水門雞飯 (豉油街)

營業中

休息中

冇得去旅行，好掛住泰國嘅嘢食，放假終於去試咗水門雞飯嘅旺角新店。水門雞飯 $54雞肉幾嫩滑，我哋冇轉雞髀，肉質都好好食，配上惹味嘅辣椒豉油，好食。飯係油飯，幾香。雞飯配埋一碗清湯，胡椒味好重好香。鳳尾蝦炒金邊粉$78大蝦爽口彈牙，配料仲有爽口芽葉同埋豆腐卜，金邊粉炒得好香，有啲小紅蝦，幾惹味，炒粉味道帶點酸，伴入花生碎，一點點辣粉，再加入青檸汁，好開胃。泰式腩仔$52腩仔外層炸粉薄薄，金黃酥脆，腩肉肉質鬆軟爽口，肥瘦適中，油脂嘅香實在吸到人，沾上惹味酸辣汁，好好味。跟餐飲品方面，我哋揀左泰式檸茶同埋芒果冰（+8）。天氣熱飲杯凍飲幾舒服，如果芒果用埋真芒果肉就更好。