水記

營業中

休息中

12:45pm黎到條隊尾唔知係邊，迷茫之際哥哥仔直接問我地幾多個，唔駛5分鐘就有位坐。未食就感覺到哥哥仔既友善，未食過「牛沙瓜」就請教佢係咩黎，好nice仲好不嫌其煩咁講清楚比我地識，但最後解完都話比我地知原來平日黎要11點先有機會食到，好可惜，只好等下次啦!我地叫左一個牛雜牛丸河同一個牛腩河，份量女仔好足夠，大食啲野男士可能會唔夠食，湯底好濃好夠味，河少亦好滑身。牛腩 - 好淋好入味牛丸 – 首先唔好以為佢係果啲深啡色好多fibre既新鮮手打牛肉，反而佢會似貢丸多啲，但都好彈牙同唔會好似機打咁滑到冇texture，不錯吃牛雜 – 每樣都好似係得一舊，好食既會覺得唔係好夠喉，但咁多款之中, 牛腸可算係最出色，乾淨冇味之餘又淋又入味，一絕，必吃 另外單點左個炸零吞同油菜炸雲吞 – 好脆，但我嫌佢個皮既鹼水味過重，唔係好食得鹼水既人要諗諗先，但係我地去到已經係最後2碟，可見亦係受歡迎之選油菜 – 米話佢平平，好嫩冇渣之外仲好夠淋，就算老人家食都唔成問題若你自問係牛魔王/鍾意食雜既，好推薦你去一試，但想試到少有既牛沙瓜同爽腩等就唔該11點好去到啦! 唔算多枱亦預左peak hr食完就要鬆人，

儘管大家說米芝蓮伏味甚濃，但佢就似名牌一樣，呢個系列唔靚，都大排人跟風潮聖，總是令人期待。我都一樣，睇左米記好一段時間，當中有伏有唔伏，咩都試過。但有一樣野我覺得永遠冇好既就係牛腩麵鋪。佢黎黎去去都係推1）九記牛腩，2）華記清湯腩，真心鍾意食港式牛腩點會去呢度，港島區又點只得佢地，我的首選必定係呢間中環水記。黎呢度，食爽腩同牛什就最好，牛味濃肉質又唔鞋，今次先介紹牛什麵。食清湯牛腩/什，最緊要係個湯底入唔入得口，出面好多都係落勁重味精，食完又鹹又口渴，根本唔係人食到的味道。呢間你會食到好濃郁的牛骨湯底，但睇落又好清好乾淨。係呢個凍冰冰的日子飲呢口湯，特別滋味！佢個麵條亦非常彈牙，浸住湯吸收左牛湯味又唔會變軟，非常好👍🏻係街食內臟其實好鬼驚，最怕唔乾淨，尤其係腸，呢間你會見到所有內臟新鮮又乾淨，仲要呢間的是肥牛腸，脂肪香又有彈牙口感，唔會係啤到霉，正野！細細碗牛什麵，你睇到既係簡單野，但食到既係全部係心機野，比起出面的味精牛，呢度的清湯牛更是出色百倍，只能說米記還欠你一個推介。

4點去到，話淨返一碗腩，河粉都賣曬。我即刻叫返個雙拼，我覺得佢既牛腩係清湯腩，無乜肥脂，但有啲un ，要咬幾耐下。無想像中咁多人話好味既感覺....不過雙拼黎講個份量係足夠既，起碼佢係俾一份你，唔係好似出面果啲半份半份當雙拼。不過啲雲吞好普通，都係果啲啦。收口位有啲硬。蝦係爽既，無乜豬肉餡，無乜調味。我朋友就話佢個湯底好正，不過我飲完係有啲口乾的。中環實在太多選擇，我應該唔會再去，試過就ok咖啦。。

下午四點半，小貓三四隻一坐低，D枱突然坐滿哂望住條街有南記，有大排擋唔駛講，立馬選舉水記見到menu有炸魚皮，炸雲吞，口水都流埋點知阿哥話炸品賣完牛腩亦賣哂只可選牛雜為免牛雜都無埋，緊係即刻要好正好乾淨嘅牛腸😍😍河粉都正！

以前在中環上班，很喜歡到這家又好吃又價格相宜嘅麵檔食lunch. 數年前轉工之後，就甚少過海，很想念這裡的美食呢！最近兩星期的星期六都到中環辦事，當然要兩天都要到水記回味一番！不是太早去到，都沒有牛沙瓜了，我從來都未食過... 兩天都點了爽腩河，湯底牛味香濃，爽腩煮得腍，超好吃的，是我吃過最好的腩河！想吃炸魚皮，都賣晒了，改點炸雲吞，都十分脆！ 餐桌和椅都在斜路上，第一次去的話會看似坐得不舒服，但確有一番港島老舖的風情。我就很喜歡呢！下次過海會繼續來光顧水記！

