾耐就會有兩碗胡椒冬瓜湯送上來 胡椒味偏重 但係啱曬重口味嘅人😆🍛水門雞飯💰54水門雞飯身為特色我地梗係要食！水門雞飯有伴隨有薑嘅醬汁 撈得多會有小小辣🥵但係雞件全部無骨 切得好幼好細 食起來好方便😙飯量我自己食一半就夠 男仔可能會有小小唔夠🤏🏻雞油飯唔會太濕潤 可以接受！🦑原隻燒魷魚（2隻）💰45原隻燒真係好大兩條🤣有一個類似蒜蓉辣醬嘅醬汁 點完真係超級辣🥲但係燒烤味濃 好惹味！🥗木瓜沙律💰48其實呢到全部嘢都好辣🤣青木瓜口感爽脆 入面仲有四季豆 腰果等 但係可能個人口味未習慣 食耐左覺得味道太濃烈🧋泰式奶茶💰22匆忙冇影到泰式奶茶 呢到係用紙杯裝住好大一杯 抵飲！環境來講大家可能會坐得迫左 但係真係有熱鬧嘅感覺 來到旺角可以不妨試下😉

冇得去旅行，好掛住泰國嘅嘢食，放假終於去試咗水門雞飯嘅旺角新店。水門雞飯 $54雞肉幾嫩滑，我哋冇轉雞髀，肉質都好好食，配上惹味嘅辣椒豉油，好食。飯係油飯，幾香。雞飯配埋一碗清湯，胡椒味好重好香。鳳尾蝦炒金邊粉$78大蝦爽口彈牙，配料仲有爽口芽葉同埋豆腐卜，金邊粉炒得好香，有啲小紅蝦，幾惹味，炒粉味道帶點酸，伴入花生碎，一點點辣粉，再加入青檸汁，好開胃。泰式腩仔$52腩仔外層炸粉薄薄，金黃酥脆，腩肉肉質鬆軟爽口，肥瘦適中，油脂嘅香實在吸到人，沾上惹味酸辣汁，好好味。跟餐飲品方面，我哋揀左泰式檸茶同埋芒果冰（+8）。天氣熱飲杯凍飲幾舒服，如果芒果用埋真芒果肉就更好。

這間水門雞飯我成日都食，這次開到旺角，當然要去食下啦!餐廳基本上晚市時間每日都會排長龍，不過通常都好快就有位!餐廳裝修跟在泰國的差不多，都是很簡約!餐牌上除了有水門雞飯，也有麵食、小菜等可以選擇!水門雞飯，來到這裡當然要食招牌水門雞飯，飯是油飯，好有雞的鮮味，雞肉冇骨而且嫩滑，再點上附有的辣醬，特別惹味！再配上冬瓜湯，食完成個飯可以沖去辣汁的味道！金牌胡椒豬什粉，第一次食雞飯以外的食物，這個湯粉估唔到咁好味，湯底是非常辣的胡椒湯，非常驅風！餸菜包括有豬腸、豬潤、肉碎、炸豬皮，全部吸收了湯的味道十分惹味！麵底有幾款可以揀，而我揀選了河粉，河粉比平時吃的闊身，非常掛湯!泰式炒通菜，他們的炒通菜好有火喉，很熱之餘都幾辣，味道很惹味！鮮檸梳打，熱辣辣飲返杯不會好甜的青檸梳打，很解渴！菠蘿冰，很香菠蘿味，味道不算太甜，很透心涼的飲品！

$54 + $10 雞雜整體來講都ok 雞都算滑，係雞胸有少少嚡雞雜普通鍾意佢個汁，有辣椒同薑飯淋咗少少湯好重胡椒味飲完個湯，依家好口渴😑下次會試埋其他菜式食完已經好多人喺門口排隊