以后周六也有的吃了哦，tvb的节目介绍采访，中午的时候，斜坡上坐满晒人，感觉需要扎马步才能坐稳，点了个牛腩河，牛腩切的挺厚，不会太软烂，汤底偏咸；炸云吞，云吞肉好少，之后来了两位阿姨，听她们说这里的爽腩很好吃，可惜才12点多已经卖晒

Came here in the morning for a snack when there are the least amount of people. Ordered a bowl of beef brisket noodle. If you are looking for a comforting bowl of beef noodle that can bring some local street food culture this will be the place. Don’t expect the service or the cleanliness of a restaurant but the food is definitely something that will warm your belly.The beef was really good tender with a chew. Basically anyone that come to this stall orders their beef noodles. The meal was qu

如果話中環嘅大排檔，勝香園啊、裕興大家都耳熟能詳，其實呢間水記牛腩都相當有名，有幾十年歷史嘅水記一直以牛腩為主打，好多人食過都讚好食，亦有好多人會將佢地嘅牛腩同九記比較，各有捧場嘅人。另一道招牌 - 即炸雲吞，亦都好受歡迎今日喺中環呢邊，諗住重溫一下味道，星期六下晝時間，黎到有點遲。因為佢地11點就開，所以想食嘅野都已經賣完 - 即炸雲吞、牛爽腩。佢地環境真係一般般，喺條斜路仔，枱櫈都係斜的，所以食嘅時候都唔能夠太過放開。加上當日後面有小工程，工程車就喺後背，我地急急腳食完就走。不過無論呢啲老店環境係點，都依然咁多人幫襯，自有佢嘅魅力。因為想食嘅已售罄，咁簡單啲，一人點左碗麵，一碗牛腩麵、一碗雲吞麵。牛腩麵、雲吞麵賣相同以前嘅都差不多，牛腩睇到都係四件左右，就唔會話好多。雲吞麵都係一般，雲吞冇蝦，有豬肉，口感唔係好實淨，散散地，唔覺得好新鮮。麵質唔算好彈牙果種，偏淋身，湯底偏鹹，有少少杰杰地嘅，但鹹到完全飲唔落，整體係失望了。

先講好消息！水記開埋星期六水記咁出名，我竟然咁遲先試，真係..... 而且我掛住食，又好快食哂... 竟然冇影牛雜米.....唔熟中環既朋友，呢度唔易搵。坐位好簡單，就係大掛檔咁。臥虎藏龍，極品牛雜在此！solly冇相，文字介紹：乾淨新鮮，最愛牛肺！建議先試牛雜，飲一啖湯先加辣醬！雖然都正，只影左牛腩米牛腩牽手個人比較喜歡牛雜那張都係推薦之一嚟㗎 ，一定要事，不過記住先食牛雜，咁先食到牛雜嘅原味呀嘛！仲有食咗炸魚皮，入口鬆化

放長假第一天就來，電視常有訪問出街，話絕無僅有的牛腩麵，點都要來試下，鋪頭開11:00,我11:30到，點知話每天只賣2碗的牛沙瓜就剛剛比我早座下吾夠2分鐘的一對母女要左！好啦，只好叫我最喜愛的肥牛腩麵，點知話「肥腩呀？盡量比肥D你啦。」我最怕D瘦腩咬下去柴皮咁，再叫個炸魚皮，話系老闆自己做架，當然要食下啦。碗炸魚皮的確超脆口，超乾爽，超香口，的確一絕無得輸。碗肥牛腩麵，牛腩無乜肥膏，郤又超林，我喜歡，健康得來又超有牛味，似清湯腩，沒有半點油膩感，無比健康快樂。個麵底卻有小小雲吞麵的鹼水味，我個人不喜歡，朋友加了辣椒油，所從吃不到鹼水味。下次要早D準時11:00來到，要食牛沙瓜或淨牛腩。

今日返工心情唔好，中午已經諗定去最近好上哂電視既水記食麵，諗住博一博黎睇下食唔食到，又俾我咁岩入到去坐 一個人去食等左一陣😛好多人人山人海 食飯時間特別多人 。我叫左碗牛腩河粉 本身想食牛爽河佢話無...侍應都好有禮物雖然人多，佢話等十五分鐘😅無問題值得等的。環境雖然露天但好有風味。黎到啦，牛湯食得出無咩味精，好入味，成碗湯都飲哂😋河粉係用左我最鐘意幼身薄薄地既河粉,兩者加埋無得頂，牛腩就有小小唔太淋 但都算好入味 ，可能不食慣大埔果間，整體性價比極高，不過男仔應該唔夠食，係中環區食到好食又平既野真係好難得，加上老闆未退休我都可以試到呢間老字號，值得的👏🏻👏🏻

今日11點50分左右去到，已經8成位有人食緊，行入後巷搵到個位坐，不過因為有飯店做送飯服務，經常有手推車出入。一坐底當然要叫碗牛雜先啦，個人喜歡河粉配牛雜，貪佢可以吸埋啲味，配埋少少辣椒油，真係一流食完一碗，對於我呢啲大食嘅人黎講，真係只當開胃菜，唯有叫多碗啦。其實都只係12點2左右，牛沙瓜，冇；爽腩，冇；牛脆骨，又冇。最後叫多碗牛腩河啦，不過佢地啲牛腩比較碎，我唔太鐘意下次要再早啲黎，試哂佢地啲牛沙瓜，爽腩同牛脆骨

一套”東張西望”, 講左香港新鮮牛雜有幾窂有後，水記就更多人為左嗰一日得兩碗嘅牛沙瓜而黎。話說之前都有買開牛雜麵，但對牛牛部位唔太熟，只見每次lunch都要排長龍，價錢平民(直情係中環福音), 伙記又爽手又準，好難叫人唔encore . (因我宗旨係好好食先翻兜，但水記已每兩星期要食一次)同事十點九已到達，聽講伙記第一下係答冇牛沙瓜。係，十一點開，已經話你知冇。打算死心時，又話有一碗。外賣買番公司，十分鐘內已可打開都叫即時享用香香的，質感唔係爽，係有啲咬口，係人生第一次食牛呢個胃，佢第四個胃。好味嘅，好快就食完。但更應諗下，點解咁好味嘅香港特色野，要食都要咁難。喺中環，要貴要好一定有，但要平民地道又原味又回味，暫時諗唔到第二間。相前方係牛沙瓜，後面係牛雜。

多得電視的介紹，在中環除了懂得去soho區之外，真不知道原來威靈頓街裡面，還有一條街仔叫吉士笠街的斜路仔！看見電視介紹，僅餘的大排檔，每天都有新鮮的牛雜，我真忍不住流口水了！我愛吃內臟，小時候，我爸爸會帶我吃牛沙瓜！知道這店有得吃，還要賣完就無，更加令我一定要試一下！沒辦法在早上爭吃牛沙瓜與牛脆骨的緣份，只好點了爽腩！但可惜，賣完了！只好點了一碗牛腩雲呑！湯底很清甜、牛腩炆得非常之入味之餘，還要入口溶化，一點渣都沒有！再説雲呑，雲呑裡面其實全是豬肉餡料，但勝在不肥膩，雖然是雙拼，但已經飽到可以捧著肚子了！由於，實在太美味，忍不住在第二日再去賞試，我心目中的牛雜！嘩，我好久沒吃過，新鮮、無雪藏味道，亦沒有只用滷水汁一味蓋過牛雜的味道了！實在太感動，牛雜裡的牛腸，是沒有肥膏的！不得不提的，就是自家制的辣椒油，香、濃、辣得舒服！雖然，大熱天時坐在大排擋裡吃著熱辣辣的麵，身水身汗，但值得的！最難得雖然是大排擋，但你不會感覺污糟，而且尚算衛生！雖然舖頭伙計，不大注重禮貌，但係大家大情大性，有會為顧客介紹什麼是牛沙瓜或爽腩與牛腩的分別，已經是很難得的了！儘管唏噓，歲月不留人，老闆做到退休就不再有此

不夠膽說是什麼秘店，但說真識來的人並不多。 說牛魔王應來，絕不應該見怪，那一記牛沙瓜早已享負盛名，你不認識，只是你的飲食經歷，不是太多吧。 下午來到，沒有了牛沙瓜，只能叫第二最愛的爽腩。 爽腩是牛肚皮的附近之腩位，那橫隔膜附近的位，有滿載的牛味，而腩位又不太肥，像是身形漂亮瘦瘦的女孩，有小小一點性感的肚腩。 加上蔥花和辣醬，超香，搭上那幼麵，和腩位的粗糙，是相依相偎的依賴，令大家發揮極致自己的優點。 那一口的湯，是大量的牛雜牛腩煲左一段非常長的時間，連那口湯也是源遠流長的味。 久不久我就會想念這裡的味道，在炎熱天氣下，可能會人少一些吧，或者六月的牛沙瓜會更加平易近人，因為不用萬人空巷去爭吧，今天颱風的來臨等巴土等到傻了吧。 水記 中環吉士笠街2號牌檔